حد شارى شقة فى النزهة الجديدة؟

[mastr_n]

احسن ناس فى الدنيا السلام عليكم ورحمة اللة وبركاتة
الواحد اتعود قبل اى حاجة يسأل والناس بصراحة هنا نعم العون والمشورة ربنا يديم الحب والمودة

الموضوع بخصوص منطقة النزهة الجديدة بصراحو اسعار الشقق هناك معقولة جدا الى حد ما بالمقارنة بباقى المدن الجديدة

واحد قريبى اشترى شقة هناك وبينصحنى ويقولى تعالى اشترى هناك والمنطقة هاتبقى كويسة والأسعار هناك تبدأ من 120 الف كاش بس عايزة تشطيب طبعا

ياريت حد يفدنى ويقولى اخبار النزهة أية من حيث السكنة والأستسمار خصوصا ان انا رايح اتفرج

[mohamed_selim]

120 الف فى النزهه الجديده؟
متاكد من الكلام ده؟؟؟ الاسعار هناك اعلى بكتير من كده ده اللى انا عارفه
ربنا يوفقك

[mastr_n]

120 الف فى النزهه الجديده؟
متاكد من الكلام ده؟؟؟ الاسعار هناك اعلى بكتير من كده ده اللى انا عارفه
ربنا يوفقك

اة واللة الكلام دة مظبوط

[mohamed_selim]

اللى ورا السندباد ولا الناحيه التانيه من جسر السويس ورا حديقة بدر؟
النزهه الجديده هى اللى ورا السندباد و هناك السعر عالى قوى بينما الانيه مش هى النزهه الجديده و فيها الاسعار المكتوبه فوق بس خلى بالك ان فيها من غير تراخيص (معرفش اصلا فى حد واخد تراخيص هناك) ... فاتاكد من المنطقه و الورق و ربنا معاك

[mastr_n]

اللى ورا السندباد ولا الناحيه التانيه من جسر السويس ورا حديقة بدر؟
النزهه الجديده هى اللى ورا السندباد و هناك السعر عالى قوى بينما الانيه مش هى النزهه الجديده و فيها الاسعار المكتوبه فوق بس خلى بالك ان فيها من غير تراخيص (معرفش اصلا فى حد واخد تراخيص هناك) ... فاتاكد من المنطقه و الورق و ربنا معاك

لاحضرتك انا اقصد انزهة اللى عند المجموعة البافارية جوة شارع جسر السويس

[mohamed_selim]

ربنا يوفقك ... اتاكد بس من الورق و التصاريح

[midooo_119]

النزهة 2 او ابو رجيلة ده اسمها منطقه انا شايف مستقبلها كويس لكن دلوقتى ممكن تكون مش قد كده هى 3 شوارع رئيسيه شارع الميه متر و ده الى فاول المدينه بعد ماتعد الرشاح و العشش و المفروض ان كل ده هيتشال و يبقى فيه مترو لكن امتى الله اعلم و فيه بعد كده شارع السبعه وعشرين و شارع الخمسين الى فيه المعهد الازهرى و ده مشكلته المحلات و القهاوى الى فاتحه مخليه المنطقه مش حلوة .. الاسعار فعلا رخصيه انا لاقيت هناك 170م ب140 الف 3 اوض و 3 حمامات لكن كله عالطوب الاحمر.. المنطقه مستواها فنظرى اقل من المتوسط عشان كده الاسعار رخيصه .. مش هتلاقى حد مرخص لكن معاهم ملكية ارض و طبعا المنطقه كلها تابعه لمدينه السلام و ده يخليك ترخص مع مرور السلام اسوأ مرور فالتاريخ..
المنطقه فنظرى قدامها وقت كبير عشان تبقى حلوة و ده مجرد رأى.. اهم حاجه لما تيجى تشترى يبقى الشقه دخلها عداد الكهربا او عالاقل الحديدة راكبه من بره .. بالتوفيق

[mohamed_selim]

ده نفس نظام المنطقه اللى ورا حديقة بدر ؟

[mastr_n]

