مشكلة مع cib بخصوص الفيزا ارجو الافادة

[ashraf122]

انا عامل فيزا cib و ميعاد انتهاء الفيزا كان 31/3/2013 المهم على نصف شهر 3 اتصلت بخدمة العملاء و سالت فين الكارت الجديد قالولى انة بيطلع و حيوصلى اخر الشهر و طبعا مفيش حاجة وصلت
اتصلت بيهم يوم 1/4/2013 قالوا معلش احنا لسة معمانهاش و كمان لما تطلع حتكون classic مش vip زى اللى كانت معى
اللى غايظنى انهم بتاريخ 1/4/2013 دفعونى التجديد السنوى للبطاقة مع انها منتهية و مفيش بطاقة جديدة و عملت شكوى بس طبعا لسة محدش رد

عايز اعرف اية الجهة اللى بتراقب البنوك فى موضوع الفيزا لانى مش ناوى استلم الجديدة و عايز استرد مصاريف التجديد السنوى

[أحمد كمال]

البنك المركزي

16777

[Land_Cruiser]

هي البنوك عاده بتعطي الكروت لشركه بريد زي ارامكس مثلا علشان توصلها للعملاء فممكن حضرتك تتصل بالبنك الصبح و تعرف منهم هي اي شركه و البنك يديلك البيانات اللي تدور بيها و بكده هتعرف التأخير منين و ممكن تستعجلهم كمان دي في حاله لو حضرتك محتاج الكارت

[mxz911]

انا هديك خبرتى كلها
حضرتك اقرى الموضوع ده
وشوف قد ايه بهدلت البنك . والله العظيم انا المديره كانت كل شويه بتكلمنى عشان مكبرش الدنيا اكتر من كده
انا اشتيك فى كذا حته وكاتب كده فى موضوعى . واوعى تسيب حقك مهما كان .

http://www.nilemotors.net/Nile/295315-a.html