فيلم دبور ¤ مرحلة تحول في تاريخ السينما المصرية

[أبو عبدالله]

انتو مسمعتوش اغنية البرتقال الي بيتعمل عاصير
واغنية العشاء واوعى تحلي
حسبي الله ونعم الوكيل
يا جماعه الناس بتسمع الكلام ده وتشوفه في الشارع وتضحك بتخلف وخلاص ومحدش بيعترض
علشان كده اللي بيشغلوا الحاجات دي معندهمشي مشكله خالص

[TAREK ZIAD]

فعلا أنا صدمت من كم السفالة المباشرة و الغير مباشرة اللى فى الإعلان بس ... ما بالك بالفيلم ... الغريب إن شخصية البطل دة مؤثرة جدا جدا بشكل سلبى خاصة على الأطفال و المراهقين لأنه شخصية معروفة لهم من مسلسل تامر و شوقية ... و بالتالى هذا الإنحطاط للأسف سينعكس على المتفرجين الشباب ... خيبة والله ... هى الأخلاق و البلد رايحين على فين فعلا؟؟؟؟ ... دة ما فيش مكان تانى تحت خلاص ...

[Karim_Monir]

صعقت لما شوفت اعلان الفيلم والشتيمة المباشرة بالام
اووووووف
دي مش محتاجة بصمجي يفهمها بلا رقيب بلا بتاع
ده العيال السفلة في الشوارع اللي مايعرفوش ال الف من جوزك الدرة بيوقلوها يوميا
ايه اللي البلد رايحة ليه ده
ده غلب عوكل وقرفة

[دموع الثلج]

انا باحمد ربنا انى ما اعرفش مين هو احمد مكى

ده اخر ما صدرت لبنان لمصــــــــر

مشفتش من اى مغنى او ممثل جاى من بيروت الا السفاله والاباحيه فى الاالفاظ والحركات وخلافـــــــــــه وزعيمتهم طبعا الست مــــــروى ونيكول سابا ورولا هانم واسحب وراهم هيوفه وشبيهات هيفاء ومليسا واسماء بالهبل

[MoToRiZeR]

علي فكرة هو جزائري مش لبناني
أب جزائري و أم مصرية و هو الأخ الأصغر للممثلة إيناس مكي (اللي كانت طالعة مرات محمد رياض الأجنبية في تمثيلية عبد الغفور البرعي لن أعيش في جلباب أبي )

و بصراحة هي السفالة مش مقتصرة علي بيروت فيه مصريين كدة و ألعن .. و بحكم عملي لفترة في المجال الإعلامي شفت إن المسئولين في القنوات المصرية الخاصة بيقولوا للمذيعات المصريات بالنص "خلوا عنيكوا علي بتوع بيروت" .. يعني اتعلموا من شياكتهم و حلاوتهم و جمالهم و دلعهم !!

فإذا كان هذا ما نراه من بيروت .. فذلك لأن هذا ما نريد أن نراه

و لو مكنش فيه ناس بتشجع هذا النوع من اللا فن زي مروة و مليسا و الجو ده .. مكانوش كملوا

[casperinoo]

ده اخر ما صدرت لبنان لمصــــــــر

sure??
اعتقد انه مصري مش لبناني

[Mustafa_Farouk]

طيب ما ناس كتير عاديين و بيقوالوا في افلامهم تلميحات قبيحه

فكره الشتايم اللي اتقالت صحيح ماشي انا معترض عليها

بس المشهد مؤذي اكتر بالنسبالي من الكلمه :)

شوف اي فيلم اجنبي ان مكانش فيه اكتر من الكلمه اللي انت معترض عليها ولا لا

او ادخل اي منتدي اجنبي و شوف الهزار بتاعهم ازاي

الفكره انك يا تفتح الباب لكله او تقفل علي كله

لغه الحوار في الشارع كدا كدا متدنيه و من الكبار قبل الصغيرين

بس انتوا مبتحبوش تشوافوا الحقيقه في السنيما

i agree with you

[ows212]

انا عرفته ... شفته فى مرجان احمد مرجان

[badblood]

فعلا واضح من الاعلان ان فليم سخيف وهابط ودمه تقيل

[MoToRiZeR]

أحب اقولكم يا جماعة

ان مكي جاب الكمبريسور .. كابروليه







مبروك عليكم الفيلم .. و مبروك عليه المرسيدس .. و لا تعليق

[khalid_adel]

