ايه رايكو في قسم هندسة الغاز والبتروكيماويات؟؟؟؟؟؟؟؟؟؟؟

[MomoMedo]

انا لسة مخلص اعدادي هندسة
واخترت قسم غاز وبتروكيماويات
بصراحة عجبني الاسم وفي نفس الوقت بحب الكيميا
بس حاسس اني متردد يعني ومفيش حد عارف يفيدني الشغل نظامه ايه لما اتخرج

ياريت لو حد عنده خبرة يفيدني في الموضوع دة
واتوكل على الله واكمل ولا اعمل ايه


انا كان في في دماغي قسم عمارة كمان

[Noha.M]

بص يا سيديييي هنا اعرف ارد عليييك براحتى :)

بعد اعدادى هندسة انا كمان كنت محتارة بين عمارة و كيميا لكن عمارة كان عاوز تنطيط و مجهوده عالى اوى عليه و انا عارفة انى مش قده زائد ان فرص شغله صعبة و محتاجة تأهيل جامد اوى و كورسات و بتاع

دخلت كيميا شبة مرغمة عشان تقديري بس بصراحة كان معروف انه اسهل قسم و كمان انا بحب الكيميا جداااااااااااااااااا

قسم الهندسة الكيميائية موجود بس فى جامعة القاهرة و الاسكندرية على حسب معلوماتى و بجد بجد بجد من اكتر الاقسام عندنا فى هندسة اللى كل دفعتنا اشتغلت اول ما اتخرجت .. انا مش عارفة انتو عندكو قسم الكيميا منفصل على البتروكيماويات و الغاز ولا هو هو واحد ؟؟

اولا بتدرس الكيميا كمبادئ و و كل انواع الكيميا سواء عضوية او غير عضوية او تحليلية او biochemistry ..سيبك من كل الكلام دة و مش مهم الدراسة بجد المفيدة من اول سنة تالتة اللى ابتدينا ناخد فيها , vessel design , unit operations , fluid mechanics , thermodynamics , heat transfer , petrochemicals , natural gas .بعدين بتاخد كمان , waer treatment ,process control , plant & process design , بجد بجد من اكتر الدراسات اللى ممكن تفيدك و تشغلك فى اى شركة بترول , اسمدة و اسمنت و غاز طبيعي و بلاستيك , معالجة مياة او حتى مصانع

بعدين الولاد فعلا بيتخطفوا و كل الشركات سواء multinational او غيره بيطلبوهم و بيخطفوهم من شركة زى انبى
يعني انا اخويا بقاله 6 اشهر فى انبى و عشان بتدي خبرة جامدة بقا يكلموا شركات جامدة اوى فى مصر و بيطلبوهم بالاسم عشان كدة شركة زى انبى مضيتهم على 5 سنين ميسيبوهاش !!

صناعة البتروكيماويت بقا لسه مطلعطش اوى بس بقالهم فترة بيقولو هيعملو مصنع للبتروكيماويات

بس اهم حاجة انت تشوف بتحب ايه و ايه الدراسة اللى انت حاسس انك هتدى فيها بغض النظر عن ايه اللى بيشغل دلوقتى لانك لو اشتغلت فى حاجة مش بتحبها عمرك ما هتبقي productive فيها

و ربنا يوفقك :)

[CBR]

بص اقولهالك بكل صراحه

القسم ده مش جامد اوي في مصر

بس هو حلو في الخليج

لو عايز حاجه مضمونه

خش اتصالات

وطبعا استخير ربنا افضل

سلام

[ahmedfd]

هو أنا شغال في المجال ده بس مهندس مدني..
عامة مجال الـ Oil & Gas دلوقتي المهندسين فيه عليهم طلب و بيتعرضوا لإغراءات غير طبيعية من الشركات في دول الخليج و ده بيبان من الإعلانات اللي مالية أهرام الجمعة و أخبار السبت، و طبعاً السبب في كدة حجم المشروعات و الإستثمارات الرهيبة في دول الخليج و طبعاً ده علشان أسعار البترول و الغاز المرتفعة حالياً.
بالنسبة لموضوع البتروكيماويات فالحقيقة المستقبل كله لصناعة البتروكيماويات سواء في مصر أو خارجها.. و دايما تلاقي البلد اللي فيها غاز فيها صناعة بتروكيماويات قوية لإن الـ feedstock لأي صناعة بتروكيماويات هو الغاز الطبيعي زي قطر و مصر بس طبعاً على scale أقل بكتير من قطر.

