كشاف طوارئ

[nonetta]

مما لا شك فيه الاختراع دة في قمة الاهمية الايام دي
اغلبنا كان عنده واحد واتنين ولما باظ اترمي وما جبناش غيره تاني

هل من الممكن اي حد عنده خبره في الموضوع دة يفيدنا
ويا ريت لو تعرفونا الخواص بتاعته وسعره والمكان اللي ممكن نلاقيه فيه
ولكم جزيل الشكر
ولتعم الفائدة

[Egyzizo]

دلوقتى كل بيت لا يخلو من واحد لأنه أصبح لا غنى عنه.
وعلى فكرة لما بيبوظ بتبقى البطارية بتاعته استهلكت ، وبيتصلح بتغيير البطارية بـ 30 - 40 جنيه.

وبيبقى 2 لمبة نيون 60 سم أو 120 سم أو 3 لمبات نيون أو ليدات.
فيه أنواع كتير فى السوق من أول الصينى التعبان لغاية الإنرجيزر وأسعارها تتراوح من 100 إلى 300 جنيه ..
أنا جايب نوع ماليزى اسمه rovo بـ 175 جنيه ، فيه ميزة ان فيه حماية ضد الشحن الزائد يعنى ممكن يتساب فى الكهرباء حتى بعد اكتمال الشحن بدون تأثير سلبى على البطارية ..
وجايب برضه واحد صغير (20 ليد) بـ 47 جنيه اضائته مش بطالة.

[nona_yaris]

فيه كشافات ليد حوالي 25 لمبة اضائته مناسبة وب 30 جنية
انا اشتريته على اساس انه ح يكفي فترة الصيف ومش مهم يكمل
ولو اشتغل للصيف اللي بعده يبقي خير وبركة

[nonetta]

طيب ال rovo دة ممكن الاقيه فين
والانرجايزر بردو منين

[bobbozo4b]

فعلا كلنا محتاجين الموضوع ده
انا عندى كشاف جنرال القديم 2 لمبه نيون 60 بس للاسف مش موجود حاليا وعايش معى ومغيرله بطارية قبل كده
بس محتاج فعلا كشاف جديد يكون ليدات بس يكون صناعة نظيفه
انا سمعت عن ماركة اسمها الامير للكشافات بس مش عارف بتتباع فين
فى حل تانى وده انا مجربه برده
عباره عن لقمه زى زرار فتح النور او الغلق اللى فى الحيطه بس بتبقى شفافه وفيها ليدات وبطارية وتتوصل زى المفتاح
ولما النور يقطع تنور لوحدها ولما النور يجى تفصل وده صوره
https://encrypted-tbn2.gstatic.com/images?q=tbn:ANd9GcQ7jccYsZkoQJuvVjQ8N54BRYj4ve3o1 3XtifnDcG-gbvpfC6DXzA
https://encrypted-tbn2.gstatic.com/images?q=tbn:ANd9GcRnqiHJIe6hDSwt2i0EIbPDZnHGkadj5 kGa5jARfxuTdokTU4khbA
https://encrypted-tbn1.gstatic.com/images?q=tbn:ANd9GcTr82epFJliCAZkTnFUngHAVB4Lnp3YU H8KLF-rtiZMR27q1QBW

[bobbozo4b]

الصور تانى ياجماعة الخير
Ultra Group

[Egyzizo]

طيب ال rovo دة ممكن الاقيه فين
والانرجايزر بردو منين

فى محلات الأدوات الكهربائية الكبيرة
والانرجيزر ممكن تلاقيه برضه فى ماكرو أو كارفور.

[swimmer25]

موضوع جامد
أنهي أحسن الليدات ولا النيون
ايه مواصفات تانية نبص عليها

[احمد المصرى]

حاليا فى كشافات ليدات ودى بتكون كويسه ومعقوله وسعرها قليل من اول 12 جنيه وانت طالع وشغاله معقول مش وحش

[Egyzizo]

فيه برضه فكرة تانية ظريفة وهى (لمبة الشحن) ودى عبارة عن لمبة الاضاءة فيها بنظام الليدات وبتبقى قلاووظ أو مسمار وبتتركب فى دواية اللمبة كهربائية العادية وتتوصل بالكهرباء ، ولما الكهرباء تقطع بتنور اوتوماتيك وتستمر 5 ساعات ، ولما الكهرباء تيجى بتشحن تانى اوتوماتيك ، ممكن وضع لمبة منها فى كل حجرة فتبقى حاجة ظريفة وثابتة وتنور الشقة اوتوماتيك عند قطع الكهرباء ، أنا جبت واحدة أجربها من مول على الزراعى اسمه العابد وكان تمنها 26 جنيه ، ودى صور لأشكال مختلفة منها :

[Egyzizo]

موضوع جامد
أنهي أحسن الليدات ولا النيون
ايه مواصفات تانية نبص عليها

أنا شايف ان النيون أحسن
اضائتها أقوى واللمبة لما تتحرق بتتغير ، لكن الليدات لو باظت مش بتتغير.
بس المفروض ان الليدات برضه عمرها طويل.

أهم حاجة تبص عليها ما يشير إلى ان عمر البطارية طويل أو إلى ان هناك حماية ضد الشحن الزائد اللى بيقصر عمر البطارية.

[Egyzizo]

الصور تانى ياجماعة الخير
ultra group

فكرة ظريفة ، بس دى هتنور ايه .. هتبقى ضعيفة جداً.

[bobbozo4b]

فكرة ظريفة ، بس دى هتنور ايه .. هتبقى ضعيفة جداً.

بالعكس هى مش ضعيفه واضائتها كويس عند انقطاع النور
بس يمكن الصور مش موضحه كده
والاحسن انك تحط وحده فى كل حجره
وكويسه جدا عشان لحظة انقطاع النور ماتبقاش الدنيا كحل وتقدر تشوف قدام
وكمان مايحصلش فزع او رعب عند الاولاد

[Egyzizo]

تمنها كام؟

[A_H_M_A_D]

فيه كشافات ليد صغيره موجوده عند محلات الادوات الكهربائية , انا جايب كذا واحد 50 لمبة ليد و سعره 45 جنيه , اعتقد ده احسن من الكبير اللي ب140 عشان لو جبتي 3 مثلا ووزعتيهم على الشقه كلها هاتبقى احسن من تركيز الاضاءه في مكان واحد , وعلى فكره اضاءته قوية و كويسه