استشارة عن فتاه مقبلة ع خطوبة

[moody_687]

طالما مش عاجبها خلاص ..لأن اهم حاجة القبول الشكلي ..ده لو مش موجود خلاص كل حاجة باظت ...عموما وبعيدا عن المشكلة انا بعشق البنات القصيرة ونفسي ربنا يكرمني بواحدة منهم :):) ..انا ع فكرة 170 سم :)

بالفعل اهم شئ القبول الشكلي ف جواز الصالونات عشان لو مفيش مش هتكون مرتاح وكمان ماشاء الله ف المنتدى الرجالة كلها بدور ع سوريات عشان حوار الجمال

[طارق _عبد السلام]

لو هى متردد ه بلاش من الجوازه اصلا لان الموضوع بعد كده هيبقى حياه كامله

لازم تقتنع بيه كزوج اولا هى معجبه بطموحه لكن الطموح وحده لا يبنى بيت واسره

اولا لازم تكون مقتنعه بيه كزوج وترضى بأخلاقه

وفيه مشكله تانيه لان لو سنها عدى المرحله دى بعد كده هيتفرض عليها زيجات اخرى اقل من هذا الشاب

انصحها بالاستخاره والبحث عن ايجابيات العريس ولو حدث انها اقتنعت تتوكل على الله

وان ثبتت على ترددها فلا داعى وتنتظر النصيب

[shaddadfalcon1]

المصيبه الكبيره اللي بتحصل كتيير تلاقي واحده مش مقتنعه بالعريس بس عشان خاطر خايفه متلاقيش احسن منه تقولك اوافق وخلاص ويمكن احبه وبعد الجواز بكام شهر عايزة تتطلق اصلها معرفتش تحبه

[moody_687]

المصيبه الكبيره اللي بتحصل كتيير تلاقي واحده مش مقتنعه بالعريس بس عشان خاطر خايفه متلاقيش احسن منه تقولك اوافق وخلاص ويمكن احبه وبعد الجواز بكام شهر عايزة تتطلق اصلها معرفتش تحبه

كلام مظبوط عشان كده لازم يكون االطرفين مقتنعين ببعض 100% من ناحية الشكل وبعدين يعرفوا بعضيهم بقى من حيث الاخلاق والادب والتصرفات كلا الطرفين وده بيتضح ف الخطوبة
عشان كده هى اخذت قرارها وتم الرفض بناء ع اسباب تم ذكرها سابقا

[Al-Farooq]

من الآخر ، هو انت لما تقولها ارفضيه انت هتتجوزها يعني ؟!!
اطلع من القصة دي ، ولا استشارة ولا بتاع ، هي حرة مع نفسها.
ومدام مفيش على الراجل ملاحظات اخلاقية ، وشكله الوجه مقبول زي مابتقول ، ومستواه الاجتماعي مناسب وزي الفل وطموح ومش عارف ايه
ومع ذلك رافضاه ولا متررده قاااال ، هي حرة تستني اللى بعده "إذا شافته" براحتها بقي.

[moody_687]

من الآخر ، هو انت لما تقولها ارفضيه انت هتتجوزها يعني ؟!!
اطلع من القصة دي ، ولا استشارة ولا بتاع ، هي حرة مع نفسها.
ومدام مفيش على الراجل ملاحظات اخلاقية ، وشكله الوجه مقبول زي مابتقول ، ومستواه الاجتماعي مناسب وزي الفل وطموح ومش عارف ايه
ومع ذلك رافضاه ولا متررده قاااال ، هي حرة تستني اللى بعده "إذا شافته" براحتها بقي.

ياباشا هى عشان جت واستشارتني يبقى هتجوزها !!!! انا اديت رأيي بحيادية تامة والقرار الاول والاخير ليها وبالفعل اخذت قرارها بالرفض بناء ع سببين الشكل وعدم صراحة العريس ولعلمك انا قولتلها تتوكل ع الله ومش مهم الشكل ف الراجل ولعلمك هى مكنتش تقصد وجه هى تقصده جسمانيا بالرغم ان ف بنات بتحب الشاب الطويل كل انسانة تختلف عن الاخرى ف واحدة توافق وتقولك جوازة وخلاص عشان بس مش يقولوا عنها انها مش اتجوزت وف بنت تانية تقولك لازم اكون قابلاه عشان اعرف اتعايش معاه

