إلى أي حد بيفكر يشتري حيوان أليف..

[ALMAGICO]

انا عايز اشترى كلب محترم للحراسة وفى نفس الوقت انا بخاف منهم (لو عايز اتجرأعليهم اعمل إيه)ياليت الإجابة تكون عن تجربة___من حد كان خواف؟

شوف حضرتك انا فى الاول خالص اول كلب جبتة مش هقولك حالة الرعب اللى انا كنت فيها يس تعالى حضرتك نشوف احنا لية بنخاف اصلا من الكلاب عامة
نتكلم عن كلاب الشوارع لية بنخاف منهم عشان العضة بتاعتهم والحقن والميكروبات والعضة ممكن تتلوث وانت مش ضامن هو بياكل اية من الشارع كل دى عوامل كاقيلة ترعب اى حد من الكلاب
طب انا الوقت اشتريت كلب واول مشتريتة روحت طعمتة وكشفت علية وكلة تمام وباكلة اكل نضيف جزء كبير جدا من الخوف لازم هيروح
اول كلب كان معايا لما كنت بطلعلة السطوح كنت بحاول مبينش اى حاجة من جسمى ولا صباع يكون باين عشان خايف اتعض كنت بلبس جوانتى وبلبس كوتشى وكذا شراب وممكن بنطلونين عشان لو عضنى البنطلونين يقللوا من قوة العضة وفى عز الحر كنت ببقى لابس كم ممكن البس جاكت كمان كنت شبة الفرقة 777 وانا طلعلة وكنت برسم بقى لو عضنى اول حاجة هعملها اية وطريقة للنزول هتبقى ازاى كانت مشكلة كبيرة وكنت بخاف موت افتح باب البيت بتاعة بس مع الوقت لاقيت ان انا خوفى مبالع فية وبدأت احلل الوضع مع نفسى واقول حتى لو انا اتعضيت مش هتبقى مشكلة لانى مطعمة وبكشف علية بصفة دورية وبدا خوفى يقل مع الوقت وعلى فكرة هييجى على حضرتك وقت ممكن تلاقية بيعضك بس عض خفيف ولما روحت للدكتور قالى بص لو كلبك لاقيتة بيعضك دة حل من اتنين يا اما بيسنن وهتفضل كدة الغيط ميتم ال5 شهور او انت مقصر فى حقة ومش بتلعب معاة وهو بيلفت نظرك لية بيقولك انا اهو العب معايا
اهم حاجة حضرتك انك متخليش الكلب يحس انك خايف واهم حاجة ان يكون ليك شخصية ادام كلبك لان لو شخصيتك ضعيفة ادام كلبك الكلب اللى هيقودك ومش هينفذلك امر وهتتعب معاة
واى استفسار انا تحت امر حضرتك
والله اعلى واعلم فيما قلت

[ABO MALEK]

