㋡ الاسئلة المتوقعة ♥ لما تروح تقعد مع بنت هتتجوزها اول مرة !

[Y a r i s]

معرفناش برده إيه هي الاسئلة اللي هتكون في الإمتحان الشفوي ؟:f_eyeb1[1]:

يا جماعة. ذكروا كويس الاسئلة الي بدهلكم ... اعملكم ايه انتوا مبتذكروش وفي النهايه تسقطو ههههههههههه وتقولولي انتا السبب ، افتح صفحة واحد حضرتك هتلاقيني حاططلكم الاسئلة الي جايه في الامتحان والاسئلة المتوقعة زائد نمازج من امتحانات سنة ٢٠٠١ الي كنت بمتحنها زمان :) ... وتحياتي

[friendship7897]

[mark=#7bff00]<><><><><><><><><><>[/mark]

وممكن نعمل منتدى فرعي في نايل موتورز للزواج السعيد
للشباب الجادين والأخوات الفاضلات
ونجيب لك سجادة حمرا ومكتب وكرسيين ودفتر كبير ولاب توب وفلاشة نت هههههه
وأنا عليّ يا عم خطبة النكاح وعقد القران مجانا لأعضاء نايل موتورز
بس لازم يكون معاك الإستيكر علشان تحصل على هذه الخدمة ههههه

[mark=#7bff00]<><><><><><><><><><>[/mark]

ياسلام بجد يا ابو معاااذ لو بجد نعمل كده قسم فرعي لنايل موترز وامسكوا انا وانتا وكل موضوع نخش كده ونقلهم. تنبيه هام ممنوع التواصل على الخاص

عجبتني فكرة المنتدى الفرعي للزواج السعيد

وأنا هكون مسئولة معاكم وهجيب معايا شوية بندق لإختبار أسنان عروسات المستقبل

أسئلة أيه ومتوقعة أيه – ليه يا Yaris هتبوظ لنا دماغ الشباب

بصوا بأة خلاصة الموضوع

وعن تجربة : الراجل اللي معجب بواحدة وعايز يتجوزها بيتمسكن حتى يتمكن

والعكس صحيح : يعني برضوا الست اللي مقتنعة بواحد بتلبس 100 قناع علشان يقتنع بيها ، و100 فستان

وطبيعة الستات والرجالة وشخصيتهم مختلفة وكتيرة أكتر مما تتخيلوا

فصدقوني كل اللي نعرفه عن الخاطب أو المخطوية أو الخطوبة قبل الجواز مجرد سرااااب والمعرفة الحقيقية بتكون بعد الجواز بفترة يعني بالعشرة وكله بيتغير بعد الجواز وكل منهما يكشف القناع

وفي الآخر مش هنلاقي شخص كامل

ممكن تلاقوا شخص أهون من غيره

ولازم نعرف ، قال تعالى : (إِنَّا كُلَّ شَيْءٍ خَلَقْنَاهُ بِقَدَرٍ)القمر/49 .فأعرف إن الزواج زي الرزق ومعروف من يكون أهلك ، ومن تكون زوجتك ، ومن يكون أبناؤك ، وكل ما كان ويكون في الكون فهوبتقدير الله تعالى

مش معنى كدة أن الواحد يعيش في الدنيا بلا إرادة ، لأ لازم يسعى في أسباب سعادته وعافيته ، فكل شيء جعل الله له سبباً - فنسعى نكون طيبون لنجد الطيبات ونبعد عن الخبث حتى لا نقع في الخبيثين

والنصيحة الوحيدة للطرفين : كونوا علي طبيعتكم بكل بساطه، ولا تتصنعوا بأي شكل،

فالشخص الذي لا يقبلك علي حقيقتك لا يستحقك.

[Khaled Seif]

والنصيحة الوحيدة للطرفين : كونوا علي طبيعتكم بكل بساطه، ولا تتصنعوا بأي شكل،

فالشخص الذي لا يقبلك علي حقيقتك لا يستحقك.

+11111111111111

جزاكم الله خيرا أ / friendship7897

واذكر نفسي وإياكم بحديث الرسول الكريم صلى الله عليه وسلم

روى الإمام مسلم في صحيحه عن أبى هريرة رضي الله عنه أن رسول الله صلى الله عليه وسلم

مرّ على صُبْرَة طعام، فأدخل يده فيها فنالت أصابعه بللاً، فقالما هذا يا صاحب الطعام؟

قال: أصابته السماء يا رسول الله، قال أفلا جعلته فوق الطعام كي يراه الناس؟ من غشّ فليس

مني

وفي رواية أخرى للحديث عند مسلم : (من غشنا فليس منا) .

معاني المفردات

ماء السماء : المطر

الصُبْرة : الكومة المجموعة بلا كيل ولا وزن.

