الوقت المناسب للسفر الي الخارج

[Land_Cruiser]

انا شخصيا بعتبر السفر حاليا فرصة علشان تعرف تعيش حياتك وتحس بآدميتك بغض النظر عن الماديات

فعلا هو بقي وسيله للحفاظ علي الآدمية زي استخدام السياره الخاصه بدل وسائل المواصلات لنفس الغرض

[Ahmed_Adham]

اللي يسافر مع أسرته يادوب بيعيش وهيفضل عايش بره طول عمره غصب عنه لأنه عشان ينزل مصر لازم يكون معاه فلوس يعمل مشروع يعيش منه ومش هيعرف يحوش الفلوس طول ماهو معاه أسرته الا اذا مكنش موظف. اللي عايشين حياتهم بره هما أصحاب الاعمال ولو حتى محل ورد لكن الموظفين بيفضلو دايما ياخدو اللي يادوب يكفيهم خصوصا مع وجود أطفال في المدرسه.

[hnh_75]

سبب ال احنا فيه حسني مسك البلد مكنش في القاهرة عشوئية واحدة خلا القاهرة في 30 سنة كله عشوائيات

[shaddadfalcon1]

اللي يسافر مع أسرته يادوب بيعيش وهيفضل عايش بره طول عمره غصب عنه لأنه عشان ينزل مصر لازم يكون معاه فلوس يعمل مشروع يعيش منه ومش هيعرف يحوش الفلوس طول ماهو معاه أسرته الا اذا مكنش موظف. اللي عايشين حياتهم بره هما أصحاب الاعمال ولو حتى محل ورد لكن الموظفين بيفضلو دايما ياخدو اللي يادوب يكفيهم خصوصا مع وجود أطفال في المدرسه.

انت عارف انا مشكلتي ايه؟ اني مش عايز اعيش بره طول عمري

والمشكله اني بتقالم علي المكان اللي انا عايش فيه وبقارن باللي قبله
يعني انا عشت شويه في القاهره في الحي التامن في السنتين اللي فاتو وكنت شغال في المنطقه الحره يعني العربيه مكنتش بتلحق تسخن والمشوار ميكملش 5 دقايق ولا زحمه ولا غيره

رجعت تاني الأسكندريه في سيدي بشر وشغلي في سموحه والدائري اللي كنت معتمد عليه اتكسر وباظ وبقيت اجي من علي البحر وكل يلوم اخبطلي ساعه او اكتر واروح البيت مش طايق نفسي

فتخيل بقي لو سافرت دبي او كندا او ي دوله نظيفه كام سنه وبعدين رجعت مصر تاني

مش هعرف اعيش نهائي

[m_elkhishin]

فتخيل بقي لو سافرت دبي او كندا او ي دوله نظيفه كام سنه وبعدين رجعت مصر تاني

مش هعرف اعيش نهائي

دانت راسم على تقيل بقى
خد بالك ان ال 7000 في السعودية، يقابلها 12000 على الاقل في دبي
انا خدت العيال دبي مامورية تبع الشغل لمدة اسبوع صرفت من جيبي 8000 ريال.
بعدها بشهرين رحت تاني، قالولي رجلنا على رجلك، وللاسف صرفت 8000 ريال تاني
دبي فيها بلاعات بتشرب الفلوس

[Ahmed_Adham]

انت عارف انا مشكلتي ايه؟ اني مش عايز اعيش بره طول عمري

والمشكله اني بتقالم علي المكان اللي انا عايش فيه وبقارن باللي قبله
يعني انا عشت شويه في القاهره في الحي التامن في السنتين اللي فاتو وكنت شغال في المنطقه الحره يعني العربيه مكنتش بتلحق تسخن والمشوار ميكملش 5 دقايق ولا زحمه ولا غيره

رجعت تاني الأسكندريه في سيدي بشر وشغلي في سموحه والدائري اللي كنت معتمد عليه اتكسر وباظ وبقيت اجي من علي البحر وكل يلوم اخبطلي ساعه او اكتر واروح البيت مش طايق نفسي