شوف حضرتك انا فى الاول خالص اول كلب جبتة مش هقولك حالة الرعب اللى انا كنت فيها يس تعالى حضرتك نشوف احنا لية بنخاف اصلا من الكلاب عامة
نتكلم عن كلاب الشوارع لية بنخاف منهم عشان العضة بتاعتهم والحقن والميكروبات والعضة ممكن تتلوث وانت مش ضامن هو بياكل اية من الشارع كل دى عوامل كاقيلة ترعب اى حد من الكلاب
طب انا الوقت اشتريت كلب واول مشتريتة روحت طعمتة وكشفت علية وكلة تمام وباكلة اكل نضيف جزء كبير جدا من الخوف لازم هيروح
اول كلب كان معايا لما كنت بطلعلة السطوح كنت بحاول مبينش اى حاجة من جسمى ولا صباع يكون باين عشان خايف اتعض كنت بلبس جوانتى وبلبس كوتشى وكذا شراب وممكن بنطلونين عشان لو عضنى البنطلونين يقللوا من قوة العضة وفى عز الحر كنت ببقى لابس كم ممكن البس جاكت كمان كنت شبة الفرقة 777 وانا طلعلة وكنت برسم بقى لو عضنى اول حاجة هعملها اية وطريقة للنزول هتبقى ازاى كانت مشكلة كبيرة وكنت بخاف موت افتح باب البيت بتاعة بس مع الوقت لاقيت ان انا خوفى مبالع فية وبدأت احلل الوضع مع نفسى واقول حتى لو انا اتعضيت مش هتبقى مشكلة لانى مطعمة وبكشف علية بصفة دورية وبدا خوفى يقل مع الوقت وعلى فكرة هييجى على حضرتك وقت ممكن تلاقية بيعضك بس عض خفيف ولما روحت للدكتور قالى بص لو كلبك لاقيتة بيعضك دة حل من اتنين يا اما بيسنن وهتفضل كدة الغيط ميتم ال5 شهور او انت مقصر فى حقة ومش بتلعب معاة وهو بيلفت نظرك لية بيقولك انا اهو العب معايا
اهم حاجة حضرتك انك متخليش الكلب يحس انك خايف واهم حاجة ان يكون ليك شخصية ادام كلبك لان لو شخصيتك ضعيفة ادام كلبك الكلب اللى هيقودك ومش هينفذلك امر وهتتعب معاة
واى استفسار انا تحت امر حضرتك
والله اعلى واعلم فيما قلت

كلام جميل وممكن نجرب......تنصحنى بإيه وبكام؟؟؟

[ALMAGICO]

شوف حضرتك انصحك باية يبقى جيرمن شيبرد لانة اسهل كلب ممكن يتربى واى حد مبتدىء انا بنصحة بية
لان الانواع التانية زى الروت والبيتبول وما الى ذلك محتاجة خبرة شوية
بكام دى حضرتك اللى تحددها وتقولى احتياجك منة اية يعنى ناوى تاخدها كتجارة ولا تربية مش اكتر وعامة حضرتك تحدد ميزانية معينة
نيجى للجزء الاهم بنصح حضرتك تقرأ كتير عن تربية الكلاب ولو فى اى سؤال انا تحت امر حضرتك لان حضرتك هتربى روح ومسؤلية كبيرة جدا ولازم اى حد بيربى يكون اد المسئولية دى وصدقنى تربية الكلاب متعة كبيرة هى اة متعبة شوية فى الاول عشان الجرو بيبقى معندوش ادراك كافى بس لما تدربة وتربية وتلاقية ادامك كدة بسم الله ماشاء الله وحش هتحس انك عملت حاجة
واى استفسار انا تحت امر حضرتك
والله اعلى واعلم فيما قلت

[dede_dodo88]

نفسي أجيب كلب بس مش قادر أعمل كده عشان مظلموش معايا لأن مش هيكون عندي الوقت الكافي لمتابعته :(

[tutankhamoun]

يا فندم كلامك جميل بس للآسف ناس كتيرة في مصر بتربي الحيوانات (كنوع من أنواع الزينة ) و بشوف المعاملة السيئة اللي الحيوانات بتتعامل بها في مصر (ثقافة زفت الزفت و مفيش حنان خالص و لا أنسانية)

أنا تعبت كلام مع جيراني بسبب الموضوع ده و لكن الناس مخها تعبان و كل واحد عامل أبو العريف و اللي جايب الحيوان زينة أو تقليد !! ربنا يهدينا

[ABO MALEK]

شوف حضرتك انصحك باية يبقى جيرمن شيبرد لانة اسهل كلب ممكن يتربى واى حد مبتدىء انا بنصحة بية
لان الانواع التانية زى الروت والبيتبول وما الى ذلك محتاجة خبرة شوية
بكام دى حضرتك اللى تحددها وتقولى احتياجك منة اية يعنى ناوى تاخدها كتجارة ولا تربية مش اكتر وعامة حضرتك تحدد ميزانية معينة
نيجى للجزء الاهم بنصح حضرتك تقرأ كتير عن تربية الكلاب ولو فى اى سؤال انا تحت امر حضرتك لان حضرتك هتربى روح ومسؤلية كبيرة جدا ولازم اى حد بيربى يكون اد المسئولية دى وصدقنى تربية الكلاب متعة كبيرة هى اة متعبة شوية فى الاول عشان الجرو بيبقى معندوش ادراك كافى بس لما تدربة وتربية وتلاقية ادامك كدة بسم الله ماشاء الله وحش هتحس انك عملت حاجة
واى استفسار انا تحت امر حضرتك
والله اعلى واعلم فيما قلت

