استشارة عن فتاه مقبلة ع خطوبة

[moody_687]

انا ليا صديقتي عندها 27 سنة اتقدم ليها شاب يعمل ف وظيفة ما هى حاليا محتارة هو كشكلا مش عاجبها هو ضخم عليها وطويل جدا طوله 180 سم وتخين وهى طولها 154 سم من ناحية الوجه مقبول لكن جسمانيا مش مقبول ومش مرتاحة، اهلها موافقين عليه عشان هما يعرفوه وكمان خايفين عشان عندها 27 سنة
انا ردي عليها كالتالي قولتلها ده جواز صالونات يعنى مفيش حب عشان تتنازلي عن عيوبه هو لما اتقدم شوفتيه بحالته الجمالية اللي ناس بتشوفها من برة ومادام مش مقتنعة بيه من ناحية جسمه يبقى بلاها ولو وافقتى وطلبتى منه يعمل ريجيم ممكن يقول لا انتى لوعايزاني هتقبليني ع حالي وانتى هتقولي لنفسك مادام جواز صالونات انا ايه اللي يجبرني عليه ومتنسيش الجواز لازم تكونى مقتنعة بيه 100% عشان مش تظلميه
هى بتقولي انه طموح ف شغله هي معجبة بصفاته بس شكله لا
ارجوكم تنصحوها بايه ؟

[Dr_Mido]

ننصحها تمشي ورا دماغها هي ومحدش يديها رائ منكو علشان اي مشكله بعد كده هتقلك انتو السبب انتو اللي قولتو


خطيبتي اللي بقت مراتي الشهر ده الحمد لله طولها 156 وانا طوالي 180 عادي يعني

[hazemhany]

طالما مش عاجبها خلاص ..لأن اهم حاجة القبول الشكلي ..ده لو مش موجود خلاص كل حاجة باظت ...عموما وبعيدا عن المشكلة انا بعشق البنات القصيرة ونفسي ربنا يكرمني بواحدة منهم :):) ..انا ع فكرة 170 سم :)

[hussein]

قوله تركز اوى على معرفة اخلاقه ودينه واهله
ده الاهم

[masterzmind]

المنظر عمرة مكان مقياس فى نسب فى دين فى اخلاق فى فى فى اخر حاجة الشكل بصراحة

[ياسر مصطفي]

إذا جاءكم من ترضون دينه وخلقه فزوجوه
الرسول الكريم قال دينه واخلاقه مقلش شكله وطوله وعرضه
اي زواج يبُني على مثل هذا الكلام
هي بتقول معجبه بطموحوا وصفاته
شوف دينه وخُلقه تعامله مع الجيران في المنطقه بيصلي لا يدخن
دي موصفات من تريد اقامة بيت وعائلة .

[aliabdo]

المنظر ابدا مش مقياس اهم حاجه الراحه النفسيه و الشخصيه و الاخلاق ما هى ممكن تتجوز واحد البنات بموت فيها و يحصل له حادث يبوظ شكله ده او اخلاقه وحشه

((إذا أتاكم من ترضون دينه وخلقه فزوجوه))

[Mostafa.Mahran]

قولها خليكى كده احسن و بلاش منه

الشكل و الجسم فى حاجات اهم منهم بكتير زى الدين و الاحترام و التربية

وطالما هى مش قابلاه لمجرد الشكل و الجسم و مفكرتش حتى تتكلم معاع او تعرف اسلوبه و طريقته يبقى خليها تدور على واحد يكون امور و مش مهم يكون ايه

[BESO516]

مع كامل احترامى للجميع
بس عايز اقول نقطه ليها علاقه بالموضوع ده
ان التلكيك والعيوب الشكليه البسيطه مش الجوهريه زى تخين - رفيع - طويل - قصير - مش وسيم - مش جذاب
كلها حاجات بتفكر فيها البنت اولا
وبعد كده تشترك مع اهلها ففكره عنده شقه وعربيه ووظيفه ومرتاح ماديا
ولو حصل نصيب بعد كده اغلب الجوازات دى بتبوظ وبتفشل
ولو محصلش البنات بتقعد ويقولك نسبه العنوسه والكلام الكتيييير ده اللى بنسمعه

وكله بينسى فالأخر الدين والأخلاق والأهل والتربيه وعوامل كتيير اوى

[S O P H O S]

اقول الكمال لله ..

