في بيتنا مراهق

[c3a]

تعديل الّاية الكريمة


وأما الغلام فكان أبواه مؤمنين فخشينا أن يرهقهما طغيانا وكفرا

[gebreel]

بصي حضرتك انا هحكيلك والدي و والدتي الله يباركلهم عملوا ايه معايا انا واخواتي

اهم حاجة انك زي ما قلتي تصاحبيه و ترخي الحبل بحيث انك تبقي شايفة اخره و تشدي وقت ماتلاقيه مناسب بس الفكرة كلها ان مش لازم وقت ماحس ان في غلط هيحصل اقوم شادد من قبل ما يحصل لأن ساعتها حضرتك بتبقي شايفه الغلط او المشكلة و هو لسة مش شايفها و من هنا بيجي موضوع الخنقة ده

فا في غلطات و مشاكل مش هتضر لو وقع فيها و سبته يقع فيها و استناه يجي يتكلم معايا و ساعتها هيتعلم درس عمره ما هيتعلمه لو مثلا حضرتك منعتيه من الغلط ده ... بس في نفس الوقت في حاجات مينفعش استنى انها تحصل و اسيبه يتعلم منها لأنه ساعتها هيتعلم عليه

لازم الاب يرخي و الام تشد و الم ترخي و الاب يشد و هكذا ميبقاش واحد شغلانته انو يبقى بيشد على طول و الثاني بيرخي على طول لأنه هيكره اللي بيشد ده و هيحب اللي بيرخي لحد ما يشد عليه يبقى النتيجة انو بقى مبيحبش الاب و الام و بالتالي مش هيبقى فيه سمعان للكلام بعد كدة حتى لو صح

في الفترة دي هيبقى صعب انو يبقى تحت عينك على طول بس في طريقة حلوة ممكن تخليكي عارفة كل حاجة فهو في المدرسة بيقضي من 7 الصبح لحد 3 ... المدة بتبقى من المدرسة للبيت معروفة لو اتأخر نص ساعة مثلا تتصلي انت فين و مجيتش ليه الخ ... بس مش بطريقة تحقيق و في نفس الوقت من وقت للثاني بدون ما يدرى يلاقي بتسألي عليه في المدرسة و تعرفيه انك هتعملي كدة
مع المدرسة تحاولي تشغليله وقت فراغه بحاجة هو بيحبها و تمارسيها معاه كمان زي مثلا تمرين في النادي لأي لعبة و تحضري التمرين تحاولي تتعلمي اللعبة نفسها و في يوم من الويك اند تقليله يلا نروح نلعب و بعدين نتغدى برة مثلا و فاكس مذاكرة النهاردة علشان انت كنت كويس الفترة اللي فاتت دي و حسيت انك تعبت و محتاج تفصل

عوديه يحكيلك مشاكله بدون خوف و خدي رأيه في كل حاجة من اول يحب ياخد ساندويتشات ايه لحد ابسط حاجة ممكن تتخيليها، و مفيش مشكلة لو دخلتيه في حوار كبير شوية عن سنه بتتكلمي فيه انتي و والده و تقليله ايه رأيك و تتناقشي معاه و اياكي تسفهي من رأييه

خليه يعتمد على نفسه في معظم الحاجات و متتدخليش في كل صغيرة و كبيرة.

من الاخر ارسمي الخطوط العريضة و سيبيه يمشي عليها

[ZOoOoMA]

انا هحكيلكم شويه حاجات ممكن تفيدكم انا شاب عندي 20 سنه و كمان كام شهر هكمل 21 سنه الموضوع اللي بتتكلمو فيه ده مهم جدا جدا جدا اولا هنقسم الموضوع لجزئين الاول التربيه:
مفيش اب او ام في الدنيا ديه كلها مش عايز عياله يبقة احسن ناس في الدنيا و للاسف في ابهات و امهات يشد على عياله في التربيه جامد عشان يطلع مثلا احسن من ابن اخوه و يجبره على حاجات هوا مش حاببها و ديه كارثه لانك لغيت شخصيه ابنك لكن الصح انك تسيبه يعمل اللي هوا عايزه و عينك عليه

