كشاف طوارئ

[Egyzizo]

فكرة لمبات الشحن اعتقد انها موش عملية و احد قريبى اشترى 3 وموش بينوروا اكتر من نصف ساعة

أنا جربتها النهارده ، لغاية دلوقتى 10 ساعات ولسه شغالة على الشحن.
الورقة اللى معاها بتقول انها بتشتغل 12 ساعة.

هى اضائتها مش قوية قوى بس رضا.

[homme49]

طيب تصدق انى بافكر جدياً فعلاً فى لمبات الجاز دى ..
اضائتها رومانسية ومش مكلفة ومتعلقة على الحيطة فى مكان ثابت ، و5 لتر جاز يكفوك الصيف كله، والأهم من ده كله هيبقى تجديد .. تخيل شقتك كلها فى عز العتمة منورة بالمشاعل .. تفتكر على طول جو العصور الوسطى والدهاليز وقعقعة السيوف .. حاجة واووووو


على فكرة ، مهم جداً من أجل الصحة النفسية وتفادى الضغط والسكر ، ان الواحد لما يقع فى مشكلة لا يد له فيها ، انه يحاول يبرمج نفسه انه يستمتع بالمشكلة ذات نفسيها اذا امكن ..

فكر فى جو العصور الوسطى وانت تدعي لى.

هذه فكرة عملية و لكن لها خطورتها لآنها قد تسبب حرائق لو وقعت على الأرض و إنسكب الجاز
و بالنسبة لى لا تفكرنى بالعصور الوسطى و إنما تذكرنى بالريف المصرى فى عام 1956 عندما هاجر معظم أهالى القاهرة إلى مسقط رأسهم فى الريف المصرى هربا من غارات العدوان الثلاثى على القاهرة.
فى ذلك الوقت كان السد العالى فكرة لم تنفذ بعد و كان هو سبب العدوان الثلاثى بعد تأميم قناة السويس
و لم تكن الكهرباء قد دخلت الريف المصرى بعد
رحم الله الزعيم الخالد جمال عبد الناصر

[homme49]

سمعت من أحد الأصدقاء أن بالسوق مراوح تعمل بنفس فكرة لمبات الإضاءة أى أنها تعمل عند إنقطاع التيار الكهربائى
فهل ذلك شئ عملى و أين يمكن الحصول عليها خاصة و أن شهر رمضان هذا العام سوف يتزامن مع شهر أغسطس

[Ahmed_Adham]

سمعت من أحد الأصدقاء أن بالسوق مراوح تعمل بنفس فكرة لمبات الإضاءة أى أنها تعمل عند إنقطاع التيار الكهربائى
فهل ذلك شئ عملى و أين يمكن الحصول عليها خاصة و أن شهر رمضان هذا العام سوف يتزامن مع شهر أغسطس

هوه احنا خلاص هناقلم نفسنا على كده؟ ونجيب تليفزيون شحن وريسيفر شحن كمان؟ ولا نجيب مواتير بقى وكل واحد يعتمد على نفسه في توليد الكهربا؟ حسبي الله ونعم الوكيل في اللي كان السبب.

[Egyzizo]

المرواح موجودة فعلاً ، وسعرها فى حدود 150 جنيه على حسب زميل لينا هنا ، وأنا برضه بادور عليها.

مروحة الشحن في منها بوكس وفي منها مروحة مكتب وفي منها مزودة بالراديو واللمبات وفي منها فقط مورحة واغلبهم ضيني عند بتوع الاجهزة الكهربائية وثمنها حوالي 150 جنيه وبتتشحن10 ساعات وتتشتغل 4-5 ساعات ، انا عندي ماركة click on افضل ماركة اجهزة صيني - افضل الوحشين مجربها في مكنة الحلاقة وحلة طبخ الرز وخلاط المطبخ - مروحة مكتب بقاعدة فيها لمبات اضاءة وتلف 120 درجة لتوزيع الهواء وتشتغل 6 ساعات بالسرعة البطيئة و 4 ساعات بالسرعة السريعة وتشتغل كهرباء وبطارية مع بعض

http://www.google.com/search?hl=en&client=ms-android-samsung&site=webhp&tbm=isch&source=hp&ei=48jaub_ydmjorqeu14hwcg&q=click+on+rechargable+fan&oq=click+on+rechargable+fan&gs_l=mobile-gws-hp.12...6249.20833.0.22255.25.24.0.1.1.0.322.4834.0j12j10j1.23.0...0.0...1c.1.8.mobile-gws-hp.kqcgezlsds0&rlz=1y1eczh_enom524om524&biw=400&bih=567&sei=_mjauzq3mspnrae3qodgcw#biv=i%7c17%3bd%7clq1rlmy1x-53ym%3a

