نصيحة بخصوص مواتير المياه

[AHMED12345678]

يا ريت حد يفيدنى .......أشيل البالونة وأجيب فولو ماك ولا أخلى البالونة.... وهل الفلو ماك لما المية بتقطع لازم أنزل المنور أشغل زرار الريسيت ولا فى أنواع بتشتغل أوتوماتيك؟؟؟؟؟ أرجو الأفادة من الخبراء

حضرتك البلونه مش هتعمر وهتتخرم حتى ل كانت ايطالى واصلية واخرها سنه وهتتخرم وتعوز تتصلح وهتتخرم تانى
الفلوماك بيشتغل اتوماتيك والمية لما بتتقطع حضرتك بتطفى الموتور من زرار الكهربا من عندك وخلاص
ومش محتاج تنزل تعمله ريست ولا حاجة

[amrelbasiony]

طيب انا عارف ان البوست قديم .. بس هسال يمكن حد يكون متابع.

انا دلوقتي نزلت ش الجمهورية اسال .. فاللي اتقالي للنص حصان.. مترا ب٩٥٠ وكالبيدا ب ١٠٠٠ .. وسييرا مش موجود ..

في ناس قالتلي على نوع اسمه استرا ب ٨٥٠ و سيتي ب ٨٠٠ .. وينيكون باين ودا زي المترا ب ٨٠٠

ارخص سعر كان عند شركة الرضا في الاول خالص عند كنتاكي.

وفيه انواع بيقولوا عليها ايطالي ب ٥٠٠ ٦٠٠ .. زيتا بقى وانواع كدا.
وفيه الصيني ب ٣٠٠.

ماذا افعل .. علما باني هركبه ليا لوحدي .. في الخامس في شقة ايجار.

[sunny2010]

طيب انا عارف ان البوست قديم .. بس هسال يمكن حد يكون متابع.

انا دلوقتي نزلت ش الجمهورية اسال .. فاللي اتقالي للنص حصان.. مترا ب٩٥٠ وكالبيدا ب ١٠٠٠ .. وسييرا مش موجود ..

في ناس قالتلي على نوع اسمه استرا ب ٨٥٠ و سيتي ب ٨٠٠ .. وينيكون باين ودا زي المترا ب ٨٠٠

ارخص سعر كان عند شركة الرضا في الاول خالص عند كنتاكي.

وفيه انواع بيقولوا عليها ايطالي ب ٥٠٠ ٦٠٠ .. زيتا بقى وانواع كدا.
وفيه الصيني ب ٣٠٠.

ماذا افعل .. علما باني هركبه ليا لوحدي .. في الخامس في شقة ايجار.

انا كنت مركب كالبيدا نص حصان لشقة في الدور السادس وكان معقول وقعد سنين شغال لحد ما سبتها

[lonedoctor]

شوف اخى الكريم كالبيدا افضل موتور بالفعل حقيقة لا جدال فيها بس هناك مبالغة فى سعره بشكل كبير حتى انا اشتريت واحد حصان عندى للبيت الجديد بيرفع للخزان بس ب 1900 ج من شركة الشرق وكمان بيعاملك بقرف كانك رايح تشحت منه وبعدين احتجت نوع واحد نص حصان للسخان الشمسى فوق السطح لانه مافيش ربع حصان السباك جابلى نوع ب 700ج تقليد كالبيدا درجة اولى صينى طبعا من حوالى 4 شهور وشغال كويس وبيقول عليه ممتاز ومعمر والله اعلم والغريب انه شركة الشرق على المبلغ المحترم ده بيديك ضمان 6 شهور بس
انا رايي اى نوع ايطالى هيبقى كويس وفى ساير ودورت عليه فعلا مختفى من السوق وفيه نوع تانى اسمه مارينا وضمانه 5 سنوات وعلى فكرة مش رخيص ولاحاجة بس ضمان 5 سنين افضل من 6 شهور وفى انواع ايطالى ممتازة زى لورا وداب وبيدريللو اسال عليها وانت اولى بالفرق
والفلوماك طبعا احسن مليون مرة من البطيخة خلاص راحت عليها وبيحمى الموتور لو الماية اتقطعت بيفصل

فى نوع المانى غالى شوية اسمه wingar ستيل بالكامل وضمانه 10 سنين لو كنت اعرف عنه من الاول كنت اشتريته اذا ممكن تجيبه تبقى جيبت من الاخر وسيبك من كالبيدا ده خالص

[osra26]

هل يمكن تركيب الوتور داخل الشقة اول بلكونة 1 حصان تحضير ذاتى علما بان الميه ضعيفة وبتقطع كمان - ايه الحل عشان يركب فى الشقة ويسحب المية؟

[whmn39]

فيه نوع مواتير جباره وممتازه وايطالي محدش يعرفها احسن واقوي من كلبيدا بكتير اسمه لينز linz رائع وممتاز احسن من كلبيدا وللخدمه الشاقه المستمره