سؤال لدكاتره الاسنان واصحاب الخبره (عندي ضرس بيتلخلخ)

[SHNORY]

عندي ضرس كنت حاشيه من سنتين او 3 سنين
ومن ساعتها وانا حاسس انه قابب لفوق شويه فقولت اكيد دا الحشو وتقريبا هو كان الحشو
واحيانا كده في حركه من حركات الفك الغير معتاده احيانا بتحصل وانا نايم احس بوجع فيه
ومره جالي وجع فيه ومع النخوره حسيت انه متاكل شويه
دلوقتي بقي لقيته بيوجعني
ولما مسكته لقيته بيتلخلخ شويه
فايه سبب اللخلخه دي؟؟
واروح لدكتور يخلعه
ولا اشيله بايدي واوفر
مظنش اني حواظب علي علاج وتقويم وترميم والكلام الكبير ده والحاجات اللي بتستلزم علاجات طويله الامد
كتر خيره بقاله 35 سنه بطحن عليه الزلط
فايه النصيحه ويا ريت السبب الاول

[ahmedhilmy]

الف لا باس عليك يا قرصان ارحمه و اديله السكه

[misry]

طالما محشي من فترة يبقى احتمال كبير اتشرخ مش بيتلخلخ ...

لازم طبعا تروح لدكتور ولو فعلا اتشرخ ممكن يشيل الحتة اللي بتتحرك ويعمل حشو جديد وطربوش

حافظ عليه وما تخلعهوش ...

[alexaway]

الف سلامة عليك يا باشا
بس نصحتي اي كان حالة الدرس اوعي تشيلة مفيش بديل عنه الاسنان الطبيعية , اخوك شايل خمسه ودلوقت استحالة اشيل حاجة مهما حصل فيها .

[SHNORY]

الف لا باس عليك يا قرصان ارحمه و اديله السكه

الله يخليك يا باشا
شكلها كده بس بدور علي الكماشه مش لاقيها

طالما محشي من فترة يبقى احتمال كبير اتشرخ مش بيتلخلخ ...

لازم طبعا تروح لدكتور ولو فعلا اتشرخ ممكن يشيل الحتة اللي بتتحرك ويعمل حشو جديد وطربوش

حافظ عليه وما تخلعهوش ...

لا بيتحرك كله من مكانه
حركه بسيطه بس بيتحرك وواضح انه زهق من قعدته

الف سلامة عليك يا باشا
بس نصحتي اي كان حالة الدرس اوعي تشيلة مفيش بديل عنه الاسنان الطبيعية , اخوك شايل خمسه ودلوقت استحالة اشيل حاجة مهما حصل فيها .

الله يسلمك يا باشا
اهو يتشال زكاه عن اخواته ههههههه
المشكله انه احيانا بيوجع وجع مش عادي بيطير النوم من عيني

[misry]

طيب هو بيوجعك بالليل مثلا أو بيخليك ما تعرفش تنام ..؟

وأخبار الوجع مع الحاجات الساقعة والسخنة ايه ..؟

ممكن تعمل اشعة للضرس وترفعها هنا وللا صعبة ...؟

[Falcon.Crest]

عندي ضرس كنت حاشيه من سنتين او 3 سنين
ومن ساعتها وانا حاسس انه قابب لفوق شويه فقولت اكيد دا الحشو وتقريبا هو كان الحشو
واحيانا كده في حركه من حركات الفك الغير معتاده احيانا بتحصل وانا نايم احس بوجع فيه
ومره جالي وجع فيه ومع النخوره حسيت انه متاكل شويه
دلوقتي بقي لقيته بيوجعني
ولما مسكته لقيته بيتلخلخ شويه
فايه سبب اللخلخه دي؟؟
واروح لدكتور يخلعه
ولا اشيله بايدي واوفر
مظنش اني حواظب علي علاج وتقويم وترميم والكلام الكبير ده والحاجات اللي بتستلزم علاجات طويله الامد
كتر خيره بقاله 35 سنه بطحن عليه الزلط
فايه النصيحه ويا ريت السبب الاول

شنوري كان عندي نفس الحاله رحت للدكتور عمرو عبد العظيم في المعادي
طلع مايكرو كراك و احتماليه العلاج 50% و 50% خلع
الحقيقه انا لو احتماليه العلاج 5% بحاول العلاج
حاول علي قد ما تقدر مش تشيله
انا عملت روت كنال و كروان زركزنيم و الحمد لله ماشي الحال

[SHNORY]