تاني جزء طريقه التعامل:
طريقه التعامل ديه كارثه لوحدها انا والد بيتعامل معايا بمبدا ان اي حاجه يقولها عليها لازم اعملها سواء عجباني او لا و لو معملتهاش ابقى وحش و مش بفهم و عيل يعني مثلا انا بحب العربيات و هوا عايز يتاجر في العربيات انا مش حابب كده لما طلب مني اني اتاجرله في العربيات و انا رفضت و فهمته ليه اتهزقت و طلعت انا عيل و غلطان..و هوا ده سبب الخلاف الدايم بين و بين بابا ان لو رفضت حاجه ابقى وحش و مش بفهم و عيل و غير كده موضوع الخروجات اللي مهم لكل شاب فينا تلاقي الاب او الام يخلي ابنه يخرج و يقوله متتاخرش عن الساعه 12 مثلا و متروحش المكان الفولاني و روح المكان الفولاني لا ده غلط كبير جدا سيبني اخرج براحتي و المكان اللي يعجبني و ارجع براحتي طالما مش بعمل حاجه غلط ليه اولياء الامور مش عايزين يفهمو ان احنا بكره هنكبر و هيبقى ورانا شغل و مسؤليات و مشاغل صحيح هيبقى في خروجات بس مش زي سننا دلوقتي...
و كمان حاجه اغلب الشباب بيحب يتعامل مع والدته اكتر من ولده و انا واحد من الناس ديه عشان الام بتكون احن من الاب لان الاب للاسف مش مصاحب ولاده و ديه برضو مشكله تانيه
خلاصه الكلام:
الاب و الام لازم تصاحبو ولادكم و تسيبوهم يعملو اللي هما عايزينه طالما مش غلط مينفعش انك تلغي شخصيته و تمشيه بمزاجك لان ده هياثر عليه في المستقبل كتير قوي و هيكون ضعيف الشخصيه في كل مكان سواء في شغله او مع مراته او مع اصحابه....كفايه بجد ارحمونا

[nonetta]

تعديل الّاية الكريمة


وأما الغلام فكان أبواه مؤمنين فخشينا أن يرهقهما طغيانا وكفرا

عفوا زلة كيبورد و اهمال مني في المراجعة

[maka]

أختى الفاضلة أول مشكلة عدم المذاكرة بالرغم من ذكائة و فشل فكرة الجوائز و المكافئات و الفسح
ثانيا عدم الطاعة و التمرد ودة طبيعى و متقبل و لكن مشكلة المراهقة و دخولة على مواقع موش كويسة على النت ماهو العمل بافرض علية رقابة صارمة فى استعمال النت بس حاسس انة موش صح لانى مخونة و مافيش ثقة وجربت معة 3 مرات تقريبا ووثقت فية و فى كل مرة لم يكن اهلا للثقة و فتح مواقع موش كويسة يا ترى اية العمل يا ريت لو حد عندة اقتراح او حل يفيدنا بة

الموضوع ده عاوز شقين الاول المنع فى البيت و حضرتك استخدم البرنامج ده (golden filter pro )

http://montada.rasoulallah.net/index.php?showtopic=68449

الشق التانى هو الاصعب هو التاهيل النفسى , اولا لازم تعرف ان ابنك مش منه لنفسه هيخش على مواقع زى دى اكيد حد من اصحابه فتح عينه و فرجه ووراه . لازم تتاكد من نقطة الاصدقاء كويس جدا لان الصاحب ساحب و دى مش غلطة او حاجة هينة , ثانيا فكره داءما بالحلال و الحرام و ان الحرام ياكل رزقه صاحبه و يصيبه بالضيق و الحسرة و ما الى ذلك مع المتابعة معه بالصلاة و عدم تركها

