بناء الجيم المنزلى

[3mr Farrag]

هو كان جايبه من جراند مول المعادي
بس مش عارف اسم المحل
انا مجربتش العقله عليه...بس هو قالي انه جامد و بيستحمل
وصاحبي بيلعب حديد من زمان و وزنه مش قليل
انا جربت الضغط ..حلو انه عالي شويه فا بتقدر تنزل بجسمك اكثر
وممكن تلعب بيه عادي واسع و ضيق برضوا

[egyboy]

كيلو الحديد عند التوحيد والنور بعد ما قلتله انى هاخد كمية علشان ينزل قالى ب 7 جنيه !!!

اما باب صالح ب 4.75 جنيه

والبار الزجزاج ب 100 والعادى ب 67 والبار الصغير بتاع الدامبلز ب 31 جنيه

[Khaled Online]

كيلو الحديد عند التوحيد والنور بعد ما قلتله انى هاخد كمية علشان ينزل قالى ب 7 جنيه !!!

اما باب صالح ب 4.75 جنيه

والبار الزجزاج ب 100 والعادى ب 67 والبار الصغير بتاع الدامبلز ب 31 جنيه

فين باب صالح يا باشا؟ وحاجته تمام ولا أي كلام؟

[speed_magnum]

هو البار الزجزاج يفرق ايه عن العادي ?
والجهاز بتاع العقله دا مين اللي بيبيعه?

[A.Saad]

اسعار التوحيد والنور معروف انها غالية عن بره

[egyboy]

فين باب صالح يا باشا؟ وحاجته تمام ولا أي كلام؟

بابا صالح زى التوحيد والنور كده .. ليه فروع كتير فى كل حتة فى مصر
فى فرع فى الجيزة فى ميدان الجيزة جنب عمرو افندى
وحاجته بيقولوا تمام
بس انا اللى عجبنى البار بتاع الدامبلز طويل عند التوحيد والنور لانه ممكن يتحط فيه اوزان كثير
غير كده باقى الحاجات هجيبها من باب صالح

هو البار الزجزاج يفرق ايه عن العادي ?
والجهاز بتاع العقله دا مين اللي بيبيعه?

البار الزجزاج اللى هو البار بتاع تمرينة الباى وكده بيبقى ملفوف كده
غير البار المستقيم التانى بتاع البنش
وجهاز العقلة اكيد موجود عندهم او اى محل اداوت رياضية نضيف

اسعار التوحيد والنور معروف انها غالية عن بره

اه فعلا وعلى الفاضى يعنى:)

[A.Saad]

سوق الجمعة على الاتوستراد عند كوبرى التونسى
ممكن تلاقى فيه موبيليا كمان
معروف بالطيور والحيوانات الاليفة

افحص الحاجة هناك كويس علشان الغش

[3mr Farrag]

اللي هيجيب دنابلز او اي طارات يتاكد انه حديد صب
مش حديد زهر...انا مش عارف فيه طارات زهر ولا لأ
الزهر بيبقي اضعف

[Khaled Online]

بابا صالح زى التوحيد والنور كده .. ليه فروع كتير فى كل حتة فى مصر
فى فرع فى الجيزة فى ميدان الجيزة جنب عمرو افندى
وحاجته بيقولوا تمام
بس انا اللى عجبنى البار بتاع الدامبلز طويل عند التوحيد والنور لانه ممكن يتحط فيه اوزان كثير
غير كده باقى الحاجات هجيبها من باب صالح

شكرا جزيلا :)
قولنا بقى انت كده هتجيب إيه تحديدا عشان الكل يجيب زيك؟ هههههه

اللي هيجيب دنابلز او اي طارات يتاكد انه حديد صب صلب؟
مش حديد زهر...انا مش عارف فيه طارات زهر ولا لأ
الزهر بيبقي اضعف

نتأكد ازاي يا باشا؟

[Kareem.ElAraby]

متابع

[Amr Axel]

ع حسب المساحة و امكانياتك
لكن بالنسبة البارات و الطارات و الدامبلز ممكن تجيبهم من التوحيد و النور

