تحذير من التعامل مع منتجات وايت ويل والوكيل شركة مصر للاكترونيات

[ashraf122]

عايز يا جماعة احذركم من التعامل مع شركة مصر للاكترونيات وكيل وايت ويل شركة فعلا غير محترمة وزبالة

الحكاية باختصار ان اشتريت غسالة اطباق وايت ويل و بعد مدة ظهر صدأ فى ادراج الغسالة ولما كلمت شركة مصر للاكترونيات طبعا تم التهرب بحجج وهمية علشان طبعا يعدى فترة الضمان و ميتغيرش الادراج ببلاش
المهم طبعا مش عارف اوصل لاى مسئول فى الشركة والكول سنتر طيعا يقولك تحت امرك المندوب حيجى و طبعا محدش بيجى
كلمت مدير خدمة العملاء الخميس قالى فورا حيتم التغير يوم السبت و طبعا يوم السبت لغاية الساعة 12 محدش جة لما كلمت الكول سنتر قال مفيش اوردر اساسا
المهم قلت اروح لهم اشوف اية الحكاية وقابلت مدير خدمة العملاء اسمة مصطفى عبيد انسان سافل وقليل الادب و كأنى بكلم مع عربجى فى الشارع مش مدير خدمة عملاء

طبعا كان قليل الادب و انا زعقت جامد و الموضوع كان حيطور اننا نضرب بعض وبعد كدة كلمت مكتب رئيس الشركة علشان اشتكية بس طبعا عارف انة مش حيعملوا حاجة مع العربجى دة
وعلشان كدة قبل شراء اى منتج السوال عن خدمة الصيانة علشان ميحصلش معاكوا موقف زى دة لانهم دلوقتى بيعينوا العربجية فى خدمة العملاء علشان يخوافوا العملاء (مع الاعتذار للعربيجية لان اخلاقهم اكيد احسن من الحيوان اللى اتعاملت معاة)

[RAPID]

شكرا على التحذير

[hugan]

طب ووصلت معاهم لايه في النهايه

[ashraf122]

بكرة المفروض انهم حبغيروا الادراج اللى ماكنتش موجودة و ظهرت طبعا فجأئة بعد الخناقة و حستنى بكرة بس انا دمى محروق جدا من الحيوان دة و مش عارف اعمل اية

[mramzy]

جهاز حمايه المستهلك وهو اللى هيجرى وراك

[hugan]

بكرة المفروض انهم حبغيروا الادراج اللى ماكنتش موجودة و ظهرت طبعا فجأئة بعد الخناقة و حستنى بكرة بس انا دمى محروق جدا من الحيوان دة و مش عارف اعمل اية

المهم انك تاخد حقك ويغيرو الادراج
وبعد كده الكائن التاني ده ظبطه زي مانت عايز

[Land_Cruiser]

أنا اتعاملت مع مركز الصيانه بتاعهم كذا مره قبل كده و كانوا ملتزمين بصراحه و حتى مره فى غساله الأطباق كانت فيها قطعه غيار بايظه و غيروها فى الضمان مع ان كان فاضل يوم واحد و الضمان يخلص و الكلام ده كان من حوالى شهرين تلاته تقريبا و مكنش فى نقاش و غيروها من نفسهم و مره تانيه طلبتهم علشان ما بتغسلش عدل و جه الفنى و شرح لى الاجزاء اللى المفروض تتنظف دوريا و ضروره عمل دوره للغسيل مضاف إليها الخل لتنظيف الاجزاء الداخليه من الدهون و فعلا بعدها اشتغلت كويس و الكلام كان مع بتوع الكول سنتر و الفنى اللى بيجى و ما وصلتش لخدمه العملاء. انا مش عارف ايه اللى أدى لتطور المشكله بالشكل ده مع حضرتك بس حضرتك لابد ان تشتكى مدير خدمه العملاء ده اللى حتى من المسمى الوظيفى بتاعه المفروض يخدم و يريح العملاء مش يقرفهم و يضايقهم بالشكل ده

[S O P H O S]

مشكوررر عالتنبيه ..

[Forever.Leo]

انا ممكن افهم شكواك من الوكيل .. بس الغريب تحذيرك من منتجات White Whale اللي اعرفه عنها انها منتجات مستوردة على درجة جيدة جدا من الجودة .. بل بتعتبر الاغلى في فئتها ؟

[ashraf122]

انا ممكن افهم شكواك من الوكيل .. بس الغريب تحذيرك من منتجات white whale اللي اعرفه عنها انها منتجات مستوردة على درجة جيدة جدا من الجودة .. بل بتعتبر الاغلى في فئتها ؟

انا تحذيرى من الوكيل لان لو حضرتك اشتريت منتج مستورد و غالى بس بدون صيانة يبقى بترمى فلوسك فى الارض

[Forever.Leo]

انا تحذيرى من الوكيل لان لو حضرتك اشتريت منتج مستورد و غالى بس بدون صيانة يبقى بترمى فلوسك فى الارض

كلامك مفهوم .. بس ازاي و الوايت ويل لها سمعة طيبة في مصر من سنوات فاتت .. اذا كان وكيلها بالشكل اللي حضرتك حكيت عنه .. انا لا اشكك في كلامك و لكن اراه متعارض مع سمعة هذه الماركة في السوق المصري .

[ashraf122]

كلامك مفهوم .. بس ازاي و الوايت ويل لها سمعة طيبة في مصر من سنوات فاتت .. اذا كان وكيلها بالشكل اللي حضرتك حكيت عنه .. انا لا اشكك في كلامك و لكن اراه متعارض مع سمعة هذه الماركة في السوق المصري .

انا حكيت اللى حصل معايا علشان احذركم وليس لى مصلحة فى الكذب و انى اقول الكلام دة عن الشركة و هو مش صحيح
للاسف هى سمعة على الفاضى و هو توكيل زبالة

[ashraf122]

انا حكيت اللى حصل معايا علشان احذركم وليس لى مصلحة فى الكذب و انى اقول الكلام دة عن الشركة و هو مش صحيح
للاسف هى سمعة على الفاضى و هو توكيل زبالة

نسيت اقول لحضرتك ان سبب انهم مش راضين يغيروا الادراج لانها سعرها غالى وخاصة بعد زيادة الدولار تقريبا سعرهم 350 جنية او اكتر يعنى 20% من ثمن الغسالة
ممكن تكون الناس اتعملت معاهم فى حاجات بسيطة ولكن لتغير حاجة نتيجة عيب صناعة ظهروا على حقيقتهم

[mero100]

طب خد الموضوع ده :-))))

http://www.nilemotors.net/Nile/264447-a.html

[mahmoudselim]

كلامك مفهوم .. بس ازاي و الوايت ويل لها سمعة طيبة في مصر من سنوات فاتت .. اذا كان وكيلها بالشكل اللي حضرتك حكيت عنه .. انا لا اشكك في كلامك و لكن اراه متعارض مع سمعة هذه الماركة في السوق المصري .

انا بعمل مشروع sap في وايت ويل الايام دي. وعرفت 90% من اسرار شغلهم بحكم شغلي. وقبلها كنت في يونيفرسل. سيبك انت الصين هي اللي مشغلة العالم دي!!