هل العربيات فيها روح -ماحدش يتريق

[khaled_sabry]

ده سؤالى بجد - و ياريت نتناقش بدون تريقه
عارف ان السؤال ده اتقال فى فيلم قديم اسمه "هيربى " عن العربيه الفولكس اللى بتتحرك لوحدها

بس الاول هل يوجد نص ديني يمنع وجود الروح فى اى شئ غير عضوى ؟؟
على حد علمى مافيش - ده غير وجود نصوص قرأنيه و فيها الله يأمر بعض الجوامد مثل "يانار كونى بردا و سلاما على ابراهيم"
طبعا احنا مش حنقارن نفسنا بالله سبحانه و تعالى - لكن الايات دى بتدى من منظور اخر ان ممكن الجوامد يبقى ليها ردود افعال
كويس يبقى كده نبداء نتكلم

الاول - ما هى الروح ؟ احنا اصلا مانعرفشى لغايه دلوقتى تفسير "مادى" للروح فازاى بنجزم بعدم وجودها فى الجوامد
مين فينا ماجهوش موقف و وجد استجاب ما من احد الجوامد دى
لعل اوضح مثال هى العربيات - فانتا ممكن تجيب عربيتين طالعين من نفس المصنع و مهتم بيهم بنفس الدرجه و تلاقى استجابتهم لاوامرك مختلفه
انتا تقصد يعنى ان العربيات بيبقى فيها روح - حقولك ببساطه ايه اللى يمنع ؟؟
ولو تلاحظ لما حد بيتكلم عن عربيته بيتكلم عليها كأنها فعلا مخلوق عاقل - و موضوعات قسم الورشه فى المنتدى يشهد بده
انا شخصيا اذكر فى يوم وفاة والدى - الموبيل بتاعه اتعطل عطل غريب اول مره اشوفه
و عربيته لما سوقتها بعد الوفاه بيوم لاقيت عداد السرعه بيترعش - انا عارف انها حاجه عبيطه بس انا متأكد ان الموضوع ده ماكنشى موجودقبل وفاة والدى لأنى كنت سايقها قبل ما يتوفى ب 3 ساعات
حتقولى الروح بتبقى فى خلق الله مش فى ما يصنعه الانسان
حقولك هنا و نقف شويه
اولا الله خلق الانسان و خلق المواد اللى الانسان يستخدمها فى الصناعه - فالانسان لا يخلق (استغفر الله ) و لكنه يعيد استخدام خلق الله بشكل او باخر
يعنى مثلا كلنا متفقين ان النباتات فيها روح - الانسان طيب قارن بين عمليه الصناعه و الزراعه
الانسان بيستخدم الشتلات - الانسان بيستخدم مواد خام
الانسان يزرع الشتلات فى الارض و يقوم بسقيها و الاعتناء بها - الانسان يأخذ المواد الخام و يقوم بصهرها و تشكيلها
يطلع نبات فيه روح - يطلع عربيه او طائره و بنقول عليها جماد
اشمعنىىىىىىىىىىىىىى

و ارجع تانى و اقول - احنا مانعرفشى تفسير مادى للروح - فايه هى المعايير اللى بتخلينا نقول على الكائن ده فيه روح و ده مافيهوش روح
ياريت نتكلم بموضوعيه و ماحدش يتريق عليا

[canner]

انا بتاعامل مع العربية بتاعتى على انها كائن حى بالفعل و مسميها فسدقة و كل يوم الصبح بقولها صباح الخير يا فسدقتى و بالليل تصبحى على خير يا فسدقة و متهيألى كتيييييييييييييييييييير جدا بيعملوا كده و خصوصا المصريين علشان العربية عندنا بتيجى بطلوع الروح فبتبقى عزيزة على الواحد و بيسميها و بيكلمها و ناقص يأكلها كمان

[SAMEH_FOUAD]

