شاركنا بالكتب اللى قرأتها

[AirForces]

سلام عليكم

زى ما العنوان بيقول ممكن تشاركنا بالكتب اللى قرأتها وتدينا نبذة عنها وتقييمك ليها والكتب اللى ترشحها للأعضاء تقرأها ...

عن نفسى بقرأ حاليا كتاب سقوط اليسار لمصطفى محمود بس لسه مخلصتوش .. الكتاب ممتاز اكنه بيتكلم عن الواقع اللى بنعيش فيها حاليا بالظبط وصراع قوى اليسار مع قوى اليمين ..

[eslamrace]

بص من الروايات قريت "الحب فى زمن الكوليرا" لماركيز روايه حلوه جدا بس عيبها بس ان فيها توصيفات ممكن متبقاش متسقه مع طباعنا الشرقيه بس اجمالا روايه من اجمل ما قرأت . وفى برضه روايه "100 عام من العزله" لماركيز برضه بس معجبتنيش بصراحه .ومن روايات نجيب محفوظ "السراب" وهى روايه جميله واسلوبه فيها حلو جدا و"ثرثره فوق النيل " مكملتهاش بصراحه .
وحاليا بقرا كتاب "عزبه ابوهم" لنبيل فاروق واظنه كتاب محترم جدا وبصراحه انا بحب اسلوب نبيل فاروق جدا .
وطبعا من اكتر الكتب اللى حسيت انها فهمتنى حاجات كتير عن مفاهيم بتستخدم دلوقتى واغلب اللى بيستخدموها مش فاهمينها لجون لوك كتاب "الحكومة المدنية وصلتها بنظرية العقد الاجتماعي لجان جاك روسو" والكتاب ده بيوضح يعنى ايه دوله مدنيه واحترام كل المواطنين اقليه فبل الاغلبيه . وفى كتاب احمد حلمى "28 حرف " كتاب لايت كده عباره عن قصص قصيره وكأول كتاب لحلمى شايفه مقبول خصوصا انه مش كاتب . وعلى ما اذكر كان فى كتاب اسمه " لماذا من حولك اغبياء " بس مش فاكر اسم الكاتب كان كتاب حلو برضه فى التنميه البشريه بس باسلوب مبسط .
اظن دى اخر كتب قريتها لو افتكرت حاجه تانى حكتبها وفى انتظار مشاركه باقى الاعضاء .......

[Imhotep]

حاليا عايش مع مجموعة من كتب مصطفى محمود حد هنا كان حطها فى القسم ده. . . بتنفع فى وصلة المسلسلات التركى اليومية للمدام بخلصلى كتاب فى المرة و لا حاجة

[hesham ahmed]

لورانس ( لغز الجزيره العربيه )
هو مترجم من كاتب انجليزي اسمه لويل ,,,, لسه مخلصتوش
بس هو بيتكلم عن جاسوس انجليزي تم زرعه في الجزيره العربيه ..
و كان هو السبب في الفرقه بين العرب و الاتراك في الحرب العالميه الاولي
اللي عاجبني فيه ... ان لورانس كان قايم في الدول العربيه بدور الثوري اللي بيحرر العرب من ظلم الاتراك
تحس كده ان التاريخ بيعيد نفسه بالضبط

[Imhotep]

لورانس ( لغز الجزيره العربيه )
هو مترجم من كاتب انجليزي اسمه لويل ,,,, لسه مخلصتوش
بس هو بيتكلم عن جاسوس انجليزي تم زرعه في الجزيره العربيه ..
و كان هو السبب في الفرقه بين العرب و الاتراك في الحرب العالميه الاولي
اللي عاجبني فيه ... ان لورانس كان قايم في الدول العربيه بدور الثوري اللي بيحرر العرب من ظلم الاتراك
تحس كده ان التاريخ بيعيد نفسه بالضبط

مش مجرد جاسوس. . . ده ابو جواسيس العالم الحديث كله. . . فى رأيى الشخصى تى.اى. لورنس من اهم الناس اللى ساهمت فى تكوين شكل منطقتنا و الشرق الاوسط بشكله الحالى بالكامل. . . و كانت مهمته من اصعب ما يكون. . . اولا هو اجنبى شكله مختلف و لغته مختلفة طلب منه ان يتعامل مع شعوب او قبائل وقتها غريبة عليه فى طباعها و لغتها و عاداتها و كل شئ و مش كده و بس لكن كمان يقودها فى الحرب ضد الاتراك. . الغريب انه نجح فى كده بأمتياز. . . و كان سلاحه و يا للغرابة هو القيام بأعمال انتحارية ترقى لمستوى الجنون. . . و يبدو ان هو ده اللى ينفع مع شعوبنا. . . الف كتاب عن تجربته فى بلاد الحجاز اسمه اعمدة الحكمة السبعة. . . و اتعمل عن شخصيته فيلم قديم فى الستينات من بطولة بيتر اوتول مع عمر الشريف و انتونى كوين

[hugan]

