إعـــــــلان

Collapse

.

,
See more
See less

احذروا محصل الكهرباء كان بيسرقنى 300 جنية كل شهر وشوفوا طريقة نصب ازاى

Collapse
X
 
  • Filter
  • الوقت
  • Show
Clear All
new posts

  • احذروا محصل الكهرباء كان بيسرقنى 300 جنية كل شهر وشوفوا طريقة نصب ازاى

    بدات قصتىى والماساةا مع فواتير الكهرباء الصيف الماضى وكانت فى صيف متوسط استهلاكى 90 الى 110 جنية مع تشغيل تكييف وبكل اجهزة الكهربائية الل فى البيت وفجاءة ودون سابق انذار فاتورة 360 !!! من 100 الى 360 جنية فى صيف !! راجعت رقم العداد كويس وكل شئ وما فى ا ىشئ غلط الفاتورة سليمة !!

    وشهر وراء شهر اصبحت اقل فاتورة عندى 360 جنية كهرباء !!بعد ما كانت 100 جنية واقل

    قلت الشتا جة وهترحم من التكييف والاستهلاك هيقل برضة مافيش فايدة !!! نفس القيمة العالية

    كلمت المحصل قالى رقم العداد سليم والقراءة سليمة انت اللى استهلاكلك عالى قلتة طيب لية الفاتورة علت كدة مرة واحدة

    قالى روح اسال الحكومة والاخوان وقعد بطبع يتكلم على ان الاخوان هما السبب فى زيادة الكهرباء وسبب فى خراب مصر وقعد يقول كلام من بتاع جبهة الانقاذ واحقاقا للحق ان لا لى فى سياسة ولا مع دول ولا دول بس الراجل طريقة كلامة على الحكومة ومرسى شككتنى فية جدا خصوصا انة بيحول الموضوع وبيتهرب الى شغل سياسة الى اخر الكلام المفهوم

    المهم

    قعدت اجرى ورا العيال فىالبيت اطفى النور وبقيت بقعد فى غرفة واحدة انا وكل الاسرة عشان نوفر وبرضة ما فيش فايدة الفاتورة هية هية فوق 360 جنية

    اتجننت طبعا لان مرتبى 1300 جنية رغم انى طبيب بشرى ورب لاسرة من طفلين وكونى ادفع 360 جنبة شهريا معناة تلت مرتب فى النور فقط !!

    المهم

    وقبل صلاة الفجر دعوت ربنا انة يشوفلى حل فى مشكلة الكهربا واستجاب لى ربنا بطريقة غريبة جدا عشان يكشف لى المستور ولاقيت مراتى بتقولى فى محل دفع فورى لاى فاتورة صبح روح ادفع الكهرباء من خلالة من الصبح اول ما المحل اللى جنب البيت فتح ادايتة رقم الايصال الكهرباء قالى عليك 60 جنية فقط

    قلتة حضرتك يمكن بتهزر وللا بتضحك ولا هتدفع فاتورة لواحد تانى

    قالى لا عليك 60 روحت دفعت ال 60 وانا ببوس ايدة من كتر الفرحة وقلت يمكن الكهرباء او الفاتورة نزلت لاى سبب كان بسبب الترشيد فى الكهرباء اللى انا عملة فى البيت والجرى ورا العيال عشان نوفر كهربا

    روحت تانى شهر ادفع كهرباء من خلال المحل الفورى قالى 62 جنية فقط !!!!!!!

    ساعتها قلت لا دة انا كان بيتنصب عليا رسمى لازم اعرف سر الموضوع

    المهم جمعت كل فواتير الكهرباء القديمة والجديدة واكتشتفت ان الافندى محصل الكهرباء بيطبع فواتير مزورة على النت بقيمة عالية جدا والاستهلاكات الكهرباء مش متناسقة مرة استهلاك كيلوات عالى جدا ومرة منخفض جدا وبيديهالك على رقم العداد بتاعك صح والفاتورة االاصلية بيحطها فى جيبة وبيروح هو ياخد فرق الايصال الكهربا االعالى القيمة المزرور المطبوع على الكمبيوتر فى جيبة وبعد كدة يروح يحاسب شركة الكهرباء بتاعتة على الايصال الاصلى المنخفض القيمة

    المهم بحثت عنة فى كل حنة بيروحها واكتشفت ان مش كل العمارات اللى بيحصب الكهربا بيعمل فيها الحركات دى انما بيعملها فى عمارات معينة بس و لازم يكون البواب العمارة مساعدة وبيقسم معاة وبياكل معاة لية ولية الحكمة من دى مش عارف بصراحة !!