فتخيل بقي لو سافرت دبي او كندا او ي دوله نظيفه كام سنه وبعدين رجعت مصر تاني

مش هعرف اعيش نهائي

أنا أول مره نزلت أجازه كان بعد سنتين سفر وأول ما العربيه طلعت من المطار (كنت نازل على مطار برج العرب) وبدأت تمشي في الشارع كنت عمال أتلفت حواليا وكأني سايح وأبويا خد باله وقالي انت عمال تبص حواليك ليه قلتله أنا حاسس اني ركبت أله الزمن مش طياره. كأني رجعت 20 سنه ورا. الشوارع ضيقه ومكسره والناس كتير. الامهم اني متعلمتش الدرس ونزلت مصر نهائي من سنه ووقتها كل الناس محدش كان موافقني على النزول ولا أهلى ولا مراتي ولا أصحاب اللي هناك ولا أصحابي اللي هنا وبرضه نزلت ودلوقتي عايز أرجع وحدش موافقني في الرجوع وبيقولولي انت استقريت هنا خلاص وملوش لازمه الغربه تاني وشكلي برضه هعمل اللي في دماغي وأرجع تاني. العيب الرئيسي في دول الخليج هوه الحر والرطوبه العاليه اللي مش بينزلو حتى لو الفجر تلاقي الحراره فوق 35 وممكن تبقى الساعه 2 بالليل والحراره 40 عادي والعيب التاني ان مفيش أي مناسبات يعني العيد عباره عن زحمه في المولات زي الخميس والجمعه في أي اسوبع ورمضان ولا الهوا لو انت متعرفش انه رمضان مفيش حاجه تعرفك غير يمكن تلاقي اعلان تهنئه من شركه موبايل على الطريق مش أكتر من كده.

يعني تقدر تقول ميزه مصر الجو المعتدل والمناسبات اللي احنا اتعودنا عليها غير كده مفيش أي مميزات ولو على موضوع الغربه انت في أي حته هيبقالك أصحاب وتزور ناس وناس تزورك يمكن أكتر من مصر كمان ولما تنزل مصر هتحس ان شهر الاجازه ده هوه الغربه.

[shaddadfalcon1]

قولي علي رمضان ده

انا قضيت رمضان بتاع 2009 تقريبا في ابوظبي لوحدي وقضيت العيد كمان

بالظبط كانك صليت الجمعه وروحت

يوميها نزلت الأعنيه بتاعة العيد فرحه وقعدت اسمعها واعيط ههههههههه

[Land_Cruiser]

قولي علي رمضان ده

انا قضيت رمضان بتاع 2009 تقريبا في ابوظبي لوحدي وقضيت العيد كمان

بالظبط كانك صليت الجمعه وروحت

يوميها نزلت الأعنيه بتاعة العيد فرحه وقعدت اسمعها واعيط ههههههههه

يا باشا 2009 كانت حاجه و 2013 حاجه تانيه خالص.... في 2009 كان كام واحد فينا مهتم بالسياسه و لا بيتفرج علي توك شو؟ كان في امن و كان في هيبه للشرطه و سولار و عيش و الاسعار ارحم بكتير من دلوقتي و لذلك لو كررت التجربه السنه دي و حضرتك تقضي رمضان و العيد هناك من غير بلطجيه و لا حرقه دم مشاهده البرامج اللي تحبط اي حد دي و لا مشاكل مرور و لا ألازمات اللي كل شويه تطلع اكيد هيبقى الإحساس مختلف و كل ما تيجى تزعل تقوم تفتكر انت هربت من ايه فتنبسط

[shaddadfalcon1]

يا باشا 2009 كانت حاجه و 2013 حاجه تانيه خالص.... في 2009 كان كام واحد فينا مهتم بالسياسه و لا بيتفرج علي توك شو؟ كان في امن و كان في هيبه للشرطه و سولار و عيش و الاسعار ارحم بكتير من دلوقتي و لذلك لو كررت التجربه السنه دي و حضرتك تقضي رمضان و العيد هناك من غير بلطجيه و لا حرقه دم مشاهده البرامج اللي تحبط اي حد دي و لا مشاكل مرور و لا ألازمات اللي كل شويه تطلع اكيد هيبقى الإحساس مختلف و كل ما تيجى تزعل تقوم تفتكر انت هربت من ايه فتنبسط

للأٍسف الحاجات دي مش بتتنسي

ياراجل ده الواحد حتي الان في رمضان بفتكر وانا صغير وحلاوة وجمال رمضان والعيد وليلة العيد والصلاة واشوف دلوقتي ببقي عايز اعيط ونفسي ارجع تاني صغير

هنا في مصر احنا اللي بنجيب لنفسها وجع القلب

جرب متشغلش نفسك لا بسياسيه ولا تليفزيون ولا اعلام فاشل ولا اي حاجه من الحاجات دي وشوف حالتك النفسيه هتبقي عامله ازاي

بتتشحطتت في الطريق كل يوم انقل وروح جنب الشغل حتي لو هتدفع اكتر

ودي اول خطوه هعملها في الصيف ان شاء الله اني هسيب الشقه الملك اللي قاعد فيها واروح ااجر في مكان قريب من الشغل عشان اريح دماغي وابقي زي ايام القاهره

القاهره اللي كله بيشتكي منها ومن قرفها انا كنت عايش فيها في قمة السعاده عشان مكنتش بتعرض لاي حاجه من الحاجات الوحشه غير كل شهر مره لما ابقي مروح وكنت بروح بدري كمان وبهرب منها ومن زحمتها وقرفها

