عاوز ارجع امارس هوايه تغير الحياة الروتينيه اللى انا فيها

[bobbozo4b]

الكام ساعه اللي هتصطاد فيهم سمك دول , قضي منهم ساعتين بس في الجيم كل يوم
هتبقي عملت حاجه جديده و في نفس الوقت بتفيد نفسك وجسمك و هتحس بتغيير

كلامك صح بالفعل لانى مجرب
بس للاسف فين الصحبه والتشجيع

[bobbozo4b]

المشكله يا جماعه فى التشجيع او بمعنى اخر انك تلاقى حد يشجعك, انا من فتره فكرت فى موضوع الجيم دا وبدات اسال وفى الاخر ولا اى اندهاش... علشان محدش شجعنى نروح مع بعض.. وبردوا فكرت فى المشى قولت اهو حاجه سهله ومفيهاش تشجيع وخصوصا انى بحب المشى جدا وبردوا الكسل مع الجو البرد او الحر مع الخنقه...الواحد بينزل الشارع بيحس الناس مش طايقه بعض والدنيا زحمه وحاجه كدا استغفر الله العظيم.....ربنا ينجينا من اللى احنا فيه دا.

+111111
وفعلا الموضوع ده انا كمان ملاحظه
"الواحد بينزل الشارع بيحس الناس مش طايقه بعض والدنيا زحمه وحاجه كدا استغفر الله العظيم.....ربنا ينجينا من اللى احنا فيه دا."

[bobbozo4b]

حاضر هسأل لحضرتك

تسلم ياباشا وانا اسف على ازعاجك

بس عموماً بين وقت والتاني هتلاقي جروبات وحتي شوفت هنا في المنتدي من فترة كان فيه رحلة صيد باين كانت طالعة من السخنة

بجد كل إلي جرب الموضوع دا قالي إنوا إستمتع وانا كنت عايز اطلع بس مليش في الصيد ومش غاوية لكن الناس قالتلي هتزهق لو مقعدتش تصطاد

اهم حاجة هي الصحبة إلي هتطلع معاها وبعد كدا كل حاجة سهلة لإن زي مقلتلك المركب بتبقا مجهزة بكل حاجة هتحتاجها

انا هاتبع واعمل سيرش كده والله الموفق
الف شكر لردك
تحياتى

[bobbozo4b]

باشا
انا كنت بفكر زيك كده فى هواية اقضي بيها على الروتين وفكرت فى الصيد السمك، ومع اول رحلة بدات قصة الادمان .. هواية جميلة والحمد لله اللى اتعرفت عليهم ناس محترمة
انا بصطاد مالح مش نيل
لو عاوز اى تفاصيل ابعتلى وياريت نعمل فريق نطلع مع بعض من المنتدى
لكن خد بالك الموضوع بيبقى ادمان وانت بتمارس الهواية بيبقى فى تكاليف رحلات ومعدات ..واحيانا بتاخد سمك كويس واحيانا بتروح بكام سمكة وانت ورزقك

هو ده الكلام
ياباشا انا معاك ان شاء الله
بس خد بالك انا هابداء معاك من الصفر وان شاء الله مش هاتعبك
بعد اذنك ممكن تقولى شوية تفاصيل
الف الف الف شكر لتعبك معى
تحياتى

[fepsceasar]

هو ده الكلام
ياباشا انا معاك ان شاء الله
بس خد بالك انا هابداء معاك من الصفر وان شاء الله مش هاتعبك
بعد اذنك ممكن تقولى شوية تفاصيل
الف الف الف شكر لتعبك معى
تحياتى

كلمنى على الخاص او ابعتلى موبايلك
وما تشغلش بالك بحكاية الصفر دى لانى يدوب ابتديت اصطاد
بس كمان ابقى شوف انسب الرحلات ليك ايه تحب تطلع فى الاول 12 ساعة على ما تكتشف الموضوع وبعدين 48 ساعة و36 ساعة ولا تدخل فى العمق على طول
انا عادة بصطد تسقيط من مركب مش شط، لانى مش خبرة قوى فى صيد الشط وده ليه ناسه برضو هى كلها انواع
ولما تتعمق فى الهواية هتعرف ان فى صيد تسقيط وجر وجيجينج وبوبينج وكل حاجة ليها ادواتها وتكنيك بتاعها لكن فى الاول ابدا تسقيط بادوات بسيطة
يا ريت لو جمعنا مجموعة من المنتدى نعمل رحلة وتبقى منها رحلة ومنها مقابلة
ميزة صيد السمك عن باقى الهوايات:
1- انك بتفصل تماما وتعمل ريستارت
2- تقريبا معظم الناس مش بتتكلم عن اراءها السياسية وتستريح شوية من حرقة الدم
3- انسحاب ايجابي مريح للذهن والاعصاب
4- مهم جدا تبقى عارف ان الموضوع ارزاق من عند ربنا ويزداد يقينك بكده وكل المطلوب منك تعمل اللى عليك وتستعد فقط ..لكن ما يكونش همك لم سمك او انك بتشترى سمك فى مياة..لان بالشكل ده تمارس الهواية فى حلقة السمك افضل

[amrelsha3er]

انت جيت على الجرح بالنسبه للمل والزهق ومود الشغل الروتينى :( :(

[م/ سامح]

انا معاكم يجماعة في موضوع الصيد

[fepsceasar]

يا ريت الللى ناوى على موضوع الصيد يبعتلى ع الخاص ونحاول نرتب رحلة
بس اغلب الظن انها هتكون على نصف شهر اربعة ان شاء الله بس علشان نحجز وكمان ما فيش صيد اليومين دول لان شهر 3 لغاية نصف اربعة مش موسم فى البحر الاحمر
او لو حد عاوز يستفسر على حاجة ان شاء الله ممكن احاول اجاوبه فى حدود معرفتى