لا مش تجارة خالص والله...محتاجة بغرض الحراسة أصلا.هل الجيرمن شيبرد ده يفى بالغرض؟وسعر الجرو منه كام يا أفندم؟
تاعب حضرتك معايا سامحنى.

[ALMAGICO]

لا مش تجارة خالص والله...محتاجة بغرض الحراسة أصلا.هل الجيرمن شيبرد ده يفى بالغرض؟وسعر الجرو منه كام يا أفندم؟
تاعب حضرتك معايا سامحنى.

لا تعب ولا حاجة حضرتك
شوف حضرتك طالما مش تجارة يبقى من وجهة نظرى بلاش جيرمن شولاين اللى هو عندة كسحة لان اللى بيجيبة بيبقى ناوى مثلا يبيع منة جراوى عشان الجراوى سعرها بيبقى عالى فبيكسب من وراة
حراسة بس يبقى الورك لاين اختيار مناسب
اما موضوع ان الجيرمن ينفع للحراسة اة ينفع طبعا الجيرمن نباحة قوى وكتير ومش كسول ودة المطلوب دة حتى اسمة الراعى الالمانى يعنى من زمان وهو ماشى فى حوار الحراسة دة واكيد يفى بالغرض
موضوع السعر بقى انا بنصح حضرتك انك تجيب تقليب جيد يعنى بلاش متوسط او فوق المتوسط يعنى انا مثلا لما جبت فكرت مع نفسى وقلت طبيعى الجرو هيصرف يبقى اجيب حاجة محترمة عشان اصرف براحتى يكون ليا نفس وانا بصرف ممكن يكون تفكيرى غلط بس كمان كل ماكان التقليب حلو كل ماكان الكلب اذكى
السعر بقى بيبدأ من اقل من 1000 الى 4000 ودة للجراروى المستوردة الشولاين
بس من وجهة نظرة لو حضرتك عايز جرو محترم مش اقل من 1500 او ازيد سنة بسيطة ودى وجهة نظرى انا حسب مشتريت قبل كدة وبتبقى مواصفاتة
خشب عريض وكفوف
الوان حمرا
ماسك
عراقيب وميل مش كسحة لان الميل غير الكسحة
جمجمة ضخمة
واهم حاجة صحة الجرو لازم تكون صحتة ممتازة
وكمان بلاش تجيبة صغير اوى يعنى خالية مثلا شهرين حلو لان انا اعرف ناس اشترت جراوى صغيرة ومكنتش لسة اتفطمت وطلع عين الناس دى بجد والله
واى استفسار انا تحت امر حضرتك
والله اعلى و اعلم فيما قلت

[m07amed.]

تقول اية ع جاري , اللي جايب كلب محبوس وسايبة مش لاقي يشرب غير من مية المجاري السودة , وبيريح ضميرة قال بأية انه يجيب لة كيس فية بواقي من عند بتاع الفراخ كل عشر ايام و الكلب يخلص الكمية دي في 3 ايام مثلا وباقي الاسبوع جعان , غير انة مش بينظف وراة وسايب اكياس الاكل القديمة والحالة والريحة زفت وانا بتأذي من الريحة دي ,والمكان بقي مليان حشرات , انا علاقتي بصاحب الكلب زفت ولو اتكلمت معاة حيعند ربنا ينتقم منه

[magic girl]

