حد شارى شقة فى النزهة الجديدة؟

[mohamed_selim]

بص يا باشا .. هى دى المنطقه اللى كنت بقولك عليها و ملهاش تراخيص عشان كده رخيصه .... ممكن بعد فتره الموضوع يتقنن بس ممكن تدفع ساعتها فلوس تانيه و لحد ما الدنيا دى تتحل هتفضل مش عارف ليك ايه و عليك ايه ...

لو تفتكر من كزا سنه كان فى قلق على عمارات فى الحى العاشر و كانو عايزين يهدوها و حصل قلق كبير و كده ... دى منطقه بنفس النظام ... ارض جيش و باعها للناس و الملكيه معاهم و كل حاجه بس بنو من غير تراخيص ولا مرافق ... العمارات لسه موجوده بس المشكله متحلتش

برضه ارجع اقولك انى اعرف ناس عندهم شقق هناك و مش متضايقين غير من زحمة المدخل و التكاتك

ربنا يوفقك للى فيه الخير

[ahmedkhairy]

بلاش تشترى هناك

[m_adeleid]

انا ساكن 1700 جنيه فى الشهر وبواب ومصاريف شهريه 100 يعنى 1800
ازاى بقه سعر التمليك كدة

ممكن يا باشا تقولي علي المكان اللي انت مأجر فيه فين في النزهه ب1700 علشان انا برضو بدور علي ايجار اليومين دول
وكام سنه لو سمحت

[Fouad Ezz]

أوعى تشتري هناك .. لا المنطقة هاتتعدل ولا العشش هاتتشال ولا المترو هايجي .. أنا سمعت الكلام ده من 12 سنة وصرفت دم قلبي وقتها توضيب فى شقة هارميها بتراب الفلوس وأنا ماشي منها إن شاء الله ...
لو إستثمار .. (أوعى تشتري هناك) .. أما بقى لو سكن فـ (أوعى تشتري هناك)

[mastr_n]

بجد مش عارف اوصف شعورى تجاة الأخوة والنصائح دية
خلاص الواحد اتعود يستشير الناس الأول قبل اى شىء والحمد للة
ان شاء اللة انا صرفت نظر خلاص عن المنطقة

[Dr_Smart]

هل فيه مشكله من موضوع التراخيص دي ؟؟

واللي اعرفه ان كمان مفيش عداد كهربا .. بس الكهربا موجوده وبيدفعو حاجه زي تصالح كده كل كام شهر

انا رحت شفت المنطقه .. هي تحت المتوسط فعلا بس برضو سعرها تحت المتوسط ! مفيش الاسعار دي دلوقتي

يا اما اروح اسكن في اخر الدنيا في الشروق مثلا ( وبأسعار اعلى طبعا )

يا ريت حد يفيدنا ... هل موضوع التصاريح والحاجات دي هتعمل مشكله مستقبليه ؟

هل المنطقه مش امان ؟؟

هل البنا مضروب ( وممكن العمارة تقع لا قدر الله ) في حاجه زي ابراج الياسمين كده ؟