هي البنات اتجننت ولا ايه

[Sh_sunsea]

بغض النظر عن الآراء في احتياجات صاحب الموضوع - لازم نصدق ان فيه اختلافات بين الناس والي يعجب ناس ما يعجبش غيرهم - مساحة او موقع سكن - شبكة - شغل - دخل - امكانيات - حاجات كتير متباينة فمش هناقش ظروف الراجل الي وضحها في البداية (وانت كنت مؤيده فيها) بس ده مش موضوعنا

الموضوع ان ايا كان المتفق عليه بين المتقدم واهل العروس - فأي تراجع فيه فيما بعد فده مؤشر لعدم الثقة في الطرف الي تراجع في اتفاقاته وامكانية تكرار ده مستقبلا في حاجات اكتر - وربما تكون اكبر واكثر أهمية

[ياسر مصطفي]

والله راجل انك تثبت على موقفك ده . انا بشوف شباب والله بيبقوا تابعين لزوجتهم بطرقة مستفزة ومملة

اعرف بني ادم بيجيب اكل لامه بيديهولها من الشباك عشان مراتوا متشفهوش وتبهدل كرامته

وواحد صحبي اول ما خطبته قلتله ان انا مش هينفع اقعد مع والدتك وهي لوحدها قلها انا اول ما هتجوز هعزل نفسي وهتبقي حياتي الخاصه بيا يعني بمعني اصح اضربي راسك بالحيط خطيبتي اولي بيا وانا اولي بيها

والله زمن هباب ..

[أحمد كمال]

اعرف بني ادم بيجيب اكل لامه بيديهولها من الشباك عشان مراتوا متشفهوش وتبهدل كرامته

الله عالرجالة !!!!!!!!!!

[ahmed1981]

معظم البنات بتوع اليومين دوول كده وطبعا حقها انها تعيش لوحدها بس ييجو يشوفو في الفلاحين يعني ايه جواز والبنت بتتجوز في بيت عيله تفضل تشتغل زي الحمار طول اليوم وتخدم بيت فيه بال 10 رجاله واخر اليوم تبقي تطلع شقتها مش حته راجل كبير

مش فاهم

يعني المثال بتاع الفلاحين ده هو العادي ؟؟!!!!

ده مش مثال جواز
ده مثال خدامة أو زي ما إنت لقبتها بالشتيمة الي بالخط الكبير

يا ريت حضرتك توضح المقصد من المثال عشان أنا مش فاهم المقصد ؟؟؟؟؟؟؟؟؟

-

[تامر.محمد]

الغالبية بقوا كده فعلا

ربنا يعافينا , و يكرمك يا رب

[Habd]

خدمة ايه بس يا ناس الراجل قاعد فى شقة و والده قاعد شقة يطل عليه يتغدى معاه كده يعنى خلاص بقى الود و البر بين الاهل خدمة ده لو ضيف يا ناس هايتعمل معاه واجب اكتر من كده ربنا يكرمنا و يكرمك بالزوجة الصالحة بنت الاصول

[ahmed1981]

مع احترامى لكلام العضو اللى بيقول أنك طالب أوبشن زيادة ،،يافندم المفروض ع الزوجة رعاية الزوج والآولاد ،،والوالدين

مش مفروض على الزوجة رعاية والدي الزوج إطلاقاً
والله ورسوله ودين الإسلام بريئون من ذلك الفرض

لكن برضاها وتكرم منها وتفضل منها دون إجبار أو إحراج يبقى ماشي وجزاها الله خيراً

وهذا ملحوظ ف الآرياف ،أنا أصغر أخوانى وزجة أخى الآكبر كانت تقوم بشؤن الآسرة كاملة من أكبرهم لآصغرهم ثم شاركتها زوجة أخى الآكبر ثم زوجتى ،،وتبقى زوجة أخى الكبير هى الراعية الآولى للمنزل صاحبة الفضل ،،لذا نصيحتى لك أخى الكريم أن تبحث عن زوجة من بلد تحافظ ع تلك التقاليد والآعراف.

جزاهم الله عنكم خيراً
فقد أكرموكم لوجه الله تعالى من غير أن يفرض الله عليهم ذلك
وجميلهم عند الله لن يضيع
فهو جميل المكرم المتفضل

وإنما يعرف الفضل لأهل الفضل أهل الفضل

-
-
-

[ramyayash]

انا زيك بالضبط يا ريس الاولانية كانت عايزة ناخد جمب وملناش دعوة بالاسرة خالص وفي نفس الوقت هي تهتم باهلها وزيارتهم وسعادتهم.. التانية نفس الوضع ومجرد ما رفعت عنيها في عنين والدتي قلتلها بالسلاااااااااااااااامة.. ياعم عمري ما هاجي علي حد من اهلي عشان اي انسانة لو كانت اخر واحدة في الدنيا.. واللي انت عملته صح مش لانك عايزها تيجي تخدم والدك لكن لما هي تيجي تقولك هاخدم والدك تبقي مش تمام ... ممكن سؤال رخم شوية ؟؟ ( هو ايه دخل زميلها ويقول رايه ليه ويحكي بتاع ايه اصلا؟؟) احمد ربنا انك خلعت بدري بدري