انا الحمدلله مربي 5 قطط اه مطلعين عيني ف البيت بس ع قلبي زى العسل والحمدلله مش بتستخسر فيهم شىء ، وحصلي موقف ايام الكلية مع احدى القطط تعب ومرض ايام امتحاناتى وكان فضلي ع المادة يوم واحد بس نزلت ووديته المستشفى وطبعا الوقت جرى منى ف المذاكرة وكنت داخل المادة مقلق منها ربنا كرمنى وجيبت جيد جدا فيها
اللى حابب اقوله من الحكاية بتاعتي ان اى خير بتعمله لاى روح ربنا شايف و مطلع عليك وبيساعدك لو حصل حاجة وكما انقذت روح هتلاقي اللي ينقذك حتى و لو وقفت جنب اى روح سواء كانت انسان او حيوان فكلنا ارواح خلقها الله عز وجل

ملحوظة : واديني بقولها اهو اللي عايز يربي قطط يجيب اناث مش ذكور عشان مطلعين بوزي وربنا يخلهملي ويطلعوا بوزي كمان وكمان

هههه، انا عندي 3 قطط منهم ولدين، هو اه الولاد اشقى بس بموت فيهم :) و ربنا يكرمك انك بتاخد بالك منهم :)

موضوع جميل جدا
انا فاكر فى مرة كنت بشترى جرو فروحت لواحد كان عندة جراوى وكان موجود الاب والام وكل الجراوى وانا اخترت واحد من بين دة كلة المهم روحت تانى يوم عشان اخود الجرو فبشيلة لقيت الراجل قام واخد الجرو منى وقام قايلى جملة انا استغربت منها اوى قالى بص انت الوقت اخذت الجرو من بين باباة ومامتة واخواتة لو مش هتقدر تكون انت بالنسبة لية دول كلهم متاخدوش وعشان كدة دايما اقول لاى حد بيربى كلاب ان الدنيا بتاعة الكلب كلها هى الانسان اللى بيربية مالوش حد غيرة وصدقنى لو عايز تحكم على اى حد شوفة بيتعامل مع الحيوانات ازاى سواء بقسوة او بحنية

صح جداً الكلام ده، انا كنت قريت عن سواق تاكسي في اسكندرية كل يوم كان بيروح مكان كده فيه قطط و بيأكلهم.. بجد حسيت انه انسان أوي.. و فعلاً الواحد بيتحكم عليه من معاملته للحيوانات..

يا فندم كلامك جميل بس للآسف ناس كتيرة في مصر بتربي الحيوانات (كنوع من أنواع الزينة ) و بشوف المعاملة السيئة اللي الحيوانات بتتعامل بها في مصر (ثقافة زفت الزفت و مفيش حنان خالص و لا أنسانية)

أنا تعبت كلام مع جيراني بسبب الموضوع ده و لكن الناس مخها تعبان و كل واحد عامل أبو العريف و اللي جايب الحيوان زينة أو تقليد !! ربنا يهدينا

للأسف زي مانت قلت الناس بتجيب الحيوانات زينة فعلاً، عيل يشبط في كلب ولا قطة ابوه يجيبهوله و بعد شوية الأب يزهق من المسؤولية فيبيعه او يسربه و خلاص كده.. و للأسف بردو اصحاب محلات الحيوانات و التجار مش بيهمهم غير انهم يبيعوا و خلاص.. اعرف واحدة صاحبة والدتي عندها مشروع تربية قطط.. اكتر من مرة تبيع مثلاً قطة و ترجعها تاني لما تحس ان اللي اشتروها منها مش هياخدوا بالهم منها..

عامةً متيأسش، و حاول تاني مع جيرانك و ربنا يجازيك خير.. ممكن تبقى سبب انهم يفوقو من الهبل اللي بيعملوه ده..

تقول اية ع جاري , اللي جايب كلب محبوس وسايبة مش لاقي يشرب غير من مية المجاري السودة , وبيريح ضميرة قال بأية انه يجيب لة كيس فية بواقي من عند بتاع الفراخ كل عشر ايام و الكلب يخلص الكمية دي في 3 ايام مثلا وباقي الاسبوع جعان , غير انة مش بينظف وراة وسايب اكياس الاكل القديمة والحالة والريحة زفت وانا بتأذي من الريحة دي ,والمكان بقي مليان حشرات , انا علاقتي بصاحب الكلب زفت ولو اتكلمت معاة حيعند ربنا ينتقم منه

حاول طيب تخلي حد تاني يتكلم معاه عشان كده حرام بجد، و فيه جمعية اسمها esma " الجمعية المصرية للرحمة بالحيوانات" ممكن تتصل بيهم و تشوف لو ترتب انهم يبعتوا حد عشان يكلمه او كده.. اسعى بجد في الحوار ده لأن انقاذ الروح دي ممكن تدخل أي حد الجنة.. و شوف الثواب اللي هتاخده بجد..

