تى إى داتا وعدم إحترام عملائها

[أبومعاذ]

هنا مصر

حركة قرعة قامت بها الشركة المصرية لنقل البيانات (تى إى داتا) الأيام الماضية وهى إلغاء إعدادات الراوترز لكل عملائها ووضع كلمة سر وإسم مستخدم لكل خط من عندهم وعدم القدرة على استخدام الراوتر والدخول للنت بدون كلمة السر واسم المستخدم ...

مش هنسأل إيه السبب لأننا مش هنعرف
لكن تطبيق القرار كان فى غاية الإسفاف
فجأة وبدون مقدمات تجد النت قطعت ولا تدرى ما السبب ، وإذا علمت فعليك الاتصال بالموزع - الذى لن يرد عليك - أو الانتقال إليه بالراوتر والعطلة لساعات ، أو الاتصال بما يسمى بخدمة العملاء فى شركتهم الغراء لترد عليك رسالة مسجلة تضللك أكثر مما تدلك ، أو تتصل برقم آخر يضعك على الانتظار أكثر من نصف ساعة حتى تعاود الاتصال فيضعك نصف ساعة أخرى حتى تزهق وتمشى ، أو تجد أرقامهم مشغولة وتاخدها من قصيرها...

موقع تى إى داتا شيك جدا لكن خدماته صفر .. الشكاوى لا يتم بحثها ولا الرد عليها إطلاقا ، لا يمكن تحميل أى شئ من موقعهم ، معلوماتهم عن العملاء ناقصة لدرجة خطيرة (مصممين إنى مش مشترك عندهم رغم إنى بادفع بانتظام من 3 سنوات تقريبا ولحد دلوقت)

مكانش ممكن تنبيه العملاء قبل هذه الحركة العنترية؟
مكانش ممكن تنفيذها على دفعات؟
مكانش ممكن إخطار العملاء تليفونيا باسم المستخدم وكلمة السر؟
مكانش ممكن الحصول على إيميلات العملاء ومراسلتهم؟؟

تى إى داتا مثال سئ لشركة من المفترض أن تكون مثال مشرف

بص يا باشا انت واضح من كلامك انك مشترك تبع موزع يعني مش مع الشركة نفسها و بالتالي الموزع هو المسئول انه يعملك التعديلات دي مش الشركة و الموزعين عارفين بالتعديلات دي قبل ما تبدأ بشهر على الاقل

[D . a .\ AYMAN]

بص يا باشا انت واضح من كلامك انك مشترك تبع موزع يعني مش مع الشركة نفسها و بالتالي الموزع هو المسئول انه يعملك التعديلات دي مش الشركة و الموزعين عارفين بالتعديلات دي قبل ما تبدأ بشهر على الاقل

+100000000000000

انا كنت بتعامل مع موزع وبعدين سيبته من القرف اللى شوفته منه ورحت اتعامل مع الشركة مباشرة بعد طبعا ما الموزع طلع عيني لمدة شهر ونص عشان يوقف اشتراكي من عنده واعرف اتعامل مع الشركة مباشرة وشفت الفرق الرهيب في التعامل والخدمة والكفاءة

بالنسبة للشركة انا بعتبرها من أحسن الشركات اللى مصر للأسباب التالية

1- الخدمة من النادر انها تفصل وإذا حصل غالبا السنترال بيكون هوة السبب ده عن تجربة عندي وعند ناس كتير من قرايبي وأصحابي

2- الشبكة أحسن وأفضل سرعة وكفاءة في مصر وده راجع لأنها أصلا ملك للشركة المصرية للإتصالات وبتمتلك أكتر من 80 % من البنية التحتية للإتصالات في مصر وطبيعي تخص نفسها بالخطوط الأقوى والأفضل من بين الشركات التانية