[eng_ahesham]

ربنا هيباركلك علي اللي بتعملوا مع اهلك ده ..... وعمره ماهيضيع ابدا لا في الدنيا ولا في الاخره

[manfromegy]

السلام عليكم أولا.بص ياباشا زمان في بلادنا الريفيه (الفلاحين)كانت الناس أو أهل البلد بيعتبروا إن الزوجه إضافه لبيت أهل الزوج بمعني إنها هي اللي بتدخل في عيلتهم مش العكس.ياسيدي نصيحة من مجرب إوعي إوعي إوعي وحذاري من العكس هتبقي إن الغريب في وسطهم و الله والله والله هاتندمنصيحة ماتسيبش خدمة أبوك تحت أي ظرف واللي ما ترضاش ما تلزمش وعلي الأقل كمان علشان إبنك أو بنتك لما يكبرو ما يعملوش غيك زي ما عملت إنت حتي لوبحسن نيه.أسف لكلامي الناشف بس 99% من المصريات مع إحتراميبقوا يقولك أقعد في بيت لوحدي و مش عارف إيهو هي فيىالأخر كل غرضها تبعدك عن أهلك و ما خفي كان أعظم.بلاش بلاش بلاش حتي لو إتأخرت شويه في الجواز أحسن من إنك تتجوز واحده و تخسرك أهلك و تخسرك عمرك و مش هاقول تخسرك فلوس ﻷن الفلوس تتعوض

[ahmedkhairy]

بجد ربنا يباركلك على برك بوالدتك ربنا يرحمها وبوالدك
وأؤيدك بشدة
وإن شاء الله ربنا هيكرمك

[amr 2]

ما توجعش دماغك كتير وخليك مصر على موقفك واخطب مرة واتنين وعشرة وماتيأسش . واللى تقولك انا كدة هبقى خدامه لبوك قولها ايوة لان انا نفسى خدام عندة .
وبالنسبه لموضوع أرضاها لاختى الجواب نعم . طالما مافيهاش معصيه للخالق وطالما انه راجل كبير وطالما ان اختى هتبقى محتشمه قدامه . لان المفروض ابو الزوج فى منزله الوالد . وانا بس عايزك تقولها ان هى اللى ممكن تنحط فى الموقف دة وخاصه لوكانت وحيدة ساعتها بقى هترفض الجواز علشان تاخد بالها من امها او ابوها وتراعيهم ولا ايه ؟ وهو امى لو تعبت جوز اختى هيمنع اختى تيجى تقعد مع امها او ابوها وتخدمهم ؟ يبقى قليل الاصل لو عملها .

[midooo_119]

هات شقه جنب والدك

[D . a .\ AYMAN]

مع احترامى لكلام العضو اللى بيقول أنك طالب أوبشن زيادة ،،يافندم المفروض ع الزوجة رعاية الزوج والآولاد ،،والوالدين وهذا ملحوظ ف الآرياف ،أنا أصغر أخوانى وزجة أخى الآكبر كانت تقوم بشؤن الآسرة كاملة من أكبرهم لآصغرهم ثم شاركتها زوجة أخى الآكبر ثم زوجتى ،،وتبقى زوجة أخى الكبير هى الراعية الآولى للمنزل صاحبة الفضل ،،لذا نصيحتى لك أخى الكريم أن تبحث عن زوجة من بلد تحافظ ع تلك التقاليد والآعراف.

ليس معنى إن هناك من الأعراف ما هو متبع منذ قديم الأزل سواء في الأرياف أو غيرها من المدن منتشرا ... أنه متوافق مع أحكام الشريعة الإسلامية ... ولكن يجب عند بحث أية حالة ... بحث توافقها مع أحكام الشريعة الإسلامية كل على حدة ... وهناك أحكام واضحة كوضوح الشمس ... وحكم طلب الزوج من زوجته من هذه الأحكام الواضحة في دلالتها ويمكن لسيادتكم سؤال دار الإفتاء المصرية في هذا الشأن ... كما يمكن سؤال أي من الأفاضل شيوخ الأزهر المؤهلين للفتوى والمتواجدين في جميع أنحاء البلاد


وهذا موقع دار الإفتاء المصرية على شبكة الإنترنت

http://www.dar-alifta.org/

وهذا رابط الصفحة الرسمية لدار الإفتاء المصرية على موقع الفيس بوك

https://www.facebook.com/Dar.Al.Ifta.AlMasrriyah

الله عالرجالة !!!!!!!!!!

ده فيه أنيل من كدة ... طب ده كدة بيحاول ما يزعلش أمه برغم تسلط مراته ... يعني بيقاوح شوية ... ده فيه أشكال محسوبة على البني آمين غلط مش على الرجالة بس

[omaroof]

انته صح حتى لو خطبت وسبت 100 مرة
وخد بالك اللى حاتوفق فى الاول بعد كدا بيرجع اهلها سواء امها او اختها او صاحبتها المقربه تلعب فى دمغها بمفك
واللى دمغها خفيفه صدقنى ماتنفعش تبقى ام ولا زوجه