انا بتاعامل مع العربية بتاعتى على انها كائن حى بالفعل و مسميها فسدقة و كل يوم الصبح بقولها صباح الخير يا فسدقتى و بالليل تصبحى على خير يا فسدقة و متهيألى كتيييييييييييييييييييير جدا بيعملوا كده و خصوصا المصريين علشان العربية عندنا بتيجى بطلوع الروح فبتبقى عزيزة على الواحد و بيسميها و بيكلمها و ناقص يأكلها كمان

مانت بتأكلها فعلا , البنزين دة اية مش اكل للعربية عشان تتحرك

[abou-yahia]

معتقدش فيها روح

لاكنها ليها كينونه

بمعني الخشب نفسه مفيهوش روح لاكن لما يتصنع منه تربيزه

اللي هيه معموله من الخشب اصبحت بذاتها شئ ليه كينونه

حقول علي فهم ليه لحاجه

واتمني حد متعمق يفسرها اكتر دينيا

في سوره الكهف : (فَوَجَدَا فِيهَا جِدَارًا يُرِيدُ أَنْ يَنقَضَّ فَأَقَامَهُ قَالَ لَوْ شِئْتَ لاتَّخَذْتَ عَلَيْهِ أَجْرًا )

الجدار هنا ليه ذاتيه وليه كمان اراده فعل

الجماد بيكون ليه ذاتيه لما يكون شيئ

هذا فهمي

وشكرا

[lanos2004]

ايوه عربيتي فيها روح شريره لما بتغضب مبترحمش
واكلتها المفضله العربيات ١٦٠٠ ---بس طبعا بعيد عن الروح الاشد شر فيsir

[speed_magnum]

افتكر عربيتنا البيجو 504
كنا بنسافر بيها العريش واسكندريه وبور سعيد باستمرار وعمرها ما زعلتنا في يوم
ويوم لما والدي باعها ...... و للمره الاولي من يوم ما جت تعطل وما ترضاش تدور ... فعلا علي مدي سنوات عمرها ما هانتنا كانت المره الاولي اللي تعمل فيها كده
ما هي العشرة مش سهله يا جماعه

[canner]

مانت بتأكلها فعلا , البنزين دة اية مش اكل للعربية عشان تتحرك

فعلا بتاكل بنزين و بتشرب ميه و بتحبس بالزيت

[SAMEH_FOUAD]

فعلا بتاكل بنزين و بتشرب ميه و بتحبس بالزيت

تمام ويوم لما تحب تكرمها , تمونها بنزين 95 وتحطلها كاتشب كمان قصدى ( octane booster )

وكمان بتكسيها ( فرش داخلى للسيارة و غطاء سيارة )

وبتجيبلها ميكروكروم لما بتتجرح او بتتخربش اللى هو ال polish وال compound

ههههههههههههههه

[khaled_sabry]

معتقدش فيها روح

لاكنها ليها كينونه

بمعني الخشب نفسه مفيهوش روح لاكن لما يتصنع منه تربيزه

اللي هيه معموله من الخشب اصبحت بذاتها شئ ليه كينونه

حقول علي فهم ليه لحاجه

واتمني حد متعمق يفسرها اكتر دينيا

في سوره الكهف : (فَوَجَدَا فِيهَا جِدَارًا يُرِيدُ أَنْ يَنقَضَّ فَأَقَامَهُ قَالَ لَوْ شِئْتَ لاتَّخَذْتَ عَلَيْهِ أَجْرًا )

الجدار هنا ليه ذاتيه وليه كمان اراده فعل

الجماد بيكون ليه ذاتيه لما يكون شيئ

هذا فهمي

وشكرا

بس فعلا فيه بعض الجوامد بيختلف استجابتها للاوامر طبقا للظروف المحيطه
عربيتي التيوتا القديمه مثلا - كنت كل لما اتكلم عن العربيات الجديده و انا راكبها الاقيها تانى يوم تعطل - و اعطال غبيه
الحكايه دى حصلت بجد معايا 5 او 6 مرات لغايه لما بعتها

