فيلم دبور ¤ مرحلة تحول في تاريخ السينما المصرية

[Nile_Storm]

فيلم الحاسة السابعة كان بطولة احمد الفيشاوي.

ده كان تصحيح انما لي عودة و تعليق على بعض الآراء ان شاء الله.

و اخراج احمد مكي :)

[ams]

السينما حاليا : هل هى فن فيه قلة ادب ؟ ولا قلة ادب فيها فن ؟

[M_HaFeZ]

فيلم الحاسة السابعة كان بطولة احمد الفيشاوي.

ده كان تصحيح انما لي عودة و تعليق على بعض الآراء ان شاء الله.

تمام زى ماقال نايل ستورم
انا باتكلم على الاخراج مش التمثيل

[MoToRiZeR]

لا غبار إن أحمد مكي ممثل مــمــتــاز .. و بالمناسبة هو خريج معهد السينما قسم إخراج
و عمل أفلام قصيرة كتير منهم فيلم "ياباني أصلي" اللي لو شفتوه هتتتخضوا فعلا لأن اللي في اتش دبور ميجيش نص اللي في الفيلم القصير ده :)

و هو مخرج مبدع بجد سواء في توظيف أدواته السينمائية زي حركة الكاميرا و الموسيقي أو توجيه الممثلين

و علي فكرة هو كمان قبل ما يمثل هو كان أصلاَ مدرب تمثيل كمان .. و بيكتب أفلام

الإختلاف علي الألفاظ اللي اتقالت و غير مناسبة للبعض
انا بالنسبة لي اعتبرت الفيلم زي الأفلام الأمريكاني ال unrated اللي بتخترق كل التابوهات .. و ضحكت فيه و عجبني و خلاص .. فيلم يعني .

[M_HaFeZ]

يعنى مش لبنانى ههههههههههههههههههههههههههههههههههههههههه

[OlaOsman]

شكرا يا نايل ستورم على التصحيح.. انا أول مرة فعلا أعرف المعلومة دي.

لأ و ا نا تحسوني واثقة من نفسي أوي و انا باصحح ل M_HaFeZ

عشان كده الفيلم فيه إيناس مكي و هي كان بقالها 50 سنة ما ممثلتش في السينما

طيب بالنسبة للناس اللي شايفين ان الشتايم القذرة اللي من النوع ده في الأفلام لو بالانجليزي يبقى عادي.. و الشتايم اللي من النوع ده في الشارع بالعربي و الانجليزي بأت شئ عادي.. و المشاهد الخارجة اوي في الأفلام برضه عادي.. عايزة بس أعرف ايه اللي مش عادي بالنسبة لهم؟ يعني ايه اللي ممكن يقولوا عليه مش عادي أو يحسوا انه صادم لما يدخلوا فيلم؟ على فكرة انا باسأل بجد و عايزة اعرف مش باتريق :)

[wawoo]

و هو مخرج مبدع بجد سواء في توظيف أدواته السينمائية زي حركة الكاميرا و الموسيقي أو توجيه الممثلين

.

دة اللى بيقولو علية يا اخ موتوريزر عذر اقبح من ذنب , لما هوة موهوب كدة زى ما بتقول , "مش عارف شوفت فين الفيلم القصير دة فين "
لية مش بيوظف موهبتة دى فى عمل فنى راقى يخلى الشباب قبل الكبار يحترمة , المصيبة الحقيقية ان اللى بيقدم هذة الافلام مواهب حقيقية كان ممكن تعمل شغل افضل من كدة ملايين المرات , مش حقولك يناقش قضاية الشباب او يعمل فيها مصلح اجتماعى , بس فى كوميديا راقية ممكن توصل حاجات كتير و فى نفس الوقت الناس تضحك برضو , الموهوب فعلا يقدر يعمل كدة , انما يعملى شوية اسكتشات و إيحئات جنسية مبتزلة و تقولى موهوب , دة رمى الموهبة بعرض الحائط , عشان شوية الفاظ و حورا متدنى , حيعجب شوية شباب و يضحكو شوية , و يهزرو و خلاص .