3- بالنسبة لخدمة العملاء هية مشكلتها الوحيدة انها بتحطك على الإنتظار كتير فعلا عقبال ما حد يرد عليك (انا عن نفسي لما بطلبهم بفتح الـ سبيكر بتاع التلفون واعمل أي حاجة تانية لغاية ما يردوا) وده راجع لآن الشركة عدد عملائها وص ل دلوقتي لأكتر من نص مليون عميل في مصر وهمة للأسف ماكانش عندم الإستعداد الكامل للعدد ده لما ابتدوا شغل (شأنهم شأن أي جهة عامة مصر - بيبصوا تحت رجليهم ولما تبقى تيجي المشكلة يبقى ربنا يحلها من عنده) وده حال الشركات التانية برضه بس الشركات التانية ماعندهاش عدد العملاء الرهيب ده وبرغم العدد ده كله كل الموظفين بتوعها لما بيردوا عليك بيكون بالهم طويل جدا وبيشرحوا باسلوب محترف وفاهمين وماتحسش انه كان بيكلم حد قبليك مثلا مطلع عنيه برغم انهم شغالين 24 ساعة كلام وشرح وعشان كده انا برضه باعتبرهم نمرة واحد في خدمة العملاء برغم مدة الإنتظار الطويلة وبإذن الله هما بيطوروا موضوع خدمة العملا ء ده دلوقتي بس نديهم شوية وقت

بالنسبة للمشكلة المطروحة هنا :-

انا بالفعل رجعت البيت الساعة 2 بعد نص الليل لاقيت النت فاصل برغم ان لمبة الـ DSL شغالة وبعد كل المحاولات اللى أعرفها ماجابتش نتيجة كلمتهم وقاللي بالفعل انهم عملوا باسوورد ويوزرنيم لكل المشتركين عندهم وده لزيادة عامل الأمان على جميع كابلات الشبكة بتاعتهم وبينفذوا الموضوع ده على كذا مرحلة .... ولما قولتله طب انتوا ماقلتوش ليه من فترة عشان نعمل حسابنا قاللي ان الموضوع ده معروف على الموقع من فترة وفي برنامج تعمله دون لود بيظبط الراوتر بتاعك حسب كل نوع لوحده وكمان همة بعتوا رسالة على كل موبيلات العملاء اللى أرقامهم متسجلة عندهم (وفعلا انا رقمي ماكانش متسجل عندهم ولما اديته رقمي وسجله عنده ضمن بياناتي بعد كده لاقيت كل حاجة بيجيلي بيها رسالة حتى قبل الإشتراك مايخلص بيبعتولي رسالة تنبهني لكده (والشهرين اللى فاتوا كان في UPDATE للـ DATABASE بتاعتهم عشان كده في بعض العملاء ماوصلتهمش الرسالة دي) المهم ان انا خدت اليوزر نيم والباس ورد وظبط الراوتر بنفسي بعد كده والدنيا اشتغلت في خلال نص ساعة بس من المكالمة والحوار اللى فات ده كله كان بيدور بيني وبين الموظف في قمة الهدوء والأدب

[D . a .\ AYMAN]

دي بلطجة وقلة أدب .. يعني ايه يغير الباسوورد الخاص بالراوتر بتاعي؟!!
ع العموم حضرتك ممكن تطلب 155 وده رقم مرفق تنظيم الاتصالات، وتقولهم على كل اللي حصل. بيبحثوا المشاكل وبيتابعوها كويس لغاية ما تتحل.
بالمناسبة .. أنا لاحظت إن خدمة ال DSL في مصر -للأسف- مالهاش أي ضمانات ، يعني مافيش Service Level Agreement يضمن حق العميل في عدم انقطاع الخدمة. وده المخرج الأخير اللي بيلجأوا له لما حد يزنقهم في موضوع التعويض عن انقطاع الخدمة.

ياباشا هو مش بيغير الباس وورد واليوزر بتاعك انت ده بيغير الباس واليوزر بتاع الخط بتاعه هوة وطبيعي انت مش هاتعرف تعمل ACCESS الخط إلا لما يكون معاك الباس واليوزر بتاعه هوة ... هوة مايقدرش يغير الباس واليزر بتاع الراوتر بتاعك انت أصلا حتى لو حاول

[D . a .\ AYMAN]

القرار دا خاص بالكل وهيوصل للكل لو لسه موصلش
جايز فى القاهرة الموضوع مختلف شوية لكن فى الأقاليم تعالوا شوفوا الزحام على الموزع عامل إزاى
وجايز أنا عرفت أتصرف بعد يومين علشان بافهم شوية فى الكمبيوتر وإعداد الراوتر ، طب واللى مايعرفش زمانه لحد دلوقت فاكر الخط قاطع لأسباب أخرى
وحتى لما خدت كلمة السر واسم المستحدم مقالوليش أدخلهم فىن فى إعدادات الراوتر وسابونى أجرب
وعلى فكرة أنا برضه خطى خاص مش من عند سايبر ولا غيره