[SHNORY]

طالما مفيش حب يبقي تدور علي مظهر كويس ترتبط بيه
يسرها لما تشوفه وتسره لما يشوفها
هو حيبقي ولا شكل ولا مشاعر
ممكن يكون طيب واحسن من كتير غيره شكلهم احسن منه
بس مينفعش تاخد حد انطباعها عنه مش كويس طالما بتهتم بالشكل قبل اي حاجه
لو فيه حب حتبلعله الظلط والتخن حيبقي ميزه والطول حيبقي هيبه
وهو غلطان انه فكر يتجوز
ما يوفر فلوسه ويقعد في بيته معزز مكرم بدل ماهو بيتقطع في فروته وهو ميعرفش (:

[mohamed_selim]

حلو موضوع صديقتك و بتاخد رايك فى جوزها

[aw2100]

انا ليا صديقتي عندها 27 سنة اتقدم ليها شاب يعمل ف وظيفة ما هى حاليا محتارة هو كشكلا مش عاجبها هو ضخم عليها وطويل جدا طوله 180 سم وتخين وهى طولها 154 سم من ناحية الوجه مقبول لكن جسمانيا مش مقبول ومش مرتاحة، اهلها موافقين عليه عشان هما يعرفوه وكمان خايفين عشان عندها 27 سنة
انا ردي عليها كالتالي قولتلها ده جواز صالونات يعنى مفيش حب عشان تتنازلي عن عيوبه هو لما اتقدم شوفتيه بحالته الجمالية اللي ناس بتشوفها من برة ومادام مش مقتنعة بيه من ناحية جسمه يبقى بلاها ولو وافقتى وطلبتى منه يعمل ريجيم ممكن يقول لا انتى لوعايزاني هتقبليني ع حالي وانتى هتقولي لنفسك مادام جواز صالونات انا ايه اللي يجبرني عليه ومتنسيش الجواز لازم تكونى مقتنعة بيه 100% عشان مش تظلميه
هى بتقولي انه طموح ف شغله هي معجبة بصفاته بس شكله لا
ارجوكم تنصحوها بايه ؟

معلش ليا تحفظ برة موضوع حضرتك فى الأسلام مفيش حاجة اسمها صديقتى مفيش صداقة بين الرجل والمرأة ممكن تحدد انها زميلة دراسة او زميلة فى العمل افضل لكن صديقتى دى ؟؟؟؟؟

[shaddadfalcon1]

زي مابعض الأعضاء قال مش فاهم ازاي واحده بتكلم واحد غريب عنها في مواضيع جواز

اما عن المشوره فالمفروض انها تكون مقتنعه بيه قلبا وقالبا

يعني في بنات مش بتركز علي موضوع الشكل حتي لو شكله مش مقبول لكن بتبص علي الأخلاق والدين

صاحبتك او هنقزل زميلتك شكلها مش من النوع ده وبالتالي تاخد اللي يملي عينها وخلاص

[moody_687]

انا عايز بس اقول حاجة ان من اسمى انواع الصداقات الصداقة بين الرجل والمراة وافيدها عشان مفيش بينهم مصالح ولما لجات لي فهى لجات كاخ ليها مش زى تفكير بعض الناس وعايز اقول ع حاجة بسيطة الناس اللي بتككلم ع ان مفيش حاجة اسمها صداقة فاتمنى لو جيبت بنت ودخلت كلية وقالتلك انها اتعرفت ع ولد متهبش فيها و متخوفهاش منك عشان متعملش الغلط من وراك بالتفكير ده الصداقة زيها زى الزمالة بل بالعكس الزمالة قد تسوء احيانا وبيكون فيها مصلحة وعايز اقول نقطة بردو ان لما تعاشر انسان سواء رجل او امراه ويكون بينكم كل احترام وثقة ومفيش مصالح يبقى العلاقة هتدوم ومش عيب ابدا انها تلجالي كمشورة ليها عشان المشورة مش عيب
وكمان نقطة اخيرة انا مستغربلها جدا نحن كرجال بندور ع الشكل اولا وبعدين الاخلاق وده بيبان جدا ف زواج الصالونات لو عجبته شكلا يبقى هو ده القبول وبتحرموا ع الفتاه انها تهتم بالشكل وكلكم قالبتوا الطاولة عليها لمجرد انها شيفاه ضخم وطويل عنها
وف النهاية تم رفض العريس لمظهره وانه كان مطلق ولم يدخل ع مراته الاولى وكان مخبي عليهم لولا واحد قريبهم هو اللي قال ليهم
وجواز الصالونات بالنسبة للرجل او المراة هو بيبدا بالشكل مش بالاخلاق