[mr_safwt]

انا عايز بس اقول حاجة ان من اسمى انواع الصداقات الصداقة بين الرجل والمراة وافيدها عشان مفيش بينهم مصالح ولما لجات لي فهى لجات كاخ ليها مش زى تفكير بعض الناس وعايز اقول ع حاجة بسيطة الناس اللي بتككلم ع ان مفيش حاجة اسمها صداقة فاتمنى لو جيبت بنت ودخلت كلية وقالتلك انها اتعرفت ع ولد متهبش فيها و متخوفهاش منك عشان متعملش الغلط من وراك بالتفكير ده الصداقة زيها زى الزمالة بل بالعكس الزمالة قد تسوء احيانا وبيكون فيها مصلحة وعايز اقول نقطة بردو ان لما تعاشر انسان سواء رجل او امراه ويكون بينكم كل احترام وثقة ومفيش مصالح يبقى العلاقة هتدوم ومش عيب ابدا انها تلجالي كمشورة ليها عشان المشورة مش عيب
وكمان نقطة اخيرة انا مستغربلها جدا نحن كرجال بندور ع الشكل اولا وبعدين الاخلاق وده بيبان جدا ف زواج الصالونات لو عجبته شكلا يبقى هو ده القبول وبتحرموا ع الفتاه انها تهتم بالشكل وكلكم قالبتوا الطاولة عليها لمجرد انها شيفاه ضخم وطويل عنها
وف النهاية تم رفض العريس لمظهره وانه كان مطلق ولم يدخل ع مراته الاولى وكان مخبي عليهم لولا واحد قريبهم هو اللي قال ليهم
وجواز الصالونات بالنسبة للرجل او المراة هو بيبدا بالشكل مش بالاخلاق

يقول المولى عز وجل {ولا متخذات أخدان} النساء 25 ، ومعنى قوله عز وجل {متخذات أخدان} أى متخذات أخلاء ومن هذا فلا يجوز للفتاة أن تتخذ رفيق لها أو صاحب لها وعدم الإجازة نص كريم صريح وفي هذا حكمة من الله عز وجل فإن المرأة عاطفية بطبيعتها ولو دخلت فى علاقة مع شاب وتوسمت فيه زوجاً صالحاً لها وإرتضته لنفسها وقام الشاب بخداعها ، لأثر ذلك فى نفسها تأثيراً سلبياً وترك فى نفسها جرحاً لا يندمل أبداً ، والله أحرص علينا من أنفسنا لذلك علينا أن نتمسك بتعاليمه وأوامره وابتغاء مرضاته

[SonaSteel]

ربنا يصلح الحال :)
انصحها بالاستخارة

[moody_687]

يقول المولى عز وجل {ولا متخذات أخدان} النساء 25 ، ومعنى قوله عز وجل {متخذات أخدان} أى متخذات أخلاء ومن هذا فلا يجوز للفتاة أن تتخذ رفيق لها أو صاحب لها وعدم الإجازة نص كريم صريح وفي هذا حكمة من الله عز وجل فإن المرأة عاطفية بطبيعتها ولو دخلت فى علاقة مع شاب وتوسمت فيه زوجاً صالحاً لها وإرتضته لنفسها وقام الشاب بخداعها ، لأثر ذلك فى نفسها تأثيراً سلبياً وترك فى نفسها جرحاً لا يندمل أبداً ، والله أحرص علينا من أنفسنا لذلك علينا أن نتمسك بتعاليمه وأوامره وابتغاء مرضاته

يا باشا انا موضوعي محدد ومش متفرع وكمان ده انا ع كده ف شغلي انا وزميلتي فقط ف اوضة واحدة ومقفل علينا باب وساعات بنتكلم ف امور الدنيا بيكون حرام ! ياباشا الحرام متوقف ع الانسان نفسه
هى تعرفنى وتعرف اختي وبتجمعنا زمالة ماجستير ف كلية واحدة يعني شباب محترمة وف ناس مازال تفكيرهم ان اي كلام بين راجل وامراة يكون حرام
الحرام ياباشا ان الشاب يعلق الفتاه ويوعدها وعودا لا يستطيع تحقيقها او قاصد عدم تحقيقها يعني متوقفة ع الانسان نفسه

