إعـــــــلان

Collapse

.

,
See more
See less

انا جبت مولد كهرباء صينى 6 كيلو نوعه gupta 6200 electric

Collapse
X
 
  • Filter
  • الوقت
  • Show
Clear All
new posts

  • #76
    انا روحت تريديكو الصياد ولقيت هناك مولد يابانى لنفرتر موديل eu 10i حجمه صغير جدا وقدرة الف واط والخارج الامان 900 واط وتمنه 6600 جنيه يابانى بالكامل واللى قدرته 3000 واط بردو كاتم صوت ويابانى بالكامل تمنه 15 الف جنيه

    Comment


    • #77
      ماركته هوندا وكاتم صوت

      Comment


      • #78
        يا ريت يا جماعه نتفاعل فى الموضوع ده عشان نجيب حاجه ما تتعبناش وتستحمل الشغل على الاقل 6 ساعات فى اليوم. لان الصيف القادم هيكووووووووووووون ضلمة بمعنى الكلمه
        اليوم اللى الكهرباء هتقطع فيه يوم كامل هنقول الحمدلله انها ما قطعتش 3 ايام متواصلين
        ولازم نجيب دلوقتى عشان على شهر 5 المولدات بتغلى الضعف وخصوصا بقى عند دخول شهر رمضان الكريم

        Comment


        • #79
          المشاركة الأصلية كتبت بواسطة poooooooooo مشاهدة المشاركة
          يا ريت يا اخ ابو حبيبه تقولنا جبته منين وماركته ايه وشغال معاك كويس ولا لا وبتشغل عليه ايه لان بصراحه سعره كده كويس اوى
          شارع الجمهوريه خلف جامع الفتح ثانى محل شماال
          [img3]http://nileup.com/up/uploads/nilemotors_13625154841.png[/img3]

          Comment


          • #80
            الاعتماد على بطارية السيارة العادية فى الحصول على مصدر كهرباء دائم باستخدام انفرتر مثلا للحصول على 220 فولت او الحصول على 12 فولت بشكل مباشر لن يصلح
            بطارية العربية لا تصلح للتشغيل المستمر و ا لتحميل المستمر عليها ، سوف تتلف سريعا ، حيث ان بطارية السيارة مصممة بحيث تستهلك 20 % فقط منها و تعاد شحنها ـ اما اذا استهلكت 60 % منها مثلا قبل ان تعيد شحنها و استمريت فى هذا السلوك سوف تتلفها سريعا ، البديل هو بطارية تسمى DEEP Cycle Battery

            و هى البطاريات التى تستخدم فى تشغيل سيارات ملاعب الجولف الكهربائية ، فهى تصلح بأن تستهلك 80 % منها و تعيد شحنها بأمان تام دون ان تتلف




            المشاركة الأصلية كتبت بواسطة د.محمود صلاح مشاهدة المشاركة
            افضل من المولد ومشاكله واخطاره وووو الخ

            مروحة شحن كهربائية تشتغل 5 ساعات حتى يفرغ الشحن وفيها لمبة وراديو كمان

            لمبات طوارئ بالشحن

            بطارية عربية وشغل عليها تلفزيون ورسيفر

            Comment


            • #81
              نزلت امبارح شارع الجمهوريه ولفيت على كل المحلات (جبت كل كروت التليفونات بتاعتهم وهحاول انزلها)
              ولاقيت انواع كتيييييييييييير كلها صيني طبعا وشكلها ردييء جدا
              وطبعا اصحاب المحلات بيفتوا فتييييييييييي مالوش حل
              اللي يفتي ويقولك ده 5 كيلو ياباشا وهو مش مكمل اتنين كيلو اصلا واللي جايب مولد صيني مكتوب عليه بور هوندا
              ويقولك ياباشا د هوندا ياباني اصلي (هههههههههه هههه قولت في سري عيب عليك .. دا انا جايلك من نايل موتورز ... مش اي كلام يعني )
              واللي يقولك دا الماني ههههههههه ههههههه ... اه يا ولاد ال تيييييييييييييييييت

              المهم طلعت بشويه نقط كده

              1- لازم تبقى عارف الاجهزه اللي هتشغالها محتاجه كام وات بالظبط (لأني اتصدمت لما عرفت مثلا ان الماكوه 1000 وات وان غلايه الشاي مثلا 1500 وات وان التكييف 3000 وات وفي بدايه التشغيل بيحتاج قدره اكبر)

              2- لازم تبقى عارف كويس يعني ايه وات وكيلو وات وحصان وفولت امبير وكيلو فولت امبير وتعرف تحول بينهم كويس (مهندسين الكهربا ممكن يفيديونا)

