㋡ الاسئلة المتوقعة ♥ لما تروح تقعد مع بنت هتتجوزها اول مرة !

[Y a r i s]

. ㋡ الاسئلة المتوقعة
♥ لمن تروح تقعد مع بنت هتتجوزها اول مرة !



طبعاً كتير بيسئلوني ... بالذات الي مقبلين على الزوج عن طريق الصالونات ، لمن أقعد مع البت او العروسة الي اهلي مرشحينها ليا هكلمها في ايه وهقولها ايه !! ... وأيه الأسئله الي ممكن من خلالها اقدر اعرف شخصية البنت وتوجهاتها وميولها ... فكنت عاوز اعمل مرجع للشباب والبنات عن اهم الاسئلة المتوقعة في فترة الزواج. بالاضافة لاهم الامتحانات والاختبارات اللولبية واختبار الذكاء والقدرات والامكانيات لعروسة المستقبل. بحيث كل الي تعملوا انك تذاكر الموضوع بتاعي كويس. وبس تخوش تمتحن يا معلم ههههههه



بس المهم انكم تزاكروا كويس ... علشان تقدر تختبر عروسة المستقبل وعروسة الهنا كويس
والمثل بيقولك ايه من جد وجد ... ومن سار على الدرب حصد ومن زرع وصل



△ ▽ △ ▽ △
◆ ◇◆ ◇◆ ◇◆
▣ ▣ ▣ ▣ ▣
وتحياتي

[maka]

و الله انت مشكلة يا يارس باشا :)

[eslamrace]

انا اول طالب فى الفصل يمضى حضور
ههههههههههههههههههههههه

[RIDER 2050]

ايه شغل الانترفيوهات ده هههههه

[S O P H O S]

ولكم باك يا عمدة
بس فين الاسئلة والاجوبة ولا دي علينا احنا ..

[SeiffoZ]

مش بقتنع بجواز الصالونات ده تماما

[Y a r i s]

هههههههه حبايب قلبي جميعاً
المشكلة كل ما اجي امخمخ في الاسئلة تطلع حاجة من تحت الارض تنسيني انا كنت عاوز اكتب ايه وتنكد عليا
وانتوا عارفين اي موضوع محتاج مخمخه ومزاج عالي. :) هههههه

يالله نبتدي ببعض الاسئلة على ما اتذكر :

انتا كعريس جديد ودوك اهلك علشان تقعد مع بنت وتشوفها وتقعد تتكلم معاها شويتين فتعمل ايه بقه ساعتك ... بتبتدي باسئلة بسيطة موضوعية لولبية بنسميها اسئلة فاتحة الشهية. مثل
( بتحبي تسمعي مين من المغنين .... ان قالت لك مثلاً مثلا مبسمعش خالص وحااااشااا وكلا تعرف انها من المتشدديين - وان اديتك لستت مغنين رومانسسين تعرف انها رومانسية - وان اديتك كوكتيل اشي رومانسي على واحد بتاع دوشة على شعبي على عفريته بمبر ) اعرف على طول ان البت دي فيها ربع ضارب واسحب نفسك وخود بعضك وقول يا فكيك واكتفي بهذا القدر هههههههههه الا اذا كان انتا عندك ربع ضارب زيها اهو الربع بتاعك على الروبع بتعها وتبقى الحياة فلة على الاخر .

طبعاً دي بنسميها اسئلة فاتحة للشهية .... لانك انتا محتاج لاكبر قدر ممكن تقدر تكون صورة عن الانسانة الي قدامك ... حتى من ذوقها في اختيار الوان ملابسها. وذوق امها حتى في اختيار فرش بيتهم. ... هل هما من النوووع الفلح ولا من بيت راقي وعندهم حس فني وتناسق الواااان ... طيب ايه كمان ممكن تسئلها !!

بامكانك ايضاً يا عزيزي. تسئلها بعض الاسئلة العبيطة. زي مثلاً بتحبي الاطفال ( ودي بنسميها اسئلة تشجيعية ) انك بتشجعها تاخود وتدي معاك في الكلام وتحس ليك ببعض الطومئنينة ... انك جي عاوز تبني اسرة مش جي تهرج ... حتى لو كانت بتكره الاطفال بس. من خلال رد البنت وسرعة ردها. تقدر تحدد هل هيا ارنبة ونفسها تخلف عيال كتيرررررر بهبل ... ولا بنت راقيه وعقلانية ونفسها تحدد النسل في البلد . وتؤمن بان الخلفة دي رزق من رب العالمين بحساب مش طول ما احنا قاعدين قاعدين نخلف كاننا بنئزئز لب كدة !

