خسيت بدون حرملن ولا جوع

[hany63]

تمام انا ماشي زيك تقريبا سلطة وغدا خفيف وعشا خفيف جدا وخسيت حوالي 10 كيلو في شهرين لأني خايف من العودة لزيادة الوزن تاني لو اطلقت نفسي للأكل .. كل همي اني ابني نظام اتعود عليه مش اني اخس بسرعة

اي نظام تخسيس سريع بيقلب بتخن بعد التوقف
من الاخر الاكل عامل زي الادمان عشان تخف منه لازم بالتدريج و على مده طويله و اهم حاجه ما تبقاش حاطط في مخك ان ده نظام و مسيره ينتهي
و بعد الخسسان حتى لو الاكل زاد بنسبه خفيفه و كان فيه رياضه منظمه مش هترجع تاني و ادينا داخلين على الصيف اديها سباحه تلات ايام و مشي زيهم

العرف - الكرش دليل منحنى العز -
لكن اه فى غلابه بكرش
عموما
انا كنت بهزر
ولعلمك انا بعانى من الكرش وعاملى ازمه
قبل الزواج كان الكرش بيظهر فى الشتا
ويختفى فى الصيف مع السباحة فى البحر
دلوقتى بوفى وجود الاولاد
بقي الكسل احلى من العسل
والكرش فى ازدياد يوم ورا يوم

طب ما تجرب و تبداء

نظام رائع ومتزن
ربنا يوفقك فيه للاخر وتوصل لهدفـك ..

تعيش ياباشا

ألف مبروك علي فقدان الوزن. علي فكره من الحاجات اللي بتساعد علي فقدان الوزن حاجات بسيطه زي شرب المياه و عدم الأكل متأخر و تقليل السكر تدريجيا في المشروبات او الاستعانه بدلا منه بالسكر الدايت و المشي ان أمكن و لو فتره قصيره و النوم بدري

شكرا للملحوظات القيمه

شكرا لنقل التجربة

نظام سهل فعلا

العفو ياباشا

انا زيك تقريبا عملت نظام معين فى الاكل تقليل النشويات مع الاكثار من السلطه والفواكه ووجبة فراخ او لحوم او سمك مع المشى والحركه والحمدلله نزلت حوالى 8 كيلو ولبست حاجات اتركنت من سنين والواحد رجع خفيف الحركه والحمدلله

الف مبروك

انا اخر مازهقت روحت لدكتور تخسيس مش علشان انزل وزنى بس لاااااااا دة موضوع سهل

انا روحتلة علشان التثبيت بعد الرجيم وربنا يسهل الحال وأقدر اخفى كرشى هههههههههههه خلية يغور
وطبعا الرشاقة حلوة مافيش كلام وربنا يوفقك ان شاء اللة

بس ياباشا من خبرتي في مواضيع الرجيم
مبدئيا لازم تبقى عارف لما تيجي تثبت هتزيد في الاول من ٢ ل ٤ كيلو و ده عشان الجسم غير نظام فلازم تكون مخسس اكتر من المطلوب
تمارس رياضه ٥ مرات في الاسبوع اي حاجه بتحبها تنس طاوله تنس ارضي سباحه و تدخل معاها مشي يبقى لو فرضنا ان في لخبطه في نظام الاكل هتروح اوتوماتيك في الرياضه
و نظام العشا اللي انا كاتبه تمشي عليه طول العمر

[Mohab.Nabil]

نصايح جميلة جدا و بالفعل نظام الرجيم دا كده مش صعب و مش عذاب و احنا فى مصر معظم عادتنا الغذائية غلط فى غلط عشان كده حتى لما تلاقى حد برة تخين او جسمه مليان بتبقى تقسيمة الجسم مختلفة عن هنا ، لأن احنا زى ما نكون بنشوف كل الغلط فى العادات الغذائية و بنعمله طبعا من غير تعمد ..

