شاركنا بالكتب اللى قرأتها

[Imhotep]

يا ريت تشوف كتاب اسماعيل فهمي كمان يغير حاجات كتير اوي في مفهمومك عن السادات
و ازاي هو رخص نصر اكتوبر في المفاوضات

السادات ليه مفاتيح..... لو عرفتها هتقدر تفسر كل تصرفاته..... و هو شخصية متناقضة تجمع الشئ و ضده...... يعنى جنون العظمة ظاهرة واضحة فى شخصيته..... و رغم كده يوجد نقيضها و هو الاحساس بالضآلة الناتج عن الاحساس بالنقص الناتج عن النشأة القاسية..... جنون العظمة هو اللى كان بيخلي اى حد يحسسه بنفسه و يفخمه يخلى السادات يديله عينيه (امر ان مقبرة فرعونية كاملة فريدة من نوعها تتقطع من الجبل و اهداها لمتحف المتروبوليتان فى نيويورك !!!!!!!!!!!!!!) ..... و على العكس اللى يتجاهله يخليه يتجنن و يحاول يسعى سعى محموم لكسب رضا من تجاهله (امريكا و كيسنجر كانوا بيلعبوا كويس على النقطة دى)..... الاحساس بالضآلة فى تصورى هو اللى خلاه يبادر مشكورا بأنه يعمل غلطات استراتيجية غير عادية زى كشف نيته للعدو فى عز معمعة العمليات العسكرية لما قال ان مصر لا تنوى تطوير الهجوم..... كمان يقول قولته الشهييرة ان 99% من اوراق اللعبة بيد امريكا..... يعنى فعلا ابخس المقاتل المصرى حقه فى المعجزة العسكرية اللى عملها و استرخص الثمن اللى كان بيقايض بيه على النصر العظيم و سلم لهم النمر من اولها...... فى الوقت اللى كانوا لسه همه مصدومين من هول صدمة ما حدث لهم و كشفهم لمعدن المقاتل المصرى الذى يحقق المستحيل مهما كانت الصعوبات...... لكن برضه برغم التفريط الزيادة ده منه الا انه يحسب له انه نجح فى ادارة المفاوضات و قادها الى بر الامان و خدنا كل ارضنا (ما عدا حتة صغيرة باقية)..... لان الوضع الاستراتيجى و العسكرى لو كان الوضع كان استمر على ما هو عليه فى اعقاب حرب اكتوبر كان مع الزمن مش هيبقى فى صالحنا خالص..... و يكفى بس معلومة صغيرة تتعرف انه حاليا كل اسلحة حرب اكتوبر تعتبر تقريبا غير مؤثرة فى الاسلحة الهجومية الحديثة..... اضف الى ذلك انهيار الاتحاد السوفيتى اللى كان برضه بيدينا اسلحة بالتيلة......

[mrs-kadous]

سلام عليكم

زى ما العنوان بيقول ممكن تشاركنا بالكتب اللى قرأتها وتدينا نبذة عنها وتقييمك ليها والكتب اللى ترشحها للأعضاء تقرأها ...

عن نفسى بقرأ حاليا كتاب سقوط اليسار لمصطفى محمود بس لسه مخلصتوش .. الكتاب ممتاز اكنه بيتكلم عن الواقع اللى بنعيش فيها حاليا بالظبط وصراع قوى اليسار مع قوى اليمين ..

كتاب سر المعبد لثروت الخرباوي الكتاب يعتبر من افضل الكتب السياسيه في الوقت الحالي

[cutie_honey]

لا ليس جسدك : احسان عبد القدوس
اعمل اقل تنجح اكثر: الكسل هو سر النجاح
انيس الدغيدي: انحراف المشاهير
علم استحضار الارواح
انف وثلاث عيون
شريف عرفة : لماذا من حولك اغبياء؟
والباقي كتب غير مترجمة مثل :
charles burke : inside the mind of winners
think and grow rich

[Eng_Doaa]

أنا الحمد لله كنت فى معرض الكتاب . و الكتب اللى بتشدنى جدا كتب التنمية البشرية و الكتب الدينية طبعا .
اقتنيت التالى و بدأت فى القراءة فيهم بالفعل :-

كتاب جنتان لد خالد أبو شادى
دع القلق و ابتسم للحياة لديل كارينجى .
كتب ل كريم الشاذلى : كم حياة ستعيش .
محمد ابو فرحة : استثمر لأبنائك .
و شرح اسماء الله الحسنى لابن القيم

[Hossam_hassan4]

