أفكار صناعية ......... صناعة الماسترباتش

[MaZaGAngeE]

الماسترباتش عبارة عن مزيج من مواد مساعدة و اضافات تم تسخينها و كبسها و تقطيعها الى حبيبات صغيرة ’ لتدخل في صناعة المطاط و البلاستيك و أدوات التجميل و الصناعات الطبية .

و الماسترباتش ينقسم الى نوعين اساسيين :
1- غير عضوية :
و دي بيكون تصنيعها من خامات طبيعية غير عضوية . زي تيتانيوم ديوكسيد . و النوع ده لا يستخدم في صناعات الاغذية .
2- العضوية :
و يكون تصنيعها من مواد عضوية و تستخدم في الصناعات الغذائية .


النوع اللي يهمنا هنا هوه النوع الاول لأنه يعتمد على مكونات و خامات مصرية هيه كربونات الكالسيوم و بولي ايثيلين و بولي بروبلين و بعض الاضافات اللي بعضها يتم صناعته في مصر و بعضها مستورد

و هنتكلم عن ابسط نوع من انواع الماسترباتش و هوه :

Filler masterbatch

ده بيكون عبارة عن خليط من كربونات الكالسيوم و مادة البولي ايثيلين بس ..
الخلطة دي ايه بقى ؟
1- كربونات الكالسيوم : الحجر الجيري بتاع المنيا و يكون مطحون و معالج بحمض اسمه استياريك يستورد من ماليزيا ..
2- بولي ايثيلين : مادة بترولية يتم تصنيعها في سيدي كرير و الشرقيون و سابك السعودية .

شفت بقى الحكاية سهلة ازاي ...


تعالى بقى نشوف صورة المنتج بتاعنا :
مجموعه صور :

[MaZaGAngeE]

مين بقى الزبون اللي هنبيع الأوميالين ليه ؟ ( الاوميالين ده الاسم المعروف بيه المنتج ده في السوق المحلي )
أهم الزبائين :

1- الالياف (السجاد، المنسوجات، المفروشات، الخ.)
2- الفيلم (أكياس التسوق، وفيلم الصب، والفيلم متعدد الطبقات، الخ.)
3- البلاستيك الصب (علب، شحم والدهان الحاوية الطبية ومستحضرات التجميل وغيرها)
4- البلاستيك النفخ (السيارات، الالكترونية، البناء، الأدوات المنزلية، الأثاث، ألعاب، الخ.)

طبعا زي ما انت شايف ده مجال واسع جدا و الزبون متععد الصناعات بشكل كبير و ده بيدينا قدرة عاليةعلى التواجد في مجالات كتير .

[MaZaGAngeE]

مميزات الصناعه :

1- الزبون بيكون شركات و مصانع ففلوسك في امان و احتمالات النصب نادرة جدا و كمان البيع بيكون كاش او على اسبوع بالكتير الا لو بتورد كميات كبيرة جدا و مرتبط بعقد هنا ممكن يكون الدفع على شهر .
2- التسويق مش هتحتاج عدد كبير و لاعربيات نقل كتير .. ممكن انت لوحدك بعربيتك في البداية و بعد كده تجيب مندوب مبيعات واحد او تتعامل مع تجار جملة ..
3- الصناعه بسيطة و بالتالي ضبط الجودة هيكون سهل و مش محتاج متخصص او كيميائي ( لاننا بنتكلم على ابسط توعين في الماسترباتش )

عيوب الصناعه :
1- المنافسة عاليةلان الصناعه سهلة و الزبون هيدقق جامد على الجودة في الاول لحد ما يطمن ان شغلك كويس و ثابت في جودته ساعتها هوه اللي هعملك دعاية .
2- ارتباط سعر الخامات بالدولار ( مع ان الخامات مصرية !!! ) و ده بيخلي السعر متغير كل اسبوع او اتنين بس فد حدود معقولة و كل ما السعر زاد كل ما مصانع البلاستيك زودت كمية الاوميالين اللي بيحتاجوها عشان يقلل تكلفة البلاستيك الخام .

[MaZaGAngeE]

صور الخامات :

1- كربونات الكالسيوم :



و أنسب نوع منها اللي حجمه 4 ميكرون معالج و ده تمنه في حدود 950 جنيه للكن واصل عندك و بيكون في شكاير ورق او بلاستيك وزنها 25 كيلو للشيكارة و لو حابب توفر شوية ( منصحش بكده في البداية ) ممكن تطلب انه يكون في جامبو وزنه طن و ترجعه و ده ممن يفرق في حدود 80 جنيه للطن .


2- البولي ايثيلين :

وده منه انواع تختلف على حسب الصناعه اللي هنبيع ليها و سعره يتراح بين10000 الى 13 الف للطن بس بيستخدم بكميات قليلة .

3- البولي بروبلين :

وده منه انواع تختلف على حسب الصناعه اللي هنبيع ليها و سعره يتراح بين8000 الى 10000 للطن بس بيستخدم بكميات قليلة .

4- تيتانيوم :
نادرا ما هنحتاج نستعمله الا لو تم طلب ان البياض يكون شديد جدا و ده سعره من 22 الف الى 25 الف .. و بيكون اضافته نصف كيلو للطن

5- حمض استيارك :
اضافةمهمة جدا و بتكون بكميات قليلة برضه 10 كيلو للكن و سعره 10000 للطن


شكلك كده تهت مني ...................... بالراحة

احنا هنعمل منتجين اتنين :
1- PE Filler Masterbatch
وده بيكون خلط الكربونات مع البولي ايثيلين و حمض استيارك
2 - PP Filler Masterbatch
وده بيكون خلط الكربونات مع البولي بروبلين و حمض استيارك

و احتمال نحتاج نضيف التيتانيوم لو الزبون طلب كده ...