الف شكر على الموضوع يا باشا

[شريف]

لازم الرياضة كمان مع النظام الغذائي

[zrzr1]

انا لاحظت ان اكتر وجبه بتزود الجسم هي العشاء.. الكلام دا عند كل الناس ولا انا بس؟

[friendship7897]

ما شاء الله
طريقة سهلة وفيها كل الاكل
اصل انا كنت أطبخ للأولاد ولجوزي أكل
وأعمل لنفسي أكل علشان الرجيم
حاولت أعودهم على الأكل الصحي بتقليل النشويات
لكن هيهات - دا أنا ممكن أطلق فيها
بس بالطريقة اللي حضرتك واصفها - ممكن أكل معاهم من الأصناف بتاعتهم بكمية صغيرة وأكمل بسلطة
شكراً جزيلاً لنقل تجربتك

[hany63]

نصايح جميلة جدا و بالفعل نظام الرجيم دا كده مش صعب و مش عذاب و احنا فى مصر معظم عادتنا الغذائية غلط فى غلط عشان كده حتى لما تلاقى حد برة تخين او جسمه مليان بتبقى تقسيمة الجسم مختلفة عن هنا ، لأن احنا زى ما نكون بنشوف كل الغلط فى العادات الغذائية و بنعمله طبعا من غير تعمد ..

الف شكر على الموضوع يا باشا

احنا شعب ضعيف قدام الاكل و كل عيد او مناسبه او خروجه او فسحه اهم فقره فيها الاكل بفترا عمرك شفت حد بيتخن و هو صايم

لازم الرياضة كمان مع النظام الغذائي

المفروض الرياضه تكون مستمره طول العمر للحفاظ على الصحه و بدين يمارس الرياضه افضل من نحيف كسلان و على فكره الرياضه بتمنع الاصابه بالاكئتاب عشان بتخرج فيها التوتر و بتخلي مودك كويس

انا لاحظت ان اكتر وجبه بتزود الجسم هي العشاء.. الكلام دا عند كل الناس ولا انا بس؟

التمثيل الغذائي بينخفض ل ٤٠ في الميه بداية من فترة المساء عشان الحركه بتقل و بالتالي لازم تراعي ان العشا يكون خفيف عشان يتهضم بالكامل قبل النوم و الا وزنك هيزيد بمقدار وزن الجزء الغير مهضوم

ما شاء الله
طريقة سهلة وفيها كل الاكل
اصل انا كنت أطبخ للأولاد ولجوزي أكل
وأعمل لنفسي أكل علشان الرجيم
حاولت أعودهم على الأكل الصحي بتقليل النشويات
لكن هيهات - دا أنا ممكن أطلق فيها
بس بالطريقة اللي حضرتك واصفها - ممكن أكل معاهم من الأصناف بتاعتهم بكمية صغيرة وأكمل بسلطة
شكراً جزيلاً لنقل تجربتك

العفو و بالتوفيق

[khaled_sabry]

موضوع جميل

[hany63]

موضوع جميل

تعيش ياباشا

[hany63]

حبيت انقل التجربه بعد فتره عشان تعرفوا التطورات عشان اللي عايز يستفاد

الحمد لله نزلت 22 كيلو و مش ناوي اقف عشان لاقدر الله لو حصل زياده بعد كده يبقى الموضوع برضه في المعقول
ارجع أأكد اني مش متضايق نهائي و حاسس ان ده اكلي العادي لايف ستايل حتى لما بتعزم و ادوس بلقى نفسي بشبع بسرعه

وده النظام الحالي للاكل للي حابب يعرف انا حاليا ماشي على ايه

الساعه 9 صباحا

ثمرة جريب فروت
نص تفاحه
كباية كابتشينو بالكراميل (مقدرش ابطله)

الساعه 12

نص رغيف بلدي احشوه اي حاجه انا بحط فيه جبنه على لانشون
الساعه 4 و نص
قليل من الارز و سلاطه كتير و خضار و لحمه مسلوقه او مشويه او سمك مشوي او فراخ و ممكن يوم في الاسبوع بفتيك و مكرونه

الساعه 6مساء

مشي لمدة ساعه

الساعه 9 مساء

ثمرة جريب فروت
زبادي منزوع
ربع رغيف جبنه