هي البنات اتجننت ولا ايه

[amr 2]

شكرا جزيلا لكل من خصنى بالذكر . لكنه شكر لا استحقه فكما يقول المثل : ( لا شكر على واجب ) فرعايه والدى وجدى وامى هو واجب فليس لى فضل عليهم بخدمتى لهم . و بأدعى من ربنا بس انى اكون مش مقصر فى حقهم .
وندعوا الله بطول العمر لأبائنا واجدادنا كلنا . وصدقنى احساس حلو جدا لما يجتمع ( جدك وابوك وانت و ابنك ) فى مكان واحد . بجد شعور جميل وبتاخد منه عبرة وحكمه عظيمه .
وشكرا جزيلا للمنتدى وكل اعضاءة . المنتدى اللى بجد كله ناس محترمه .

[Al-Farooq]

الف شكر على ردك يا استاذ عمرو :)
وطبعاً كلامك سليم جداً ، أما بخصوص حالة بنت وحيدة
فيا سيدي لو الاسلام مطبق فعلا فى المعاملات ، كان زمان فى ناس تانية ظهرت فى الصورة عليها الواجب دة شرعاً وكانت ترفض كمان ان اى حد يتحمل الواجب دة غيرها!
و مش شرط واجب المتابعه والأطمئنان تحديداً ، لا دة يدخلها فيها واجب الانفاق كمان لو ملهاش مصدر دخل .
يعني مثلا اخ الأم دة اول عصب للأم بعد ابوها مثلا ، ولو مش موجود اخوها يبقي أولاده ، مش موجود يبقي عمها ، لو مش موجود يبقي اولاده ، لو مش موجود هندخل فى صلة الارحام وهنا هتتساوي البنت مع ناس تانية زي الخال وأولاده من حيث المسؤولية ، وفى ناس مذكرتهاش افترضت انهم توفوا زي الجد مثلا او مش موجودين زي أخواة الجد وأولادهم وباقي الاعصاب.
و مش متأكد ان ترتيبي صحيح 100% ، بس معروف ان البنات وفروعهم كلهم صلة رحم ، والواجب بيكون على العصب.
وللأسف دلوقتي فى عائلات كثيرة تفككت وكل واحد فى نفسه وخلاص.
وربنا يجازيك خيراً على اهتمامك ورعايتك ويضاعف ثوابك ، والحمدلله الدنيا لسه فى خير كثير :).

[ahmad--ezzat]

انا مقرتش التعليقات...بس دة يندرج تحت بند الانانيه...وطبعا استحاله الحياه تكمل...قيس على دة حجات تانيه كتير هتظهر بعدين....انا جربت اخطب مره...ولما دخلت بيت الناس وعرفتهم وعرفت المستوى وقله الزوق اللى هما فيها وذهلت من طلبات تكاليف الزواج ...قلت بلاها جوااااااااااز وخت فكره ان معظم الناس بتاجر ببناتهم مش مجرد عايزين يجوزوهم

سيبك من الفكره لحد حال الناس مايتعدل ولو انه استحاله برضه

[A7MED_PHARMA]

هي البنات اتجننت ولاايه ولا انا اللي غلط فسخت خطوبتي اول مره بسبب اني ولدتي كانت تعبانه وماينفعش اسبها لوحدها وشويه اسباب تانيه وخطبتي ماكانتش موافقه اني اقعد مع اهلي ولدتي توفت بعدها وخطبت تاني وقلت من الاول ان ولدي لوحده وانا مش هاسيبه ووافقوا جات من كام يوم قالتلي زميلي بيقولوا انك هاتبقي خدامه لابوه مع ان ولدي الحمد الله ربنا مديله الصحه هي قالت هاقعد في شقتي وابقي روح شوفه قلتلها مع السلامه وفسخت الخطوبه التانيه انا مش عارف البنات حصلها ايه كل واحده عاوزه تاخد جوزها من اهله الا من رحم ربي ولا هو دا الطبيعي ولا ايه انا عارف ان من حق كل واحده يبقي ليها بيتها بس الظروف اقوي مني كدا الخطوبتين اتفسخوا لنفس السبب