[MaZaGAngeE]

صورة للخط كده عشان نكون متخيلين شكله ايه :

[MaZaGAngeE]

ايه يا رجالة ............... تسقيفة امال تشجيعه امال ......

انا عارف ان ده موضوع اغلب الناس معندهاش فكرة عنه ............... بس هيكون معلومات عامة مفيدة جدا

لأنك لما تشوف كيس بلاستيك او لعبة او فانوس عربية او موبايلك هتكون عارف اتصنع ازاي و من ايه

[AlGazar2]

موضوع حلو على الرغم من انى مش فاهم منه حاجة غير انى درست حاجات من دى فى الكيميا زمان

بس اعتقد لو الماده الخام موجوده و امكانية التصنيع موجوده و فى مكان ممكن يبقى مشروع كويس خصوصا للشباب لو ده مش محتاج راس مال

[MaZaGAngeE]

موضوع حلو على الرغم من انى مش فاهم منه حاجة غير انى درست حاجات من دى فى الكيميا زمان

بس اعتقد لو الماده الخام موجوده و امكانية التصنيع موجوده و فى مكان ممكن يبقى مشروع كويس خصوصا للشباب لو ده مش محتاج راس مال

الموضوع ابسط بكتير جدا من الكيميا بتاعة ثانوي

بس المشروع محتاج راس مال عشان الخط و الخامات

[egytamer]

الله ينور عليك
بحب الناس الي بتفكر في المشروعات الصناعية مش المشروعات الاستهلاكية كمل كلامك ووضحلنا باقي الموضوع

[canner]

انا لما كنت شغال فى مجال المصانع عرفت ناس شغاله فى المواضيع دى و زرت مصانع و شفت الماكنات و الموضوع كويس قوى بس للى يهتم بيها فعلا

[MaZaGAngeE]

الله ينور عليك
بحب الناس الي بتفكر في المشروعات الصناعية مش المشروعات الاستهلاكية كمل كلامك ووضحلنا باقي الموضوع

شد حيلك و فكر معايا
عشان نشجع الناس انهم يهتموا بحاجات ليها قيمة

انا لما كنت شغال فى مجال المصانع عرفت ناس شغاله فى المواضيع دى و زرت مصانع و شفت الماكنات و الموضوع كويس قوى بس للى يهتم بيها فعلا

كنت شغال في ايه ؟
و فعلا المشروعات دي مربحةجدا

[MaZaGAngeE]

تعالى نحسب التكاليف :

المصروفات الثابتة :

ايجار : 3000 جنيه
كهربا : 600 جنيه
مياه : 200 جنيه
موبايل : 200 جنيه
مصروفات ادارية : 3000 جنيه
عمالة : 5000 جنيه ( 3 عمال و متوسط راتب 1500 جنيه )

اجمالي المصروفات الثابتة : 12000 جنيه شهريا
اجمالي الانتاج : 3 طن يومي و 25 يوم عمل = 75 طن شهري

التكاليف الثابتة للطن = 160 جنيه ...
_________________________________
حساب التكاليف المتغيرة للطن :

بولي ايثيلين : 200 كغم * 13.5 جنيه = 2700 ( سعر طن البولي ايثيلين 13500 جنيه و بنحتاج 200 كغم للطن المنتج )

كربونات الكالسيوم : 800 كغم * 0.95 جنيه = 760 ( سعر الطن 950 جنيه و بحتاج 800كغم للطن المنتج )

حمض استياريك : 10 كغم * 11 جنيه = 110 جنيه ( سعر الطن 11000 جنيه و بحتاج 10كغم للطن المنتج )

شكاير : 40 شيكارة * 1.5 جنيه = 60 جنيه ( الشيكارة وزنها 25 كغم )

اجمالي التكاليف المتغيرة للطن : 3630 جنيه للطن
--------------------------------------------------------------

اجمالي تكلفة الطن = 3630 + 160 = 3790 جنيه


_______________________________________________
سعر البيع :

متوسط ربحية 35% .....
سعر البيع = 5116.5 يعني ربحية = 1326.5 للطن الواحد



متوسط ربحية 25%
سعر البيع = 4737.5 يعني ربحية = 947.5 للطن الواحد
_______________________________________________

سعر البيع في السوق النهاردة يتراوح بين ::: 5300 للمستهلك و 4800 للتاجر

[Mo3taz Selim]

ماشاء الله

دائما متميز ... توضيح بعد إذنك ... أعتقد إن سعر الإيجار للمكان فقط و أن التكلفه غير شامله خط الإنتاج

[misry]

ده معناه ان الربح الشهري ممكن يكون فوق 40 الف جنيه ...؟؟

ده لو كده يبقى مشروع رهيب ... بس اعتقد انه مينفعش في المحافظات ... لازم القاهرة

[MaZaGAngeE]

الله ينور عليك
بحب الناس الي بتفكر في المشروعات الصناعية مش المشروعات الاستهلاكية كمل كلامك ووضحلنا باقي الموضوع

شد حيلك و فكر معايا
عشان نشجع الناس انهم يهتموا بحاجات ليها قيمة

انا لما كنت شغال فى مجال المصانع عرفت ناس شغاله فى المواضيع دى و زرت مصانع و شفت الماكنات و الموضوع كويس قوى بس للى يهتم بيها فعلا

كنت شغال في ايه ؟
و فعلا المشروعات دي مربحةجدا