بالنسبة للبيقول ان السينميا فيها مشاهد و اسفاف , اشمعنى دة يعنى اللى مش عاجب , اولا اى فيلم فية اى مشاهد بيحصل علية هجوم , بس للاسف اصحاب الاخلاق و اصحاب القيم بقى صوتهم ضعيف و منخفض ولا تاثير لهم الان , هل معنى كدة انهم يسكتو خالص على اى اسفاف جديد يخرج بية مكى و غيرة , دة يا اخى من راى منكم منكر فليغيرة بيدة , فبلسانة و هكذا , يعنى المطلوب اية نشوف كل مصيبة و مصيبة و نسكت خالص و لا كأن فى ناس ليسة عندها شوية اخلاق و قيم بتحاول تحافظ عليها وسط هذة الغابة من الاسفاف و التدنى فى الزوق و الاخلاق والحوار .

انا ارفض انى ادفع مليم احمر عشان ادخل اشوف الهبل دة , و للاسف يبدو انة اصبح اقصر طريق لجيوب الشباب و هوة المطلوب , كلة عاوز يلم قرشين و خلاص , محدش بيفكر فى تاثير اللى حيقدمة دة اية , ولا حيتحاسب علية ازى لما يقابل رب كريم , هما كام مشهد على كام نكتة و كام لفظ منحط على كام حركة واطية , و هوب بقى فيلم و بيلم فلوس و البطل بقى نجم فى يوم و ليلة ,

والشباب من سىء لاسوء و بعدين نقول هو الشباب جرى ليها اية و تخرج مجموعات على الفيس بوك و غيرة اشى مجموعة "احترم نفسك" و مجموعة "احترمى نفسك " و مجموعة "موزة دوت كوم " و بعدين بنسئل لية الشباب فقدو الاخلاق و النخوة و فقدو ابسط اساليب الذوق و اللياقة , و نقعد نحلل و نفكر فى سبب المشكلة واساسا هى بتتعرض جهارا نهارا كل يوم على شاشات السنيما و اعلانتها على كل القنوات الفضائية .

[M_HaFeZ]

شكرا يا نايل ستورم على التصحيح.. انا أول مرة فعلا أعرف المعلومة دي.

لأ و ا نا تحسوني واثقة من نفسي أوي و انا باصحح ل M_HaFeZ

عشان كده الفيلم فيه إيناس مكي و هي كان بقالها 50 سنة ما ممثلتش في السينما

طيب بالنسبة للناس اللي شايفين ان الشتايم القذرة اللي من النوع ده في الأفلام لو بالانجليزي يبقى عادي.. و الشتايم اللي من النوع ده في الشارع بالعربي و الانجليزي بأت شئ عادي.. و المشاهد الخارجة اوي في الأفلام برضه عادي.. عايزة بس أعرف ايه اللي مش عادي بالنسبة لهم؟ يعني ايه اللي ممكن يقولوا عليه مش عادي أو يحسوا انه صادم لما يدخلوا فيلم؟ على فكرة انا باسأل بجد و عايزة اعرف مش باتريق :)

ياعلا محدش قال ان الشتايم دى عاديه ..
بجد انا مبحبش اسلوب الشتائم وبحاول على قد ماقدر انى مقولهاش فاكيد مش هاحب انى اتفرج عليها انا وعائلتى
بس انا اتكلمت من وجهه نظر ان الراجل فكره متطور مش منغلق زى اللى موجود دولوقى ... هاتى حسن حسنى او لطفى لبيب ومعاه واحد بيستظرف وشويه مشاهد معروفه على كام نكته قدام يتقالوا فى الفيلم .. وفى اخر الفيلم اتكلم على الوحده العربيه لوكان هنيدى .. او مشاكل الفقراء لو كان محمد سعد او احمد حلمى .. وهللس وخلاص وادى فيلم وهتلاقى اللى هينفجروا من الضحك وهيجيلهم سرطان فى الحنجره لما الممثل يستظرف ..
ده اللى اقصده ياعلا