[moody_687]

ربنا يصلح الحال :)
انصحها بالاستخارة

الحمدلله صلت استخارة

[shaddadfalcon1]

يا باشا انا موضوعي محدد ومش متفرع وكمان ده انا ع كده ف شغلي انا وزميلتي فقط ف اوضة واحدة ومقفل علينا باب وساعات بنتكلم ف امور الدنيا بيكون حرام ! ياباشا الحرام متوقف ع الانسان نفسه
هى تعرفنى وتعرف اختي وبتجمعنا زمالة ماجستير ف كلية واحدة يعني شباب محترمة وف ناس مازال تفكيرهم ان اي كلام بين راجل وامراة يكون حرام
الحرام ياباشا ان الشاب يعلق الفتاه ويوعدها وعودا لا يستطيع تحقيقها او قاصد عدم تحقيقها يعني متوقفة ع الانسان نفسه

بغض النظر ان الكلام ده بره الموضوع لكن اي خلاء بين رجل وامراه هو حرام شرعا والأختلاط اخرته وحشه حتي لو علاقه برئيه زي مابتقول وعشان ماتحللش حاجه حرام او تحرم حاجه حلال اطلع علي اي شيخ تكون بتثق فيه وقوله انا شغال مع زميليتي وظروفنا كذا كذا كذا وبنعمل كذا كذا وبنقول كذا كذا هل ده حلال ولا حرام

لكن بلاش تحكم عقلك في حاجه زي دي لان عقلك والشيطان دايما هيقولولك انك صح وانها زي اختك والكلام اللي كلنا عارفينه وحاظينه وبنضحك بيه علي نفسنا

ياما ناس تبقي زي الأخوان بس ممكن اي حد فيهم مش شايف الموضوع من الناحيه دي

يعني مثلا ايه اللي يضمنلك انها مش بتحبك انت ؟ وانها رفضت مش عشان مش عاجبها لكن عشانك انت وسالتك علي رايك عشان تلفت نظرك انها هتضيع من ايدك؟ انت متعرفش اللي في قبلها ايه

عشان كده الأختلاط ممنوووووووووووووووع ودي مش رجعيه ولا تخلف

لو كان الأختلاط حاجه عاديه كان الأولي مثلا ان اخو الزوج يكون عادي مع مرات اخوه اللي هي زي اخته بالظبط بقي مش زميلته ومع ذلك رسولنا عليه الصلاة والسلام قال الحمو الموت عارف يعني ايه الموت ؟؟؟

[aw2100]

يعني مثلا ايه اللي يضمنلك انها مش بتحبك انت ؟ وانها رفضت مش عشان مش عاجبها لكن عشانك انت وسالتك علي رايك عشان تلفت نظرك انها هتضيع من ايدك؟ انت متعرفش اللي في قلبها ايه

عشان كده الأختلاط ممنوووووووووووووووع ودي مش رجعيه ولا تخلف

لو كان الأختلاط حاجه عاديه كان الأولي مثلا ان اخو الزوج يكون عادي مع مرات اخوه اللي هي زي اخته بالظبط بقي مش زميلته ومع ذلك رسولنا عليه الصلاة والسلام قال الحمو الموت عارف يعني ايه الموت ؟؟؟

والله خدت الكلام من على طرف لسانى انا كنت لسة حوجة نظرة للنقطة دى بارك الله فيك !!

[shaddadfalcon1]

والله خدت الكلام من على طرف لسانى انا كنت لسة حوجة نظرة للنقطة دى بارك الله فيك !!

وبارك الله فيكم جميعا اخي الحبيب

[أحمد كمال]

و المصيبة السودة بقى ان لو غروسة محتملة (زي مرشح محتمل كده ههههههه ) اترفضت بسبب شكلها تلاقيها قلبت الدنيا و تقول اشمغنى هو انا مش حلوة و لا ايه الرجالة بقت سطحية و كل اللي يهمها بنت حلوة الخ الخ الخ الخ


و لو مش مصدقينني ارجعوا لفقعات و اقروا بنفسكم البنات عمالة تنفسن ازاي بسبب ان واحدة شكلها ما عجبش عريس




سلام لاحسن مرارتي خلاص عالاخر