سؤال لدكاتره الاسنان واصحاب الخبره (عندي ضرس بيتلخلخ)

[misry]

انا راى تتبع نظريه محمود المليجى اللى بتقول:
"انا صباعى اللى يوجعنى معلجوش .....اقطعه"
اخلع يا باشا وتوكل على الله.....بس لو الضرس دا ضرس عقل يبقى الافضل عند الدكتور.

الكلام ده قديم قوي ... دلوقتي لو صابعك اتقطع خيطه ورجعه مكانه ...

[shaddadfalcon1]

نصيحه روح لدكتور في اقرب وقت عشان لو ينفع يتعالج يبقي تلحقه قبل مايبوظ

وفي نفس الوقت متلعبش بايدك عشان ميتكسرش وبعد كده يحتاج عمله عشان تشيل جذوره

[abogogo]

سلامة حنكك يا قرصان بص من واحد خبره تخصص بق ... ماتخلعش اي ضرس طالما في أمل ولو بسيط في اصلاحه لأن التركيبات مهما كانت جيدة مش زي الاصل وانت لسه في ريعان الشباب هتفضل تخلع مع الوقت البق هيطبق وتبقى شبه باباي ولما تتقدم في السن وتكوان قاعد على الكرسي في الجنينة ويجي حفيدك يأكل زبادي ... تقوله ( يابني حرام عليك هو انا ليا شنان للشبادي ) ... المهم يا كبير خد طريق العلاج قبل طريق الخلع

[amir]

و الله و جه اليوم اللي اقدر اقولك هنزلك صف سنانك و اسيح دمك يا عم شنوري

نيجي للجد مادام ملخلخ لدرجه انت حاسسها و بالوصف اللي بتوصفه يبقي اخر امل ليك علاج عصب لو مكنش ضرس عقل و في ضرس مقابل ليه و تركب طربوش بعدها و لو اللخلخه لدرجه كبيره يبقي الخلع
و لو عايز تعالي و متشيلش هم حاجه انا فتحت في مدينه نصر

نرجع للتهريج

افتح بقك و بص في اتجاه القاهره و انا همد ايدي و اطولك

الف سلامه عليك يا عمنا

[SHNORY]

و الله و جه اليوم اللي اقدر اقولك هنزلك صف سنانك و اسيح دمك يا عم شنوري

نيجي للجد مادام ملخلخ لدرجه انت حاسسها و بالوصف اللي بتوصفه يبقي اخر امل ليك علاج عصب لو مكنش ضرس عقل و في ضرس مقابل ليه و تركب طربوش بعدها و لو اللخلخه لدرجه كبيره يبقي الخلع
و لو عايز تعالي و متشيلش هم حاجه انا فتحت في مدينه نصر

نرجع للتهريج

افتح بقك و بص في اتجاه القاهره و انا همد ايدي و اطولك

الف سلامه عليك يا عمنا

احبيبي ادكتور احنين
يا باشا دا لو اخر ضرس في بوقي مش حخليك تلمسه ياعم ههههههه
بس كفايه متعه اني اقرملك صباعك وانت بتكشف عليا ههههههههههه
ربنا يفتح عليك والف مبروك العياده
بس هو شكله ضرس عقل وحستني لما يستوي شويه واخلعه
خليك انت في التقيله بقي طالما مش حدفع فلوس
عندي شويه حشو عاوزين يتعملوا في كام سنه كده
والمع وانضف وتركبلي الاكسسوارات اللي بيركبوها في السنان دي
فص الماظ ولا قلب دهب يلمع كده وانا ببتسم
واحشني يا حاج
بس انت مختفي بقالك فتره كبيره اوي ويا رب اشوفك دايما معانا

[amir]

احبيبي ادكتور احنين

حبيبي يا بو الشنانير

يا باشا دا لو اخر ضرس في بوقي مش حخليك تلمسه ياعم ههههههه

يا عمنا مين قالك اني بحب المس سنان حد مين قالك اساسا اننا بنلمس سنان حد احنا بنستعمل عازل و كما هو معلوم طبيا يا عوازل فلفلو
اقولك ده لو اخر ضرس تعالي نعمل حلقه رمايه و نشوف مين اللي هيصيبو في مقتل

بس كفايه متعه اني اقرملك صباعك وانت بتكشف عليا ههههههههههه

يابني انت مش كبرت علي موضوع العضعضه ده كده عيييييييييييييييييييييييييييب

ربنا يفتح عليك والف مبروك العياده

الله يبارك فيك

بس هو شكله ضرس عقل وحستني لما يستوي شويه واخلعه

تستني يستوي تخلعه ايه يا عم الاذيه دي انجز بالوصف بتاعك ده يتخلع و دلوقتي احسن ما يتكسر اكتر و لا انت بتعزنا قوي كده معزه الجمل؟!!!

