لسه جاى من دبى و جالى صدمه حضاريه

[amrrashed]

باشا انا كنت في كينيا قريب ... عندهم نظام واخلاق اكتر مننا علي الرغم من الفقر والتضخم اللي هما فيه

[hossam_elwani]

ببساطه الناس دى اول حاجه عملتها انها اعترفت انها ملهاش فيها ( مش عاوز اقول اللفظ اللى احنا بنقوله عليهم )

و جابوا ناس من بره و عملوا لهم النظام كاملا و هم اتبعوه بحذافيره

و لم يزايدوا على انهم اصل العرب و مهبط الرسالات زى ما احنا بنقول على الفراعنه و كلنا ثقه فى اننا سادة العالم

انا حدثت لى نفس الصدمه و لكنها لم تكن فى مجال العماره او المعيشه او النظافه او او او او

و انما كانت فى حقك عند عبور الرصيف من الاماكن المحدده و كيف ان هناك عربيه تقف تماما ( مش تهدى من بعيد ) فى انتظارك لما تعدى

ياباشا الكلام ده فى السعوديه من الثمانينات كان موجود ... انا كنت قاعد هناك 10 سنوات ولما جيت هنا جاتلى صدمه حضاريه بجد اكنى روحت الصومال

[ياسر مصطفي]

كل دولة وليها ما يميزها وما ييختلف عن دول اخري ومصر هكذا واعتقد انها ستظل هكذا بطباعها بالسيء والحسن

اعتقد اللي مصبرنا شوية انتماء وخوف وشوية أمل !!

مع اني من الناس اللي عايزة تسيب البلد دي وتهاجر وابقي اجيها وقت ما اشتاق ليها ودة اكيد اني هشتاق لها

[Memo-kh]

انا كنت من سنه ونص فى زيارة لأوروبا طبعآ الفرق شاسع الثقافى والأخلاقى الإحترام المتبادل بين الناس وبعضها هى الحاجة اللى لازم هتلاحظها بغض النظر عن شكلك أو لونك أو جنسك ( عربى - أوروبى ) والناس كانوا بيبتسموا ليا ولبنتى الصغيره طبعآ مش عاوز أقولكم على الهدوء مفيش حد بيدوس نهائى على الكلاكس ولو أنت واقف فى إشارة وفتحت ومش واخد بالك محدش بيزمرلك تخيل لو إنت فى مصر كنت سمعت مالايخطر ببالك طبعىآ الفرق فى هدوء البال وراحة الأعصاب وأنت سايق أو ماشى فى اى مكان فرق شنيع إحنا معيشين نفسنا فى جو من العدوانيه والضغط العصبى رهيب جدآ وكل حاجة بالخناق والزعيق والدراع وبالنسبة للسواقه أنا سافرت بالعربية كذا دوله وكان الموضوع قمه السلاسة والجمال بالgps تكتب الجهة وتعيش على الطريق السواقه متعه هناك مناظر طبيعية وكده وطبعآ مقوله ( لو انت تعرف تسوق فى مصر تعرف تسوق فى أى حته ) كلام صح 100% مش عايز أحبط حد بس الفرق رهيب وأساسه الأخلاق هى المفتاح للى هما فية وإحنا عمرنا ماهنكون كده أبدا إلآ بتعاليم الإسلام اللى هما بيطبقوها كاملة فى معاملاتهم وإحنا نحفظها من وإحنا صغيرين ولا نطبقها
آسف للإطالة وحبيت انقل لكم تجربتى ووجهة نظرى وشكرآ

[lanos2004]

دبى
ههههههههههههههههههه
قال دبى قال
شويه اعمدة حديد مغلفه بزجاج وبتلمع -وبيقولك ابراج
دبى دى من اكتر البلاد الموحشه والمقرفه فى العالم
يا فرحتى بشويه شوارع بتلمع وشويه مبانى بتبرق -وما فيش روح--ما فيش مذاق للحياه-
دة حتى البحر فيها بحر ميت لاموج ولا حياه ولا نسمه هوا
فى دبى فينك يا صحبى و ياصديقى
فى دبى فين لمتنا وعيلتنا واخواتنا
فى دبى
انت وحدك وسط الزجاج والبلور
فى دبى انت عريب حتى عن فراشك وبيتك
طب دة كوبايه شاى على شط النيل الساعه 3 الفجر مع الاصحاب
بمليون مدينه وبمليو ن حياه فى دبى
بحبك يا بلدى وبحب ناسك

[lanos2004]

كل دولة وليها ما يميزها وما ييختلف عن دول اخري ومصر هكذا واعتقد انها ستظل هكذا بطباعها بالسيء والحسن

اعتقد اللي مصبرنا شوية انتماء وخوف وشوية أمل !!