بس خد بالك إن المقاييس إنهارده غير إمبارح غير بكرة واللي يبان كويس و ليه مستقبل دلوقتي مش شرط بعد 4 سنين يكون بنفس الشكل.. يعني محدش عارف سعر البترول كمان سنة هيكون إزاي و تأثير ده سواء سلباً أو إيجاباً على الإستثمارات هيكون إزاي..المهم توكل على الله و إستخير و ده أهم حاجة.

[ehabradwan]

موتو انت عايزه عشان تقديرك قليل ومافيش قسم تاني ولا دي رغبة ؟
لو مجموعك يجيب حاجة تانية غيره يبقى فكر تاني
لو بتحب الاتصالات و مجموعك يدخلك و هتقدر تمشي فيها اتوكل على الله بس خاللي بالك اتصالات موت يا معلم . انا كان هيطلعلي كتاكيت في دماغي على سنة تالتة كده .
قولنا بس تقديرك ايه عشان نبقى specified شوية

[mo7amed_omara]

انا خريج 2008 قسم ميكانيا power هندسة الاسكندرية و القسم دة جديد بقالة تقريبا كدة 3 سنين و هو ب 14000 تقريبا فى السنة بس اكيد طبعا حيكووون حلو اماكن المحاضرات و السكاشن حتكون انضف
بالنسبة للشغل و كدة لسة محدش يعرف اية نظامة لانة لسة مخرجش اى دفعة لغاية دلوقتى
ولو عايز اى حاجة بخصوص قسم ميكانيكا انا معاك

[HISHAM80]

I am mechanical power engineer 4 years experience in power generation , oil and gas maintenance and now gas turbine specialist the oil and gas field is very Good you will make good money but you always away from your home for long periods you will work at least 10,12hours per day under pressure and in remote areas some times it will not be easy for you or your family but it is always interesting job you always work with the latest technology, not a routine job , always new challanges every day to meet the target and the schedule

[ehabradwan]

انا خريج 2008 قسم ميكانيا power هندسة الاسكندرية و القسم دة جديد بقالة تقريبا كدة 3 سنين و هو ب 14000 تقريبا فى السنة بس اكيد طبعا حيكووون حلو اماكن المحاضرات و السكاشن حتكون انضف
بالنسبة للشغل و كدة لسة محدش يعرف اية نظامة لانة لسة مخرجش اى دفعة لغاية دلوقتى
ولو عايز اى حاجة بخصوص قسم ميكانيكا انا معاك

مش فاهم ازاي ميكانيكا power جديد في اسكندرية !! و ازاي ب 14 الف في السنة !!
هو ليه انت بتدفع اصلا ؟ هي هندسة اسكندرية ولا اكاديمية ؟

[hero]

اي شيء لية علاقة بالبتروكيماويات او البترول او الغاز...لية مستقبل خرافي...
انا لسة شايف اعلان في الامارات عايزين مهندس بروسيس ..Process Engineer ويكون Chemical Engineer وخبرة 10 سنين او اكتر...
علي 800 الف جنية في السنة.....!!!!!!!!!!!!!!!!!!!!! دية بداية المرتب...
يعني لو المهندس شادد حيلة وكويس في شغلة..ومعاه خبرة نضيفة ....ممكن قوي يوصل مليون....

وربنا يوفقك...بس اهم شيء ....افهم كويس قوي وذاكر كويس قوي...وفي الصيف حاول تشوف واسطة وتدرب في شركات البترول...والمصانع....

وربنا يوفقك...

[Noha.M]

ربنا يوفقك يا رب :)

بس انت لسه مردتش على سؤالى

انتو عندكو فى هندسة اسكندرية قسم البتروكيماويات و الغاز منفضل عن الهندسة الكيميائية ولا هو

هو نفس القسم بس بمسمي مختلف؟؟

اصل اللى اعرفه انا ان قسم الكيميا اهندسية موجود بس فى القاهرة و الاسكندرية

على فكرة عند اخويا فى انبى كتير اوى اتعينوا من هندسة اسكندرية قسم كيمياء

[MomoMedo]

شكرا يا جماعة على ردودكو كلكو

قسم الهندسة الكيميائية موجود بس فى جامعة القاهرة و الاسكندرية على حسب معلوماتى و بجد بجد بجد من اكتر الاقسام عندنا فى هندسة اللى كل دفعتنا اشتغلت اول ما اتخرجت .. انا مش عارفة انتو عندكو قسم الكيميا منفصل على البتروكيماويات و الغاز ولا هو هو واحد ؟؟

