ايه رايكو في قسم هندسة الغاز والبتروكيماويات؟؟؟؟؟؟؟؟؟؟؟

[hero]

بص يا باشهمندس ميمو....
العالم كلة النهاردة بيتجة للتخصص في الدراسة ....(وعلشان كدة انت هاتدفع فلوس في الدراسة دي)
يعني كل ما تكون دراستك متخصصة بيكون احسن ...وبيكون مطلوب اكتر...
دة ممكن يغنيك عن انك بعد ما تخلص هندسة كيميائية تعمل ماستر او حتي دكتوراة في الغازات مثلا...

دي من ناحية الدراسة....نيجي بقي من ناحية سوق العمل ومستقبلة....
زي مانت عارف ان البترول الخام اسعارة بقت ناررررر...ودة لقلة مواردة حاليا...النهاردة...تكنولوجيا الغاز الطبيعي اتطورت جدااا...وناس كتير برة ..خصوصا اليابان وامريكا ...بقوا معتمدين علي الغاز كمصدر اساسي للطاقة (توليد كهرباء و تدفئة وتوصيل غاز للبيوت و وقود للسيارات...وبيدخل برضة بنسبة خرافية في الصناعات البتروكيماوية...)

المنطقة العربية حاليا فيها اكبر مستودعات غاز في العالم...ودي موجودة في الخليج العربي في منطقة قطر ...واتعمل هناك اكبر مصانع لتسييل الغاز الطييعي في العالم "تحديد في RasGas"

يعني انت بس خلص...وبعد ما تتخرج بيوم...هايجروا وراك...المشورع دة بقالة 10 سنين بس...وفي خطط توسعات مبنية علي تكنولوجيا الغازات هناك..ممتدة لحد 2030....

يعني من الاخر ...لو انت بتحب التخصص دة...ما تقلقش من ان دراستك هاتبقي مركزة فية..بالعكس دي هاتبقي ميزة كويسة جداااا..وكانك معاك مساتر في الغازات مثلا بعد ما درست كيمياء بجيمع فروعها ايلي مش هاتفيدك في الغازات والبتروكيماويات...
ما تقلقش من حكاية الشغل...لان العلم دة والصناعه دي بتتطور جدااا سواء في مصر او في المنطقة العربية او حتي في اوروبا و امريكا..واديك شايف اجريوم وميثانكس...ومصانع تانية كتير ..وصلت مصر..علشان مصادر الغاز الطبيعي..

وربنا يوفقك...بس زي ماقلتلك قبل كدة....اهم شيء مع الدراسة ..انك تشوف ايلي بتدرسة علي الواقع اثناء الصيف....وانت عندك في اسكندرية مواقع بترولية كتيرة .زي ميدور مثلا.

[mokhtar]

انا ارجح يا مومو انك تدرس الحاجه المتخصصه اكتر يعنى قسم الغاز والبتروكيماويات ممكن يكون افضل مع انى مش مهندس بس ليا تجربه قريبه .مع اخويا هو اتخرج من هندسه اسكندريه ميكانيكا power 2007 ..بس هو كل شغله ودماغه فى محطات اساله الغاز الطبيعى ..وسبق وادرب فى محطه LNG UNION FENOSA SEGAS الاسبانيه اللى عندنا فى ميناء دمياط وفى جابكو وفى رشيد للغاز ومشروعه فى التخرج كان برضه LNG بس عشان التخصص كان من الصعب انه يلاقى فرصه فى مجال الغاز مباشره فاشتغل مهندس تصميم خطوط وشبكات فى شركه بتروجت مؤقتا على ما يخلص دبلومه الغاز الطبييعى فى هندسه القاهره ........يعنى الدراسه المتخصصه بتقصر عليك السكه كتير ....وبرضه معايا موضوع التخصص ده ممكن يطول السكه معايا شويه انا بدرس فى اخر سنه اداره اعمال ..تجاره المنصوره..طبعا القسم عندنا كله على بعضه يعنى بيدرس اداره اعمال ككل مش متخصص وده بيخلينى مضطر اخد دبلومه او اى شهاده متخصصه بعد ماخلص عشان امشى فى تخصص معين انما لو القسم نفسه متخصص مثلا Project management , Purchasing ,HR , Marketing,Sales الموضوع كان بقى اسهل بكتير ..لانى هاتخصص فى المجال اللى انا بحبه وهامشى فيه على طول .....نصيحه ...خليك متخصص والقسم ده عندكم فى اسكندريه على مااسمع نظامه كويس مش زى اللى فى بورسعيد تعبان اوى ومايستاهلش ال9000 جنيه اللى بيدفعوا فيه واحد صاحبى فى تالته غاز بورسعيد ومش عارفين اى حاجه فى اى حاجه..اتكل على الله ومتنساش الاستخاره



..mokhtar..

[MomoMedo]

الف شكر يا جماعة على الردود
وانا صليت استخارة وان شاء الله اللي فيه الخير يقدموا ربنا

[mo7amed_omara]

مش فاهم ازاي ميكانيكا power جديد في اسكندرية !! و ازاي ب 14 الف في السنة !!
هو ليه انت بتدفع اصلا ؟ هي هندسة اسكندرية ولا اكاديمية ؟

لا سووورى انا كان قصدى بقية الكلام على القسم الخاص فى هندسة الاسكندرية وهو
قسم الغاز و البتروكيماويات

[mo7amed_omara]

ربنا يوفقك يا رب :)

بس انت لسه مردتش على سؤالى

انتو عندكو فى هندسة اسكندرية قسم البتروكيماويات و الغاز منفضل عن الهندسة الكيميائية ولا هو

هو نفس القسم بس بمسمي مختلف؟؟

اصل اللى اعرفه انا ان قسم الكيميا اهندسية موجود بس فى القاهرة و الاسكندرية

على فكرة عند اخويا فى انبى كتير اوى اتعينوا من هندسة اسكندرية قسم كيمياء

لا هما قسمين مختلفين
قسم الكيمياء دة قسم لوحدة
اما القسم التانى هو يعتبر خاص بالفلوس