انا بتاعامل مع العربية بتاعتى على انها كائن حى بالفعل و مسميها فسدقة و كل يوم الصبح بقولها صباح الخير يا فسدقتى و بالليل تصبحى على خير يا فسدقة و متهيألى كتيييييييييييييييييييير جدا بيعملوا كده و خصوصا المصريين علشان العربية عندنا بتيجى بطلوع الروح فبتبقى عزيزة على الواحد و بيسميها و بيكلمها و ناقص يأكلها كمان

انا بعمل زيك بالظبط - بس مسميها المعلم عتريس العتره

افتكر عربيتنا البيجو 504
كنا بنسافر بيها العريش واسكندريه وبور سعيد باستمرار وعمرها ما زعلتنا في يوم
ويوم لما والدي باعها ...... و للمره الاولي من يوم ما جت تعطل وما ترضاش تدور ... فعلا علي مدي سنوات عمرها ما هانتنا كانت المره الاولي اللي تعمل فيها كده
ما هي العشرة مش سهله يا جماعه

نفس موديل عربيتنا برضه - اللى يوم وفاة والدى عداد السرعه بقى بيترعش و العربيه بقيت متلته مره واحده
هى 504 كلها كده لا ايه
بس اخويا لما حب يبيعها بعد وفاة والدى انا اللى رفضت و بعت عربيتي و اخدتها انا - اصلها عشره 30 سنه برضه علشان كان والدى جايبها زيرو

[lanos2004]

هوه فيه عربيات تحسها اصيله وتنقذك من مواقف صعب وفيه عربيات تحس انها بتنتحر بيك
حب عربيتك تحبك

[mahamedaraby]

انا كان معايا عربية 128 العربية دى كانت اصيله جدا وعمرها ماعملت موقف محرج معايا
مره كنت راكب العربية وفى طريق صلاح سالم فى الحارة اللى فى نص عند جامع توشيبا تمام العربية قطعت مرش نهائيا وبطلت وطبعا مشيت على سرعتى علشان اجى يمين معرفتش العربية جاية كتير فركنت على الشمال والعربية جاية ورايا ورايا بسرعة رهيبة ومعايا ولدتى طبعا اقعدت ادورالعربية مرتين مدرتش التالتة دارت والله
عملتها بعدها بيوم نفس الحركة بالظبط بس كان معايا صاحبى وحلفت ما تدور لحد ما جبت ميكانيكى ودورها عرفت ساعتها انها كانت اصيله ومعملتش حاجة وانا مع والدتى
تانى موقف من فترة طويلة كانت الدنيا مطر جامد جدا والشوارع غرقانة علو الرصيف الميه وكان معايا العيلة والشوارع غرقانة ماية على الاخر اقسم بالله ماشى فى الشارع والاقى على يمينى ولا شمالى عربية نوبيرا وقفت من كتر الميه وعلى يمينى عربية حديثة برضوا واقفة والله روحت البيت والحمد لله معملتش معايا حاجة
غير كان اى كلام فى سيرة البيع او حد يتفرج عليها علشان يشترها لازم لازم اليوم اللى بعده يحصل معايا موقف معاها رعشه تقطيع اى حاجة مش مظبوطه والله زعلت عليها جدا لما بعتها

[mahmoudselim]

{ أَلَمْ تَرَ أَنَّ اللَّه يُسَبِّح لَهُ مَنْ فِي السَّمَاوَات وَالْأَرْض وَالطَّيْر صَافَّات كُلّ قَدْ عَلِمَ صَلَاته وَتَسْبِيحه } صدق الله العظيم.

