الى كل من اتسرقت سيارته ! طالب بحقك من الدولة !!

[Y a r i s]

ماهو ده الي بقول عليه. ... حد يقدر يقولي ليه محدش من المباحث عاوز يتحرك
وكل واحد فيهم بيقول ياعم انا مالي خاليني قاعد على مكتبي مرتاح اهم حاجة المرتب يتصرفلي اخر الشهر ... انا ضد تصفيت القيادات القديمة حتى لو قتلت خلوها لحد ما يستقر وضع البلد بس بما انهم بكل غباء صفوا قيادات في الداخلية وجابو قيادات جديدة مش عارفه حاجة في اي حاجة والعارف قاعد نايم ... فهنا انا بطلب بتصفيتهم كلهم بقه ونجيب قيادات اجنبية شورطية ... لان خلاص كده خيربت .

ومحدش يقولي اصل الاجنبي هيجي مش عارف مصر وطبيعة مصر ، لا يا عزيزي انتا بتشوف الواد البياع الصيني او البت الصينية بيجو من بلدهم متعلم عربي جاهز ومعلمينوا الصياعة كمان والفصال

المفروض فتح باب القبول في كليات الشرطة للمؤهلات العليا ولا يشترط دراسة القانون ولكن يكتفى بتعليمهم واعطائهم دورات شورطية وتعليمهم حقوق المواطن وحقوقهم ... ودورات اجرامية ... لان حتى الظابط الي بيخوش اكادمية الشرطة ويقعد ينتع فيها اربع سنين. بعد مايتخرج بيقول ياسلام اخيراً اتخرجت. انا كده اخر تمام ومش ناقصني غير عروسة حلوة وعربية لانسر وافيمها

بخلاف حملة المؤهلات العليا الي هيبقوا عاوزين يثبتوا كفائيتهم. بالذات وهما شباب كده ٢٠ او ٢٢ سنة. بتلاقيهم كلهم حماسة وبيتفرجوا على قناة ام بي سي تووو. كتير. وفوكس موفي فتلاقي دماغهم مشع شعه

اما الهبل الي احنا عايشين فيه ده ... وافتقاد الامان. فدي مصيبه في حد ذاتها ولعنة اصيبت بيها مصر وضروري حل ليها. يالحكومة تستقيل وتغور في داهية يا احنا نروح نشوفلنا بلد تاني

[alexaway]

الظابط اللي قاتلوه بلطجية زمايله جابوا القاتل في اقل من 12 ساعة , الشرطة بتشتغل بمزاجها , لو عايزين يجيبوا حد حيجبوه .
حسب الله ونعم الوكيل فى كل واحد معندوش ضمير يقعدله فى عياله وفي اهله

[mohammedabdallh]

انا هعلق على الموضوع نفسه
الحكومه هتقولك
حم..................... وانت عارف الباقى
ياراجل حكومه ايه وشرطة ايه
دلوقتى الشرطه عامله كمين بس للردار والفاميه اكتر من كدا مفيش

[Y a r i s]

بشوفهم واللهي يا محمد باشا
عاملين كمين بالذات بالليل. ... بس اي عيل صغير في البلد دي عارف انها ديكووور
يعني كمين كده وكده علشان الناس تقول.ااااااااااااااالله ... لا واللهي الريس مورسي والوزير الجديد عامل شغل في البلد وبقه في أمن البلد هههههههه. ( الراجل شغال اهو بس الناس الي مش مديالو فرصه ) ... يعني سبحان الله فاكرين الشعب اهبل مثلاً .... لا وكل يومين عندنا تلاقي عربيتين تلاته اتاري ماشين ورى بعض ومولعين السرينه ورايحين جين. بيعملوا جو في الشارع .... وانا من قميت شهرين عربية تريله دخلت طيرت تالت عوميد نور. وبهدلت الدنيا بتصل بالنجدة ردو عليا بكل ادب الحقيقة. وقالوا جيين واهو فات شهرين ولسه محدش جيه ههههه محدش يعرف اتأخروا ليه :)

[تامر.محمد]

بس عامة كده او كده. اذا دل عن شيء فده بيدل على فشل رئيس الجمهورية على احتواء البلد
فشل الحكومة في عمل اي شيء للبلد
ويدل على تواطئ ناس تقيلة في البلد للعملية دي ... علشان يحصل الي بيحصل في البلد

ده ملخص اللي بيحصل في البلد في كل حاجة

[Ahmed_Adham]

ماهو ده الي بقول عليه. ... حد يقدر يقولي ليه محدش من المباحث عاوز يتحرك
وكل واحد فيهم بيقول ياعم انا مالي خاليني قاعد على مكتبي مرتاح اهم حاجة المرتب يتصرفلي اخر الشهر ... انا ضد تصفيت القيادات القديمة حتى لو قتلت خلوها لحد ما يستقر وضع البلد بس بما انهم بكل غباء صفوا قيادات في الداخلية وجابو قيادات جديدة مش عارفه حاجة في اي حاجة والعارف قاعد نايم ... فهنا انا بطلب بتصفيتهم كلهم بقه ونجيب قيادات اجنبية شورطية ... لان خلاص كده خيربت .

اقولك انا. في الاول لازم نتفق ان الشرطه قوتها من قوه القانون وليس عدد الأفراد ولا قوه التسليح ولو تفتكر أيام مبارك كان امين شرطه يطلع لوحده في البوكس يلم تلت أربع رجاله بشنبات من سرايرهم وينزل ضرب فيهم بالشلاليت ومحدش يفتح بقه منهم.

تعالى بقى دلوقتي حط نفسك مكان ظابط الشرطه. هوه معاه ايه واللي بيواجههم معاه ايه وبقى عندهم جرأه اد ايه. ده دلوقتي بيهجمو على الكماين بالعند (لسه كان فيه هجوم على كمين طريق السويس النهارده) يعني بدل ما نقول الشرطه هجمت عليهم وبيردو عليهم بضرب النار لاء المجرمين دلوقتي هما اللي بيطاردو ظباط الشرطه اللي بيتهربو من المواجهات عشان شغلهم بقى فيه نسبه خطر عاليه جدا مش زي الأول وزي ما قالهالي واحد ظابط معرفه "أنا عندي عيال عايز أربيها".

الحل؟ سياده القانون. لو الناس شايفه للدوله هيبه ورهبه محدش هيتجرأ على الشرطه ويرجع الأمن تاني.

[Y a r i s]

هههههههههه
عجبت ليك يابلد حتى الحرامية زهقت من الانفلات الي فيكي. :)