Tweet
السلام عليكم
بقالي سنه الموضوع ده عمال يجي ويلعب في دماغي اللي هو ازود وزني بدل ما الواحد عصاية كده :)
انا عندي 23 سنة وزني 69 وتقريبا خسيت عشان القياس ده كان من فترة وطولي 184 واظن متطولتش ولا قصرت :)
الموضوع وما فيه اني خلاص قررت اكسر الحاجز والدايرة اللي معيش نفسي فيها دي الا وهي اني رفيع ف u must deal with it وكده وقلت انا لازم احط ل نفسي برنامج واسستم نفسي عليه واستمر عليه و اكيد اكيد هيجيب نتيجه إن شاء الله
طبعا الفكرة حلوة وجميلة في اطار انها فكرة بس تيجي من ناحية التطبيق هوبا كل الكلام الحلو يطير معرفش ليه
يعني انا مثلا دي تالت مره ابدأ فيها تاني نفس الكلام ونفس الرةح تجيلي بس ناوي المرة دي اكمل فعلا ... يعني المرتين اللي قبل كده زي اي شاب مصري هوبا انزل الجيم هوبا اكل كويس وكل علي 5 مرات والكلام ده هوبا نوم كويس وطبعا مبتظبطش معايا كل يوم ف بالتالي النظام بيبدأ بعد شهر يبوظ ومكملش الجيم وعادي ارجع زي الاول
المرة دي بقي عايز اخد رأي الناس اللي سلكت الطريق ده قبلي بس نجحو فيه لأني بصراحه شايف ان ده Achievement بصراحه اني احط ل نفسي هدف اني عايز ازيد 14 كيلو مثلا واوصله ده بالنسبالي كأني جبت مزاراتي :)
من اسبوعين في فكرة بقت عامله زي اللمبة فوق دماغي الا وهي المكملات الغذائية وخصوصا سيرياس ماس مع الجيم يعملو شغل وبتاع ومع الايام بدأت الفكرة في التلاشي لكذا سبب منهم ان الوالد مش موافق علي الكلام ده ولو جيبتله دكتور من امريكا مش هيقتنع ثانيا بما انه مش موافق يبقي مفيش فلوس اجيب بيها :) - اخوكو لسه مخلص جامعه ومشتغلتش - ثالثا انا مستغليه جدا بصراحه يعني في الشهر هدفع الف جنيه عشان اجيب شكارتين ده غير اني هبقي دخلت رسمي في سكة المكملات وانا اسمع انها سكة طويلة هفضل بقي اجيب امينو و واي بروتين و بروكمبلكس و معرفش ايه بالهابولي رابعا بقي وده الاهم اني فكرت مع نفسي ولقيت اني ممكن بدل ما اخد سكوب او جرعه فيها 25 جرام بروتين طب مانا اجيبها من اكل عادي وتبقي اضمن و افيد .
هنيجي بقي للمشكلة الكبيرة الا وهي الاكل العادي و ازاي اجيب منه اللي انا عايزة دلوقتي انا وزني زي ما قلت 69 كيلو ف المفروض ادخل جسمي في اليوم 140 جرام بروتين او ازيد و مثلا 3000 سعره حرارية
نيجي بقي ل طريقة ونظام الاكل هي دي المشكلة الفعلية ... المفروض اني اكل 5 او 6 مرات في اليوم و انوع اكلي وبصراحه اصلا انا معنديش وقت اي اكل العدد ده والتنويع و بيض و فول و عيش و زبادي ومعرفش ايه انا اغلب الوقت بره وانا من النوع اللي بياكل بره كتير ف مش عارف بقي هعمل ايه
انا كنت قريت ان لو اكلت علبتين تونه في اليوم هتعمل معايا شغل وقريت بردو اني لو شربت 4 كيلو لبن في اليوم هيعملو معايا شغل اكتر وحاجات من النوعيات دي وبصراحه اللبن داخله دماغي شويه بس حاسس انه افترا بصراحه
من الاخر عشان حاسس اني طولت عليكو اوي عايز اخد رأيكو او حتي ندردش مع بعض واسف للإطاله مره تانيه