اللي هتحتاجه من دول مثلا كبداية

عدد 1 بار زجزاج
عدد 1 بار مستوي
طارات عدد 2 طارة من الاوزان الاتية : 2.5 - 5 - 10 - 20
من الكام وزن دول ممكن تشكل اوزان من غير ما تحتاج طارات كتيير يعني بدل ما تشتري طارة 7.5 لأ حط 5 ع 2.5 بقوا 7.5 و هكذا

الدامبلز عدد 2 دامبل من الاوزان الآتية : 2.5 - 5 - 7.5 - 10 - 12.5 - 15 - 20 بس انت اوصلها :)

طبعا مقعد و يفضل يكون قابل للتعديل سواء فلات او عالي + استاندات

ديه الحاجات البسيطة اللي ممكن تستخدمها في البيت و تستفيد بيها في تمارين كتيير لكن طبعا فيه اجهزة كتيير لكل عضلة او ممكن استخدام جهاز في كذا تمرين و دول محتاجين مكان واسع و ع حسب النوع و جديد و لا مستعمل و ممكن يتعملوا عمولة بس الاسعار عامة شوف هتكون كام الف ممكن تدخلك في 10000 و برده مش هتعمل صالة صح

من الأخر نصيحتي ليك اشترك في جيم اولا توافر كل الاجهزة اللي تحتاجها ثانيا لازم مدرب يتابعك عشان تبني صح لأنك بدون توجيه ممكن تهدم العضلة او تعمل التمرين بشكل خاطئ ده غير انك ممكن تقعد تلعب سنين و مش تكلف تمن جهاز من الاجهزة الصح اللي موجودة في الجيم وكنت عايز تشتريها

[3mr Farrag]

[QUOTE=Khaled Online;3874889516]شكرا جزيلا :)
قولنا بقى انت كده هتجيب إيه تحديدا عشان الكل يجيب زيك؟ هههههه


نتأكد ازاي يا باشا؟[/QUOTE

اللي اعرفه ان الطاره حديد هتلاقيها لونها ذي لون المعدن الحديد عادي
الزهر لأما عليه طبقه ذي الدهان بلون او الله اعلم بقي الطاره تبقي علي الزهر علطول و بيبقي شكله ذي البراده الحديد كبيره و لزقه في بعض ..بتاخد بالك و انت بدقق النظر فيها

بس انا مش عارف الصراحه بيبقي فيه طارات زهر ولا لأ
بس فيه دنابلز زهر و عندي اتنين من زمان

[Khaled Online]

[QUOTE=3mr Farrag;3874889549]

شكرا جزيلا :)
قولنا بقى انت كده هتجيب إيه تحديدا عشان الكل يجيب زيك؟ هههههه


نتأكد ازاي يا باشا؟[/QUOTE

اللي اعرفه ان الطاره حديد هتلاقيها لونها ذي لون المعدن الحديد عادي
الزهر لأما عليه طبقه ذي الدهان بلون او الله اعلم بقي الطاره تبقي علي الزهر علطول و بيبقي شكله ذي البراده الحديد كبيره و لزقه في بعض ..بتاخد بالك و انت بدقق النظر فيها

بس انا مش عارف الصراحه بيبقي فيه طارات زهر ولا لأ
بس فيه دنابلز زهر و عندي اتنين من زمان

تمام جدا. شكرا يا باشا

[Mohyeldin1974]

بص يا باشا
انا جبت عندى فى الببيت مالتى جيم من حوالى 7 سنين من الوسيط شركه بتجيلك وتركبلك وكان ساعتها مش فاكر 700 او 900 جنيه لانى ساعتها كنت مشغول مبروحش الجيم وصعب عليا جسمى بعد 12 سنه جيم وبالتالى كنت عايزه للمحافظه فقط على البقيه الباقيه وجبت معاهم دملزين 15 كجم من التوحيد والنور
كل جسمى تقريبا بعمله تمرين على المالتى جيم وساعات بخترع تمارين لتمرين عضلات الجهاز اصلا مش معمول يشغلها بس بحكم السنين الطويله عرفت اشغل العضله المطلوبه بأكتر من تمرين وتركيز
بص على الوسيط اعتقد لسه الشركات اللى بتبيع ملتى جيم موجوده وباسعار كويسه
المشكله اللى محيرانى انى هرجع مصر قريب وعايز اعزل وشايل هم فكه وشيله اوى اوى اكتر من العفش نفسه