ياباشا المشكلة ان الموزعين فعلا تقريبا كلهم ما بيفهموش حاجة وبيجيبوا شوية عيال آخرهم دبلوم صنايع ويقولولوهم يشتغلوا في الكمبيوتر ويمكن يكونو ماشافوهوش قبل كده

انا زمان من خمس سنين لما جيت اشترك لأول مرة في ال DSL ماكنش عندي خبرة عملية فيه لأنها أول مرة لكن أعرفه نظري كويس وكان التركيب مش ببلاش زي دلوقتي لأ كان بـ 50 جنيه فقلت لأ أنا اجيب حد بيفهم عشان يركب أحسن يطلع فيه حاجة فنية كده ولا كده تقف قدامي المهم جه الفني بتاعهم وقعد عشان يوصل النت ويعرّف الراوتر ويظبطه تقريبا خدله ساعتين ومعملش حاجة وكل شوية يتصل بالراجل بتاع الشركة عشان يسأله على حاجة وفي الآخر روحت مطلعه برة البيت بعد ما شربته حاجة ساقعة وقعدت انا ظبطت كل حاجة في 10 دقايق بالظبط وللأسف كل الفنيين بتوعهم كده كل ماتصل بحد فيهم في التلفون عشان مشكلة من عندهم ومايكونش معاهم حد من المسئولين يحاول يقتعني ان المشكلة من عندي ويقعد يسمعني شوية خطوات هوة حافضها اعملها في الكمبيوتر بتاعي عشان كل حاجة تبقى تمام برغم ان انا كل حاجة عندي تمام بس همة كلهم حافضين مش فاهمين (وعلى فكرة الموضوع هوة كان سبب خناقتي مع الموزع ده وروحت لغيره ولاقيته انيل منه - بصراحة كل الموزعين زفت وانا مانصحش أي حد يتعامل مع موزعين خالص (نادرا لما تلاقي حد منهم بيفهم وبقوا في القاهرة زي الرز لأن الموضوع فيه مكاسب بالعبيط من الهوا وكل من هب ودب يقول انا اعمل شركة انترنت ومعظمهم بتوع ضباط شرطة متقاعدين)

[Ahmed Selim]

[size=4]مش هنسأل إيه السبب لأننا مش هنعرف

الموضوع ده تم تطبيقه من 3 شهور تقريباً فى القاهرة و مش عاوز أقولك الزحمة كانت عاملة أزاى بس واضح أنهم مرغمين على تطبيقه فى وقت معين ولذلك كان التطبيق بالشكل الغير مُرضى اللى شفناه ده

سمعت أشاعات أنهم بيعملوا كده بناءً على تعليمات صدرت من جهة أمنية :)
زى بالظبط موبينيل واىفاى ما عملت فى كل الكافيهات اللى كانت شغالة فيها
عشان تدخل لازم تعمل Account وياخدوا فيه معلومات كتيير وبعدين يبعتولك PIN Code على الموبايل لأتمام التسجيل وبعد كده تاخد كارت محدود المدة ( ساعتين - 5 ساعات - 10 ساعات ) من الكافيه وغالباً هيكون الكارت اللى فيه ساعتين عشان هو اللى ببلاش وعلى الكارت هتلاقى سريال و PIN تانى دول بيتغيرو من كارت للتانى زى كارت الشحن بتاع الموبايل كده وبالطريقة دى يقدروا يعرفو مين بيعمل أيه و أمتى

ال Facebook عامل شغل كبيير :)

خلاصة الكلام مادام الواحد فى حاله و مش بيعمل حاجة غلط خليهم يحطوا 100 يوزر وباسورد حتى.....مش فارقة :)

[Ahmed Selim]

[CENTER]
ياباشا المشكلة ان الموزعين فعلا تقريبا كلهم ما بيفهموش حاجة وبيجيبوا شوية عيال آخرهم دبلوم صنايع ويقولولوهم يشتغلوا في الكمبيوتر ويمكن يكونو ماشافوهوش قبل كده