خليك انت في التقيله بقي طالما مش حدفع فلوس
عندي شويه حشو عاوزين يتعملوا في كام سنه كده
والمع وانضف وتركبلي الاكسسوارات اللي بيركبوها في السنان دي
فص الماظ ولا قلب دهب يلمع كده وانا ببتسم
واحشني يا حاج
بس انت مختفي بقالك فتره كبيره اوي ويا رب اشوفك دايما معانا

متدفعش حاجه انا هاخده اعلقه علي باب العياده و اقول ده مصير اي حد بيتهرب من الدفع و ممكن اركبله سماعات و اشغل اغنيه ياني ياني ياني مش هعمل كده تاني
و بخصوص الاكسسوارات انت مقامك اكبر من فص ولا قلب دهب احنا نركبلك عيل صغير و نمسكه فوطه صفرا يمسحلك الصوابع قبل ما تقرمها و اهو منه يسترزق برضو
و الله واحشني يا كبيرنا بس الظروف و الله زعلت لما دخلت و شفت زياره القاهره الاخرانيه متأخر

[SHNORY]

حبيبي يا بو الشنانير



يا عمنا مين قالك اني بحب المس سنان حد مين قالك اساسا اننا بنلمس سنان حد احنا بنستعمل عازل و كما هو معلوم طبيا يا عوازل فلفلو
اقولك ده لو اخر ضرس تعالي نعمل حلقه رمايه و نشوف مين اللي هيصيبو في مقتل


يابني انت مش كبرت علي موضوع العضعضه ده كده عيييييييييييييييييييييييييييب


الله يبارك فيك


تستني يستوي تخلعه ايه يا عم الاذيه دي انجز بالوصف بتاعك ده يتخلع و دلوقتي احسن ما يتكسر اكتر و لا انت بتعزنا قوي كده معزه الجمل؟!!!

متدفعش حاجه انا هاخده اعلقه علي باب العياده و اقول ده مصير اي حد بيتهرب من الدفع و ممكن اركبله سماعات و اشغل اغنيه ياني ياني ياني مش هعمل كده تاني
و بخصوص الاكسسوارات انت مقامك اكبر من فص ولا قلب دهب احنا نركبلك عيل صغير و نمسكه فوطه صفرا يمسحلك الصوابع قبل ما تقرمها و اهو منه يسترزق برضو
و الله واحشني يا كبيرنا بس الظروف و الله زعلت لما دخلت و شفت زياره القاهره الاخرانيه متأخر

ههههههههههههههههههههههههههههههههههههههههه
مش عارف ارد عليك ههههههههههههههههههههه
حتوقف فيك يا ميرو هههههههههههههههههههههه
بقولك ايه طالما زعلت علشان فاتتك المقابله اللي فاتت
تعالي المقابله الجايه في اسكندريه يوم 8 مارس
وهات شنطه العد معاه الازميل والشاكوش والمطرقه والشنيور

[amir]

معلش يا شنوري مش هينفع و الله للاسف

[EngAhmedSayed]

ارحمه و ارحم نفسك و اخلعه

[casperinoo]

اخلعه واستنى 3 شهور كده وممكن اعطيك نمرة واحد سورى متخصص فى تركيب الضروس والاسنان وبيعمل كمان طقم كامل انا ركبت عنده ضرس ووالدى ركب ضرس وسنه وناس تانيه كتير اعرفها مركبه ضروس هو بقاله فتره بيتنقل بين المحافظات بس دلوقتى فى فيصل

حكاية انك تستنى 3 شهور لغاية مكان الضرس المخلوع يلم علشان يركب صح

انا برضه كان عندى مشكلة فى ضرس الدكتور قالى حشو عصب وحوار قلتله شيله قالى هسيبك تفكر ربع ساعة بره قلتله لا شيله دلوقتى ومكنتش اعرف ساعتها الراجل السورى ده وبعد الخلع بسنه عرفته وجه ركبه وبقاله معايا حوالى 7 شهور وتمام ولا فى اى فرق فى الفم

لو القانون بيتنفذ في مصر كان الراجل السوري ده خد 3 سنين علي الاقل ..وبره مصر في الدول المحترمه كانوا خد اعدام ..
هو احنا واخدين المركز الاول في التهاب الكبد الوبائي سي علي مستوي العالم من شويه..

[casperinoo]

انا شايف ان الحل انك تخلع كل سنانك الا الضرس ده ..وتسيبه لوحده مذلول علشان يتعلم الادب :)

[abogogo]

لو ناوي على الخلع اعرف دكتور ايده تتلف في حديد ... اقصد في حرير ...!!
هيخلع لك ضرسك بطريقته الخاصة ولو مش محتاج خلع بس بيتلخلخ شوية ممكن يدقلك مسمارين يثبتوا الضرس كويس ... دي صورة من العيادة عنده

[mesaharaty]

لو ناوي على الخلع اعرف دكتور ايده تتلف في حديد ... اقصد في حرير ...!!
هيخلع لك ضرسك بطريقته الخاصة ولو مش محتاج خلع بس بيتلخلخ شوية ممكن يدقلك مسمارين يثبتوا الضرس كويس ... دي صورة من العيادة عنده

معقوووووووووووووووووووووووووووول ؟؟؟

[amdd]

لو القانون بيتنفذ في مصر كان الراجل السوري ده خد 3 سنين علي الاقل ..وبره مصر في الدول المحترمه كانوا خد اعدام ..
هو احنا واخدين المركز الاول في التهاب الكبد الوبائي سي علي مستوي العالم من شويه..

على فكره مبتنزلش نقطة دم واحده من فمك ولا حقنة بنج حتى ولا اى جراحه

[casperinoo]

[QUOTE=amdd;3874844923] على فكره مبتنزلش نقطة دم واحده من فمك ولا حقنة بنج حتى ولا اى جراحه[/QUOT
ياباشا انتقال العدوي مش دم بس ..
اللعاب بتاع الفم نفسه بيبقي محمل بالفيروسات ..
والغشاء المخاطي للفم زيه زي الجرح المفتوح حتي لو مفيش جرح..
وللأسف فيروس بي ممكن يتنقل بفيروس واحد ..نقطه واحده من اللعاب فيها ملايين الفيروسات..مابالك بحامل المقاس اللي اتحط في 100 عيان علي الاقل قبلك ..
واحتمال كبير جيه عليه دم في اي عيان قبلك مش مجرد لعاب