نصيحة بخصوص مواتير المياه

[essamz]

أولاً أنا ساكن فى الدور الرابع و مركب موتور لوحدى يعنى لشقتى بس، وبالونة وأوتماتيك.

غيرت خلال 4 سنين موتورين وعملت صيانة يمكن خمس مرات والله.

أول موتور كان صينى (1 حصان) قعد سنة واحدة وبعدين اتحرق، نزلت وجبت واحد تانى من شارع الجمهورية قالولى هناك ده ايطالى ولما روحت السباك قاللى ده صينى ومش ايطالى مع انه كان مكتوب عليه صنع فى ايطاليا، وللأسف اتحرق بعد ربع ساعة بسبب إن السباك الله يسامحه وقع وردة جوه الملف، وروحت لفيت الموتور تانى يوم اشتريته فيه، بعدها بكام شهر لقيته بيخر ميه، فغيرت البلى والأولسيه، كام شهر ولقيته ضعف فرحت مغيرله البالونة الكاوتش.

وللأسف إمبارح بقى وأنا مشغله لقيت صوته ارتفع فجأة بطريقة غير طبيعية.. صوت غريب جدًا فقفلته، وكلمت الفنى قاللى هبصلك عليه بس غالبًا كدة الريشة هتتغير، وبصراحة أنا زهقت ومش عاوز أصرف على موتور صينى فلوس تانى.

دلوقتى أنا بفكر أغيره بواحد إيطالى وأريح نفسى ومحتار فى شوية حاجات كدة محتاج نصيحتكم فيها:

1- أشترى الموتور كام حصان لأن فى ناس بيقولولى نص حصان كفاية قوى على شقة فى الدور الرابع ومش محتاج واحد حصان؟


2- أشترى أنهى نوع لأن ناس قالتلى كالبيدا وناس قالولى لينز وناس سييرا ؟؟؟ ويا ريت لو أعرف أسعارهم؟؟؟

3- هل أغير البالونة كمان والأوتماتيك ولا بلاش؟؟ مع العلم إن عندى كمية صدى فى الميه غير طبيعية وده غالبًا لأن البالونة دخلها مية وصدت؟؟

4- فى ناس اتكلمت عن السكس بلف وعن الفلتر البلاستيك اللى بيمنع الشوائب ممكن أعرف فايدتهم ايه وسعرهم؟؟

أخيرً بقى لو هجيب الحاجات دى أجيبها منين لأنى مش عاوز أتخم تانى.



وشكرًا ليكم وآسف على الإطالة

[mesaharaty]

شوف يا صديقى لأن مسألة المياه دى مافيهاش هزار فأنا لو فى نفس موقفك كنت تصرفت كالآتى :
1- التوجه إلى شارع الجمهورية (شركة الشرق وكيل كالبيدا) وشراء موتور واحد حصان (أنا فى الدور الثانى ومركب واحد حصان)وده مناسب جدا .
2- قدام حضرتك حل من إتنين :
إما تجيب بالونة جديدة (مع التأكد إن باقى القطع البلف والمؤشر والأوتوماتيك سليمة وشغالة ) ، وإما تجيب جهاز إسمه فلوماك وده بيغنيك عن البالونة والأوتوماتيك والمؤشر أيضا وده سعره فى حدود 250 إلى 300 جنيه مثلا وحاول تشترى إيطالى أو ماركة كويسة .

3- شركة الشرق بشارع الجمهورية رقم 62 ، 64 وتليفونها :25914279


0122-5522967

ومش مهم الحاجة تكون غالية شوية بس هترتاح لأن الغالى تمنه فيه وبالتوفيق

[AHMED12345678]

شوف يا صديقى لأن مسألة المياه دى مافيهاش هزار فأنا لو فى نفس موقفك كنت تصرفت كالآتى :
1- التوجه إلى شارع الجمهورية (شركة الشرق وكيل كالبيدا) وشراء موتور واحد حصان (أنا فى الدور الثانى ومركب واحد حصان)وده مناسب جدا .
2- قدام حضرتك حل من إتنين :
إما تجيب بالونة جديدة (مع التأكد إن باقى القطع البلف والمؤشر والأوتوماتيك سليمة وشغالة ) ، وإما تجيب جهاز إسمه فلوماك وده بيغنيك عن البالونة والأوتوماتيك والمؤشر أيضا وده سعره فى حدود 250 إلى 300 جنيه مثلا وحاول تشترى إيطالى أو ماركة كويسة .