[Land_Cruiser]

هوه احنا خلاص هناقلم نفسنا على كده؟ ونجيب تليفزيون شحن وريسيفر شحن كمان؟ ولا نجيب مواتير بقى وكل واحد يعتمد على نفسه في توليد الكهربا؟ حسبي الله ونعم الوكيل في اللي كان السبب.

كل واحد يجيب الكهرباء بتاعته مع نفسه و برضه هيدفع فاتوره كهربا قد كده حتي لو كانت الكهربا مقطوعه .. احساس صعب قوي ان الواحد يحس انه بقي فريسه للاستغلال بالشكل ده .. من كهربا لمياه لأسعار رايحه علي فين تاني يا مصر ؟؟

[nonetta]

فيه برضه فكرة تانية ظريفة وهى (لمبة الشحن) ودى عبارة عن لمبة الاضاءة فيها بنظام الليدات وبتبقى قلاووظ أو مسمار وبتتركب فى دواية اللمبة كهربائية العادية وتتوصل بالكهرباء ، ولما الكهرباء تقطع بتنور اوتوماتيك وتستمر 5 ساعات ، ولما الكهرباء تيجى بتشحن تانى اوتوماتيك ، ممكن وضع لمبة منها فى كل حجرة فتبقى حاجة ظريفة وثابتة وتنور الشقة اوتوماتيك عند قطع الكهرباء ، أنا جبت واحدة أجربها من مول على الزراعى اسمه العابد وكان تمنها 26 جنيه ، ودى صور لأشكال مختلفة منها :

دي حلوة اوي
ما شفتش حاجة زي كدة
بس المشكلة ان كشافات الطوارئ دي بطاريتها دايما بتبوظ
زمان كنا بنسيب الشاحن في الفيشة على طول واول ما النور بيقطع بيشتغل
هل هوا دة السبب ان البطارية بتبوظ

[nonetta]

أنا شايف ان النيون أحسن
اضائتها أقوى واللمبة لما تتحرق بتتغير ، لكن الليدات لو باظت مش بتتغير.
بس المفروض ان الليدات برضه عمرها طويل.

أهم حاجة تبص عليها ما يشير إلى ان عمر البطارية طويل أو إلى ان هناك حماية ضد الشحن الزائد اللى بيقصر عمر البطارية.

طب دي نعرفها ازاي بيبقى مكتوب عالعلبة يا ريت لو اي حد اشترى يصوره ويحط صورته وصورة العلبة والسعر والمكان لتعم الفائدة

[nonetta]

انا متأسفة اني قلبت عليكو المواجع
بس للاسف واقع بنعيشه
ويا رب يعدي الفترة الصعبة دي بسلام وتكون مجرد ذكرى

انا لاحظت ان في ناس تعدت مرحلة كشافات الطوارئوبقت تشتري مولدات
سبحان الله
المشكلة كمان ان التجار والمستوردي بيستغلوا الفرصة ويزودوا الاسعار بهدف المكسب السريع
وما اكتر اغنياء الثورة هذه الايام

[mesaharaty]

أنا عندى كشاف أمير 2 لمبة مقاس 60 سم اشتريته من سنتين وشغال الحمد لله تمام بس مش فاكر كان سعره كام (تقريبا فى حدود 170 جنيه)
وعندى واحد ليد كنت شاريه فى رمضان اللى فات بـ 80 جنيه شغال كويس برضه والحمد لله .

[Elawany13]

ربنا يرحمنا برحمته

أنا بشغل الكلوب لما النور بيقطع

[owsha]

فى حد اشترى المروحه اللى بتتشحن دى يا جماعه وياريت يقولنا منين وبكام ضرورى الله يكرمكم