النهاردة ذكرى مرور عامين على وفاة سعد الدين الشاذلى العقل المخطط و المنفذ لنصر اكتوبر..... انصحكم بقراءة مذكراته عشان تعرفوا اد ايه الشغل اللى عمله الراجل ده و كان ورا النصر..... و كمية المشاكل و الصعوبات الغير عادية اللى تم التغلب عليها بالتفكير العلمى..... و فى النهاية لللاسف النهاية الحزينة لواحد وصل الى القمة فى خدمة بلده لكنه اتبهدل لمجرد اختلافه مع القيادة السياسية اللى قراراتها الغلط كادت تكلف البلد خسارة النصر العسكرى ..... و اذا كان اتظلم من الناس و ضاع تقدير مجهود كمهندس لنصر اكتوبر الا ان اجره عند الله لا يضيع

فعلا الراجل ده اتظلم جدا في مصر و للاسف مخدش حقه من التاريخ

[Hossam_hassan4]

اخر حاجه قريتها كانت الفيل الازرق و حلوه جداا بس مافهمتش حاجه في الاخر ياريت لو حد فهم يفهمني :d

[Imhotep]

فعلا الراجل ده اتظلم جدا في مصر و للاسف مخدش حقه من التاريخ

اتظلم عشان مكانش ليه فى الدهلزة و الدخنسة بتاعة السياسة لكنه كان راجل بتاع شغل و جد و دماغه تتاقل بالدهب و فى العرف بتاعه لا يصح الا الصحيح...... و بما ان ده طبعا منفعش مع السياسة بتاعة عبد المأمور فكان جزاؤه جزاء سنمار

[mrs-kadous]

السادات ليه مفاتيح..... لو عرفتها هتقدر تفسر كل تصرفاته..... و هو شخصية متناقضة تجمع الشئ و ضده...... يعنى جنون العظمة ظاهرة واضحة فى شخصيته..... و رغم كده يوجد نقيضها و هو الاحساس بالضآلة الناتج عن الاحساس بالنقص الناتج عن النشأة القاسية..... جنون العظمة هو اللى كان بيخلي اى حد يحسسه بنفسه و يفخمه يخلى السادات يديله عينيه (امر ان مقبرة فرعونية كاملة فريدة من نوعها تتقطع من الجبل و اهداها لمتحف المتروبوليتان فى نيويورك !!!!!!!!!!!!!!) ..... و على العكس اللى يتجاهله يخليه يتجنن و يحاول يسعى سعى محموم لكسب رضا من تجاهله (امريكا و كيسنجر كانوا بيلعبوا كويس على النقطة دى)..... الاحساس بالضآلة فى تصورى هو اللى خلاه يبادر مشكورا بأنه يعمل غلطات استراتيجية غير عادية زى كشف نيته للعدو فى عز معمعة العمليات العسكرية لما قال ان مصر لا تنوى تطوير الهجوم..... كمان يقول قولته الشهييرة ان 99% من اوراق اللعبة بيد امريكا..... يعنى فعلا ابخس المقاتل المصرى حقه فى المعجزة العسكرية اللى عملها و استرخص الثمن اللى كان بيقايض بيه على النصر العظيم و سلم لهم النمر من اولها...... فى الوقت اللى كانوا لسه همه مصدومين من هول صدمة ما حدث لهم و كشفهم لمعدن المقاتل المصرى الذى يحقق المستحيل مهما كانت الصعوبات...... لكن برضه برغم التفريط الزيادة ده منه الا انه يحسب له انه نجح فى ادارة المفاوضات و قادها الى بر الامان و خدنا كل ارضنا (ما عدا حتة صغيرة باقية)..... لان الوضع الاستراتيجى و العسكرى لو كان الوضع كان استمر على ما هو عليه فى اعقاب حرب اكتوبر كان مع الزمن مش هيبقى فى صالحنا خالص..... و يكفى بس معلومة صغيرة تتعرف انه حاليا كل اسلحة حرب اكتوبر تعتبر تقريبا غير مؤثرة فى الاسلحة الهجومية الحديثة..... اضف الى ذلك انهيار الاتحاد السوفيتى اللى كان برضه بيدينا اسلحة بالتيلة......

ياريت حضرتك تقرأ كتاب (البحث عن الذات ) ده اكيد كتير أفيد من كتاب واحد معندوش ولاء لصانع النصر ضأله ايه وجنون عظم ايه .. رحم الله زعيم الامه ورافع رايه النصر

[Falcon.Crest]

ياريت حضرتك تقرأ كتاب (البحث عن الذات ) ده اكيد كتير أفيد من كتاب واحد معندوش ولاء لصانع النصر ضأله ايه وجنون عظم ايه .. رحم الله زعيم الامه ورافع رايه النصر

ما هو لما 12 قائد عسكري من حرب اكتوبر يجمعو علي اخطاء السادات
و لما اسماعيل فهمي و مصطفي خليل يستقيلو علشان غباوؤه في المفاوضات
يا افندم اقري كتب لاحرين عن نفس الموصوع علشان تفهمي الصوره كويس
دا حتي كسنجر استغرب من تنازلاته
يا اقندم بفضله و بفضل غباءه مصر ليس لها سياده علي سيناء
و شوفي الشريط الحدودوي بتاعك و الشريط الجدودي بتاع الاسراءلين و انتي تعرفي انا بتكلم عن ايه

