هل العربيات فيها روح -ماحدش يتريق

[sama_Sama]

ولم تكتف رحمته أن شملت كل ما دب على وجه الأرض حتى تعداه للجمادات أيضاً ، كيف لا وهو الرحمة المهداة . فعن أنس بن مالك أن رسول الله صلى الله عليه وسلم خطب إلى لزِق جذع ، واتخذوا له منبراً فخطب عليه فحن الجذع حنين الناقة ، فنـزل النبي صلى الله عليه وسلم فمسه فسكن ، وفي رواية ( خار حتى تصدّع وانشق فنـزل رسول الله صلى الله عليه وسلم لما سمع صوت الجذع فمسحه بيده حتى سكن ثم رجع إلى المنبر فكان إذا صلى صلّى إليه فلما هُدم المسجد وغُيِر أخذ ذلك الجذع أبي بن كعب ، وكان عنده في بيته حتى بلي فأكلته الأرض وعاء رفاتاً )1 وعند أحمد ( ولو لم أحتضنه لحنّ إلى يوم القيامة ) . حَدَّثَنَا مَحْمُودُ بْنُ غَيْلَانَ ، حَدَّثَنَا عُمَرُ بْنُ يُونُسَ ، عَنْ عِكْرِمَةَ بْنِ عَمَّارٍ ، عَنْ إِسْحَاق بْنِ عَبْدِ اللَّهِ بْنِ أَبِي طَلْحَةَ ، عَنْ أَنَسِ بْنِ مَالِكٍ ، أَنّ رَسُولَ اللَّهِ صَلَّى اللَّهُ عَلَيْهِ وَسَلَّمَ " خَطَبَ إِلَى لِزْقِ جِذْعٍ وَاتَّخَذُوا لَهُ مِنْبَرًا ، فَخَطَبَ عَلَيْهِ فَحَنَّ الْجِذْعُ حَنِينَ النَّاقَةِ ، فَنَزَلَ النَّبِيُّ صَلَّى اللَّهُ عَلَيْهِ وَسَلَّمَ فَمَسَّهُ فَسَكَنَ " . قَالَ أَبُو عِيسَى : وَفِي الْبَابِ ، عَنْ أُبَيٍّ ، وَجَابِرٍ ، وَابْنِ عُمَرَ ، وَسَهْلِ بْنِ سَعْدٍ ، وَابْنِ عَبَّاسٍ ، وَأُمِّ سَلَمَةَ . قَالَ أَبُو عِيسَى : وَحَدِيثُ أَنَسٍ هَذَا حَسَنٌ صَحِيحٌ غَرِيبٌ هَذَا الْوَجْهِ . [url=http://library.islamweb.net/hadith/display_hbook.php?bk_no=195&pid=124329&hid=3589]

فين بأه الوصيه بالرفق بالجماد كالخشب والحديد وخلافه؟ إلي إنت كاتبه ده معجزة للرسول عليه الصلاة والسلام، ومافيهاش وصية حتى للجذع المذكور

ياريت نخلي بالنا من اللي بنقوله لأن التعسير على المسلمين أمر عظيم

دوس على الخشب وقطعه، ولع فيه وأطبخ، وإحمي الحديد وأصنع وانتج

إيه بأه الرفق في أي من ده كله؟

[Gelgel2004]

على قد فهمى برده و للنص القرانى الكريم ( وما من شىء إلا يسبح بحمده ولكن لاتفقهون تسبيحهم ) و كلمة الشيئ تشمل جميع الموصفات بدون تحديد ..
عموما لما بتبقى بينك و بين الموجودات حوالييك احساس و علاقه - طبيعى بتحافظ عليها .
وجاء في تفسير الشعراوي( رحمه الله) ما نصه:'... وقوله تعالي وإن من شيء.... أي: ما من شئ, كل ما يقال له شئ, والشيء هو جنس الأجناس, فالمعني أن كل ما في الوجود يسبح بحمده تعالي, وقد وقف العلماء أمام هذه الآية وقالوا: أي تسبيح دلالة علي عظمة التكوين, وهندسة البناء, وحكمة الخلق, وهذا يلفتنا إلي أن الله تعالي منزه ومتعال وقادر, ولكنهم فهموا التسبيح علي أنه تسبيح دلالة فقط; لأنهم لم يسمعوا هذا التسبيح ولم يفهموه, وقد أخرجنا الحق سبحانه وتعالي من هذه المسألة بقوله ولكن لا تفقهون تسبيحهم) إذن: يوجد تسبيح دلالة فعلا, لكن ليس هو المقصود, فالمقصود هنا هو التسبيح الحقيقي كل بلغته فقوله تعالي ولكن لا تفقهون تسبيحهم) يدل علي أنه تسبيح فوق تسبيح الدلالة الـذي آمن بمقتضاه المؤمنون, إنه تسبيح حقيقي ذاتي ينشأ بلغة كل جنس من الأجناس, وإذا كنا لا نفقه هذا التسبيح, فقد قال تعالى:( كل قد علم صلاته وتسبيحه..)( النور:41).