انا مقتنع ان اي حاجة في الدنيا من اول حبة الرمل ونقطة المية لأكبر جبل ومحيط ليهم حياة وكلام بطريقة ما, اية هي الله وأعلم! بس ربنا قال كدا .
انا ليا موقف مع عربيتي بأختصار انا بعشق عربيتي وكل اللي يعرفوني عارفين كدا كويس من اهلي لاصحابي لقرايبي, أتقلبت بيا من حولي شهر تقريبا 5 قلبات علي طريق وادي الريان في الفيوم وكان اول مرة اروح هناك ومعرفش حد في البلد دي خالص وكنت لواحدي والموبيل فاصل شحن وكانت الساعة 6 المغرب, في اخر قلبة العربية اتعدلت علي عدلتها الصح, بفضل الله العربية كملت بيا وطلعت أصيلة معايا وسوقتها لحد القاهرة روحت بيها المستشفي وبعد كدا علي البيت وبعد كدا للسمكري . العربية دي عزيزة عليا جدا ولا يمكن افكر ابيعها حاسس ان في ارتباط بطريقة ما بيني وبينها

[khaled_sabry]

{ أَلَمْ تَرَ أَنَّ اللَّه يُسَبِّح لَهُ مَنْ فِي السَّمَاوَات وَالْأَرْض وَالطَّيْر صَافَّات كُلّ قَدْ عَلِمَ صَلَاته وَتَسْبِيحه } صدق الله العظيم.

انا مقتنع ان اي حاجة في الدنيا من اول حبة الرمل ونقطة المية لأكبر جبل ومحيط ليهم حياة وكلام بطريقة ما, اية هي الله وأعلم! بس ربنا قال كدا .

ايييييييييوه
هو ده اللى اقصده - الحمد لله ماطلعتش مجنون (على الاقل مش لوحدى )

[S O P H O S]

الي بحس بيه ان العربية بتحس بصاحبها
وبتزعل لما صاحبها يبهدل فيها او ميهتمش بيها
فبتعطل

[Al-Farooq]

شوف يا سيدي
اولاً ، وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُم مِّن الْعِلْمِ إِلاَّ قَلِيلاً.
ثانياً ، تُسَبِّحُ لَهُ السَّمَاوَاتُ السَّبْعُ وَالأَرْضُ وَمَن فِيهِنَّ وَإِن مِّن [overline]شَيْءٍ[/overline]إِلاَّ يُسَبِّحُ بِحَمْدَهِ وَلَـكِن لاَّ تَفْقَهُونَ تَسْبِيحَهُمْ إِنَّهُ كَانَ حَلِيماً.

يعني
الروح من علم الله واستحاله حد يعرفها.
و ربنا خلق كل شئ ، وكل شئ يعبده ، فالسموات بتسبح ، والارض بتستبح ، وكل شئ مهما كان سواء جماد او حيوان كل ذرات الكون كلها بتسبح واعضاء جسمك نفسها يوم القيامة هتتكلم و هتشهد علينا.

ومن هنا عاوز افرق بين الكائن الحي اللى يموت والجماد

الجماد شوية ذرات خدوا شكل معين بخصائص مختلفة انت بتتحكم فيها و ربنا اذن لنا بتطويعها على مزاجنا والاستفادة بها " وألنا له الحديد".

أما الكائنات الحية ، من اسمها فهي حية والروح هي محركها وبمجرد ما تطلع منها بتموت.

الجماد مفيش حاجة اسمه مات ، ممكن تقول انه اتدمر ، ولما يتدمر ممكن يتصلح ، ولما تخبطه مثلا مش بتقول انه اتجرح لكنه بيتشكل لمنظر تاني نتيجة عامل خارجي زي الطرق او الحرارة او غيرها.

ولما بيبوظ الجماد ممكن يجرع لحالته مرة اخري بطريقة معينة تتفق مع خصائص كل جماد ، ودة لأن كل مادة لها أصل ثابت خاص بها وانت بتشكلها للى انت عاوزه بما يتلائم مع خصائصها.


وفى النهاية ، وفى نهاية الكون الكل بيفني وبيهلك ، سواء كانت كائنات حية او جمادات.

كُلُّ مَنْ عَلَيْهَا فَانٍ * وَيَبْقَى وَجْهُ رَبِّكَ ذُو الْجَلَالِ وَالْإِكْرَامِ.

كُلُّ شَيْءٍ هَالِكٌ إِلَّا وَجْهَه.

===
والله اعلم.