[mrs-kadous]

كفايه انه صاحب انتصارات اكتوبر اللي مش هنشوفه تاني

[Imhotep]

أنا قرأت كتاب البحث عن الذات فعلا و ده جزء من السبب فى الصورة اللى كونتها عن السادات و اتكلمت عليها فى احد التعليقات. . . بس السادات زيه زى اى حاجة و اى حد فى الدنيا له كذا وجه. . . وجه صاحب النصر و ان كان ليس صانعه لان من صنعه هو دماء و بطولات الرجال و عرق و و جهد واحد زى سعد الشاذلى و يكفى ان اخطاء السادات العسكرية التكتيكية و الاستراتيجية كادت ان تكلف مصر ضياع النصر بالكامل و تحوله الى هزيمة نكراء . . . الوجه التانى هو السياسى و حتى ده برضه كان السادات له فيه نجاحات و اخفاقات. . . كون نصر اكتوبر حدث فى عهد السادات فده مش معناه انه يملك حقوقه الحصرية التى تغفر له كل خطاياه العسكرية و السياسية. . . و هى كثيرة

[mrs-kadous]

[QUOTE=mahora;3874816976]أنا قرأت كتاب البحث عن الذات فعلا و ده جزء من السبب فى الصورة اللى كونتها عن السادات و اتكلمت عليها فى احد التعليقات. . . بس السادات زيه زى اى حاجة و اى حد فى الدنيا له كذا وجه. . . وجه صاحب النصر و ان كان ليس صانعه لان من صنعه هو دماء و بطولات الرجال و عرق و و جهد واحد زى سعد الشاذلى و يكفى ان اخطاء السادات العسكرية التكتيكية و الاستراتيجية كادت ان تكلف مصر ضياع النصر بالكامل و تحوله الى هزيمة نكراء . . . الوجه التانى هو السياسى و حتى ده برضه كان السادات له فيه نجاحات و اخفاقات. . . كون نصر اكتوبر حدث فى عهد السادات فده مش معناه انه يملك حقوقه الحصرية التى تغفر له كل خطاياه العسكرية و السياسية. . . و هى كثيرة[/QUOTEا

استاذي الفاضل ان لم يكن السادات صانع القرار فمن صانعه؟ صحيح ان دماء الشهداء لها التقدير والاحترام لكن كلام حضرتك او كلام من تقرأ لهم فيها مغالطات كثيره والنقد ان لم يكن موضوعي وهادف ويرقي ال قيمه وقامه شخص بوزن السادات فاعتقد انه مالوش لازم . تحياتي

[Imhotep]

[QUOTE=mrs-kadous;3874817006]

أنا قرأت كتاب البحث عن الذات فعلا و ده جزء من السبب فى الصورة اللى كونتها عن السادات و اتكلمت عليها فى احد التعليقات. . . بس السادات زيه زى اى حاجة و اى حد فى الدنيا له كذا وجه. . . وجه صاحب النصر و ان كان ليس صانعه لان من صنعه هو دماء و بطولات الرجال و عرق و و جهد واحد زى سعد الشاذلى و يكفى ان اخطاء السادات العسكرية التكتيكية و الاستراتيجية كادت ان تكلف مصر ضياع النصر بالكامل و تحوله الى هزيمة نكراء . . . الوجه التانى هو السياسى و حتى ده برضه كان السادات له فيه نجاحات و اخفاقات. . . كون نصر اكتوبر حدث فى عهد السادات فده مش معناه انه يملك حقوقه الحصرية التى تغفر له كل خطاياه العسكرية و السياسية. . . و هى كثيرة[/QUOTEا

استاذي الفاضل ان لم يكن السادات صانع القرار فمن صانعه؟ صحيح ان دماء الشهداء لها التقدير والاحترام لكن كلام حضرتك او كلام من تقرأ لهم فيها مغالطات كثيره والنقد ان لم يكن موضوعي وهادف ويرقي ال قيمه وقامه شخص بوزن السادات فاعتقد انه مالوش لازم . تحياتي