              3- كل اللي هناك صيني باستثناء الهوندا والبرافا طبعا والاضمن انك تجيبهم من الصياد تريدينج عشان هو الوكيل وبيدي ضمان ست شهور (مع اني شاكك اساسا ان اليابان تكون لسه بتصنع مولدات ... دي بقت تصنع سفن فضاء ياعم الحاج)

              4- في واحد هناك شغال في محل مش صاحب المحل يعني حسيت من كلامه ان هوا امين شويه
              لانه كان بيوطي صوته ومش عايز صاحب المحل يسمعه لما شفت المولد اللي مكتوب عليه بور هوندا قلت استهبل شويه ودخلت على صاحب المحل بقوله بكام المولد الياباني ده ياباشا (ههههههههه ) قالي 7000 ياباشا قولتله هو كله ياباني ولا في حاجه صيني قالي لا ياباشا دا كله ياباني وتقفيل ياباني كمان المهم جه الولد اللي شغال هناك وخدني على جنب اكنه بيشرحلي المولد يعني وقالي ياباشا ده مش ياباني وصاحب المحل بيكدب عليك (طبعا بصوت واطي) المهم هو قالي لو عايز تشتري حاجه صيني وحلوه اشتري ماركيز بس هو خلص من عندي (وحتى انا لما سألت عليه في باقي المحلات لقيته مش موجود)

              5- انا حصرت اختياراتي في تلات حاجات

              أ - مولد لان توب 3000 وات (طبعا الصافي بتاعه اقل شويه) تمنه حوالي 1700 جنيه بس المشكله اني بقلق من اي صيني بينزل مصر

              ب - مولد ماركيز 3000 وات (طبعا الصافي بتاعه اقل شويه) مش عارف تمنه والمشكله انه مش موجود وكمان صيني (بس ناس شكرت فيه)

              جـ - مولد برافا 3000 وات (طبعا الصافي بتاعه اقل شويه) تمنه حوالي 2950 بيقولوا ان الموتور ياباني والمولد ايطالي ومتجمع في مصر

              ياريت ترشحولي حاجه من الاختيارات أ او ب او جـ

              Comment


              • #82
                المشاركة الأصلية كتبت بواسطة a_nbm مشاهدة المشاركة

                2- لازم تبقى عارف كويس يعني ايه وات وكيلو وات وحصان وفولت امبير وكيلو فولت امبير وتعرف تحول بينهم كويس (مهندسين الكهربا ممكن يفيديونا)

                حاولت اشوف ع النت وياريت لو في حاجه غلط ممكن حد يصححلي (انا ميكانيكا مش كهربا )

                a- 1 kw = 1000 w
                b- 1 hp = .75 kw
                c- 1 kw = 1.341 hp
                d- 1 kva = 1.25 kw
                e- 1 kw = .8 kva

                Comment


                • #83
                  اولا مافيش مولد هوندا يابانى بالكامل موجود فى مصر غير مولديلين شفتهم عند تريديكو الصياد موديل تمنه 6600 جنيه وقدرة 1كيلو ومولد تمنه 15 الف جنيه وقدرته 3 كيلو اما باقى المولدات الهوندا اللى عنده كلهم ماركة هوندا لكن تقفيل صينى او نقفيل تايلاندى او تقفيل الوكيل مصرى. وللاسف معظم التجار بيكذبو عشان يبيعو. حتى فى التوكيل بتاع تريديكو المندوب كان بيقولى على المولد اليابانى اللى هو قدرة 1 كيلو ان تنك البنزين بتاعه بيشيل 3.5 لتر ولما بصيت وقريت فى المعلومات بتاعته لقيته بيشيل 2.3 لتر يعنى حتى فى التوكيل المندوبين بيكدبو عشان بياخدو نسبه على البيع طبعا. عاوزين حد من الاعضاء يكون اشترى اليومين دول وجرب المولد ويقولنا ماركته ونوعه وهل كويس ولا مش كويس ومشاكله ايه وسعره

                  Comment


                  • #84
                    المشاركة الأصلية كتبت بواسطة poooooooooo مشاهدة المشاركة
                    عاوزين حد من الاعضاء يكون اشترى اليومين دول وجرب المولد ويقولنا ماركته ونوعه وهل كويس ولا مش كويس ومشاكله ايه وسعره
                    +1111111111111111111111111111111111111111111111111 1111111

                    Comment


                    • #85
                      منقول للأفاده

                      نظرا للانقطاع المتكرر للكهرباء فى مصر أذداد الطلب على شراء مولدات الكهرباء المنزلية او للمحلات وسنتعرف على اسعار وافضل انواع ماركات مولدات الكهرباء فى مصر واماكن البيع وكيف تشترى مولد الكهرباء المناسب لاحتياجاتك.