النزهة 2 او ابو رجيلة ده اسمها منطقه انا شايف مستقبلها كويس لكن دلوقتى ممكن تكون مش قد كده هى 3 شوارع رئيسيه شارع الميه متر و ده الى فاول المدينه بعد ماتعد الرشاح و العشش و المفروض ان كل ده هيتشال و يبقى فيه مترو لكن امتى الله اعلم و فيه بعد كده شارع السبعه وعشرين و شارع الخمسين الى فيه المعهد الازهرى و ده مشكلته المحلات و القهاوى الى فاتحه مخليه المنطقه مش حلوة .. الاسعار فعلا رخصيه انا لاقيت هناك 170م ب140 الف 3 اوض و 3 حمامات لكن كله عالطوب الاحمر.. المنطقه مستواها فنظرى اقل من المتوسط عشان كده الاسعار رخيصه .. مش هتلاقى حد مرخص لكن معاهم ملكية ارض و طبعا المنطقه كلها تابعه لمدينه السلام و ده يخليك ترخص مع مرور السلام اسوأ مرور فالتاريخ..
المنطقه فنظرى قدامها وقت كبير عشان تبقى حلوة و ده مجرد رأى.. اهم حاجه لما تيجى تشترى يبقى الشقه دخلها عداد الكهربا او عالاقل الحديدة راكبه من بره .. بالتوفيق

الف شكر يافندم على النصيحة وان شاء اللة هاخد بالى من النقط دية

[lanos2004]

انا ساكن 1700 جنيه فى الشهر وبواب ومصاريف شهريه 100 يعنى 1800
ازاى بقه سعر التمليك كدة

[midooo_119]

ده نفس نظام المنطقه اللى ورا حديقة بدر ؟

ما هى ديه الى ورا حديقه بدر

انا ساكن 1700 جنيه فى الشهر وبواب ومصاريف شهريه 100 يعنى 1800
ازاى بقه سعر التمليك كدة

طبعا احنا بنكلم على النزهة 2 الى ورا مصنع البافاريه ديه حقيقه الاسعار هناك فعلا

[midooo_119]

الف شكر يافندم على النصيحة وان شاء الله هاخد بالى من النقط دية

تحت امرك و بالتوفيق

[dr.hazem]

اللي بتحكي عنها دي مش النزهة الجديدة...
النزهة الجديدة هي اللي ورا السندباد وبتروجت وهي غاليه جدا ياغالي ومستحيل تسكن هناك باقل من 350 ألف...
تحياتي

Sent from my LT18i using Forum Runner

[walidmhafeez]

فعلا النزهة الجديدة هي اللي ورا السندباد و بتروجيت و اقل سعر فيها للعمارات القديمة بيبقي 3500 للمتر و بتوصل ل6 و 7 في العمارات الجديدة, لكن اللي انت بتتكلم عنها دي منطقة حديقة بدر و بيطلق عليها مجازيا اسم النزهة 2 للتسويق و تحلية البضاعة مش اكتر لكن اللي اعرفه ان معظم العمارات من غير ترخيص و ان فيها مشاكل كتيرة مع المحافظة علشان هي مش تبع حي النزهة و احياء السلام و عين شمس بتقول برضة انها مش تبعهم

[mastr_n]

فعلا النزهة الجديدة هي اللي ورا السندباد و بتروجيت و اقل سعر فيها للعمارات القديمة بيبقي 3500 للمتر و بتوصل ل6 و 7 في العمارات الجديدة, لكن اللي انت بتتكلم عنها دي منطقة حديقة بدر و بيطلق عليها مجازيا اسم النزهة 2 للتسويق و تحلية البضاعة مش اكتر لكن اللي اعرفه ان معظم العمارات من غير ترخيص و ان فيها مشاكل كتيرة مع المحافظة علشان هي مش تبع حي النزهة و احياء السلام و عين شمس بتقول برضة انها مش تبعهم

يعنى حضرتك تنصح بعدم الشراء ولو على سبيل الأستسمار
هل المنطقة سعرها هايزيد ؟