مع اني من الناس اللي عايزة تسيب البلد دي وتهاجر وابقي اجيها وقت ما اشتاق ليها ودة اكيد اني هشتاق لها

الى عاوز يهاجر
تلاقيه راكب عربيته وهوب مطوح فارغ الحاجه الساقعه من شباكها
تلاقيه ماشى وهوب كاسر عليك علشان ياخد شمال
تلاقيه داخل تقاطع وهوب رامى نفسه والحق نفيسك انته
تلاقيه داخل معاكس ويقولك اخطفها ما فيش عسكرى واقف--طب ضميرك في يا محترم-
الا نسان الصح يحب بلدة مش كلام لا افعال
الاخلاق والمعامله زى الفيروس وعدوى وبتتقل
خليك حلو وحدة وحدة كل الى حواليك هيحلو
هتخليك وحش يبقه انسى انك تشوف الحلو من غيرك

[hnh_75]

انا عايش برة مصر من 13 سنة وشوفت السعودية ودبي بالفلوس تقدر تعمل مبني تركب عربية تعمل شوارع تعمل مدارس تعمل افضل نظام نظافة لكن عمر الفلوس ما هتصنع انسان وده الفرق بين ايران ودول الخليج او مصر 100 سنة بترول ما هي وجه الاستفادة لدول الخليج من هذه الاموال تعليم فاشل جداااااا كثير جدامنهم يحصل علي شهادة الطب او الهندسة والدكتوره من امريكا واماكن مختلفة المعلومات العلمية التي يعرفه طالب ثانوية عامة في مصر تكون اكبر من معلومته او ادارك هذا الشخص ما فائدة انك تملك احدث سيارة وانت لاتعرف او تصنع مسمار فيه او كيفية اجراء صيانة لها
الاهم هذه كانت تساند نظام الفساد السابق لكي يحعل مصر اضحوكة لهذه الانظمة والشعوب ليكون هذا حال من عنده بعض العلم والعقل والحضارة كيف حاله سئ طبعا انا افتخر اني مصري رغم العشوئيات افتخر اني مصري رغم الفقر افتخر اني مصري رغم كل مظاهر التلوث الموجوده افتخر اني مصري رغم العشوئية التي يعيش به جزء كبير من الشعب وما فعله النظام السابق هو هجرة كل المتعلمين المصريين او الكفاءة لدول الخليج لكي يحققو طموحاتهم واحلامهم التي لو حاولو تحقيقه في مصر سيتحطمون ومصر قادمة ان شاء الله بعد عدة سنوات

[ehab]

الى عاوز يهاجر
تلاقيه راكب عربيته وهوب مطوح فارغ الحاجه الساقعه من شباكها
تلاقيه ماشى وهوب كاسر عليك علشان ياخد شمال
تلاقيه داخل تقاطع وهوب رامى نفسه والحق نفيسك انته
تلاقيه داخل معاكس ويقولك اخطفها ما فيش عسكرى واقف--طب ضميرك في يا محترم-
الا نسان الصح يحب بلدة مش كلام لا افعال
الاخلاق والمعامله زى الفيروس وعدوى وبتتقل
خليك حلو وحدة وحدة كل الى حواليك هيحلو
هتخليك وحش يبقه انسى انك تشوف الحلو من غيرك

الانسان الصح للاسف مبقاش يعرف يعيش في مصر لانه بيواجه صعوبة في تعاملاته اليومية مع الناس و في الشارع

[Hondawy_2008]