و التاكد جيدا من نقطة الاصدقاء لانهم ممكن يخليه يشوف اللى انت منعته عنده فى البيت

و بالتوفيق

[magyver]

انا بقي اعمل اية 15 سنة وعامل راجل
وابوة وامة مدلعيينة دلع السنيين لا بيذاكر ولا بيروح دروووس
سهر طول الليل علي الفيس ونايم طول النهار اجي اكلمة ابويا يقلي ملكش دعوة
لما بكون عاوز انزل فية ضرب ومش عارف علشان مزعلش ابويا ومش عارف اعمل اية معااة

[dede_dodo88]

ندمت جداً جداً علي كل لحظة ضيعتها في ثانوية عامة و ان انا دلوقتي مطالب ان ابقي اكتر شخص مميز في مجالي دراسياً بسبب التعدادات الرهيبة الي بتخرج منه سنوياً بالاضافة كمان ان لازم افحت نفسي كورسات عشان ابقي مميز و كورسات مش سهلة ابداً و لا رخيصة خالص بالعكس بتعدي ال 20000 جنيه مستريح للراوند الواحد غير انها صعبة جداً شوف بقي كان مطالب مني اني اذاكر مذاكرة شبة ثانوية عامة عشان اتفوق في دراستي و كمان علها مذاكرة الكورسات
فحين اصحابي الي قرصوا علي نفسهم في ثانوية دلوقتي مستريحين جداً و معظم الوقت مقضينها خروج لانهم خلاص ضمنو مستقبلهم و كمان هما في سن احسن للانظلاق و متعة في الحياة عما كنت انا عكسهم - ضيعت وقتي في ثانوية و وقت التمتع بالحياة دلوقتي مقضيها مذاكرة و فحت و ردم

مش شرط صدقني زي ما بتقول أن يكون هو ده الواقع بالنسبالك أو بالنسبة لأصحابك..
كل واحد بيكون ليه فترته اللي بيتألق فيها و بتظهر فيها مواهبه..
مش معنى أنك مذاكرتش في الثانوية كويس أنك هتفشل في الكلية مثلاً أو أنك مش هتلاقي شغلانة بعد كده.. و مش شرط أنك لو أشتغلت شغلانة بعد ما تتخرج و كانت حاجة صغيرة بفلوس قليلة يبقى خلاص هتكمل حياتك كده.. و مش شرط أن أصحابك ذاكروا في الثانوية و اللي دخل طب وللا هندسة يبقى كده معناها أن عيشته أرتاحت..
بص.. مفيش حاجة أسمها أنك تضمن مستقبلك.. محدش يقدر يضمن حاجة هي مش ملكه..
فترة الدراسة بتكون مرحلة من العمر و بتنتهي.. أه بتتعلم فيها شوية حاجات.. و تقريباً معظم العلم اللي درسته مش بتحتاجه في الحياة العملية بعد كده... بس مرحلة ما بعد الكلية هي دي نقطة البداية الحقيقية..

[theislamic]

أختى الفاضلة أول مشكلة عدم المذاكرة بالرغم من ذكائة و فشل فكرة الجوائز و المكافئات و الفسح
ثانيا عدم الطاعة و التمرد ودة طبيعى و متقبل و لكن مشكلة المراهقة و دخولة على مواقع موش كويسة على النت ماهو العمل بافرض علية رقابة صارمة فى استعمال النت بس حاسس انة موش صح لانى مخونة و مافيش ثقة وجربت معة 3 مرات تقريبا ووثقت فية و فى كل مرة لم يكن اهلا للثقة و فتح مواقع موش كويسة يا ترى اية العمل يا ريت لو حد عندة اقتراح او حل يفيدنا بة

