الى كل من اتسرقت سيارته ! طالب بحقك من الدولة !!

[Y a r i s]

انا لا اعتقد ان سرقت العربيات دي صدفة

@@@@@@@@@@@

انا حاسس الموضوع مدبر ... وفي رؤوس كبيرة في البلد متواطئة في الموضوع ده
ومش هقول اخوان لأ. بس حاسس انها نظام سابق والدليل شوف الفيديو ده

[youtube]http://www.youtube.com/watch?v=Xo1nDsFXjhs&sns=em[/youtube]
‫عمرو اديب ساخر ع تثبيت الحسينى بكفر الشيخ وسرقة سيارته # ابقى اكتب عليها المرة الجاية عمرو اديب محافظ القاهرة‬‎ - YouTube

في حاجة غلط ... ازاي البوليس مش قادر يقبض على عصابة لخطف العربيات
وبقلنا قد ايه ونفس الحوادث هيا هيا ، انا حاسس ان الموضوع مدبر زي تماماً موضوع فتح باب السجون والطلاق المجرمين علشان الناس تشكل لجان شعبية ويقعدو تحت بيوتها ... فكزالك موضوع العربيات دي عاوزين الناس ياتترحم على ايام مبارك. يا عاوزين الناس تهمد وتبطل مظاهرات. وتقعد في بيوتها علشان الامن يستتب
الموضوع فيه سرررررر !

بس عامة كده او كده. اذا دل عن شيء فده بيدل على فشل رئيس الجمهورية على احتواء البلد
فشل الحكومة في عمل اي شيء للبلد
ويدل على تواطئ ناس تقيلة في البلد للعملية دي ... علشان يحصل الي بيحصل في البلد
واظن كده الموضوع بقه واضح واي عربية تتسرق بعد كده يبقى الحكومة. ملزمة ترد العربية دي لصاحبها وان فشلت فعليه تعويض صاحب العربية بتمنها. او رد قيمتها الجمركية وجميع الضرايب التي دفعت لها. بحكم اني بديكم الفلوس دي علشان تحموني وتوفرولي خدمات انتوا كده لا حمتوني ولا خدمتوني يبقوا ترجعولي فلوسي وتعوضوني ولا ايه

العدل بيقول كددددددة. مينفعش الحكومة او الدولة تنفض ايديها من الموضوع ده. تبقى ساعتها مش دولة. تبقى عربخانه.... ولا ساعتها هيبقى الدولة لازمتها ايه !!!

او تسمحلنا بقه نشيل اسلحة وكل واحد يحمي نفسوا وعربيتوا !!!
فالسؤال هنا هل من حق المتضرر من سرقه سيارته انوا يرفع قضية على الدولة ويطالبها بتعويض ؟
وهل من حق المواطن ايضاً رفع قضية على شركات التامين. الي بتقول انها مش مسؤولة لو العربيات اتسرقت ؟
والكل بقه يعفي نفسوا من المسؤولية !!

@@@@@@@@@@

وتحياتي

[hossam_elwani]

اكييد من حقه بس عايزه محامى قوى

[Y a r i s]

طب هو مش كان في محاميين قاعدين فاضيين
ساعه بيرفعوا قضية على الهام شاهين. وساعه يرفعوا قضية على فستان هيفاء وهبي او سوستت باسم يوسف راحوا فين المحامين دول ... اهو بدل ماهما قاعدين على القهاوي ايه رأيكم لو نشغلهم شوية اهو على الاقل هيتشهرو ويطلعوا على الفضائيات والناس تشوفهم ويسقفلوهم من تاني ولا ايه ! :)

[dolly13]

تفتكر ؟
ماظنش

[EngAhmedSayed]

الواحد مش عارف يقول نظام سابق الواحد يقول فلول الواحد يقول اخوان
مش عارف نقول ايه
طيب هما بياكلو بعض احنا ذنبنا ايه
يولع ده على ده

[Y a r i s]

تفتكر ؟
ماظنش

واللهي يا دولي يا اختي
انا بشوف دلوقتي. الناس بتنزل تتظاهر علشان يطالبوا بحقوق ناس ميتين ويقلك اصلهم شوهداء مع ان في حياتي وعمري ماسمعت ان الشهيد. ليه فلوس او ليه تمن ... ولكن بيطالبوا بتعويضات من الدولة زي ديه كده ....

وعلى ايام مبارك حتى الي بيتوا بيوقع. او يتهد من حقوا انوا يطالب الدولة بتعويضات. انها توفرلوا. بيت بديل ... ودول كتير بتصرف للي قاعد من غير شغل تعويضات بطالة .