البنات الايام دي
إلي بيربيهم التليفزيون والمسلسلات التركي..مابقاش فيه (أم)بتربي بنتها زي أمهاتنا ماتربو
البنت عاوزة العريس الكامل الشامل
معندهمش استعداد لاي تنازل ولو بسيط....ودي حاجةتضحك حقيقي لأن معظمهم بيعنسو للاسباب دي
وايه يعني لما تخدم ابوك
انا-لو لاقدر الله اتجوزت- هتجوز علشان اجيب واحدة تخدم اهلي وده هيكون السبب الرئيسي

[ابوحبيبة2010]

رضى الوالدين من رضا الله




سعادة الدارين في رضا الوالدين
رعايتهما وخاصة عند الكبر وملاطفتهما وإدخال السرور عليهما وحفظهما من كل سوء وأن نقدم لهما كل ما يرغبان فيه ويحتاجان إليه.

[ahmed1981]

البنات الايام دي
إلي بيربيهم التليفزيون والمسلسلات التركي..مابقاش فيه (أم)بتربي بنتها زي أمهاتنا ماتربو

المشكلة دي في البنات وفي الولاد

إلا من رحم ربي

البنت عاوزة العريس الكامل الشامل

معندهمش استعداد لاي تنازل ولو بسيط....ودي حاجةتضحك حقيقي لأن معظمهم بيعنسو للاسباب دي

ما الراجل برضه بيلف يدور ويفلي ويفلتر عشان بيدور برضه على الكامل الشامل

والحقيقة إن الكامل الشامل مش متوفر في هذا الزمان
لابد من شوية تنازلات من الطرفين

والعنوسة مشكلة إجتماعية نتائجها بتؤثر على الجميع
ربنا يعافينا جميعاً

وايه يعني لما تخدم ابوك
انا-لو لاقدر الله اتجوزت- هتجوز علشان اجيب واحدة تخدم اهلي وده هيكون السبب الرئيسي

ربنا جعل بين الزوجين مودة ورحمة
والمودة والرحمة من دواعيها أن يقدم كل منهما ما يستطيع من فضل وكرم للآخر
والزوجة تخدم وتكرم أهل الزوج
والزوج يخدم ويكرم أهل الزوجة
وتصبح الحياه راضية لا تسمع فيها لاغية

الحديث في هذا الموضوع بسبب عنوان الموضوع (البنات إتجننت) توجه لمسألة الحقوق الشرعية
ونتيجة لذلك كانت الردود فقهية وقانونية

كل واحد من الزوج والزوجة واجباته إيه شرعا

لذلك قيل أن الزوجة شرعاً لا يجب عليها خدمة والد زوجها

لكن عندما نتحدث من باب الفضل والكرم والبر
فإن الزوجة التي تخدم والدي زوجها يكون هذا فضل وكرم طيب منها على زوجها وأهله

وكذلك الزوج الذي يخدم والدي زوجته بأي وسيله فهذا فضل وكرم طيب منه على زوجته وأهلها

وكل واحد منهما يراعي الله تعالى ويخلص في العمل ولا يرائي به أو يعتبره مساومة على أمور أخرى حتى يكون له عظيم الجزاء من الله تعالى

قد يكون بعض الأعضاء ردوا بغضب نوعاً ما بسبب خلطهم بين الواجب الشرعي وبين الفضل والبر

وعلى فكرة الزواج هذا فضل ونعمة عظيمة تطلب من الله بالدعاء الكثير حتى يوفق الله ذلك الطالب المحتاج الذي يسأل الله الزوجة الصالحة إلى الزوجة الصالحة

لذلك أختلف معاك في كلمة (-لو لاقدر الله اتجوزت-)
راجع نفسك في الكلمة دي عشان نتيجتها هتكون صعبة جداً جداً في حقك في المستقبل

-
-

[bmw3m007]

انت و مالك لأبيك
ربنا يكتر من امثالك
و يجازيك بالخير

انا بستغرب لما بشوف ابناء مش مهتمين باهلهم بصراحه .. تلاقي ست كبيرة نازلة تجيب خضار و مش قادرة تمشي او راجل كبير واقف في طابور عيش .. بقول في بالي معندهمش ولاد دول !!

[amr011111]

الزوجه تعوض ولكن الاب والام لا يعوضوا
خليك ثابت على مبدأك
وبالتأكيد ربنا هيوفقك للى انت عاوزه