طيب هو بيوجعك بالليل مثلا أو بيخليك ما تعرفش تنام ..؟

وأخبار الوجع مع الحاجات الساقعة والسخنة ايه ..؟

ممكن تعمل اشعة للضرس وترفعها هنا وللا صعبة ...؟

لا الوجع بمزاجه
مش دايما بيكون فيه وجع
انا بفكر ارفعلكم الضرس كله هنا هههه
هي كام مره بس اللي الوجع اشتغل بالليل بس قومت عالجته
نخورت حوالين الضرس وغسلته من كل ناحيه وكنت حاسس ان الفرشه بتدخل جوه تكهرب
ومن ساعتها مبقاش يوجعني لواحده
لازم يتضغط عليه

شنوري كان عندي نفس الحاله رحت للدكتور عمرو عبد العظيم في المعادي
طلع مايكرو كراك و احتماليه العلاج 50% و 50% خلع
الحقيقه انا لو احتماليه العلاج 5% بحاول العلاج
حاول علي قد ما تقدر مش تشيله
انا عملت روت كنال و كروان زركزنيم و الحمد لله ماشي الحال

حشوف حعمل فيه ايه وربنا يسهل الحال

[AlGazar2]

سلامتك يا باشا
و ابعد عن الحاجات السخنه اوى و الساقعه اوى

بس للدرجادى الاكل فى المقابله كان بيهرى السنان :) عندى ضرس كده برضه بس لما اكل عليه بيعمل زى كهربا تحته

[mesaharaty]

شنورى بك ألف سلامة على حضرتك
واضح إن مقابلة حبايب السيدة حد قر عليها ولا حاجة

شوف بقى :
بالخبرة كده إللى حضرتك بتوصفه ممكن يكون عصب وقد يكون متطور لدرجة وجود خراج (أوعى تتخض من الكلام)
العلاج : دكتور باشاواتى يكشف على الضرس ويرممه ولو حشاه عصب اصبر على العلاج ولما ينتهى اعمل له Crown ضرورى .
طيب فى حالة الدكتور خلع الضرس يبقى برضه ضرورى تعمل تركيبة بديلة علشان الضروس اللى بجواره ما تتحركش من مكانها ناحية الفراغ اللى حيسيبه الضرس المخلوع مما يؤدى إلى لخلختهم هما كمان .
أنا عارف 2 دكاترة - هنا فى القاهرة للأسف - شغلهم 100% .

شفاك الله وعافاك

[amdd]

اخلعه واستنى 3 شهور كده وممكن اعطيك نمرة واحد سورى متخصص فى تركيب الضروس والاسنان وبيعمل كمان طقم كامل انا ركبت عنده ضرس ووالدى ركب ضرس وسنه وناس تانيه كتير اعرفها مركبه ضروس هو بقاله فتره بيتنقل بين المحافظات بس دلوقتى فى فيصل

حكاية انك تستنى 3 شهور لغاية مكان الضرس المخلوع يلم علشان يركب صح

انا برضه كان عندى مشكلة فى ضرس الدكتور قالى حشو عصب وحوار قلتله شيله قالى هسيبك تفكر ربع ساعة بره قلتله لا شيله دلوقتى ومكنتش اعرف ساعتها الراجل السورى ده وبعد الخلع بسنه عرفته وجه ركبه وبقاله معايا حوالى 7 شهور وتمام ولا فى اى فرق فى الفم

[SHNORY]

هو شكله ضرس عقل
لاني كنت فاكر اني خالعه قبل كده اتاريني خالع اللي فوقه مش اللي وراه
لو كده يبقي ملهوش لازمه العلاج واشيله وخلاص
ولا ايه رايكم ؟

[3ateef]

تروح لدكتور ويعمل عليه اشعة الأول.
لو اللخلخة جامدة يبقى احتمال كبير انه هيتشال, لو مش جامدة للدرجة يبقى ممكن يثبته فى الضروس اللى جنبه ويظبتلك الحشوة اللى فيه وباذن الله يثبت ومضطرش تخلعه.

[misry]

هو شكله ضرس عقل
لاني كنت فاكر اني خالعه قبل كده اتاريني خالع اللي فوقه مش اللي وراه
لو كده يبقي ملهوش لازمه العلاج واشيله وخلاص
ولا ايه رايكم ؟

لو فعلا ضوس عقل وانت خالع اللي فوقه يبقى اخلعه أحسن ...

لو ضرس تاني روح احشيه عصب فورا لأنه ممكن يعمل خراج في أي وقت وبعدين اعمل طربوش عليه ...

وأوعى تروح لأي حد سوري الا لو دكتور وعنده عيادة , نصيحة لوجه الله لأني شفت ناس اتبهدلوا

من السوريين دول لأنهم بيبقوا فنيين معمل مش دكاتره ...

[Ahmed_selmy]

انا راى تتبع نظريه محمود المليجى اللى بتقول:
"انا صباعى اللى يوجعنى معلجوش .....اقطعه"
اخلع يا باشا وتوكل على الله.....بس لو الضرس دا ضرس عقل يبقى الافضل عند الدكتور.