من اهم الامور واهم الاسئلة الي ممكن بتعمل مشاكل بعد الجواز :
وهنا بقة جينا للجد شوية. تيجي تقول لو حصل نصيب انشاء الله ... وخلي دايماً الجملة دي على طرف لسانك ... انو لو حصل نصيب انشاء الله. كأنك بتقولها يعني أفهمي يا بنت الهبلة انا لسة بختبرك ولسه مقولتش أه ولسه مقولتش لأ ..

فأن حصل نصيب انشاء الله ... هل انتي عاوزة تشتغلي بعد الجواز ولا عاوزة تبرطخي في البيت ... طبعاً الموضوع ده بيفرق من راجل للتاني على حسب ظروفوا المادية اذا كان عاوز مراتوا تشتغل ولا متشتغلش ... بس اهمية السؤال ده. انك تفهم منها كويس ... هيا ناوووية على ايه وتشوف اذا ده مناسب ليك ولا لأ ... بس زي ما قلتلك متكونش دي اول اسئلتك لكن في تلين وتمرين يا عزيزي .

من ضمن الاسئلة العبيطة ولكن المهمة جداً جداً جداً جداً:

هو السؤال عن الهويات ... وحتى في الانترفيو مشهور قوي ان الموظف الي ملهوش هوايات ملهوش طموحات.او امال فمش هيقدر يفيدك في الشغل ولا يبدع باي حاجة غير اللهم وظيفة والسلام والبت هتلاقيها برضو عاوزة جوازة والسلام. مش عاوزة توبدع في الجواز وتوريك البدع ههههه .... لكن هنا الوضع بيختلف شوية. لانك بمجرد ما تقولها ايه هواياتك وجيت البت بهبلها وقالتلك القراءة والكتابة والسباحة وركوب الخيل هههههههههه. ... اعرف ان البت كانت عمالة توفشر عليك من الصبح وبتشتغلك وبتضرب صواريخ. ... وامها محفظاها كلمتين جيه تسمعهوملك ... او البت كانت بتتفرج على مسلسلات كتيررررر :)
لذلك راعي ان سؤال الهويات ده خليه في الاخرررررر .

ااااه صحيح بالمناسبة هيقبلك بعض البنات الي تقولك من ضمن هواياتها الرقص ( بكل بجاحة وكسوف وقال ايه عنيها في الارض). طبعاً البت الي زي كده بتبقى عاوز تقولها عربية ابوكي حمرررة ... دي مش هويات يا ماما هههههههه

مش عاوز اقولكم اكتر حاجة بتدحكني لمن بقرى السي في بتاع اي موظف شب جديد ويكتبلي اي كلام هبل بالزات في الهويات واغلبهم متشابهين في هوايتهم زي من ضمن. الهويات يقول ان هوياتي العربيات يعني ايه هويات العربيات بتهوى تسوقها ولا تقتنيها ولا تامريك بيها ولا سباق العربيات. ولا تصميم العربيات ولا ايه بالزبط يا ابني ... ايه الفرق بينوا وبين واحد كاتب انا هوايتي التلفزيونات او السراير ولا الكوميدونات ... الي بيهوى حاجة بيبقى حريص انو يجمع تشكيلة كبيرة منها ويقتنيها او يمارس هوايتوا باستمرار .
ولا الي يقلك هواياتي السفر. بتبقى عاوز ترد عليه وتقولوا لا يا حبيب قلبي من بعد الثورة تالت تربع الشعب المصري بقة هوايتوا ونفسوا ومنى عينوا السفر هههههه. في فرق بين السفر كهوايه بتمارسها اسبوعياً او يومياً. وفرق بين انك بتحلم انك تسافر فالحلم مش هواية ده حلم
المهم نرجع لموضوعنا

ايضاً من ضمن اهم عشر اسئلة المتوقعة ورودها في الامتحان : )

إن حصل نصيب لا سمح الله وجتلي فرصة عمل او عقد عمل للخارج هل عندك مشاكل انك تتغربي وتبعدي عن امك ... وهنا من الاجابة بتقدر تحدد هل هيا بتدي اولوية لامها ام لزوجها والحقيقة دي نقطة مهمة لازم نركز عليها البت الي اغلب اجلبتها بتقولك في وسط الدردشة لا اصل ماما قالت لي او اصل ماما عملت. او اصل ماما سووت اعرف انها حبيبت امها ودلوعت امها. دي مباشرة اكس عليها لانك هتلاقي نفسك بطريقة او بأخرى متجوز امها مش متجوزها هيا فاهمني حتى لو كانت البت حلووووووووووووة . !!!