إذن: كل شئ في الوجود علم كيف يصلي لله, وكيف يسبح لله, وفي القرآن آيات تدل بمقالها ورمزيتها علي أن كل عالم في الوجود له لغة يتفاهم بها في ذاته, وقد يتسامي الجنس الأعلي ليفهم عن الجنس الأدني لغته, فكيف نستبعد وجود هذه اللغة لمجرد أننا لا تفهمها ؟...'.
وجاء في بقية التفاسير كلام مشابه لا أرى حاجة إلى تكراره.
من الدلالات العلمية للنص القرآني الكريم
يقرر النص القرآني الكريم الذي نحن بصدده أن الخلق بمختلف مستوياته وهيئاته وصوره يسبح الله( تعالى) تسبيحا لا يفهمه من الناس إلا من أعطاه الله( سبحانه وتعالي) القدرة علي ذلك فقال( عز من قائل):
{تُسَبِّحُ لَهُ السَّمَاوَاتُ السَّبْعُ وَالأَرْضُ وَمَن فِيهِنَّ وَإِن مِّن شَيْءٍ إِلاَّ يُسَبِّحُ بِحَمْدَهِ وَلَـكِن لاَّ تَفْقَهُونَ تَسْبِيحَهُمْ إِنَّهُ كَانَ حَلِيماً غَفُوراً }
وهو تسبيح حقيقي ذاتي ينشأ بلغة كل مخلوق من الأحياء والجمادات ومن مختلف صور المادة والطاقة والظواهر المصاحبة لوجودها.
تحياتى للجميع

[محمود السيد]

اى والله حب عربيتك تحبك وياخوفى لو كان حب زى المراة المصرية اصييييييييييييييييييييييييييييل
لا لا بجد واحد صحبى قلى لازم تحس بعربيتك وانت سايق عشان ماتقلش اصله معاك وتصنها تصوناك

[ehabpopo]

يمكن علشان احنا شعب عاطفى شوية .... كتيييييييييييييييير مش شوية ... وبنتاثر بأى شىء من حولنا ... ده اللى بيخلينا نحس ان فية مشاعر واحاسيس ... بينا وبين عربياتنا ومنازلنا وكل مانتعامل معاه ...
دى وجهة نظرى .. مع انى بحس بكل هذه الاحاسيس اللى انتم اتكلمتو عنها مع عربيتى ... لدرجة انى فى بعض الاوقات وانا رايح الشغل الصبح .. اقولها ارتاحى انتى شوية وهاروح الشغل بالمترو انهارده انتى تعبتى قوى من زحمة امبارح ... ههههههههههه
وكأنها سمعانى ... هههههههههههههه ... احنا اتجننا ولا ايه ؟؟؟؟ هههههههه

[Habd]

فين بأه الوصيه بالرفق بالجماد كالخشب والحديد وخلافه؟ إلي إنت كاتبه ده معجزة للرسول عليه الصلاة والسلام، ومافيهاش وصية حتى للجذع المذكور

ياريت نخلي بالنا من اللي بنقوله لأن التعسير على المسلمين أمر عظيم

دوس على الخشب وقطعه، ولع فيه وأطبخ، وإحمي الحديد وأصنع وانتج

إيه بأه الرفق في أي من ده كله؟

مش هاجادل مع حضرتك لان الكلام واضح و مش محتاج توضيح حتى استفسارك مردود عليه فوق

[Gamal.Eid]

يمكن علشان احنا شعب عاطفى شوية .... كتيييييييييييييييير مش شوية ... وبنتاثر بأى شىء من حولنا ... ده اللى بيخلينا نحس ان فية مشاعر واحاسيس ... بينا وبين عربياتنا ومنازلنا وكل مانتعامل معاه ...
دى وجهة نظرى .. مع انى بحس بكل هذه الاحاسيس اللى انتم اتكلمتو عنها مع عربيتى ... لدرجة انى فى بعض الاوقات وانا رايح الشغل الصبح .. اقولها ارتاحى انتى شوية وهاروح الشغل بالمترو انهارده انتى تعبتى قوى من زحمة امبارح ... ههههههههههه
وكأنها سمعانى ... هههههههههههههه ... احنا اتجننا ولا ايه ؟؟؟؟ هههههههه

هههههههههههههههه الظاهر كده اتجننا فعلا

[bmya]

انا مش عارف انتم بتكلموا فيه يا جماعه عربيه ايه اللي بتكلموها وبتأكلوها وتحموها هههههههههههه مش اوي كده دي وسيله لتسهيل الحياه فقط لا غير
انا بهتم بعربيتي جدا جدا جدا وبحسس عليهاا فعلا ومبسبش حاجه فيها غير لما اعملها بس مش عشان روح والكلام ده لاء عشان لما اكون محتاجاها الاقيها لكن لا عمري حسيت انها زعلانه والكلام ده خالص
وحتىعربيتي القديمه كانت لانسر 1999 معايا من الزيرو وعشت معاها احلا ايام بجد وكانت عربيه مفهاش الهواء الحمد لله وبجد كنت زعلان وانا ببعها عشان ذكرياتي معها بس بعتها لابن خالتي وفضلت برده زي ماهي مفهاش الهواء ولا زعلت ولا عطلت والكلام ده كله هي يعني لو العربيه حالتها نضيفه اوي وجيت بعتها هتروح عطلانه كده من غير سبب ازاي يعني اكيد بيكون في حاجه مستنيه لمسه ونصيبها انها تحصل في الوقت ده وشكرا لكن مش عشان بعتها تروح عطلانه :)