                      اسعار وافضل انواع مولدات الكهرباء فى مصر واماكن البيع

                      كيف تشترى مولد كهرباء يناسب احتياجاتك:
                      يتوفر فى الاسواق العديد من الانواع والماركات “معظمها صينى الصنع وهى جيدة وتفى بالغرض وسعرها فى متناول الجميع ” وتتوفر بقدرات مختلفة تبدء من 500 وات “نصف كيلو ” وحتى 10 كيلو وات وأكثر حسب أحتياجاتك ,وفى البداية وقبل شراء مولد كهرباء تعرف على القدرة التى تحتاجها من الكهرباء حتى تشترى مولد الكهرباء المناسب لاحتياجاتك .

                      ويوجد مولدات اكبر من 60 كيلو للمصانع ولمراكب الصيد الكبيرة وللقرى السياحية …الخ



                      وفيما يلى بعض الاجهزة والقدرة التى تستهلكها من الكهرباء حتى تحدد مولد الكهرباء المناسب لاحتياجاتك عند الشراء.

                      اللمبة الموفرة = تستهلك من 20 الى 60 وات
                      اللمبة النيون = تستهلك من 20 الى 40 وات
                      المروحة = تستهلك من 50 الى 100 وات
                      الغسالة = 200 الى 1.000 وات حسب نوع الغسالة عادى او اوتوماتيك وبسخان او بدون
                      التليفزيون + الريسيفر = يستهلك من 100 الى 150 وات
                      الثلاجة = من 100 الى 300 وات حسب الحجم
                      السخان = 1.000 الى 2.000 وات ويمكن طفى السخان عن استخدام مولدات الكهرباء لانها تحتاج الى أحمال كبيرة



                      أجهزة التكييف تحتاج الى مولدات كهرباء ذات قدرات كبيرة
                      تحتاج أجهزة التكييف الى مولدات كهرباء ذات قدرات أكبر من 5 كيلو وات خاصة أجهزة التكييف الاسبليت



                      اسعار مولدات الكهرباء فى مصر:

                      تختلف الاسعار حسب قدرة المولد ومواصفاتة ومميزاتة وفيما يلى اسعار بعض انواع مولدات الكهرباء فى مصر:

                      مولد قدرة 1 ك = 400 الى 450 جنية ”التشغيل عن طريق السحب”

                      مولد قدرة 1.7 ك = 800 الى 1000 جنية ”التشغيل عن طريق السحب”

                      مولد قدرة 1.7 ك = 1200 الى 1400 جنية “تحتوي على مفتاح - مارش – للتشغيل + التشغيل عن طريق السحب”

                      مولد قدرة 3 ك = حوالى 3.000 جنية “تحتوي على مفتاح - مارش – للتشغيل + التشغيل عن طريق السحب”



                      ملحوظة : التجار يستغلون الفترات التى يذداد فيها أنقطاع الكهرباء ويذادا الطلب على شراء مولدات الكهرباء ويقومون برفع الاسعار ,فتجنب الشراء فى هذة الفترات .





                      أماكن بيع مولدات الكهرباء فى مصر:

                      فى العتبة شارع نجيب الريحاني او شارع الجمهورية مع ملاخظة ان كل مولدات الكهرباء الجديدة ( ذات القدرة 5 كيلو او اقل ) تكون صيني ولا يوجد ابدا ياباني … وانتبه لانهم يلصقون علي تلك المولدات ملصقات لماركات يابانية- وهي في الاصل صيني- ويحاول ان يقنعك بانه ياباني ..
                      اما المستعمل فستجد في سوق السبتيه وممكن ان تجد الياباني ولكن افحص حالته جيدا



                      الوقود المستخدم فى مولدات الكهرباء:
                      بالنسبه للوقود فكل مولدات الكهرباء تعمل بالبنزين العادي ( الذي يباع في محطات البنزين)

                      Comment


                      • #86
                        منقول للأفاده

                        سوف اقوم بحساب احمال المنزل بالامبير بصورة تقريبيه وباستخدام الامبير والجهد سوف نقوم بحساب القدرة بالوات

