عاوز ارجع امارس هوايه تغير الحياة الروتينيه اللى انا فيها

[bobbozo4b]

عاوز ارجع امارس هوايه تغير الحياة الروتينيه اللى انا فيها
ببساطه الواحد من كم الروتيين وطبعا الضغوط اللى فى الحياه والعمل والبيت اللى بتبقى على الواحد من كل جهة ومكان الواحد بقى حاسس انه مخنوق من كل حاجة حواليه

وانا مريح على السرير وبفكر كده نطت فكرة فى دماغى فكرة الرجوع الى هواية صيد السمك زى زمان لما الواحد كان لسه تلميذ فى الاجازة الصيفية وكان الواحد مقضيها لعب وخروج وتنطيط ومصايف
نرجع لاصل الموضوع انى من ايام فحت البحر فى موضوع صيد السمك لما الواحد كان بيتصرف ويجيب بوصه خوص ودوبارة والخطاف وحتة فل يقطعها من شبشب قديم او حتة فوم وشوية عيش فينو او اى خضره او علق"اللى هو الدود"
بس الواحد كان بيقضى وقت كده مع نفسه مبيفكرش فى حاجة ويستمتع بالموضوع حتى لو زى مارحت زى ماجيت

المهم الدنيا اتغييرت اوى عن زمان وحصل تطورات جديده فى الهواية وفى اماكن الصيد


انتوا ايه وجهة نظركوا ارجع للموضوع ده وله اشوف حاجة تانيه ؟
ايه اقتراحتكوا ؟

[magid1010]

و الله افكار كويسه تخرجنا من المود ده

[svneleven]

جميل جدا و ممكن تجرب ركوب الدراجات. هواية جميلة و مسلية و رياضة في نفس الوقت.

[bobbozo4b]

و الله افكار كويسه تخرجنا من المود ده

الله يكريمك ياباشا
وانت ايه الاخبار معاك ؟
نورت الموضوع
تحياتى

[bobbozo4b]

جميل جدا و ممكن تجرب ركوب الدراجات. هواية جميلة و مسلية و رياضة في نفس الوقت.

فكرة جامده وكمان 2 فى 1
تمام التمام مستنى افكارك الحلوه ده
نورت الموضوع
تحياتى

[wallace]

بيبقا فيه رحلات صيد يومين بتبقا احترافية اكثر وبيبقا فيه معدات علي المركب للصيد وفي نفس الوقت لما بتبقا شلة الفلوس بتتقسم علي الكل وبيكون الإستمتاع اكثر سواء مع المجموعة او لو حبيت تاخد جنب

معنديش معلومات كتير لكن ليا أصدقاء بيطلعوا كل فترة رحلات صيد ..

[no2nn]

ممكن حضرتك قبل الشغل على الساعه 4 او 5 الفجر كده تنزل على كوبري عباس وتجري المستطيل اللي بيوصل الكوبري ده بكوبري الجامعه مش هياخد من حضرتك الموضوع نص ساعه جري ومنو رياضه وهوايه وتضيع وقت وممكن تتعرف على ناس كمان جديده بتكون بتجري ^_^
مجرد اقتراح
تقبل مروري

[egyptiandiver]

الله يكرم حضرتك كلنا في حالة نفسية مش إلي هي... ربنا يعدلن حالنا للاحسن يا رب

[bobbozo4b]

بيبقا فيه رحلات صيد يومين بتبقا احترافية اكثر وبيبقا فيه معدات علي المركب للصيد وفي نفس الوقت لما بتبقا شلة الفلوس بتتقسم علي الكل وبيكون الإستمتاع اكثر سواء مع المجموعة او لو حبيت تاخد جنب

معنديش معلومات كتير لكن ليا أصدقاء بيطلعوا كل فترة رحلات صيد ..