ياااه دانا لسه شايف الفيلم امبارح
بصو هو صحيح مش صح اللي بيتقال بس احسن ميت مره من المشاهد والكبار فقط اللي بتتعلق على معظم الافلام المصريه اليومين دول
وكمان لو بصيتو في اي قهاوي ولا كافيهات ولا في الشارع حتلاقو دي خلاص لغه الحوار بين الناس سواء كبار ولا شباب ( وهي الالفاظ الخارجه والشتائم)
وكمان ماحنا بقالنا 24 سنه مفيش فيلم اجنبي شوفته غير لازم فيه شتيمه سواء تهريج وفن او تكون شتيمه بجد في كل الافلام وطبعا انتو عارفين بتترجم ازاي بالعربي :)
اه صحيح المهم الفيلم بيضحكك في اطار كوميدي لشاب ضايع وفاشل وفي اخر الفيلم بيقولك ان ده مش صح (اللي هو حال اغلب الشباب) وان الشاب ده اتغير وبقى كويس وعمل حاجه مفيده وكده
والسلام ختام

[mody_halawa]

انا شايف ان الفيلم دة فيلم جامد والشتايم والكلام دة بقى عادى فى المجتمع دة وعلى الاقل الفيلم دة اخف من عمارة يعقوبيان والريس عمر حرب وليلة البيبى دول والافلام دى كلها مشاهد قزرة اشمعنة على اللى فية شتايم تتكلمو علية ولا هو الشتايم اشد من المناظر

[meza]

انا شايف ان الفيلم دة فيلم جامد والشتايم والكلام دة بقى عادى فى المجتمع دة وعلى الاقل الفيلم دة اخف من عمارة يعقوبيان والريس عمر حرب وليلة البيبى دول والافلام دى كلها مشاهد قزرة اشمعنة على اللى فية شتايم تتكلمو علية ولا هو الشتايم اشد من المناظر

إقرأ ردى اللى فوق على برو ... هو ده ردى على حضرتك برضه.

[M_HaFeZ]

ممكن اكون ضد ناس هنا كتير
بس بجد انا كنت مستتقل الراجل ده فى الاول ..
اول ماعرفت انه اللى عمل فيلم الحاسه السابعه .. غيرت وجهة نظرى عنه
الفيلم شايفه وهو الحاسه السابعه من اكتر الافلام الكوميديه تغييرا للمفهوم المعروف عن قلة ادب افلام السبكى ومشاهدهم المعروفه
او استظراف واستخفاف احمد حلمى .. حضرتك بتعمل ايه .. بشرب شاى .. تصدق كنت فاكرك مسافر طنطا ... كركركر والخفه الرهيبه دى !!!
نرجع لموضوعنا الراجل ده متطور وفكره مش منغلق .
لما شفت الصراحه الاعلان قلت ايه القرف اللى بيتقال ده
بس لى زميل دخله وقالى لا الفيلم مش القذر زى اللى موجود فى السوق ويستاهل انك تشوفه
ولولا انى مقاطع السينما علشان الشباب المصرى الكوول اللى مسقط البنطللون تحت الحزام .. كنت دخلت السينما بسى طبعا مبستحملش الضحك الهستيرى وال **** بتاع الشباب اليومين دول
بالاضافه انى شفته فى فيلم ليله البيبى دول بجد الراجل ده بيعرف يمثل
الاعلان خارج جدا .... بس افلام خالد يوسف مثلا دى قمة الانحطاط والسفاله

[OlaOsman]

ممكن اكون ضد ناس هنا كتير
بس بجد انا كنت مستتقل الراجل ده فى الاول ..
اول ماعرفت انه اللى عمل فيلم الحاسه السابعه .. غيرت وجهة نظرى عنه
الفيلم شايفه وهو الحاسه السابعه من اكتر الافلام الكوميديه تغييرا للمفهوم المعروف عن قلة ادب افلام السبكى ومشاهدهم المعروفه
او استظراف واستخفاف احمد حلمى .. حضرتك بتعمل ايه .. بشرب شاى .. تصدق كنت فاكرك مسافر طنطا ... كركركر والخفه الرهيبه دى !!!
نرجع لموضوعنا الراجل ده متطور وفكره مش منغلق .
لما شفت الصراحه الاعلان قلت ايه القرف اللى بيتقال ده
بس لى زميل دخله وقالى لا الفيلم مش القذر زى اللى موجود فى السوق ويستاهل انك تشوفه
ولولا انى مقاطع السينما علشان الشباب المصرى الكوول اللى مسقط البنطللون تحت الحزام .. كنت دخلت السينما بسى طبعا مبستحملش الضحك الهستيرى وال **** بتاع الشباب اليومين دول
بالاضافه انى شفته فى فيلم ليله البيبى دول بجد الراجل ده بيعرف يمثل
الاعلان خارج جدا .... بس افلام خالد يوسف مثلا دى قمة الانحطاط والسفاله

فيلم الحاسة السابعة كان بطولة احمد الفيشاوي.

ده كان تصحيح انما لي عودة و تعليق على بعض الآراء ان شاء الله.