ده حتى الي بيمرض مرض خطير طبقاً للستور من حقوا انوا يطالب بالسفر على حساب الدولة للعلاج في الخارج فاحنا هنا بنطالب على الحماية ، مثلاً في امريكا لو عربية اتسرقت بتلاقي الحكومة والدولة تجررررري تدور على العربية. لان لو مرجعيتش العربية يبقى الناس الي بتدفع الضرائب هيقولوا ملكومش ضرايب عندنا وشركات التامين هيتخرب بيتها واذا اتخرب بيت شركات التامين وفلست. ساعتها هيئثر على اقتصاد البلد واذا تاثر اقتصاد البلد الدولة هتفلس وناس هتقعد في بيوتها ويحصل قلبان في البلد لذلك تلاقيهم في امريكا لايهتموا اذا عربيتهم اتسرقت وكل واحد بيسيب المفتاح في الكونتاكت حتى وعارفين انها اذا اتسرقت الشرطة هترجعها

وبعدين انا بدي للدولة فلوس في مقابل انها تحميني دلوقتي الدولة مبتحمنيش وملهيه في مظاهرات العيال الي في الشارع ومش عارفين يسيطروا على شوية عيال يبقى انا بدفع للدولة فلوووس ليه !

لمن الدولة تدفع تعويضات للناس الي بتتسرق عربيتها ساعتها هيتخرب بيتهم ولمن يتخرب بيتهم هتلاقيهم يجروا زي الكلاب. يحموا عربيات المواطنين وممتلكات المواطنين بروحهم وبدمهم لانها هتبقى مسؤوليتهم اومال انا وانتا وانتي بنديهم فلووس ليه علشان يحطولي نمر على العربية !!! ولا ايه. ؟ ... وتحياتي

[Y a r i s]

الواحد مش عارف يقول نظام سابق الواحد يقول فلول الواحد يقول اخوان
مش عارف نقول ايه
طيب هما بياكلو بعض احنا ذنبنا ايه
يولع ده على ده

ماهو دلوقتي يا باشا يقولوا الي يقولوه
المسؤولية مش مسؤولية الاخواااان المسؤولية مسؤولية السلطة الحاكمة. بالمعارضة بحتى شوية الزبالة الي في السجون وكل واحد عملي نفسوا بريء وشريف مع انوا هو الي خربها وقاعد على تلها ونايم في جناح ملكي في السجن

المهم دلوقتي لو الشرطة مش عارف تجيب حقوق الناس يبقوا بالسلامة. يروحوا مشكورين يقعدوا في بيوتهم جمب نسوانهم ... وبالفلوس الي بياخدوها دي نبعت نجيب شرطة من برة ... او نستعين بمباحث الاف بي اي او اياً يكن ... البحرين على سبيل المثال. بتروح تجيب هنود وجنسيات اسيوية. من برة ويشغلوهم في الشرطة

مصر ذات نفسها بتسفر ضباط شرطة. للسودان ولدارفور ... وبصراحة احنا كشعب صبرنا بدل الشهر عشرة وبدل السنة اهو دخلنا في سنتين واتغير كزا وزير داخليه. وبرضوا مفيش فايدة فانا راي يشوفولنا اي شرطة مستوردة. برواتب الشرطة المصرية معليش حتى لو زودنا شوية. ودفعنا من جيوبنا الفرق بس على الاقل الواحد يمشي بعربيتوا. وهو مطمن ومرتاح ولا ايه !

[aboomar22]

طيب والناس اللى محلاتهم بتتكسر النهاردة فى التحرير والعربيات اللى بتتحرق وبتتكسر فى الشغب والتظاهر والشقق اللى بتتسرق والسطو المسلح على الشركات والمحلات يانهار ابيض دا كده الحكومة هتفلس

[dolly13]

والله يا دولي يا اختي
انا بشوف دلوقتي. الناس بتنزل تتظاهر علشان يطالبوا بحقوق ناس ميتين ويقلك اصلهم شوهداء مع ان في حياتي وعمري ماسمعت ان الشهيد. ليه فلوس او ليه تمن ... ولكن بيطالبوا بتعويضات من الدولة زي ديه كده ....

وعلى ايام مبارك حتى الي بيتوا بيوقع. او يتهد من حقوا انوا يطالب الدولة بتعويضات. انها توفرلوا. بيت بديل ... ودول كتير بتصرف للي قاعد من غير شغل تعويضات بطالة .

