غلق مطار القاهرة 4 ساعات يوميا في الصيف القادم لتوفير الطاقة

[Curbis]

وزير الطيران: غلق مطار القاهرة 4 ساعات يوميا في الصيف القادم لتوفير الطاقة



أعلن المهندس وائل المعداوى، وزير الطيران المدنى، أنه سيتم غلق مطار القاهرة الدولى أمام حركة الطيران فى الفترة من الساعة الواحدة والنصف ولمدة 4 ساعات يوميا لتوفير الطاقة مع فتح ممر واحد فى المطار الجديد لاستقبال الطائرات التى تصل فى هذه الأوقات.

وقال المعداوى- فى لقاء بمحررى الطيران اليوم السبت- إن هذا القرار من المنتظر أن يبدأ العمل به أول شهر يونيو القادم وسيتم ابلاغ شركات الطيران به قبل تطبيقه بشهر ونصف على الأقل .

وأكد الوزير أن القرار جاء بعد دراسة مستفيضة فى ضوء حجم التشغيل الذى شهد انحسارا شديدا فى العامين الماضيين وأوضحت أن عدد الطائرات التى تصل المطار فى هذه الفترة تصل إلى 27 طائرة تبلغ تكلفة استقبالها خمسة أضعاف ما يتم تحصيله منها ، كما أننا مقبلون على أزمة طاقة لا يستهان بها فى فصل الصيف القادم ولابد من التعامل معها بفكر مسئول من جانب جميع قطاعات الدولة.

وأوضح أن مطار القاهرة لا يتأثر بانقطاع التيار الكهربائى لوجود محطات توليد بديلة ولكن الهدف هو توفير الطاقة ، مشيرا إلى أن إنارة كيلومترين فى ممر الاقلاع والهبوط يكفى لإنارة 20 كيلومترا فى الطرق .

وأشار الى أن هذه الخطوة مطبقة فى جميع دول العالم تقريبا وتهدف فى المقام الأول الى توفير الطاقة ، كما أنها تأتى فى المطارات التى توجد فى المناطق الحضرية بهدف راحة السكان فيها، مشيرا إلى أن الممر الذى يتواجد موازيا لمنطقة النزهة الجديدة ومصر الجديدة مرشح للإغلاق .

وزير الطيران: غلق مطار القاهرة 4 ساعات يوميا في الصيف القادم لتوفير الطاقة - بوابة الشروق

[Curbis]

أنا مش فاهم يعني لو واحد طيارته معادها هيبقى وقت قطع الكهريا هيعمل إيه؟

[Y a r i s]

خلاص مدام وزير الطيران شايف ان ده صح ليه لاء. يطبق النظام عادي اصلاً اصلاً في مواعيد للطيرات غبية بالذات. وقت الفجرية او الي طيارتوا الساعه خمسة الصبح يعني حتى سواق الطيارة مخدش راحتو في النوم وتلاقي بيسوق ياعيني وهو نايم على روحوا ... لذلك مفهاش حاجة ابداً لمن يريحو المطار ساعتين ولا اربع ساعات. ومدام عندهم البديل وهيوفر مطار يستقبل ال ٢٧ طيارة دول. فخلاص توكل على الله وشطبوا المطارات بدري بدري خلي الناس ترتاح شوية

هما مش قالوا هيطبقوا قرار الاغلاق بتاع المحلات التجارية كمان من بعد الساعة ١١. مطبقهوش ليه لغايت دلوقتي ... ده انا بشوف معارض موبليا وعربيات بتفضل فاتحة لغايت الساعة ٣ الفجر وفي اكتوبر هنا وببقى اضرب كف على كف كل الانوار دي على ايه انشاء الله ومين هيشتري عربية الساعة تلاته الفجر اساساً ... وتحياتي

[megaman]

وده دليل كبير ان احنا داخلين على مشاكل من نوع منيل

[yehia]

مش عارف ليه افتكرت انعام سالوسة في فيلم الارهاب والكباب لما كانت عايزة تمشي بدري ساعة رضاعة

[mr_vampire]

ان صح الخبر ... فاعتقد محدش هيحس بالحوار ده ولا المسافرين ( لان اكيد شركات الطيران هتتفادي الاربع ساعات دول ومش هيبقي في حجز فيهم لان اكيد هيبقي مفيش رحلات اصلا فيهم ) ولا القادمون لان هيبقي فيه ممر للهبوط للطيارات اللي هتيجي فالميعاد ده. ولا العاملين في المطار لان في محطات توليد كهربا فيه بديلة.

يبقي ايه المشكلة بقي لو ده حصل.

[Curbis]

الظاهر النكتة بتاعه اخر واحد يخرج من البلد يطفى نور المطار ويقفل الباب وراه شكلها هتبقى حقيقة :))

[Curbis]

[size=5]
يبقي ايه المشكلة بقي لو ده حصل.