زي مالانوس 2004 قال فعلا لو معاك فلوس هنا هتعيش احلي عيشه وسيبك من البطلجه والكلام ده كله لان ان شاء الله كلها شوية وقت وتروح لحالها باذن الله

[Ahmed_Adham]

قولي علي رمضان ده

انا قضيت رمضان بتاع 2009 تقريبا في ابوظبي لوحدي وقضيت العيد كمان

بالظبط كانك صليت الجمعه وروحت

يوميها نزلت الأعنيه بتاعة العيد فرحه وقعدت اسمعها واعيط ههههههههه

أنا أول رمضان جه عليا بره كنت لسه مش متجوز ورحت أفطر في مطعم "الطازج" وقلت بقى هلاقي هيصه وأهو كأني مع أهلي. مكنش في المطعم غيري أنا واللي شغالين فيه حتى يومها أكلوني ببلاش ومرضيوش ياخدو مني تمن الاكل وكلت نص الاكل بالعافيه ووأنا باكل عمال أفتكر لما كنت في البيت وساعه المغرب دي كل واحد ماسك طبيق بيحوله من المطبخ للسفره وناس من قرايبنا معزومين عندنا والدنيا هيصه. بعد كده اتعودت وعرفت ان ده العادي ومبقتش أزعل.

بس برضه لما تحط كل يوم ومميزات بره مع كل عيوب ومميزات هنا هتلاقي كفه بره أتقل. احنا مش بنبتسم في وش بعض ودايما أعصابنا مشدوده والزعيق أقربلنا من الابتسامه بكتير ومحترفين في النصب وبنقول عليه فهلوه وشطاره ومبنفهمش حاجه في فن البيع. كنت مره في كنتاكي قريب والكاشير لقيته بيعلي صوته ويقول "لو موقفتوش في الصف مظبوط مفيش اكل هيطلع" وكأنه بيأكلنا ببلاش. أنا قلتله هوه احنا بنشحت وقمت لافف وخارج من الباب. ناهيك عن ان كل حاجه عندنا بندفع تمنها بزياده والجوده أقل حتى الفول والطعميه بره أنضف من هنا.

[Ahmed_Adham]

زي مالانوس 2004 قال فعلا لو معاك فلوس هنا هتعيش احلي عيشه وسيبك من البطلجه والكلام ده كله لان ان شاء الله كلها شوية وقت وتروح لحالها باذن الله

بالعكس لو معاك فلوس الدنيا في مصر مش هتعرف تشتري كهربا مبتقطعش (الا اذا عملت محطه كهربا لبيتك) ولا ناس محترمه تحتك بيهم في الشارع ولا معامله أدميه في أي مصلحه حكوميه ولا هتعرف تشتري رقابه على الحاجات اللي انت بتشتريها وتستخدمها كل يوم ولا تجار عندهم ضمير ولا طريق نضيف تمشي فيه ولا ولا ولا ولا ......................

[Land_Cruiser]

للأٍسف الحاجات دي مش بتتنسي

ياراجل ده الواحد حتي الان في رمضان بفتكر وانا صغير وحلاوة وجمال رمضان والعيد وليلة العيد والصلاة واشوف دلوقتي ببقي عايز اعيط ونفسي ارجع تاني صغير

هنا في مصر احنا اللي بنجيب لنفسها وجع القلب

جرب متشغلش نفسك لا بسياسيه ولا تليفزيون ولا اعلام فاشل ولا اي حاجه من الحاجات دي وشوف حالتك النفسيه هتبقي عامله ازاي

بتتشحطتت في الطريق كل يوم انقل وروح جنب الشغل حتي لو هتدفع اكتر

ودي اول خطوه هعملها في الصيف ان شاء الله اني هسيب الشقه الملك اللي قاعد فيها واروح ااجر في مكان قريب من الشغل عشان اريح دماغي وابقي زي ايام القاهره

القاهره اللي كله بيشتكي منها ومن قرفها انا كنت عايش فيها في قمة السعاده عشان مكنتش بتعرض لاي حاجه من الحاجات الوحشه غير كل شهر مره لما ابقي مروح وكنت بروح بدري كمان وبهرب منها ومن زحمتها وقرفها

زي مالانوس 2004 قال فعلا لو معاك فلوس هنا هتعيش احلي عيشه وسيبك من البطلجه والكلام ده كله لان ان شاء الله كلها شوية وقت وتروح لحالها باذن الله

يا رب ينصلح الحال. محدش كان ليه دعوه بالسياسه و لا غيره و الناس ما بدأتش تهتم إلا لما بقت بتأثر في حياتها اليوميه بشكل مباشر. ان شاء الله الموضوع يتحسن و الأيام دي تخلص علي خير