                        تكييف يونيون اير 1.5 حصان سبليت = 6 امبير
                        تكيف كارير 1.5 حصان سبليت = 6 امبير
                        عدد 2 تليفزيون 21 بوصة = 2 امبير
                        واحد تليفزيون 29بوصة =1.5 امبير
                        عدد 3 رسيفر = 1.5 امبير
                        واحد مكرويف كنود 32 لتر =5 امبير
                        البوتجاز يعمل بالكهرباء =3 امبير
                        سخان شاي 2 لتر = 4 امبير
                        غسالة lg بالمجفف 10.2 كيلو = 5 امبير
                        ثلاجة كريازي 14 قدم = 4 امبير
                        ديب فريزر رأسي كريازي 6 درج = 3 امبير
                        مبرد مياة بارد وساخن = 2 امبير
                        عدد 2 شفات 45 سم = 3 امبير
                        عدد 4 مروحة سقف ناشيونال كبيرة =8 امبير
                        عدد 2 كمبيوتر = 2 امبير
                        الانارة
                        عدد 11 لمبات نيون 60 = 3 امبير
                        عدد 3 لمبة موفرة 35 وات = 1 امبير
                        عدد 2 لمبة علي السلم 100 وات = 1 امبير


                        المجموع = 61 امبير

                        باستخدام مولد يعمل بتوليد جهد 220 فولت

                        القدرة الكلية للبيت = 220 * 61 =13420 فولت امبير

                        القدرة الفعليه للبيت = القدرة * معامل القدرة =13420 * 0.8 = 10736 وات

                        وده هو اقصى حمل للبيت كله وذلك عندما تعمل كل الاجهزة فى وقت واحد وذلك مستحيل

                        ولذلك يتم الضرب فى معامل التحميل وهوغالبا يكون 0.75
                        حمل البيت = 10736 * 0.75 =8052 وات =8.052 كيلو وات

                        دائما فان من الافضل ان تاخذ بعين الاعتبار الزياده المستقبليه للاحمال وليكن 10 % = 0.1 * 8052 =805.2 وات
                        وايضا من الافضل ان يعمل المولد بقدرة تساوى 75 % من الحمل الكامل للمولد = 8052 / 0.75 = 10736 وات

                        اذن قدرة المولد المراد شراؤة = 10736 + 805.2 =11540 وات
                        تقريبا مولد بقدرة 12 ك وات يكفى لتشغيل المنزل جيدا

                        Comment


                        • #87

                          Comment


                          • #88
                            فكره ممتازه

                            Comment


                            • #89
                              طيب يا جماعة أنا عايزة اشتري مولد الصافي بتاعه في حدود 5 كيلو عشان يشغل التكييف مع التلاجة و شوية حاجات بسيطة تانية (تليفزين و لايسيفر و لمبة مثلا بالكتير) بس عندي شوية استفسارات:

                              أتاكد ازاي من الصافي بتاع المولد؟
                              ايه الفرق بين ال rated power و الmaximum output power؟
                              هل المولدات الصيني فيها عزل صوت؟؟ و لو لأ يا ترى المولد صوته عالي قوي بحيث يزعج الجيران؟؟
                              لو حطيت المولد في البلكونة, هل ده كويس عشان التهوية؟؟ و بالنسبة للعادم هل كتير قوي بحيث يدخل عالجيران في شققهم؟؟
                              لتر البنزين يشغل المولد في المتوسط كام ساعة بالنسبة للمولد ال 5 كيلو؟
                              أهم سؤال بقى: أشتري ماركة ايه و منين بحيث يكون كويس و يستحمل الشغل بس يكون سعره معقول؟؟؟؟؟؟؟؟؟؟؟؟؟

                              Comment


                              • #90
                                المشاركة الأصلية كتبت بواسطة hh مشاهدة المشاركة
                                طيب يا جماعة أنا عايزة اشتري مولد الصافي بتاعه في حدود 5 كيلو عشان يشغل التكييف مع التلاجة و شوية حاجات بسيطة تانية (تليفزين و لايسيفر و لمبة مثلا بالكتير) بس عندي شوية استفسارات:

                                أتاكد ازاي من الصافي بتاع المولد؟
                                ايه الفرق بين ال rated power و الmaximum output power؟
                                هل المولدات الصيني فيها عزل صوت؟؟ و لو لأ يا ترى المولد صوته عالي قوي بحيث يزعج الجيران؟؟
                                لو حطيت المولد في البلكونة, هل ده كويس عشان التهوية؟؟ و بالنسبة للعادم هل كتير قوي بحيث يدخل عالجيران في شققهم؟؟
                                لتر البنزين يشغل المولد في المتوسط كام ساعة بالنسبة للمولد ال 5 كيلو؟
                                أهم سؤال بقى: أشتري ماركة ايه و منين بحيث يكون كويس و يستحمل الشغل بس يكون سعره معقول؟؟؟؟؟؟؟؟؟؟؟؟؟
                                راجع الموضوع من الاول طلب موجود

                                Comment

                                Working...
                                X