مهم جداً تحس بنبرة صووووت البنت وهيا بتجاووب على اسئلتك ... مهم جداً تحس ان كانت البت مصطنعة ولا كانت طبيعية ... ركز في ادق ادق التفاصيل ... بس اووعه طبعاً كمان ياسيدنا الافندي تتكلم مع البت في اي تفاصيل. عن الشبكة والمهر والمؤخر والكلام ده ... لكن الموضوع ده سيبوا لولي امرك وان مكنش عندك ولي امر او كبير ولا قادر تشتري كبير وانتا كبير نفسك او ووحيد ... فممكن بكل بساطة لمن يخلالك الجو مع ولي امر العروسة ... تبتدي تسئل بكل ادب وثقة وانكسار وتقول بإذن الله ان حصل نصيب يا حج. طلباتكم هتبقى أيه ... أو هتؤمروني بأيه !! يعني كأنك بتسئل من النوع العلم بالشيء لا اكثر ولا اقل ومتفاصيلش الا اذا عجباك البت وهنا كمان لاحظ حاجة مهمة هيا ردت ولي امر العروسة عليك هل جي على طول وش كده وقال طلبتنا يا ابني كزا كز كزا ... ولا رمالك كلمتين جر ناعم. زي احنا بنشتري راجل ... او انا المهم عندي الي يسعد بنتي ويشيلها في عنيه يعني كلمتين. من هذا القبيل يعني الموضوع بحر بحرررر وطويل ومش هقدر الموا بمشاركة او مشاركتين لكن ادعو كل واحد متزوج انوا يدلو بدلوووه حلوة يدلو بدلوه دي. ... اهو برضوا اكيد في ناس عندهم وجهات نظر واسئلة لولبية افضل مني ويقدروا يفيدوا. الشباب اجيال المستقبل المقبليين على الزواج عامة تابعونا وانا كمان متابع مشاركتكم واسئلوا عادي متتكسفوش وانا هجاوبكم : )

بس بلاش الخاص والبرايفت ... علشان الكل يستفيد

@@@@@@@@
وتحياتي
وتابع :) ويتبع ومتبوع ههههه

[pro_samir]

ربنا يخليك لينا وميحرمكش مننا يا كبير

مش عارف سيرة الجواز ورايا ورايا اليومين دول ليه ، لسه واخد درس من شوية عن أهمية الجواز وضاع العمر يا ولدي ..

المهم .. يعني ايه هتتجوزها أول مره :))

[Y a r i s]

هههههههه
لا يابيرو. يا عزيزي انا اقصد من هتتجوزها اول مره .... يعني للشباب الي لم يسبق لهم الزواج قبل كده ... في شباب خبرة اتجوزوا مره ومرتين وتلاته ... ده في ناس مورهاش شغلانه في حياتها غير يتجوز ويطلق يتجوز ويطلق ... وفي ناس عندها. غيت الخطوبة. يخطب هنا. ويفسخ هنا انا اعرف واحد خطب يجي اتنين وعشررررررين مرة لدرجة لمن. بنروح نتكلم على اي وحده. بنرجعلوا الاول ونسئلوا انتا خطبتها قبل كده ولا لأ وايه الاخبار فشكلت ليه .

حتى ستات كتيرررر تلاقيها اتجوزت خمس ست مرات قبل كده ولم توفق وبشرع الله. وفي الحلال جواز شرعي مكتمل الاركان .
فالجوزات الي زي دي مش محتاج تقعد وترغي كتيرررر لانك هتتجوز. وهتبقى الطليق رقم سته علشان تقفل النص دسته بالتمام هههههههه

لكن انا بتكلم عن انك رايح تقعد مع بنوته كتكوته لم يسبق لها الارتباط قبل ذلك. فايه الاسئلة التحليلية اللولبية الي تستطيع تفقس بيها. البيت وتكتشف جزء من شخصيتها عن طريق كلامها. فاهمني

بس ايه ده يا سمير يا عزيزي انتا لسه متجويزتش !!! وتحياتي

[graffittiii]

بس. من خلال رد البنت وسرعة ردها. تقدر تحدد هل هيا ارنبة ونفسها تخلف عيال كتيرررررر بهبل ...