دبى
ههههههههههههههههههه
قال دبى قال
شويه اعمدة حديد مغلفه بزجاج وبتلمع -وبيقولك ابراج
دبى دى من اكتر البلاد الموحشه والمقرفه فى العالم
يا فرحتى بشويه شوارع بتلمع وشويه مبانى بتبرق -وما فيش روح--ما فيش مذاق للحياه-
دة حتى البحر فيها بحر ميت لاموج ولا حياه ولا نسمه هوا
فى دبى فينك يا صحبى و ياصديقى
فى دبى فين لمتنا وعيلتنا واخواتنا
فى دبى
انت وحدك وسط الزجاج والبلور
فى دبى انت عريب حتى عن فراشك وبيتك
طب دة كوبايه شاى على شط النيل الساعه 3 الفجر مع الاصحاب
بمليون مدينه وبمليو ن حياه فى دبى
بحبك يا بلدى وبحب ناسك

أنت بتتكلم جد و لا بتهزر أكيد بتهزر صح ؟؟؟!!!

يا راجل دة أنا رحت المغرب المغرب جالي صدمة حضارية و مكنتش عايز أروح أيه الجمال و النضافة و الأمان و الحلاوة ديه

في مقولة هناك في المغرب بيقولك اذا كانت مصر أم الدنيا قالمغرب أبوها و بصراحة هي أبو أبو أبوها

هههههههههههههه

تعيش أبو الدنيا و تسقط أمها ألف مرة

حدش يآخد الجنسية المصرية و يديني بدالها مروحة

[A_H_M_A_D]

الصدمة الحضارية دي بيحس بيها اي واحد سافر بره , احنا بنتكلم عن نقطتين تحديدا منعدمين عندنا تماما وهما النظافه و النظام

اللي بيسافر بره بيشوف نظافه عمره ما شافها في حياته في مصر , خصوصا الشوارع و الأرصفة والجناين و كل الاماكن العامه , والنظام في المرور حاجه بالنسبالنا تعتبر خيال علمي

موضوع الروح و الموده ده حاجه تانيه ملهاش علاقة بالصدمه الحضارية اللي بنحكي عنها , انا حاسس بيك قوي عشان انا سافرت المانيا لمدة شهر و نص من كام سنة , ومن ساعتها لسه عندي الصدمة دي

[Mahmoud Mosaad]

نفس الصدمة اللي جاتلي من 6 شهور
بس بعد اسبوع بقيت عاوز اروح لولا اصحابي اللي هناك كانوا بيهونوا عليا
بدأت احس اني عايش في مدينة بلاستيك
مفيهاش روح فعلا
بس هي فيها شوية نظام جامد في كل حاجة

[a_nbm]

أنت بتتكلم جد و لا بتهزر أكيد بتهزر صح ؟؟؟!!!

يا راجل دة أنا رحت المغرب المغرب جالي صدمة حضارية و مكنتش عايز أروح أيه الجمال و النضافة و الأمان و الحلاوة ديه

في مقولة هناك في المغرب بيقولك اذا كانت مصر أم الدنيا قالمغرب أبوها و بصراحة هي أبو أبو أبوها

هههههههههههههه

تعيش أبو الدنيا و تسقط أمها ألف مرة

حدش يآخد الجنسية المصرية و يديني بدالها مروحة

المغرب ..........!! وما ادراك ما المغرب

[MohssenRashed]

دبي مين يا راجل ده انا روحت تايلاند اللي هي اقل مننا في كل حاجة مش قادر اقولك على كمية النظام و النظافة و الناس هناك راكبة عربيات و عجل و اسكوترز مفيش حد بيزنق و لا كلاكسات و لا خناقات و الابتسامة مابتفرقش و شهم.

[lanos2004]

المغرب ..........!! وما ادراك ما المغرب

المغرب بلد طابعها المعمارى اسلامى -ومش غريب علينا
دبى اصلا مالهاش هويه دى بتاعت شرق اسيا وامريكا
طب ادخل اى مول وقلى شايف الناس ايه--مين دول

[amarakl]

طب اعمل انا ايه انا زرت اوروبا 3 مرات اخرهم من شهرين مش عارف اعيش من ساعتها