3- شركة الشرق بشارع الجمهورية رقم 62 ، 64 وتليفونها :25914279


0122-5522967

ومش مهم الحاجة تكون غالية شوية بس هترتاح لأن الغالى تمنه فيه وبالتوفيق

كلام صح مليون فى المية
انا عملت كدة واشتريت موتور كالبيدا واحد حصان من التوكيل فى شارع الجمهورية بفاتورة ضريبية
يمكن كان اغلى شوية من برة بس مضمون وريحت دماغى
واشتريت الفلوماك وكلة شغال تمام بقالة سنه ونص

[Sehsss]

كالبيدا راااااااائع

[Walid_M]

شوف يا صديقى لأن مسألة المياه دى مافيهاش هزار فأنا لو فى نفس موقفك كنت تصرفت كالآتى :
1- التوجه إلى شارع الجمهورية (شركة الشرق وكيل كالبيدا) وشراء موتور واحد حصان (أنا فى الدور الثانى ومركب واحد حصان)وده مناسب جدا .
2- قدام حضرتك حل من إتنين :
إما تجيب بالونة جديدة (مع التأكد إن باقى القطع البلف والمؤشر والأوتوماتيك سليمة وشغالة ) ، وإما تجيب جهاز إسمه فلوماك وده بيغنيك عن البالونة والأوتوماتيك والمؤشر أيضا وده سعره فى حدود 250 إلى 300 جنيه مثلا وحاول تشترى إيطالى أو ماركة كويسة .

3- شركة الشرق بشارع الجمهورية رقم 62 ، 64 وتليفونها :25914279


0122-5522967

ومش مهم الحاجة تكون غالية شوية بس هترتاح لأن الغالى تمنه فيه وبالتوفيق

+1

[essamz]

شكرًا ليكم جميعًا ... وربنا ما يحرمنا منكم أبدًا، بس هوه الصراحة أنا اليومين دول ورايا مصاريف بالهبل ومكنتش عامل حساب موضوع الموتور ده خالص، فلو النص حصان هيمشى الحال وهيكفى يبقى أجيبه وخلاص على أساس إن الموتور هيبقى استخدامى لوحدى وأجيب معاه فلو ماك وفلتر مصمت عشان أخلص من موضوع الصدا والشوائب وقرف البالونة..... فهل الحل ده مناسب يا جماعة ... مع تقديرى والله لمشورتكم بس يعنى عاوزكم تحطو البعد الاقتصادى فى الموضوع d-:

[Salamonti]

سيادتك لو جبت الفلو ماك يبقا هاتشيل البالونة وبالتالي مش هتحتاج الفلتر

[kok3]

تجربتي الشخصيه ماتور ايطالي نص حصان رافايلو او تيتو جبته ب ٢٧٠ جنيه انا ساكن ف السادس وشغال معايا زي الفل والميزه فيه انه لو الميه قاطعة عندك بيفصل لوحده يعني انا كل ما افتحه والمية قاطعة اوتوماتك بيحمي نفسه وميشتغلش انا مركبه من غير فلوماك ولا حاجه عاملة زرارين واحد ف المطبخ والتاني ف الحمام وشغال زي الفل الزرار فيه إضائه علشان متنساش وتسيبه مفتوح ومبشغلوش كتير غير فترة الضهر كدا بيبقي الميه ضعيفه اما اخر النهار او بالليل بتبقي مش محتاج تشغله علشان الميه بتكون موجوده وضغطها كويس الفكره خليك في حاجه ايطالي نص حصان وان شاء الله تنسي مشكلة المية دي خالص

[essamz]

شكرًا يا أخى Kok3 أنا تقريبًا هعمل كدة بس يا ريت تقولى النوع ده انت جبته من شارع الجمهورية ولا منين؟

[kok3]

