اي حد يفيدني عن التمويل العقاري

[shaddadfalcon1]

السلام عليكم

وحوش المنتدي ياريت الكل يدلو بجردله في موضوع التمويل العقاري ده وايه ظروف التقسيط معاه وهل هو كويس فعلا ولحد كام يبقي حلو وبعد كده يبقي وحش؟ وايه الشركات المعروفه في مصر؟
وياتري نظام السداد عامل زي البنوك ولا بتسدد الأول الفايده وبعد كده المبلغ الاصلي؟

[Dr.Mostafa Anwar]

نفس التساؤلات لأني أنوى شراء شقة بالتمويل العقاري إن شاء الله وأبحث في الموضوع

أين رجالة المنتدى الخبراء؟ :)

[Terrible_DaRsH]

بدور برده على الموضوع ده , القرض العشرى من بنك الاسكان بيمول لنسبة 75 % من ثمن الوحدة

بس فى شروط : يكون 3 سنين فاتوا على وجود الشخص فى العمل ويكون متأمن عليه

وضامن يكون فى نفس المرتب او اعلى وشوية حاجات بسيطة .

[shaddadfalcon1]

طيب كويس ان في ناس تانيه مهتمه عشان انا خلاص قربت افقد الأمل ان امتلك شقه في البلد دي وحارم نفسي وعيالي من كل حاجه عشان اجيبها

[MTAK]

على ما اذكر و الله اعلم , عندما فكرت فى الموضوع منذ فتره

كان اهم شرط يبقى الشقه متسجله , و علشان الشقه تبقى متسجله يبقى لازم الارض تكون متسجله

و غالبيه الموجود لا يكون فيهم تسجيل و الكل اخره بيعمل صحه توقيع , لان التسجيل بيدففع فيه مبلغ حلو من تمن الشقه او الارض

دا اللى انا فاكره بس بصراحه مش عارف لسه موجود او كان موجود من الاساس و لا لأ

لان من قال لى هذا على ما اعتقد كان سمسار و ممكن كان بيوجهنى لشئ اخر

ممكن تشوف اللينك ده ممكن ينفع

صندوق التمويل العقاري

[MaZaGAngeE]

بدور برده على الموضوع ده , القرض العشرى من بنك الاسكان بيمول لنسبة 75 % من ثمن الوحدة

بس فى شروط : يكون 3 سنين فاتوا على وجود الشخص فى العمل ويكون متأمن عليه

وضامن يكون فى نفس المرتب او اعلى وشوية حاجات بسيطة .

و ليه كل الشروط دي
الشفة ضمان كفاية

[Terrible_DaRsH]

و ليه كل الشروط دي
الشفة ضمان كفاية

و فى عقد مبدئي على ما اتذكر للشقة اللى عاوز تشتريها واثبات الشقة اللى انت ساكن فيها

[أبو صلاح]

افضل بنك بيقسط عقارات هو بنك التمويل العقاري المصري العربي

http://www.eal-bank.com/default.asp

انا جربته وهو رائع وتسليم فوي وفائدة 10% +2% تامين سنويا ولمدة تصل ل 15 سنة
وليه مشاريع في كل مكان تقريبا في مصر واستلام فور التعاقد

[shaddadfalcon1]

افضل بنك بيقسط عقارات هو بنك التمويل العقاري المصري العربي

http://www.eal-bank.com/default.asp

انا جربته وهو رائع وتسليم فوي وفائدة 10% +2% تامين سنويا ولمدة تصل ل 15 سنة
وليه مشاريع في كل مكان تقريبا في مصر واستلام فور التعاقد

تسلم يابوصلاح

طيب لو مثلا مقسط 100 الف علي 5 سنين والفايده كده 12% يعني فايده 2,400 جنيه في السنه

لو بعد سنتين كنت سديت 44,784 منهم 4800 فايده يعني المبلغ اللي فاضل حوالي 60 الف هل ساعتها هدفع 60 الف + الغرامه مثلا ولا هيقولي لازم تسدد قيمة الفايده اللي هي هتبقي حوالي 7,200 ؟؟

انا كل اللي شفته علي الموقع بيتكلم عن الموضوع ده هو :