من الكتب المحببه الي قلبي
مسرحيه عوده الروح لتوفيق الحكيم
روايه يوميات نائب في الارياف لتوفيق الحكيم
جذور اليكس هيلي
محاضرات في النصرانيه الامام محمد ابو زهره
الكتاب ده مرجع لكل من يعمل في مقارنه الاديان ومفيش باحث اشتغل فيه الا ولازم يكون الكتاب من مصادره
الامام والسياسه لابن قتيبه
بحثت عنه كثيرا لحد ما وجدت طبعه قديمه منه جدا في سور الازبكيه
كل من يؤرخ للفتنه الكبري وتاريخ الامويين والعباسيين لازم يكون مصادره
معالم في الطريق
للشيخ الشهيد سيد قطب

[rockana9112007]

جميل جدااا الموضوع دة

متابع

[RAPID]

موضوع هاااااايل

[AirForces]

جميل جدا شخصيا استفدت من مشاركتكم جدا

وبالمرة دول موقعين لتحميل الكتب عشان نسهل على الناس

تحميل الكتب وقراءتها مجانا - إليك كتابى !
المكتبة الإلكترونية

اتمنى مزيد من المشاركات والتفاعل تحياتى :)

[eslamrace]

وفى موقع 4shared.com - free file sharing and storage لتحميل الكتب برضه

[al_manara]

علي سبيل المثال

لا تحزن (عائض القرني)
اسعد إمراة في العالم (عائض القرني)
السيرة النبوية ( ابن هشام)


حاليا بقرا
الدنيا بعين رسول الله وفي عينة (د مبروك عطية)
سر المعبد (ثروت الخرباوي )

[aliabutaleb]

الموضوع فكرته حلوة. بس ليه متتاخدش لنطاق أكبر؟
الاشتراك في موقع جود ريدز
GoodReads.com

[aser_007]

حاليا بدور على كتاب قصة حياة steve jobs وإحتمال أنزل إن شاء الله معرض الكتاي قبل ما يقفل ...

[mero100]

مش مجرد جاسوس. . . ده ابو جواسيس العالم الحديث كله. . . فى رأيى الشخصى تى.اى. لورنس من اهم الناس اللى ساهمت فى تكوين شكل منطقتنا و الشرق الاوسط بشكله الحالى بالكامل. . . و كانت مهمته من اصعب ما يكون. . . اولا هو اجنبى شكله مختلف و لغته مختلفة طلب منه ان يتعامل مع شعوب او قبائل وقتها غريبة عليه فى طباعها و لغتها و عاداتها و كل شئ و مش كده و بس لكن كمان يقودها فى الحرب ضد الاتراك. . الغريب انه نجح فى كده بأمتياز. . . و كان سلاحه و يا للغرابة هو القيام بأعمال انتحارية ترقى لمستوى الجنون. . . و يبدو ان هو ده اللى ينفع مع شعوبنا. . . الف كتاب عن تجربته فى بلاد الحجاز اسمه اعمدة الحكمة السبعة. . . و اتعمل عن شخصيته فيلم قديم فى الستينات من بطولة بيتر اوتول مع عمر الشريف و انتونى كوين

بسم الله ما شاء الله ... حضرتك قاريء ممتاز ... و تحليلك رائع ... انا معرفش الكتاب و لا الموضوع ... بس لفت نظري حضور ذهن حضرتك لما العضو الكريم ذكر اسم الكتاب .... و ده ان كان بيدل... ف بيدل علي انك شخص مثقف عاشق للقراءه .... لازم اقرأ الكتاب ده.

[Imhotep]

بسم الله ما شاء الله ... حضرتك قاريء ممتاز ... و تحليلك رائع ... انا معرفش الكتاب و لا الموضوع ... بس لفت نظري حضور ذهن حضرتك لما العضو الكريم ذكر اسم الكتاب .... و ده ان كان بيدل... ف بيدل علي انك شخص مثقف عاشق للقراءه .... لازم اقرأ الكتاب ده.

شكرا يا باشا...... اومال لو قلت لك ان كتاب اعمدة الحكمة السبعة ده قرأته من اكتر من 16 سنة :)
و فعلا انا مليش هوايات تانية غير القراءة عشقى الوحيد و من النوعية القديمة اللى ممكن تقرأ بالساعات بدون كلل او ملل انما بأستمتاع و تركيز عالى.....

و بما ان الاخ الكريم صاحب الموضوع عرفنا على موقع جديد حلو...... نزلت منه كتاب سر المعبد و قرأت تلته امبارح فى وصلة المسلسلات التركى اليومية للمدام..... انطباعى العام انه يكاد يكون رواية ادبية اكتر منه كتاب معلوماتى..... يحاول صاحبه ان يرسم صور لنفسه الحائرة ذات الافكار المتضاربة..... بين فكر الاخوان و بين انفتاحه على العالم الرحب الواسع بما فيه من اراء و افكار لانه لا احد يستطيع ان يحتكر الحقيقة..... كنت بنط كتير على السطور لاستخلاص معلومة ما او فكرة او حتى رأى..... و هو مقالش كتير بعيد عن المعروف عن الاخوان لمن يعرف تاريخهم و قرأ عنه..... و المعلومات اللى فيه جديدة بالنسبة لى كانت قليلة...... غالبا هخلصه النهاردة او بكره و هكمل لكم انطباعى عنه بس عموما هو كتاب لا بأس به