[m7md_hany2]

معلش يعني يا جماعة ..... بس يعني هوا دبور ده هو اللي اتكلمتوا فيه ؟؟؟ يعني من ايام الستينات ايام مكان حسن يوسف لما كان بيطلع بطل و جبيب ... كان في بلاوي بتحصل في الافلام و افلام عادل امام اللي لازم في كل فيلم و كل مسرحية ... يضرب واحدة علي "....." و الكلام اللي بيتقال في افلامه ؟؟؟ ولا هو دبور غشان بيقلها بالانجليزي و بتاع .... معلش ... بس أنا أتكسف اتفرج غلي فيلم وقح لعادل امام ولا حتي حسن فهمي .... (مش كل الافلام اكيد .. بس الافلام المشهورة ب سفالتها ( مع اهلي .... وعاد اني أشوف دبور ده معاهم .... و بعدين الفيلم أصلا معمول للشباب ... بحيث انة بتكلم بلغتهم يعتي .... فا .... معلش و لكن أنتو غاملين موضوع بسيط بالنسبة لافلام تانية تستاهل أكتر

[mkhalifa73]

هي الاشكال دي اللي ماشيه دلوقتي

[KoDaK_Gti]

انا دخلت الفيلم غصب واقتدار من صحابى وياريتنى ما دخلته
والله من اول ربع ساعة اقول لاصحابى يالا نقووووووم
حتى مفيهوش ضحك غير فى 4 لقطات وطول الفيلم مسكت الموبايل وقعدت ارغى بدل ما يجيلى شلل
انا مبدخلش افلام عربى غير كوميدى
ودخلت فيلم بوشكاش على الاقل كله كوميدى ومفيهوش حاجة خارجة
وفيلم احمد حلمى اللى كنا بنقول عليه محترم بردو كان بيشتم ويقول للراجل (انت هتسب لى التيت ولا ايه)
كله زبالة بصراحة يمكن احسنهم دلوقتى بوشكاش

[MoToRiZeR]

دة اللى بيقولو علية يا اخ موتوريزر عذر اقبح من ذنب , لما هوة موهوب كدة زى ما بتقول , "مش عارف شوفت فين الفيلم القصير دة فين "
لية مش بيوظف موهبتة دى فى عمل فنى راقى يخلى الشباب قبل الكبار يحترمة.

لأ انا قلت رأيي فيه كمخرج يعني سينمائياَ إنما مضمون أفلامه و توظيف موهبته دي حاجة مفتيش فيها حضرتك و الوحيد اللي يقدر يرد علي حضرتك فيها هوا نفسه

الفيلم القصير "ياباني أصلي" انا شفته علي يوتيوب :) متاح لأي حد يشوفه بس إعمل بحث علي جملة "ياباني اصلي"

وفيلم احمد حلمى اللى كنا بنقول عليه محترم بردو كان بيشتم ويقول للراجل (انت هتسب لى التيت ولا ايه)
كله زبالة بصراحة يمكن احسنهم دلوقتى بوشكاش

و هتسبلي التيت دي فيها إيه حضرتك دي مش شتيمة يعني :) بالعكس انا مش شايف فيها خارجة .. هو المقصود بيها سب الدين اه .. بس إحنا في حديثنا ممكن نحكي "انا عديت علي خناقة و كان كلها قلة أدب و سب دين" و عادي لأن ده وصف مش شتيمة .. و انا شايف إن حرام نقيم الأفلام عن طريق "نضافة" لغتها الحوارية و السينما النظيفة و الجو ده ، ده الفيلم ده بالذات أحمد حلمي مثل فيه تمثيل بأفلامه اللي فاتت كلها و الناس كانت مصدقاه جدا لدرجة انا اما دخلته كان فيه ناس كتير بتعيط في السينما