[mohaakotb]

انا خالي جابلي جرو روت وايلر من فترة وكنت سعيد بيه جدا خصوصا اني كنت قبليها بقرأ عن الكلاب وكنت حابب يبقي عندي كلب منه حراسة ومنه اربيه واهتم بيه وكده بس لما بقي عندي ندم الدنيا ركبني وبيعته ل واحد صاحبي جمبي عشان ابقي اشوفه ... بجد مش قادر اقولكو انا اتعلقت بيه ازاي في غضون اسبوعين وقبل ما تستغربو انا بيعته لأني شفت نفسي مش ههتم بيه الاهتمام الكافي وكمان في شبه حرمانية وانا مرضهاش ابدا .. بس بجد الاسبوعين دول كانو من امتع ايام حياتي وفي نفس الوقت اصعب ابام حباتي انا كنت ابقي بره البيت اعمل بتاع 5 تليفونات لأخويا عشان يطلع يلعب معاه او يطلعله اكل وساعات كنت بفكس ل مشاوير عشان ارجعله لأنه كان لوحده وانا كنت سايبه في شقه لوحده ف كنت حاطط نفسي مكانه وبقول لو انا هنا كنت هعمل ايه ... ومتتخيلوش بقي لما اطلعله بيبقي عامل ازاي كأنه عيل صغير بالظبط متساب علي السرير وشاف حد جه وعايز يلعب معاه .. وكنت بجيبله انضف اكل وبغيرله المياه علي طول واشربه لبن .... معلش طولت عليكو بس فكرتوني بيه :)

[ابراهيم حامد]

ياريت يا دوللي تقوليلي تجربتك مع تربية القطط ايه النوع اللي بتفضليه وازاي اقدر اعمل زيك لان انا كان نفسي اربي قطط من زمان بس كنت بقلق من تربيتهم وخايف معرفش اعتني بيهم صح لاني معرفش الطريقة ولا المكان الصد اللي المفروض اجيب منه بصراحة نفسي اعرف كتير عن الموضوع ده

[prof2013]

احنا لاقيين ناكل لما نأكل حيوانات ههههههه بهزر طبعا لا شك ان الرأفه بالحيوان له اجر كبير زي المرأه اللي اسقت كلب ودخلت الجنه رغم ذنوبها العظيمه والعكس لمن لم يرأف بهم

[KoKyKa]

أنا عندئ سلاحف. حاليا

و قبلهم كان سمك بس السمك مقرف فئ رعايته و. بيموت بسرعة و أمراضه كتيره

وكان عندئ قطه كآنت قطه صغيرة فئ الشارع أمها سبتها صعبت عليا قلت أربيها لحد أما تكبر بعدين اشربه فئ الشارع

قبله كان عندئ عصافير. و باضت و كترت و بقى زئ ما يكون عندئ محل عصفير. بي للأسف أتنظرت و ماتت كلها

قبل العصافير لما كنت صغير جبت كلب ولف وقعد شهريين ووالذئ الله يرحمه سربه و معرفس عنه حاجة

تربية الحيوانات ده موهبة مش هواية

[طارق _عبد السلام]

انا تقريبا كده هاوى تربيه اسماك الزينه من حوالى 20 سنه وفعلا مسئوليه تربيه الارواح مسئوليه كبيره
واكبر مشكله تقابلنى الان عند انقطاع التيار الكهربائى كل شويه بقلب المياه للسمك وببحث عن موتور بالبطاريه
فعلا مسئوليه
موضوع هادف
جعله الله فى ميزانك