[FONT=Comic Sans MS][SIZE=6][COLOR=blue]انا زمان من خمس سنين لما جيت اشترك لأول مرة في ال DSL ماكنش عندي خبرة عملية فيه لأنها أول مرة لكن أعرفه نظري كويس وكان التركيب مش ببلاش زي دلوقتي لأ كان بـ 50 جنيه فقلت لأ أنا اجيب حد بيفهم عشان يركب أحسن يطلع فيه حاجة فنية كده ولا كده تقف قدامي المهم جه الفني بتاعهم وقعد عشان يوصل النت ويعرّف الراوتر ويظبطه تقريبا خدله ساعتين ومعملش حاجة وكل شوية يتصل بالراجل بتاع الشركة عشان يسأله على حاجة وفي الآخر روحت مطلعه برة البيت بعد ما شربته حاجة ساقعة وقعدت انا ظبطت كل حاجة في 10 دقايق بالظبط وللأسف كل الفنيين بتوعهم كده كل ماتصل بحد فيهم في التلفون عشان مشكلة من عندهم ومايكونش معاهم حد من المسئولين يحاول يقتعني ان المشكلة من عندي ويقعد يسمعني شوية خطوات هوة حافضها اعملها في الكمبيوتر بتاعي عشان كل حاجة تبقى تمام برغم ان انا كل حاجة عندي تمام بس همة كلهم حافضين مش فاهمين (وعلى فكرة الموضوع هوة كان سبب خناقتي مع الموزع ده وروحت لغيره ولاقيته انيل منه - بصراحة كل الموزعين زفت وانا مانصحش أي حد يتعامل مع موزعين خالص (نادرا لما تلاقي حد منهم بيفهم وبقوا في القاهرة زي الرز لأن الموضوع فيه مكاسب بالعبيط من الهوا وكل من هب ودب يقول انا اعمل شركة انترنت ومعظمهم بتوع ضباط شرطة متقاعدين)

أسمحلى أختلف معاك فى حاجة بسيطة

بتوع العم الفنى اللى بيرودوا على التليفون مؤهلين كويس
ممكن تكون المشكلة فى الناس الفنيين اللى بيبعتوهم البيوت عشان معتقدش أنهم هيجيبوا مهندسين بمرتبات أعتقد أنها عالية نوعاً ما عشان يخلوهم يلفو على البيوت فالحل يكون أنهم يجيبو فنيين مرتب ال 3 أو 4 منهم يساوى مرتب مهندس واحد ويخلوهم يلفو ولو عندهم مشاكل يكلموا المهندسين على التليفون

أنا ساعة التركيب مرضيتش أجيب حد من عندهم عشان أنا أصلاً بشتغل فى نفس المجال فقولت أكبر دماغى :)

[abdelaziz-waleed]

الحل الوحيد يا دكتور احمد ان حضرتك تيجي تسكن في القاهرة
انا بصراحة مشترك مع تي اي داتا من سنة 2006 والخدمة نادرا لو قطعت او بمعنى اصح مش بتقطع خالص.
انا اول ما دخلت الخدمة اشتريت الراوتر بنفسي واتصلت بيهم واخدت منهم اعدادات الراوتر ومن ضمنها اسم المستخدم وكلمة السر وعملت الاعدادات بنفسي
هما دايما كانو بيبعتولي رسالة على الموبايل بميعاد تجديد الاشتراك بس انا بقالي فترة بجدد كل ستة شهور علشان ما روحشي كتير خاصة ان كل مرة اروح فيها الاقي العدد عمال بيزيد والانتظار بيزيد
انا بتعامل مع الشركة نفسها فرع المعادي اللي في شارع النصر بعد مؤمن والناس بصراحة في منتهى الذوق والاحترام
وبالنسبة لخدمة العملاء لما بكلمهم فعلا بستنى على التيليفون فترة طويلة في بعض الاحيان بس هما محترمين جدا في اسلوبهم وبيفيدوني جدا وعندهم صبر على العملاء
بصراحة يا دكتور احمد انا مش شايف منهم غير كل خير

[ahmad7610]

السلام عليكم جميعا
انا مختلف معاك يا دكتور احمد انا مشترك مع TEData من اكثر من سنة والحمدلله الخدمة مقطعتشي مني والموضوع مش حظ هو انا بس عشان متابع الويب سايت بتاعهم فعرفت بالموضوع ده قبل حتي هما ما يبعتو الرسالة وبعدين انا فهمت من حضرتك انك تبع موزع فالشركة نفسها في حالة زي دي ملهاش اي مسؤلية عن اي عميل تبع موزع لان الموزع يعتبر هو الشركة في الحالة دي وهو المسؤل انوا يبلغ العميل باي تغير في الخدمة مش الشركة وبعدين انا عاوز اقول لحضرتك انك عميل من 400000 عميل فاكيد هيكون في بعض العملة حظهم وحش بس في الاخر الخدمة ممتازة
وشكرا .....
أبو مريم