دفع الأقساط مرة واحدة
يمكن دفع المبلغ المتبقى كله مرة واحدة مع خفض العائد أو تجميع أقساط أكثر من شهر ودفعهم مرة واحدة مقدماً -


وده مش فاهم منه حاجه

ياريت تفيدنا لو تعرف حاجه عن الموضوع ده

[nicegypt]

متابع

[Ahmed_selmy]

انا بصراحه لقيت الموضوع حيكون حوار كبير فريحت نفسى واخدت قرض عادى كملت بيه على الفلوس اللى معايا و اشتريت الشقه و حاليا فاضلى سنه فى القرض والحمد لله.

[Terrible_DaRsH]

انا بصراحه لقيت الموضوع حيكون حوار كبير فريحت نفسى واخدت قرض عادى كملت بيه على الفلوس اللى معايا و اشتريت الشقه و حاليا فاضلى سنه فى القرض والحمد لله.

بنك ايه وفوائده كام , بالرغم انى مبحبش موضوع الفوائد ده

[shaddadfalcon1]

القروض حرام والحاجه الوحيده اللي ربنا هدد صاحبها بحرب من الله ورسوله وانا مش قد حرب من ربنا والسبب الوحيد اللي خلاني اسال علي التمويل العقاري اني اعرف انه حلال لانه بيشتري الشقه وبعدين بيسجلهالك يعني اكنك بتشتري خاحه تقسيط

[أبو صلاح]

تسلم يابوصلاح

طيب لو مثلا مقسط 100 الف علي 5 سنين والفايده كده 12% يعني فايده 2,400 جنيه في السنه

لو بعد سنتين كنت سديت 44,784 منهم 4800 فايده يعني المبلغ اللي فاضل حوالي 60 الف هل ساعتها هدفع 60 الف + الغرامه مثلا ولا هيقولي لازم تسدد قيمة الفايده اللي هي هتبقي حوالي 7,200 ؟؟

انا كل اللي شفته علي الموقع بيتكلم عن الموضوع ده هو :


دفع الأقساط مرة واحدة
يمكن دفع المبلغ المتبقى كله مرة واحدة مع خفض العائد أو تجميع أقساط أكثر من شهر ودفعهم مرة واحدة مقدماً -


وده مش فاهم منه حاجه

ياريت تفيدنا لو تعرف حاجه عن الموضوع ده

انا مفهمتش سؤالك كويس
بس هو البنك بيحسب فائدة متناثصة وده يعتبر افضل من الثابته
لكن هي متوسطها 12% ثابت يعني 12000 على 100000 في السنة وطبعا الفائدة هتقل كلما قل اصل القرض
وطبعا لو سددت مبكر بيرفع من عليك الفوائد وبيعيد جولة الدين من جديد على الوضع الجديد
انت اول ما بتتعاقد بتاخد جدول موضح فيه كل قسط فيه كام اصل القرض وفيه كام فائدة
طبعا الفائدة في اول القرض اكبر من قيمة القرض نفسه وبيقل مع الوقت وتزيد قيمة اصل القرض
كمثال

التاريخ المبلغ الفائدة الاجمالي
1-1 100 500 600
1-2 150 450 600
3-1 200 400 600
وهكذا

طبعا لو عايز تدفع مبلغ مرة واحدة بتشوف آخر أقساط من الجدول وتحسب وتدفعها بدون فائدة

وبرضه توضيحا للامور أكثر لازم زيارة للبنك لان مش كل الوحدات السكنية مسجلة على الموقع وبرضه علشان تاخد الجدول اللي بقولك عليه ده وتعرف تظبط امورك

[yaserbasha2000]

القروض حرام والحاجه الوحيده اللي ربنا هدد صاحبها بحرب من الله ورسوله وانا مش قد حرب من ربنا والسبب الوحيد اللي خلاني اسال علي التمويل العقاري اني اعرف انه حلال لانه بيشتري الشقه وبعدين بيسجلهالك يعني اكنك بتشتري خاحه تقسيط

بارك الله فيك لحرصك علي الحلال .
لكن تيقن اولا من اى معامله بصورتها الواقعيه وقت التنفيذ بسؤال اهل العلم