في برنامج جميل و مجاني للحماية من المواقع ده و هو برنامج k9 web protection و ده الموقع بتاعه
K9 Web Protection - Free Internet Filter and Parental Control Software | Free Internet Filtering and Parental Controls Software برنامح اكثر من رائع و مجانا كل المطلوب هو ايميل هيبعتولك عليه كلمة السر و يشتغل البرنامج و تبقى مطمن...................و برده ممكن تفعل خدمة parental control عن طريق شركة الانترنت اللي حضرتك مشترك فيها.........
و برده حضرتك ممكن تختار الحاجات اللي بيتفرج عليها في التفزيون و تلغي القنوات التي تثير الغرائز و قنوات الافلام و الذي منه و يبقى في القنوات الهافة و المفيدة.....



بالنسبة لموضوع التربية انا شايف ان من اهم الحاجات اللازمة في تربية الابناء هي الدعاء الدائم لهم بالهداية و السداد..............
ايضا أن يتق المربي الله و يخشاه حتى ينشأ الله له أولاده نشأة حسنة فالامر كله بيد الله لا بايدينا و لكنا يجب أن ناخذ بالاسباب...
و من الاخذ بالاسباب تربية الابناء منذ الصغر على التعلق بدين الله و بالله و تعليمه تالعقيدة الصحيحة للمسلم و تفهمه حكمة ربنا و رحمته و لو استفسر عن حاجة تفهمها له مش مجرد تلقين و يعرف ان في الاسلام لك حدود و حقوق يعني لك حق في ان تفعل كذا الى ان تصل للحد المسموح به و لا تتعداه و يفهم اضرار التعدي على هذه الحدود......

و من الحاجات اللي بتساعد في بناء شخصية سوية للطفل تعليمه السيرة و العبر اللي فيها و نحاول نختار البرامج اللي يتفرج عليها في التلفزيون.


و للاسف اغلب الاباء و الامهات دلوقت ما بقاش يهمهم تعليم اولادهم الدين اساسا و بقى المهم عندهم بس ان ابنهم يبقى متفوق في دراسته و حياته المهنية و الدنيوية فاصبحنا نجد كثير من الشباب لا يصلون و لا يعرفون كيف يصلو و لا يعرفون مبطلات الصلاة مثلا او الحاجات الواجب على كل مسلم معرفتها ده غير اصلا انه ما يعرفش عقيدته صح فاصبح هم هذا الشاب هو الدنيا فقط لا ينظر للاخرة بمعني ان كل اعماله الحياتية اصبح هذفه فيها الدنيا و الشهرة الخ لكن ما تلاقيهوش يعمل حاجة ابتغاء وجه الله او لرفعة الامة او ......و للاسف بقوا كتير اوي

[SaSa.FireBlade]

والله انا شايف ان الحل فى الالهاء فى اى شىء يعنى انا دلوقتى عندى 19 سنة فى اولى نظم ومعلومات انا من ونا عندى 13 او 14 سنة كنت شغال معا جوز اختى فى مركز صيانة سامسونج لصيانة الشاشات والتلفزيونات وكدة شغال فيها لحد دلوقتى كنت بروح حتا الشغل ايام الدراسة لحد الان بروح الشغل لهانى عن كلدة وعديت المرحلة ديت عادى

[ابو لؤى]

انا بقي اعمل اية 15 سنة وعامل راجل
وابوة وامة مدلعيينة دلع السنيين لا بيذاكر ولا بيروح دروووس
سهر طول الليل علي الفيس ونايم طول النهار اجي اكلمة ابويا يقلي ملكش دعوة
لما بكون عاوز انزل فية ضرب ومش عارف علشان مزعلش ابويا ومش عارف اعمل اية معااة

صاحبه يا باشا خليك ماشى على دماغه يعنى بلاش كل حاجه غلط وتعمل الكبير ده اكبر غلط وهيعمل اللى فى دماغه برده

[AhMeD MeTwAlY]

سن مراهقه الواحد محسش بالكلام دا لاني طول عمري باخد قرارتي بنفسي وبأستمرار مستقل عن البيت