المشكلة ان ده مش سوبر ماركت عشان يقفل ٤ ساعات يوميا :)))

[أحمد كمال]

المشكلة ان ده مش سوبر ماركت عشان يقفل ٤ ساعات يوميا :)))

المشكلة الأكبر في مصر بصراحة هي الفتي

فيه اكتر من 200 مطار عالميا بيقفلوا ساعات معينة يوميا سواء عشان الانبعاثات او الضوصاء

الليست هنا

Airports with Noise and Emissions Restrictions

اي مطار قدامه لينك cur (اختصار curfew) كليك عليها هتلاقي التفاصيل

فيه مطارات بيبقى فيها 6 او 7 ساعات كمان مفيش اقلاع و فيه هبوط بس او مفيش الاتنين (الا في الحالات الاضطرارية)

[Amr_MO]

بالعكس انا شايف ان القرار ده متأخر جدا وكان لازم العمل به من فترة طويلة، فترة بالليل خصوصا من بعد الساعة 11 مساء تقريبا مفيش رحلات اللهم الا كم واحدة يتعدوا على صوابع اليد الواحدة ودول امرهم سهل لأن بيتم ابلاغ شركات الطيران دي لتعديل مواعيدها ولكن لو تشوفوا كمية الهدر الرهيبة في الطاقة والانوار جوة المطار خصوصا مهبط الطائرات في فترة بعد نص الليل لحد الصبح بتبقى شكلها ازاي متقدرش توصفها من كمية الطاقة المهدرة وكل ده من غير عائد تشغيلي في الفترة دي وده المعمول بيه في المطارات المحترمة

[Sh_sunsea]

بالعكس انا شايف ان القرار ده متأخر جدا وكان لازم العمل به من فترة طويلة، فترة بالليل خصوصا من بعد الساعة 11 مساء تقريبا مفيش رحلات اللهم الا كم واحدة يتعدوا على صوابع اليد الواحدة ودول امرهم سهل لأن بيتم ابلاغ شركات الطيران دي لتعديل مواعيدها ولكن لو تشوفوا كمية الهدر الرهيبة في الطاقة والانوار جوة المطار خصوصا مهبط الطائرات في فترة بعد نص الليل لحد الصبح بتبقى شكلها ازاي متقدرش توصفها من كمية الطاقة المهدرة وكل ده من غير عائد تشغيلي في الفترة دي وده المعمول بيه في المطارات المحترمة

مطار فرانكفورت في المانيا ما فيش فيه طيران بعد الساعة 12 بالليل - الطيارة كان معادها الساعة 11 - وبسبب مشاكل تقنية قعدت الاقلاع يتأجل لحد ما الساعة عدت 12 - الكابتن قال مش هانقدر نطلع ونزلنا انتظرنا في المطار لحد الساعة 8 الصبح علشان الطيارة تطلع

ما نقعدش ننتقد للنقد يا جماعة - ننتقد الي ما بيشتغلش - وننتقد الي بيشتغل غلط - وحتى لما نيجي نعمل حاجة صح ننتقدها - ما المطلوب .؟

[mr_vampire]

المشكلة ان ده مش سوبر ماركت عشان يقفل ٤ ساعات يوميا :)))

زي مالاستاذ احمد كمال وضح انه مش اختراع جديد يعني. بس حتي لو اختراع جديد فيها ايه برده يتنفذ مادام مفيش من ضرر وهيتم توفير كهربا مع الاحتفاظ ووجود بدائل.
ولا عشان حكومة اخوان يبقي لا وخلاص حتي لو الحوار متبع عالميا يبقي لاء برده مادام من الاخوان.

ياريت ياشباب نبص للمصلحة الاول ان شالله لو من الجن الازرق.

[BESO516]

عصرت الليمون

اعصر تانى ياحبيبى

......................................

انذار ووقف اسبوع لمخالفة القاعدة 9 بند أ
يرجى مراجعة قواعد المنتدى
11:02pm 30/3/2013
م.ع.4

[MTAK]

باشمهندس احمد كمال , الرجل الموسوعه كما احب ان اطلق عليه

لك جزيل احترامى , لو كل واحد قبل ما يقعد يتريق و يجيب من هنا و من هنا

دور على صحة الكلام و تعب شويه قبل ما ينقل حاجه او يكتب تعليق , كان زماننا فى شكل تانى خالص

جايز ان مش كلنا عندنا موهبه البحث او اللغه اللى تساعدنا , يبقى البديل ننتظر امثال الباشمهندس كمال و ما نزيطش و خلاص
-----------

لو كان ده حصل قبل كده مش بعيد تلاقى الجرايد جايبه الليسته دى

و بتقولك مطارات العالم تتطبق وقف الطيران بضع ساعات اسوة بما فعلته مصر فى مطار القاهره

[أحمد كمال]

الله يخليك يا باشا

انا بس ما باحبش الزيطة ...... و اما قريت الموضوع افتكرت خبر عن مطار قي بريطانيا منع الطيران الليلي تماما عشان الناس اللي ساكنة في مناطق سكنية بالقرب من المطار تعرف تنام


دورت شوية لقيت الموضوع واسع اوي و مش مجرد مطار و لا اتنين زي ما انا كنت فاكر و فاهم .......


للاسف الشعب بقى قاعد للحكومة زي عواجيز الفرح ........ ما يعجبهمش العجب و لا الصيام في رجب .....


مش معنى كده ان اداء الحكومة عاجبني او انه مثالي ...... بس الوقوف عالواحدة و التلكيك ما ينفعش