انا في هندسة اسكندرية وفي عندنا قسم كيميا
و في قسم غاز وبتروكيماويات

احنا عندنا في اسكندرية اقسام ب فلوس اللي هي الغاز والبتروكيماويات
والكتروميكانكس
وانا اخترت الغاز والبتروكيماويات

موتو انت عايزه عشان تقديرك قليل ومافيش قسم تاني ولا دي رغبة ؟
لو مجموعك يجيب حاجة تانية غيره يبقى فكر تاني
لو بتحب الاتصالات و مجموعك يدخلك و هتقدر تمشي فيها اتوكل على الله بس خاللي بالك اتصالات موت يا معلم . انا كان هيطلعلي كتاكيت في دماغي على سنة تالتة كده .
قولنا بس تقديرك ايه عشان نبقى specified شوية

انا تقديري السنة دي (-C ) وينفع ادخل الكتروميكانكس والناس كلها بتقول احسن من كهربا بس انا بكره كهربا
كل اللي كنت بفكر فيه بتروكيماويات او كيميا او عمارة
وعمارة زي ما نهى قالت عايزة شغل وتعب وفي الاخر العائد مش تمام
مش عارف بأى كيميا احسن ولا بترو؟؟؟؟

[Noha.M]

الكيميا يا ميدو تشمل البتروكيماويات لكن البتروكيماويات لا يشمل الكيميا

قسم كيميا يندرج تحته صناعات كتييرة جداااا و مواااد كتيييرة جدااااااااا من ضمنها البتروكيماويات لكن ليس العكس

الموضوع هيبقي اشمل فى قسم الكيميا لانك بتدرس كمان هندسة بترولية و غاز طبيعي و بتروكيماويات و process control و تصميم مفاعلات و تصميم للصناعات كلها بداية من المصنع نفسه مرورا بالصناعة و التفاعلات و تصميم المفاعلات و الخزانات و مرورا بظبط و عمل control لكل وحدة نهاية بدارسة كاملة لل enviromental assessment للمصنع دة

فانت عندك الموضوع واااااااااااااااسع اوى اوى اوى فى قسم الكيميا لكن القسم بتاعك اكثر تخصصا و انت كدة ضيقت الخيارات و حددتها شوية

فى الاخر استخير و ان شاء الله ربنا يكتبلك الخير

[MomoMedo]

نهى من كلامك كدة ان كيميا مجال شغلهم اوسع بكتير من البتروكيماويات مش كدة؟؟؟؟
طيب انا عندي سؤال تاني لو مثلا في شركة شغالة في مجال البتروكيماويات
وطالبة مهندسين
ممكن تفضل خريجين القسم دة ولا ياخدو مهندسين كيميا؟؟؟

[Noha.M]

نهى من كلامك كدة ان كيميا مجال شغلهم اوسع بكتير من البتروكيماويات مش كدة؟؟؟؟
طيب انا عندي سؤال تاني لو مثلا في شركة شغالة في مجال البتروكيماويات
وطالبة مهندسين
ممكن تفضل خريجين القسم دة ولا ياخدو مهندسين كيميا؟؟؟

فى الحالتين يا مومو الشغل دة رزق و بايد ربنا

لكن دراستنا احنا للبتروكيماويات كانت كانت تقتصر على مادة طويييييييييييلة اوى و صعبة

اوىىىىىىىىىى و دكاترها كانو غلسيييييييييين اوى بس فى سنة تالتة و خلاص كدة

يعني زى ما تقول اخدنا فكرة على الصناعة و ال mechanism و اخدنا امثلة باة

كتيرة و و درسنا صناعة اابتروكيماويات و خلاص

لكن انت دراستك هتبقي اوسع و اعمق و على توسع و دراية اكتر

فانت لو حابب المجال دة و هو فعلا حلو و دراسته جميلة يبقي احسن تخليك فى قسم

البتروكيماويات لان انت هتبقي تخصصت و فهمت طبعا احسن من اللى اخد المادة دي فى سنة واحدة و خلاص

بس دة فى حالة ايه ؟؟ لو انت مش عاوز مثلا خلاص تشتغل فى شركات البترول و الاسمدة و الاسمنت و الحاجات دة و عاوز تتخصص بس فى petrochemicals

[MomoMedo]

انا عاجبني المجال انا بس خايف من ان المجال مش واسع زي الهندسة الكيميائية