ههههههههههههههههههههههههههههههه
متبقاش تتأخر علينا بالمواضيع .
هو مافيش إمكانية أننا نعمل لمشاركاتك Follow ؟؟
.

[cameeron]

[youtube]http://www.youtube.com/watch?v=J5tL8huJWwQ[/youtube]
الاسئلة من الدقيقة 7

[ZAKI32]

حراااااااااام عليك . دماغى شغاله تفكير لقيت موضوعك فى وشى . تحس ان الموضوع ماسك وشى بيقولى شاااااااايف ادخل اقراه ههههههههههه
بجد مش عارف انا ليا اقاربى جالهم عرسان وبيكلمونى عن العريس اللى جالهم واللى اعد معاهم وفى ناس لاسعة بتقول عبارات غزل.وفى منهم وهو هيتوضى ويصلى يقلع الجاكت وهى ماتخدوش وامه تاخده منه عشان الاحراج.
وواحد كل مايبصلها يقول ماشاء الله .
هههههههههههههه والغريب اقولك ,العريس راح هو وامه عشان يتفق ويقعدوا مع اهلها النوووووووووووووووور قطع. بانت من اولها. النور جه بقة يقولها انتى فى الضلمة مش حلوة بس فى العادى انتى منورة الدنيا والكون. عبيط دا يامامى ولا ايييييييه
تخيل الاحداث دى كلها بتحصل وانا بعرفها اول باول سيطرة وكبيرهم هههههههه
طيب لو انا عملت كده ودخلت ارتباط صالونات يعنى( كنبة واربع كراسى) ههههههههه
هبقى بالعبط ده .لا اعتقد بصراحه خبرتى كبيرة فى المجال خصوصا ان ليا فى كل ميناء صديقة . محدش يروح مخه لبعيد عمرى ماعملت غلط.
عايز اقول لازم الاختيار بجد تكون مرتاح فيه.
اوعى تجبر نفسك بواحده مش عجباك واللى عاجبك انها بنت ناس ومحترمه ومتربيه.
بص دور وهتلاقى بنت الحلال مليانين البيوت اقسم بالله ومقفول عليهم. وركز فى اختيارك وشوف انت عايز ايه
-مستوى اجتماعى
-جمال
-مال
-زوجه لابنائك
اساليب حياتيه :
- يعنى اللى هى مابتحبش تخرج من البيت وانت اصلا مش عايز تخرجها. ايوة ماتستغربش فى رجاله فعلا كده.
-عايز زوجه جميلة وواجهة امام اهلك ومجال عملك يحتم عليك ده.
بص شوف وقرر انت عايز ايه واستخير الله
ومتخليش حد يجبرك على شئ .لو مكنتش انت مرتاح ماتضغطش على نفسك. دى حياة وانت عايز واحده تصحى تبص فى وشها تتفائل بالخير.
انت لحم ودم وليك طلباتك واحتياجاتك لكن تعمل حسابك انك عايز زوجه علشان تعمل اسرة صح وتطلع رجاله بجد مش تكبرلى عيال بايظة .
يعنى انت مشغول فى عملك بالساعات يبقى فى زوجتك ب 100 راجل فى غيابك وتحافظ على عيالك وتربيهم كويس.
كفاية يارب اكون عملت افادة كويسة.

[maka]

يارس باشا انت شكلك شغال hr :) ؟؟

[islamnasser10]

موضوع جامد واتمني يكون ليه تكمله اهو الواحد ياخد فكره لاني ابيض خالص في الامور دي

[Y a r i s]

الباب الثاني : الزيارات الاولى
الفصل الاول : ماذا ئئخوز في يدي وانا رايح اقابل العروسة اول مرة !!