[محمد عز]

بص ان كنت هنا في مصر ليك دخل كويس يغطي مصاريف حياتك متسافرش وازا كنت عايز تسافر سافر علشان تجيب الشقة التملك والعربية الزيرو بس يريت تقول هتاخد راتب كام علشان نبقه نحسبه مع بعض وتعرف الحجات دي هتبقي تجيب فلوسه منين وهتعمل ايه ان شاء الله في الضغط والسكر وربك يستره وخلي بالك انا لا اقصد شئ انا مسافر الخليج وبره الخليج واتهرست لما قلت يبس ومعايا الحمد لله عربية ومعايا شقة والحمد لله مفيش ضغط ولا سكر وصحتي رياضية جدا وبندم علي كل يوم معيشتش فيه في مصر كنت بكره كل يوم لما اروح اركب المترو دلوقت مش بركب العربية واروح اركب الميكروباص العشة (التريمكو) واركن العربية لاني مش بحب اركبها بالاضافة مش هتلاقي ليك صحاب كتير ناس كتير هتلاقيه عايز تصاحبك ومش عايزه منك حاجه لكن هتجلس معاه مش هتلاقي نفسك بمعني ظروفهم غير ظروفك وحياتهم غير حياتك مش هتلاقي حد يفهمك لو جلست تشتكي بل علي العكس هتلاقي سخرية وبص كلامي ده مش هيفهمو غير حد مسافر وطول يعني 6 او10 سنين فيما فوق ومتخليش مظاهر الناس المسافره تغرك غالبية الناس المسافره محليتهاش غير جلبيتين حلوين علي طقمين حلوين علي حتين دهب في ايد المدام للمنظر العام لكن لو قلت ليه متجلس في مصر واعمل مشروع هتلاقيه يتهرب في الكلام ويقولك كلام كتير عبيط علشام ميفضحش نفسه ده في حالة الرزق الحلال اللهم ارزقنا الحلال

اصبت كبد الحقيقة

[hishamanilka]

لو السفر لمنطقة عربية ..... اهم حاجة المرتب مجدى وفى اقامة
وممكن بعد كدة تبعت لعيالك يروحو للبلد دى يبقى كويس

لو بلد اجنبى
انسى انك تحوش جنية فى ضرايب وتامينات يدوبك المرتب يقضى سكن واكل وممكن عربية لان البنوك هى الهتجيبهالك وتريحك فى الاقساط جدا
بس المشكلة كامنة فى التامينات المرتفعة جدا

لو متجوز ساعتها هاترمى العيال بزوجتك لان فى امريكا واوروبا مغريات اكبر من اى حد
يعنى لو انتى بطولك قبل الجواز عادى جدا وهتعيش وتتفسح وتركب عربيات و طبعا الحياة هناك فرررررى ولا هتبص اصلا انك تتجوز
بس ممكن تدور على واحدة مصرية او عربية وعايشه هناك بردة ساعتها تبقى 100 100

اوروبا افضل فى حاجات عشان (الاشتراكية) يعنى فى حاجة اسمها تعيين فى شركة زى مصر وفى اجازات ورواتب مستديمة وعلاوات وفى قانون عمل يحمى الموظف
امريكا(راسمالية) مفيش حاجة اسمها تعيين خالص وبيكون الاجر يومى او شهرى على حسب

بس الحياة فى امريكا افضل من حيث المستوى من اوروبا


فكر كويس جدا جدا


الغربة بتعمل انسان عندة جمود حسى وحاجات وحشة كتير

كلامك مظبوط تماما بس بختلف معاك في نقطه امريكا احسن من اوروبا لان كل واحد فيهم له مميزات وعيوب

[minicooper20]

دانت راسم على تقيل بقى
خد بالك ان ال 7000 في السعودية، يقابلها 12000 على الاقل في دبي
انا خدت العيال دبي مامورية تبع الشغل لمدة اسبوع صرفت من جيبي 8000 ريال.
بعدها بشهرين رحت تاني، قالولي رجلنا على رجلك، وللاسف صرفت 8000 ريال تاني
دبي فيها بلاعات بتشرب الفلوس

ولا 7 الف وحياتك

بالعكس لو معاك فلوس الدنيا في مصر مش هتعرف تشتري كهربا مبتقطعش (الا اذا عملت محطه كهربا لبيتك) ولا ناس محترمه تحتك بيهم في الشارع ولا معامله أدميه في أي مصلحه حكوميه ولا هتعرف تشتري رقابه على الحاجات اللي انت بتشتريها وتستخدمها كل يوم ولا تجار عندهم ضمير ولا طريق نضيف تمشي فيه ولا ولا ولا ولا ......................

جبت المفيد