[mahmoudysf]

فصدقوني كل اللي نعرفه عن الخاطب أو المخطوية أو الخطوبة قبل الجواز مجرد سرااااب والمعرفة الحقيقية بتكون بعد الجواز بفترة يعني بالعشرة وكله بيتغير بعد الجواز وكل منهما يكشف القناع

وفي الآخر مش هنلاقي شخص كامل

ممكن تلاقوا شخص أهون من غيره

+11111111111111111

[mostafa mahmod]

انا متابع جدا و عايز اقول لحضرتك ان ده من احسن المواضيع اللى قريتها هنا فى المنتدى
ربنا يجازيك خير لان بجد ضحكتنى من قلبى
:)
ربنا يكتبلنا بنت الحلال

[A7medelshami]

ربنا يجزيك خير الموضوع فى غاية الجمال

لكن ما عرفنا كيف بتكون البدايه فى المقابله
قوللى بس البدايه ايه وازاى وبعدها الواحد يقلب فصيح زمانه
ابداء المقابله ازاى ؟؟
مش حلوه اول ما اتكلم
س اسمك ايه ؟؟
ابوس ايديك انا رايح اخطب بعد بكره وقلقان جداااا
بعد ما قرات موضوعك اتشتت اكتر .. هو الموضوع صعب اوى كدا ؟!
ارجو الافاده

[tamertamer]

hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhh

[AhMeD MeTwAlY]

حبيبي والله يا غالي بتجي في وقت انا كنت مزنوق في كام سؤال كدا ومش عارف اجبهم منين ولي اسألهم ازاي بس لقيت عندك الحل
هبعتلك علي الخاص قريب عشان في موضوع كدا محيرني شوية
تحياتي

[mohammedabdallh]

طب هنا يا يارس يا اخويا
دول لللشباب الى هيتجوز اول مره
طب تانى مره فيين

[mem]

موضوع رائع ياريس
والى الامام ههههههههه

[ahmedhawas]

موضوع رائع جدا يا ياريس
وربنا يوفق الجميع .. ومن نصر إلى نصر.
ودمتم للنضال.

.
.
بعد إذن صدام.

[Y a r i s]

طب هنا يا يارس يا اخويا
دول لللشباب الى هيتجوز اول مره
طب تانى مره فيين

هههههه حبيب قلبي يا محمد باشا
لا بص ياباشا. دايماً اول مره بتبقى اصعب مرة بعد كده بتلاقي العملية سهلة خالص. ... يعني عارفين عاملة زي ايه زي اي مادة امتحنتها مثلاً اول مره بتبقى خايف من اسئلت الدكتور لكن بمجرد ما تدخل المادة دي وبسم الله مشاء الله بسم الله مشاء الله. تسقط فيها وتخش تاني مره ( سمر كورس ). بيبقى الخوف اقل واقل من اول مره ... طيب تصور بقه تعيد السنة كلها برضوا على نفس المادة هيا هياااااا. ... فبتلاقيك داخل المادة دي بكل ثقة. وقلبك جامد ، ومش بس كده لا وبتدرس لزميلك الجدد كمان الاسئلة المتوقعة الي هتيجي في الامتحان ما انتا خلاص بقه بقيت خبرة ههههههه

[SAMEH_FOUAD]

هههههههههه

موضوع جامد كالعادة يابو تركى

بس المواضيع اللى زى دية لازم ليها اسألة معينة كدة عشان تقدر تحكم بيها على البنت بأعتبار ان الشاب دة جامد وفاهم ومقطع السمكة وهعملها فى صورة حوار ,طبعا بعد ما الوالد والوالدة يعملوا الكمين المظبوط وتسيبك انت والبنت قاعدين لوحديكوا ( قال اية عشان ياخدوا على بعض )
ويبدأ الحوار كالتالى :

الشاب : اهلا وسهلا

البنت : اهلا بيك

الشاب : انتى اسمك اية ؟

البنت : اسمى فلانة وانت ؟؟

الشاب : اسمى فلان

الشاب : عندك كام سنة ؟

البنت : عندى كذا وانت ؟؟

الشاب : كذا

الشاب : خلصتى كلية اية ولا لسة بتدرسى ؟

البنت : انا خلصت كلية كذا او بدرس فى كلية كذا وانت

الشاب : انا خلصت كلية كذا

الشاب : بتفكرى فى اية بعد الكلية هل عايزة تشتغلى ولا هتقعدى فى البيت ؟؟

البنت : لأ والله لسة محددتش وهو اصلا فية شغل فى البلد , بس لو جت فرصة مناسبة ممكن اشتغل

وانت بقى بتشتغل اية ؟؟

الشاب : انا بشتغل كذا

البنت : مرتاح فيها وكويسة وثابتة ( بتطمن على نفسها طبعا لو حصل نصيب )

وللحديث بقية ....................