بصي يا فندم. . . لسنة كاملة من عمرى هى سنة تجنيدى كان عملى خلالها هو فقط القراءة و البحث و اعداد الابحاث و الترجمة من لغتين اجنبيتين الى العربية و العكس. . . فى هذه السنة فهرست و صنفت ما يزيد على 10 الاف كتاب عربى فى العلوم العسكرية و الاستراتيجية و السياسية و اكتر من 5 الاف كتاب بلغة اجنبية. . . و قرأت عشرات ان لم يكن مئات الكتب فى العلوم العسكرية و كانت مهمتى هى اعداد ابحاث عنها. . . و قرأت كل ما وقع تحت يدى من مادة مقروءة عن حرب اكتوبر (سواء ارضاء لشغفى الشخصى او كعمل مطلوب منى). . . السلاح و السياسة. . . لذلك انا اعرف تماما عما اتكلم. . . رأيى ملكى و لا يملك احد ان يحدد منه ما يلزم او ما لا يلزم و لم يضطرنى الى الكلام السابق عن معرفتى بالموضوع الا الرغبة فى اعطاء فكرة عما درسته لكى اصل الى النتيجة التى توصلت اليها. . و اعتقد انا كنت موضوعى كفاية لما قلت انه السادات زيه زى اى حد فى الدنيا ليه كذا وجه. . . الناجح و الفاشل. . . و الموضوعية ايضا تقتضى ان لو حضرتك عندك ردود على كلامى من واقع التاريخ و الاحداث يبقى نتناقش فيها. . . غير كده كلام عام من نوعية القامة و الوزن و الكلام ده فهو ده فعلا الكلام العاطفى اللى ملوش لزمة لكونه لا علاقة له لا بالواقع و الوقائع و لا بالاحداث و ما آلت اليه و هذا هو معيار الحكم على الشخصيات التاريخية فى النهاية. . . يعنى لما نقول ان السادات بسبب عناده و عدم رغبته فى المناورة بالقوات ادى الى ان اسرائيل كانت على بعد 101 كيلو من القاهرة و اصرت على تسمية مباحثاتها معانا بمباحثات الكيلو 101 كنوع من الاذلال يبقى بنتكلم على وقائع تاريخية. . . و لما نقول ان السادات باتخاذه قرار تطوير الهجوم نحو خط المضايق على عكس رغبة واحد زى الشاذلى و كان القرار ده هو السبب فى خسارة مصر لاكتر من 500 دبابة فى يوم واحد بكامل اطقمها و اللى عايز يعرف الاسباب نقوله لان دى لوحدها بتدرس فى باب الاخطاء العسكرية الفادحة فى الكليات العسكرية بسبب فروق انواع السلاح الغير متكافئة و غياب غطاء جوى للمدرعات. . . و غيره و غيره. . . و يكفى ان بس اقول ان اخطاء السادات العسكرية خلت طعم النصر راح من افواه كل قادة جيل حرب اكتوبر. . . و كلهم كانوا فى انتظار جولة اخرى لم تأتى لكى يستردوا فيها شرف العسكرية المصرية اللى شافوا السياسة بتضيعه فى شكل الثغرة التى لم يكونوا مسئولين عن القرار الذى تسبب فيها. . . خلاصة الكلام. . . الشخصيات التاريخية بيتم الحكم عليها بما اسفر عن قراراتها من واقع على الارض. . . السادات كان صاحب قرار الحرب. . . لكن من جعل منها نصرا هو الرجال الذين خططوا و حاربوا. . . و كما كان هو صاحب قرار الحرب كان هو ايضا صاحب القرارات التى كادت ان تحول النصر الى هزيمة. . . و ده بسبب تدخله فى مسار العمليات العسكرية و اقصاؤه لرأى الخبراء ممن تسبب تخطيطهم العسكرى المحكم فى صنع النصر زى سعد الشاذلى. . . و الكلام ده ينطبق على جميع الشخصيات التاريخية فى كل زمان و مكان. . . لا احد منهم كامل كغيرهم من البشر. . . لهم نجاحاتهم كما لهم ايضا اخفاقاتهم. . . و هى دى الطريقة فى الحكم و اعتقد انها بتوازنها ده تبقى موضوعية كفاية. . . تحياتى

[mrs-kadous]

السادات مات حضرتك ولن يضير الناقه سلخها بعد ذبحها اطلب له الرحمه وسلاما لاروح صانع التصر وشهداء اكتوبر و67

[Imhotep]

السادات مات حضرتك ولن يضير الناقه سلخها بعد ذبحها اطلب له الرحمه وسلاما لاروح صانع التصر وشهداء اكتوبر و67

رحم الله الجميع احياءا و امواتا. . . فقط يبقى ان نستخلص العبر من التاريخ عن طريق الفحص و الدراسة و نحن ان كنا نحكم فنحن نحكم على شخصيات صارت افعالها تاريخا و لما حضرتك قلتى ان نصر اكتوبر مش هيتكرر تانى فده ليه اسبابه التاريخية اللى اثرت بدورها على واقعنا الحالى و خلى حضرتك تقولى الحكم ده و هو بالمناسبة صحيح . . . اما سرائر النفوس و مقاديرها فلا يعلمها الا الله وحده سبحانه