-
عفوا .
متابع الموقع وعملت الضبط قبل الحركة النص كم دى .. وسجلت برقم موبايلى كمان ...
-
وبرضه قفلوا على ولازم أضبط الروتر وكمان مفيش رسالة جت لى ...:(

[rady]

بص يا باشا انت واضح من كلامك انك مشترك تبع موزع يعني مش مع الشركة نفسها و بالتالي الموزع هو المسئول انه يعملك التعديلات دي مش الشركة و الموزعين عارفين بالتعديلات دي قبل ما تبدأ بشهر على الاقل

مبدئيا أنا من مدينة بنها التي ينتمي اليها د/ أحمد ... وأعتقد أني مشترك مع نفس الموزع (network2000) لأنه ببساطة تعليمات الشركة أنه لا بد من التعامل مع الموزع (وغالبا ده عشان مدن الأقاليم)

أم عن تجربتي مع موضوع اليوزر نيم والباسوورد فكانت كالتالي:

1- منذ عدة أشهر عندما سمعت بهذا الموضوع وضعت بياناتي على الموقع config.tedata.net وانتظرت ارسال الرسالة ولكنها لم تصل ...

2- منذ حوالي 5 أيام انقطعت الخدمة مرة واحدة ومكانتش بتفتح غير صفحة configuration دخلت رقم تليفون الخط بتاعي واستنيت المسج ... وبرده ما وصلتش .

3- اتصلت يومها الساعة 2 ظهرا بخدمة العملاء ... وبعد حوالي 1/3 ساعة ردوا عليا واكتشفت ان نمرة موبايلي اللي عندهم غلط !!!!!!! (رغم أنهم أرسلوا لي عليها قبل كده ) وصححوا النمرة وقالوا لي ممكن نرسل لحضرتك username & password أو نحول حضرتك على الدعم الفني وهم يقولولك دلوقتي ... فطلبت التحويل واستنيت ربع ساعة ومحدش رد عليا ...

اتصلت بعدها تاني يوم الساعة 9 صباحا عشان تكون الخطوط فاضية والحمد لله عرفت اخد البيانات المطلوبة ، وبعدين دخلت على الموقع وحملت guide بتاع الراوتر بتاعي SMC7901BRA وبالصدفة هو الوحيد من شركة SMC الموجود في القائمة ... المفاجأة انه طلع دليل بتاع راوتر تاني !!!!!!!!

اتصلت بخدمة العملاء (فسم الدعم الفني) تاني بعد الظهر ... ربع ساعة وواحدة ردت عليا شرحتلها الموضوع قالتلي هحولك يا فندم على الدعم الفني !!!!!! (رغم ان تعمدت ان أطلبه من الأول وما طلبتش خدمة العملاء العادية) المهم 1/3 ساعة ومحدش رد عليا ... وفي الاخر اضطريت اني أروح للموزع عشان هو اللي يعمله ... لقيت طابور ولا طابور العيش !!!!!!!!

برغم كل هذا فاني أعترف بان خدمة شركة tedata قوية جدا ... ولكن تبقى المكشلة في الاهتمام أكثر بخدمة العملاء خاصة في الأقاليم ...

[أبومعاذ]

مبدئيا أنا من مدينة بنها التي ينتمي اليها د/ أحمد ... وأعتقد أني مشترك مع نفس الموزع (network2000) لأنه ببساطة تعليمات الشركة أنه لا بد من التعامل مع الموزع (وغالبا ده عشان مدن الأقاليم)

دي مش تعليمات الشركة دا حسب الإتفاق بين أي شركة و أي موزع ليها بس حضرتك ممكن تشترك برضو مع الشركة مباشرة لو عايز

اتصلت بعدها تاني يوم الساعة 9 صباحا عشان تكون الخطوط فاضية والحمد لله عرفت اخد البيانات المطلوبة ، وبعدين دخلت على الموقع وحملت guide بتاع الراوتر بتاعي SMC7901BRA وبالصدفة هو الوحيد من شركة SMC الموجود في القائمة ... المفاجأة انه طلع دليل بتاع راوتر تاني !!!!!!!!