بقالي سنه الموضوع ده عمال يجي ويلعب في دماغي اللي هو ازود وزني بدل ما الواحد عصاية كده :)
انا عندي 23 سنة وزني 69 وتقريبا خسيت عشان القياس ده كان من فترة وطولي 184 واظن متطولتش ولا قصرت :)
الموضوع وما فيه اني خلاص قررت اكسر الحاجز والدايرة اللي معيش نفسي فيها دي الا وهي اني رفيع ف u must deal with it وكده وقلت انا لازم احط ل نفسي برنامج واسستم نفسي عليه واستمر عليه و اكيد اكيد هيجيب نتيجه إن شاء الله
طبعا الفكرة حلوة وجميلة في اطار انها فكرة بس تيجي من ناحية التطبيق هوبا كل الكلام الحلو يطير معرفش ليه
يعني انا مثلا دي تالت مره ابدأ فيها تاني نفس الكلام ونفس الرةح تجيلي بس ناوي المرة دي اكمل فعلا ... يعني المرتين اللي قبل كده زي اي شاب مصري هوبا انزل الجيم هوبا اكل كويس وكل علي 5 مرات والكلام ده هوبا نوم كويس وطبعا مبتظبطش معايا كل يوم ف بالتالي النظام بيبدأ بعد شهر يبوظ ومكملش الجيم وعادي ارجع زي الاول
المرة دي بقي عايز اخد رأي الناس اللي سلكت الطريق ده قبلي بس نجحو فيه لأني بصراحه شايف ان ده Achievement بصراحه اني احط ل نفسي هدف اني عايز ازيد 14 كيلو مثلا واوصله ده بالنسبالي كأني جبت مزاراتي :)
من اسبوعين في فكرة بقت عامله زي اللمبة فوق دماغي الا وهي المكملات الغذائية وخصوصا سيرياس ماس مع الجيم يعملو شغل وبتاع ومع الايام بدأت الفكرة في التلاشي لكذا سبب منهم ان الوالد مش موافق علي الكلام ده ولو جيبتله دكتور من امريكا مش هيقتنع ثانيا بما انه مش موافق يبقي مفيش فلوس اجيب بيها :) - اخوكو لسه مخلص جامعه ومشتغلتش - ثالثا انا مستغليه جدا بصراحه يعني في الشهر هدفع الف جنيه عشان اجيب شكارتين ده غير اني هبقي دخلت رسمي في سكة المكملات وانا اسمع انها سكة طويلة هفضل بقي اجيب امينو و واي بروتين و بروكمبلكس و معرفش ايه بالهابولي رابعا بقي وده الاهم اني فكرت مع نفسي ولقيت اني ممكن بدل ما اخد سكوب او جرعه فيها 25 جرام بروتين طب مانا اجيبها من اكل عادي وتبقي اضمن و افيد .
هنيجي بقي للمشكلة الكبيرة الا وهي الاكل العادي و ازاي اجيب منه اللي انا عايزة دلوقتي انا وزني زي ما قلت 69 كيلو ف المفروض ادخل جسمي في اليوم 140 جرام بروتين او ازيد و مثلا 3000 سعره حرارية
نيجي بقي ل طريقة ونظام الاكل هي دي المشكلة الفعلية ... المفروض اني اكل 5 او 6 مرات في اليوم و انوع اكلي وبصراحه اصلا انا معنديش وقت اي اكل العدد ده والتنويع و بيض و فول و عيش و زبادي ومعرفش ايه انا اغلب الوقت بره وانا من النوع اللي بياكل بره كتير ف مش عارف بقي هعمل ايه
انا كنت قريت ان لو اكلت علبتين تونه في اليوم هتعمل معايا شغل وقريت بردو اني لو شربت 4 كيلو لبن في اليوم هيعملو معايا شغل اكتر وحاجات من النوعيات دي وبصراحه اللبن داخله دماغي شويه بس حاسس انه افترا بصراحه
من الاخر عشان حاسس اني طولت عليكو اوي عايز اخد رأيكو او حتي ندردش مع بعض واسف للإطاله مره تانيه
Comment