ده حتى الي بيمرض مرض خطير طبقاً للستور من حقوا انوا يطالب بالسفر على حساب الدولة للعلاج في الخارج فاحنا هنا بنطالب على الحماية ، مثلاً في امريكا لو عربية اتسرقت بتلاقي الحكومة والدولة تجررررري تدور على العربية. لان لو مرجعيتش العربية يبقى الناس الي بتدفع الضرائب هيقولوا ملكومش ضرايب عندنا وشركات التامين هيتخرب بيتها واذا اتخرب بيت شركات التامين وفلست. ساعتها هيئثر على اقتصاد البلد واذا تاثر اقتصاد البلد الدولة هتفلس وناس هتقعد في بيوتها ويحصل قلبان في البلد لذلك تلاقيهم في امريكا لايهتموا اذا عربيتهم اتسرقت وكل واحد بيسيب المفتاح في الكونتاكت حتى وعارفين انها اذا اتسرقت الشرطة هترجعها

وبعدين انا بدي للدولة فلوس في مقابل انها تحميني دلوقتي الدولة مبتحمنيش وملهيه في مظاهرات العيال الي في الشارع ومش عارفين يسيطروا على شوية عيال يبقى انا بدفع للدولة فلوووس ليه !

لمن الدولة تدفع تعويضات للناس الي بتتسرق عربيتها ساعتها هيتخرب بيتهم ولمن يتخرب بيتهم هتلاقيهم يجروا زي الكلاب. يحموا عربيات المواطنين وممتلكات المواطنين بروحهم وبدمهم لانها هتبقى مسؤوليتهم اومال انا وانتا وانتي بنديهم فلووس ليه علشان يحطولي نمر على العربية !!! ولا ايه. ؟ ... وتحياتي

هههههههههههههههههههههههههههههههه
حلوة يادوللى يا اختى دى
احنا طول عمرنا فى البلد دى محدش عوضنا عن اى حاجة مع العلم اننا لا نستفيد من الدولة غير فى المية والبنزين والباقى كله بندفعه ولانكلف الدولة اى شئ من تعليم لصحة لدواء لعمل لمواصلات
يللا ربنا يحسن ختامنا جميعا لان خلاص مابقاش فيها امل لكن احنا عايشين حلاوة روح والله اعلم

[S O P H O S]

والله يا حج نظام سابق او حالي
الواحد بقي ملوش حق فأي شئ يمكن حقه فقط فاليأس من كل شئ
والحمد الله علي كل شئ ..

[wahba87]

يا جماعة الموضوع بسيط

الشعب فعلا يحتوى على كمية كبيرة من الحرامية و البلطجية و الأشكال الغلط

احنا بس اللى مش عايزين نصدق

[Y a r i s]

والله يا حج نظام سابق او حالي
الواحد بقي ملوش حق فأي شئ يمكن حقه فقط فاليأس من كل شئ
والحمد الله علي كل شئ ..

حبيبي يا بوحميد لا ياباشا متقولش كده
انتا امل للمستقبل ... عارف يابوحميد انا كنت قرفان من البلد بالي فيها لغايت ماشفتكم واتعرفت عليكم لقيت فيكم امل بكرة امل مصر حسيت ان البلد لسه بخيرررر شباب بسم الله مشاء الله زي الورد وزي الفل فلا تيأس يا عزيزي ... بالك انتا يا بوحميد انا لو بنتي كبيرة شوية مكنتش هلاقيلها عريس احسن منك يا بوحميد بس مشكلتها لسه كتكوته صغيرة ... ده كفاية انك راجل تيوتاوي :). فلا تيأس يا عزيزي أنتم أمل بكرة ومستقبل مصر

[Survival]

الحكومة و الشعب ايد واحدة و الايد الواحدة ما تسقفش
عاوزين تعرفوا البلد رايحة على فين اركب المترو و شوف و اتفرج ببلاش هتلاقى قلة الادب و قلة الذوق و التحرش و السرقة و التسول و كل ما تتنمناه. هو ده كوكتيل الشعب المصرى و طبعا فيه شوية مش فاسدين بس الكوكتيل على كل حال باظ و غير صالح للاستخدام.
الحل اننا نقنع الناس انهم سافروا برا و بكده هيحترموا نفسهم عشان احنا عالم نخاف و لا نختشيش.

[أبو إياد]

انا كمواطن اتسرقت عربيته من يوم 10يناير 2012 مش عاوز العربيه بس عاوز الامان ( من غير ما اطول وادخل فى شرح )

[nab!l]

واحد فى الشغل عربيته اتسرقت كيا سيراتو 2012
جابها بعد مكالمات مع العصابه وقاللى ان رقمهم مفتوح دايما ومع المباحث ومحدش بيتحرك