غلق مطار القاهرة 4 ساعات يوميا في الصيف القادم لتوفير الطاقة

[Curbis]

المشكلة الأكبر في مصر بصراحة هي الفتي

فيه اكتر من 200 مطار عالميا بيقفلوا ساعات معينة يوميا سواء عشان الانبعاثات او الضوصاء

الليست هنا

airports with noise and emissions restrictions

اي مطار قدامه لينك cur (اختصار curfew) كليك عليها هتلاقي التفاصيل

فيه مطارات بيبقى فيها 6 او 7 ساعات كمان مفيش اقلاع و فيه هبوط بس او مفيش الاتنين (الا في الحالات الاضطرارية)

شكرا عاللينك بتاعك وبعترف ان أنا فعلا فتيت في الموضوع ده

بس لما قريت الخبر في رويترز كان مكتوب ان المصدر أرجع السبب لأن عدد الرحلات متوقع يكون قليل جدا ليلا الصيف الجاي وده شيء أنا شايفه مش طبيعي اطلاقا ليلد كان بيزورها حوالي ٨ مليون سايح سنويا في موسم الصيف لوحده

وبعدين مش أي حاجة موجودة برة هتبقى صح لو اتطبقت هنا زي مثلا موضوع قفل المحلات بالليل.. دول كتير محترمة بتطبقه بس في مدن تانية ليلية محترمة برضو مستحيل تطبقه ولو اتطبق هنا نص اليلد هيخسروا شغلهم

[أحمد كمال]

شكرا عاللينك بتاعك وبعترف ان أنا فعلا فتيت في الموضوع ده

بس لما قريت الخبر في رويترز كان مكتوب ان المصدر أرجع السبب لأن عدد الرحلات متوقع يكون قليل جدا ليلا الصيف الجاي وده شيء أنا شايفه مش طبيعي اطلاقا ليلد كان بيزورها حوالي ٨ مليون سايح سنويا في موسم الصيف

انت راجل محترم بجد ....... تحياتي ......

[Mohyeldin1974]

الزملا ردوا كفايه غلى الموضوع
بس احب اضيف انى بشتغل فى مطار هيثرو ولو طياره ماقلعتش فى تمام 1129 ليلا تبات فى المطار لانه بيقفل وحتى ساعات الصباح الاولى
ومعظم ان لما يكن كل المطارات الاوربيه تغلق ليلا للضوضاء ولتوفير الطاقه ولكن هذا لا يمنع استمرار العمل فى بعض القطاعات فى المطار

[youssef_u]

على فكره يا جماعه الموضوع مش سهل و خصوصا اللي بيبقا عندهم طيارتين يعني مثلا واحد زي انا بروح جده على طيارة الساعه 2 الفجر و بواصل عالباحه طيارة 10 الظهر ده لانه مفيش غير طياره واحده فاليوم للباحه الساعه 10 و لو لغوا رحلة الفجر دي يبقا هضطر اروح اقعد 24 ساعه في المطار عشان استنى طيارتي التانية

[amdd]

عايز افهم حاجه هو مش الوزير قال ان فى ممر واحد بس هيكون شغال وان عدد الطائرات 27 فى الساعات الاربع ...يعنى هيكون فى طيارات جايه وهيكون فى ممر للهبوط وباقى الممرات مظلمة ايه المشكلة بقى فى كده واكيد هيكون فى تعديل لمواعيد الاقلاع ولا لازم يكون فى مشكلة!!!

[mr_vampire]

عايز افهم حاجه هو مش الوزير قال ان فى ممر واحد بس هيكون شغال وان عدد الطائرات 27 فى الساعات الاربع ...يعنى هيكون فى طيارات جايه وهيكون فى ممر للهبوط وباقى الممرات مظلمة ايه المشكلة بقى فى كده واكيد هيكون فى تعديل لمواعيد الاقلاع ولا لازم يكون فى مشكلة!!!

لازم طبعا ... مش من الاخوان. يبقي لازم.

[S O P H O S]

طب ده كويس ؟!

[أبو صلاح]

خلاص بقينا كلنا خبراء بالطيران والمطارات وانظمتها
ماشاء الله !!!

أحمد كمال
تحياتي ليك على المعلومة الجامدة التي اخرست الالسنة وشلت ايدي عن المعارضة من أجل المعارضة لانهم اخوان