انا عندي أشوف فيلم فيه شوية مشاهد خارجة بس معمول حلو و فيه سينما عن إني أني أشوف واحد قاعد يتنطط في محاولات يائسة زي الأراجوز عشان يجرجر ضحكة من المشاهد اللي حفظ حركاته و تنطيطه زي محمد سعد اللي فاكر نفسه هرم الكوميديا و هوا المخرج و هوا السيناريست و هو كل حاجة في الفيلم .. عشان كدة فاشل

[Nile_Storm]

شكرا يا نايل ستورم على التصحيح.. انا أول مرة فعلا أعرف المعلومة دي.

لأ و ا نا تحسوني واثقة من نفسي أوي و انا باصحح ل M_HaFeZ

ماهو علشان كده قلت الحقك

[M.Moustafa]

معلش انا اسف لو كان رائي ممكن يزعل ناس كتير مني بس انا شايف ردود كتيرة بتقول يعني انتو مسكتو على الفيلم ده وما شوفتش الفيلم بتاع فلان العلاني اللي عمل كذا سنة كذا والشتايم اللي في الفيلم الاجنبي اللي اسمه كذا وبيتقال فيه كذا وان المفروض الراجل ده يقول كلام كويس عشان الاطفال وعيب اللي بيحصل كل الكلام ده ما تزعلوش مني مالوش لازمة لان اللي بيعمل فيلم في الاول وفي الاخر همه جمع المال فقط لا غير بغض النظر عن ان الفيلم هادف ، له قصة، هيعمل قدوة او اي كلام تاني ده كله ما يهموش اللي يهمه الفلوس يجيب فلوس ازاي ودلوقتي الغالبية العظمي اللي بيدخلو السينما يا اما شباب وبالتالي اغرق البلد افلام فيها ايحاءات ومناظر جنسية يا اما بيدخله عائلات وده في الغالب معظمها بيكون معاها اطفالها وبالتالي انا هدور ازاي اضحكهم فهقول كلام في الغالب متعارف عليه في المجتمع حاليا ومفيش مانع اني اطلع كلمة او اتنين يبدا الناس لسانهم ياخد عليهم والناس تردديها في الشارع دون وعي هيا بتقول ايه او الكلام ده ممكن يوديهم لفين. فمعلش انا شايف ان كل واحد فيكم عارف ايه الصح لو عايز يبقى ورا الموجة السينما فاتحها دراعها لاستقبال كل الناس لو عايز فعلا تحافظ على نفسك وعلى اسرتك واولادك كل واحد برضه عارف المفروض يعمل ايه

[passat]

القصة

في قالب ساخر، يستعرض الفيلم الأزمات

التي تواجه الشعب المصري،

وتحديداً معاناة الطبقات المتوسطة.

ينتمي هيثم دبور الى عائلة ثرية ويهتم بالأمور التافهة

كالموضة والعلاقات الغرامية المتعددة،

غير أنه يتعرض الى متغير في حياته يدفعه

إلى التحول من شخص تافه الى آخر جاد

وملتزم ومتفاعل بجدية مع الحياة، بعدما

يتعلق بـ"أرواح"، ***ة السائق الخاص به،

وهي فتاة من منطقة شعبية.
بطولة

أحمد مكي - إنجي وجدان
هالة فاخر - لطفي لبيب
حسن حسني - محمد عبد المعطي
علا رشدي - سامح حسين

تاليف
محمد المعتصم
وأحمد فهمي


اخراج
أحمد الجندي


COLOR][/SIZE][/URL]


[/COLOR][/SIZE][/URL]

-----------------------------------------------------------------------------

تم حذف روابط التحميل نظرا لأنها نوع من القرصنة
على أعمال الغير
مشرف القسم