ماهو ده لب الموضوع انى معنديش اى معلومه عن الرحلات ده ومعظم الاصدقاء مالهمش فى حوار الصيد ده
بس انا ناوى ان شاء الله اجرب
بعد اذنك لو امكن تستفسر من اصحابك اى معلومه تحطنى على اول الطريق
نورت الموضوع
تحياتى

[bobbozo4b]

ممكن حضرتك قبل الشغل على الساعه 4 او 5 الفجر كده تنزل على كوبري عباس وتجري المستطيل اللي بيوصل الكوبري ده بكوبري الجامعه مش هياخد من حضرتك الموضوع نص ساعه جري ومنو رياضه وهوايه وتضيع وقت وممكن تتعرف على ناس كمان جديده بتكون بتجري ^_^
مجرد اقتراح
تقبل مروري

ياباشا انت شرفتنى باقتراحك
هى فكرة برده بس لاسباب بعد مكان الاقامه عن المكان ممكن الواحد يعمل حاجة مشابه
نورت الموضوع تانى
تحياتى

[bobbozo4b]

الله يكرم حضرتك كلنا في حالة نفسية مش إلي هي... ربنا يعدلن حالنا للاحسن يا رب

الله يبارك لك
ماهو ده السبب انى ملاحظ انى مش لوحدى فى الحاله ده
فابحاول اشوف اقتراحات تساعد اننا نغيير الحاله ده
آمين يارب العالمين
نورت الموضوع
تحياتى

[Amrgamal1]

الكام ساعه اللي هتصطاد فيهم سمك دول , قضي منهم ساعتين بس في الجيم كل يوم
هتبقي عملت حاجه جديده و في نفس الوقت بتفيد نفسك وجسمك و هتحس بتغيير

[Ahmed_selmy]

المشكله يا جماعه فى التشجيع او بمعنى اخر انك تلاقى حد يشجعك, انا من فتره فكرت فى موضوع الجيم دا وبدات اسال وفى الاخر ولا اى اندهاش... علشان محدش شجعنى نروح مع بعض.. وبردوا فكرت فى المشى قولت اهو حاجه سهله ومفيهاش تشجيع وخصوصا انى بحب المشى جدا وبردوا الكسل مع الجو البرد او الحر مع الخنقه...الواحد بينزل الشارع بيحس الناس مش طايقه بعض والدنيا زحمه وحاجه كدا استغفر الله العظيم.....ربنا ينجينا من اللى احنا فيه دا.

[wallace]

ماهو ده لب الموضوع انى معنديش اى معلومه عن الرحلات ده ومعظم الاصدقاء مالهمش فى حوار الصيد ده
بس انا ناوى ان شاء الله اجرب
بعد اذنك لو امكن تستفسر من اصحابك اى معلومه تحطنى على اول الطريق
نورت الموضوع
تحياتى

حاضر هسأل لحضرتك

بس عموماً بين وقت والتاني هتلاقي جروبات وحتي شوفت هنا في المنتدي من فترة كان فيه رحلة صيد باين كانت طالعة من السخنة

بجد كل إلي جرب الموضوع دا قالي إنوا إستمتع وانا كنت عايز اطلع بس مليش في الصيد ومش غاوية لكن الناس قالتلي هتزهق لو مقعدتش تصطاد

اهم حاجة هي الصحبة إلي هتطلع معاها وبعد كدا كل حاجة سهلة لإن زي مقلتلك المركب بتبقا مجهزة بكل حاجة هتحتاجها

[fepsceasar]

باشا
انا كنت بفكر زيك كده فى هواية اقضي بيها على الروتين وفكرت فى الصيد السمك، ومع اول رحلة بدات قصة الادمان .. هواية جميلة والحمد لله اللى اتعرفت عليهم ناس محترمة
انا بصطاد مالح مش نيل
لو عاوز اى تفاصيل ابعتلى وياريت نعمل فريق نطلع مع بعض من المنتدى
لكن خد بالك الموضوع بيبقى ادمان وانت بتمارس الهواية بيبقى فى تكاليف رحلات ومعدات ..واحيانا بتاخد سمك كويس واحيانا بتروح بكام سمكة وانت ورزقك