انا جايبه من المنصوره من السكة القديمة ورا البنك الاهلي الشارع كله بتاع مواتير واشهرهم اولاد الحاج فتحي دا اللي انا شاري منه النوع بتاعي اسمه تيتو او تاتيو حاجه زي كدا انا كنت رايح اشتري رافيلو علشان كل الناس بتشكر ف النوع دا لقيته خلصان عندو وجابلي النوع دا وقالي دا نفس الجوده بتاعته حتي نفس السعر وفعلا الماتور شغال زي الفل وضغط الميه بتاعه قوي جدا كنت هشتري الاوتوماتك اللي هو الفلو ماك بس حسيت كدا ان السباك مش هيعرف يظبطه خصوصا انا ف السادس بالاضافه ان الزرار أأمن بالنسبالي علشان هو استخدامي لوحدي محدش تاني هيفتحه غيري قولت لو الفلو ماك دي تلفت لاي سبب هتحرق الماتور وبعدين انا كنت عايز ألم الدور بصراحه علشان الواحد عنده التزامات تانيه كتير وف نفس الوقت الصيف جاي والميه هتضعف أكيد ولازم ماتور الحاجه اللي عاجباني فيه قوي إنه في حاله الميه قاطعه مش هيشتغل لو عملتلو ايه انا قعد افتح الزرار واقفله يجي خمسين مره مشتغلش قولت اكيد اتحرق وبعد شويه كدا بجرب لقيته جايب ميه كتير فهمت بقي انه بيفصل اوتوماتك لما تكون الميه قاطعه بعكس المواتير الصيني عن تجربه زمان بتشتغل والميه قاطعه وبتتحرق بسرعه حضرتك هات واحد نص حصان تمام قوي ويكون ايطالي مش شرط كالبيدا لو غالي وخد بالك ممكن يتسرق لو غالي فانت خليك ف الوسط وإن شاء الله تتحل مشكلة الميه علشان فعلا الحياه من غير ميه في البيت مأساه بجد تبقي صاحي من النوم عايز تغسل وشك ومفيش ميه ولا تدخل الحمام ومفيش ميه ياه ه ه ه دي كانت ايام سوده

[essamz]

هههههههه شكرًا أخى الكريم

[lonedoctor]

والله انا عندى كالبيدا 1 حصان ماشاء الله خطير الميزة انه موتور قوى ومعمر لابعد الحدود
اكتر من مرة المية تقطع والاولاد يفتحوا الحنفية وبالتالى بيشتغل على الفاضى ممكن عدة ساعات لغاية ما اكتشف الموضوع وافصل الكهربا عنه والحمد لله عمره ما احتاج صيانة ولا كل ولا مل من اكتر من 9 سنوات
قبل كدة جبت انواع صينى كبيرها سنة او سنتين وارمى يا معلم
ربنا يعينك فى المصاريف بس الحاجات دى ماينفعش انك تسترخص فيها ابدا
تقبل تحياتى

[essamz]

والله انا عندى كالبيدا 1 حصان ماشاء الله خطير الميزة انه موتور قوى ومعمر لابعد الحدود
اكتر من مرة المية تقطع والاولاد يفتحوا الحنفية وبالتالى بيشتغل على الفاضى ممكن عدة ساعات لغاية ما اكتشف الموضوع وافصل الكهربا عنه والحمد لله عمره ما احتاج صيانة ولا كل ولا مل من اكتر من 9 سنوات
قبل كدة جبت انواع صينى كبيرها سنة او سنتين وارمى يا معلم
ربنا يعينك فى المصاريف بس الحاجات دى ماينفعش انك تسترخص فيها ابدا
تقبل تحياتى

شكرًا أخى الكريم

وللأسف بعد ما سألت أكتر من فنى قالولى النص حصان مش هيكفينى لأن فى مواتير تانية قوية متركبة قبل الموتور بتاعى، فكدة أنا هشترى كالبيدا أو داب أو كوميت حسب التساهيل

السؤال بقى أشيل البالونة وأجيب فولو ماك ولا أخلى البالونة.... وهل الفلو ماك لما المية بتقطع لازم أنزل المنور أشغل زرار الريسيت ولا فى أنواع بتشتغل أوتوماتيك؟؟؟؟؟ أرجو الأفادة من الخبراء

[Bishoy.Girgis]

تجيب كالبيدا ايطالي 1 حصان و تختار محل يكون كويس لأن بقي في مضروب كتير و كمان الموضوع ده مهم و هيفيدك :

http://www.nilemotors.net/Nile/259374-a.html

@@@@@@@@@@@@@@@@@@@@@@@

[essamz]

يا ريت حد يفيدنى .......أشيل البالونة وأجيب فولو ماك ولا أخلى البالونة.... وهل الفلو ماك لما المية بتقطع لازم أنزل المنور أشغل زرار الريسيت ولا فى أنواع بتشتغل أوتوماتيك؟؟؟؟؟ أرجو الأفادة من الخبراء