الفايل الموجود على الموقع فايل بتاع الراوتر ال SMC فعلا بس ممكن الـ interface اللي عند حضرتك هو اللي مختلف ... لأن نفس الراوتر ممكن يكون ليه أكتر من شكل من جوا ولو حضرتك بصيت على الفايل هتلاقي مكتوب فيه من فوق SMC

http://config.tedata.net/downone.aspx?routertype=SMC7901BRA

برغم كل هذا فاني أعترف بان خدمة شركة tedata قوية جدا ... ولكن تبقى المكشلة في الاهتمام أكثر بخدمة العملاء خاصة في الأقاليم ...

المفروض الموزع هو المسئول عن الإشتراكات بتاعت الناس اللي تبعه و كمان مسئول عن تقديم جزء من الدعم الفني ليهم و الموضوع بتاع اليوزرنيم و الباسوورد بالذات المفروض إن كل موزع مسئول عن عمل الاعدادات للمشتركين بتوعه

[rady]

دي مش تعليمات الشركة دا حسب الإتفاق بين أي شركة و أي موزع ليها بس حضرتك ممكن تشترك برضو مع الشركة مباشرة لو عايز

أنا كنت كلمت الشركة من سنتين قبل ما أشترك وقالوا التعامل من خلال الموزع فقط

الفايل الموجود على الموقع فايل بتاع الراوتر ال SMC فعلا بس ممكن الـ interface اللي عند حضرتك هو اللي مختلف ... لأن نفس الراوتر ممكن يكون ليه أكتر من شكل من جوا ولو حضرتك بصيت على الفايل هتلاقي مكتوب فيه من فوق SMC

http://config.tedata.net/downone.aspx?routertype=SMC7901BRA

هو فعلا SMC لكن ببساطة مش الموديل بتاعي رغم انه مكتوب رقم بتاعي 7901BRA (وأعتقد أن هذه النقطة واضحة)

المفروض الموزع هو المسئول عن الإشتراكات بتاعت الناس اللي تبعه و كمان مسئول عن تقديم جزء من الدعم الفني ليهم و الموضوع بتاع اليوزرنيم و الباسوورد بالذات المفروض إن كل موزع مسئول عن عمل الاعدادات للمشتركين بتوعه

أنا متفق معك تماما لكن مسؤولية الشركة تكمن في متابعة الموزعين لأن ببساطة انا اسمي مشترك مع تي اي داتا مش الموزع فلان ... كمان يقولوا من الأول ان الواحد يروح للموزع بدل ما يقولوا على المسج التي لتم ترسل وعطلت الناس وخلاص ...

[Dr Ahmed]

السؤال اللى يدور فى ذهنى حاليا: هل إستخدام يوزر وباس وورد من عندهم ولا يمكن تغييره (يعنى كأنه بتاعهم) بيعنى قدرتهم على معرفة أو تتبع أى إتصالات خاصة بالمشترك والتحكم فى فتح وغلق ومنع مواقع معينة عند الحاجة أو التجسس على الرسائل الالكترونية؟
وإذا مكانش كده يبقى ليه ؟

[Powert]

السؤال اللى يدور فى ذهنى حاليا: هل إستخدام يوزر وباس وورد من عندهم ولا يمكن تغييره (يعنى كأنه بتاعهم) بيعنى قدرتهم على معرفة أو تتبع أى إتصالات خاصة بالمشترك والتحكم فى فتح وغلق ومنع مواقع معينة عند الحاجة أو التجسس على الرسائل الالكترونية؟
وإذا مكانش كده يبقى ليه ؟

لأ يا دكتور وما يقدروش يعملوا كده

ده علشان تقدر تدخل على السيرفير الخاص بيهم بس

[أبومعاذ]

السؤال اللى يدور فى ذهنى حاليا: هل إستخدام يوزر وباس وورد من عندهم ولا يمكن تغييره (يعنى كأنه بتاعهم) بيعنى قدرتهم على معرفة أو تتبع أى إتصالات خاصة بالمشترك والتحكم فى فتح وغلق ومنع مواقع معينة عند الحاجة أو التجسس على الرسائل الالكترونية؟
وإذا مكانش كده يبقى ليه ؟

الشركات التانية زي لينك و ايجي نت شغالين بموضوع اليوزر و الباس من كذا سنة و تي اي داتا كانت مش عاملة الموضوع دا تسهيلا على الناس بس اضطرت تعمله عشان موضوع الانترنت محدود الداونلوود
لكن الموضوع ملوش دعوة بالتجسس لان الشركة تقدر تتجسس و تقدر تمنع مواقع معينة من غير الموضوع ده