طبعاً لمن تيجي رايح تشوف عروسة حضرتك او رايح تقابل اي ناااس في الدنيا .... ماتروحش كده ئلالاووووي. او طرزااان. وايدك فاضية ... كانك رايح بيت واحد صاحبك وانشاء الله في الفصل الثاني : اهمية البسبوسة او كيف تعرف عروستك من التورته بتاعتها. هبين لك الاسباب التي تقدر تقيس عليها عروسة المستقبل ولكن هنا في هذا الفصل حابب اوضح انتا تقدر تاخود معاك. ايه. :-

[
١- ممكن تاخود دستت تورت وجاتوهات كده. وتتراوح سعر القطعة من ٣.٥ وانتا طالع. بس امو خمسة معقولة
٢- ممكن طبق حلويات. مشكل كمان من لابوم او البحصلي او الدمياطي او توينكي او سمير راميس يعني المهم حاجة محترمة ومعتبرة علشان تبقى اللفة عليها القيمة. .
٣- ممكن كمان صنية بسبوسة. وسعرها يتراوح ما بين ٤٠ لغايت ٦٠ جنية الكيلو ونص بس اووعه ثم اووعه تجبها ساااادة لانك هتترفض ساعتها بالتلاته يا بخيل يا جلدة هههههههه ( هاتها بالمكسرات يا حبيبي )
٤- لو انتا بقه. انسان حساس ورومنسي ممكن تجيب بوكية ورررد لفة كده ورد ... ولو عاوز توفر في عيال متشردة بتوقف في اشارة الزمالك بتبيع لفة ورد كاملة ب ١٥ جنية خودها واطلع كمان على محل ورد قدام على اليمين ادهوملوا وقولوا لفهالي لفه كده فخمة. واخر الاطة وكده عملت بوكيه ورد ب ٢٠ جنية فقط. ( يابلاش اي خدمة يا عم )

لكن لاحظ الورد ده بالذات انا شخصياً مبحبهوش في اول مقابله قولي لييييه !
لانك وانتا ماشي بيه وطالع على السلم عند اهل العروسة الجيران هيخدوا خبر. وممكن وحده ملجوفة او حشرية تقوم راقعه زغروطة على السلم. وتتحسب على اهل البت جوازة ... ويطلعوا سمعه على البت مثلاً ان بيجلها عرسان كتير وهيا بترفضهم يبقى اكيد بتحب او مصاحبة حد .... او يطلعوا سمعة تانية ان البت بيجلها عرسان كتير وزي الفل وكل ما عريس يجي يشوفها يطفش من طلبات اهلها او يطفش اول ما يشوف وشها وطبعاً نسوان مصر ميتوصووش بالاشعااااات ههههههه

نقطة كمان مهمة يا رياسة ... انا عارف ان الظروف صعبه جداً والحالة مكحرته اليومين دول. ... والحكاية مش ناقصه مصاريف. ، بس معليش. ده شر لابد منوو ، ومصاريف لازيمه هتقولي هو انا كل عروسة اروح اشوفها اعمل كده واشتري صنية البسبوسة هقولك ااااااه ومش بسبووسة بس لا وحلويات مشكلة كمان يا حبيبي .

ومعليش اي شيء في الدنيا علشان توصلوا محتاج مصاريف مفيش حاجة بتيجي سهله انتا لو بتدور على شقه اكيد هتدفع لسمسار شيء وشويات ده غير مصاريف البانزين والتيلفونات الخ الخ من مصريف لحد ما ربنا يعترك على شقه بنت حلال. ... ولو بتدور على عربية كويسة اكيد كل عربية هتشوفها هتاخودها وترفعها او بلاش ترفعها علشان محدش يفهم غلط. قصدي تاخود العربية تكشف عليها. ههههه يادي النيلة بلاش تكشف عليها. قصدي تعاينها عند اي ميكانيكي او بانزينة. اكيد هتدفع ١٢٠ جنية مصاريف كشف ومعاينة. واذا خدت العربية للتوكيل علشان تكشف عليها قبل ما تشتريها اكيد هتدفع ٦٠٠ جنية علشان تعرف اذا كويسة ولا لأ قبل ما تدبس فيها وتشتريها ... يعني مصاريف قليلة وبايخه بس اهو. علشان تقدر تضمن انك تاخود حاجة كويسة ومحترمة. :) ، فخصص كده بند في ميزانيتك من ٦٠ جنية لغايت ١٢٠ جنية وسميها مصاريف كشف عروسة هههه او مصاريف معاينة. :) وبالتوفيق وتحياتي وانتظروا بقيت الموضوع. بالذات باب وفصل ( اهمية البسبوسة للعروسة )



[/color]