    المهم طبعا هتثقولوا وهتسالة لية ما روحت بلغت عنة هقلكم

    انا راجل غلبان وماشى جنب الحيطة و ومش ناقص شوية عيال صيع يطلعوا بيتى ينشنى غزة مطواة خصوصا ان الراجل اكيد مش بيسرق لوحدة ومعاة ناس معاة ومفيش لا امن ولا هباب ولا حتى شرطة هتوفر لبك الحماية

    فاعذرونى على سلبيتى وخوفى لان عندى عيال وعايز اربيهم وبس ومش ناقص مشاكل وكفاية الفقر اللى واحد عايشة ومش ناقص كمان قرف ومشاكل انا قلت بس احذركم وخلاص عشان تاخدوا حذركم ليكون بيتعمل فيكم ايصالات كهربا مطبوعة على الكمبيوتر ومزورة وتاخدو المقلب زى

  • #2
    انت راجل محترم
    وربنا هيعوضك خير و ياخد حقك اللي انت خايف تاخده
    [SIGPIC][/SIGPIC]
    Amr Gamal
    [COLOR=Blue][COLOR=Orange]Opel[/COLOR] [COLOR=Black]:[/COLOR] wir leben autos[/COLOR]

    Comment


    • #3
      بجد ربنا يبارك لحضرتك علشان التحذير للاعضاء

      بس ممكن الاعضاء هنا تفكر بطريقه غير مباشره منك انه يتم التبليغ عنه......سواء من شركة الكهرباء او غيرها......ومعاك ان يمكن مافيش فايده من اللي هايحصل ..بس ده يمكن يمنع ان ينصب علي اي حد تاني .....
      وربنا يبارك في حضرتك علي التحذير مره تانيه
      kkkkkk_kkkkkk سابقا

      Comment


      • #4
        جزاك لله خيرا على التحذير
        محمد مصطفى

        Comment


        • #5
          المشاركة الأصلية كتبت بواسطة karim_mohy مشاهدة المشاركة
          بجد ربنا يبارك لحضرتك علشان التحذير للاعضاء

          بس ممكن الاعضاء هنا تفكر بطريقه غير مباشره منك انه يتم التبليغ عنه......سواء من شركة الكهرباء او غيرها......ومعاك ان يمكن مافيش فايده من اللي هايحصل ..بس ده يمكن يمنع ان ينصب علي اي حد تاني .....
          وربنا يبارك في حضرتك علي التحذير مره تانيه

          مستحيل لو تم التبليغ عنة انة ما يعرف انى انا مش السبب المباشر لانة عارف كويس انى الوحيد المنطقة اللى فهمت اللعبة بتاعتة

          وللعلم اخى انا سامحتة وعفوت عنة لوجة الله مش عشانة بس عشان عرفت ان عندة عيال زى ورغم انة كان بيسرق من اكل عيالى ومرةة شاف دموع ف عينى وانامش قادر ادفع فاتورة كهربا

          بس خلاص الله يسهل طريقة

          اونا بحذر ناس ولسة هنشر الموضوع فى المنتديات عشان الناس الى بتشتكى من فاتورة الكهربا عالية تعرف ان ممكن يكون فى لعبة


          خصوصا ان المحصل بتاعى بيستغلل اشاعات ان الشرائح الكهربا مولعة بسبب غباء الحكومة وبيستغلوا دة كويس فى حبك النصبة

          Comment


          • #6
            اولا يا فندم انت معاك الفواتير المزورة - حضرتك تروح ببساطة تقدمها في الكهرباء والناس دي بتدقق في قصص الرشوة والحاجات دي كويس جدا فهيتعاملوا مع الموضوع بجدية علشان مايسرقش حد تاني

            ثانيا يا جماعة - سهل جدا نتأكد من صحة الفواتير بالتأكد مع كل فاتورة من قراءة العداد السابقة والحالية وتسلسلها مع قرائة العداد - بل وتقدر تبقى عارف فاتورتك القادمة هاتبىقى كام
            [LEFT][B][COLOR=#0000ff]Sh.. Shady<[/COLOR][/B][/LEFT]

            Comment


            • #7
              يا نهار اسود لو عندك اصل الفواتير بلغ عنه

              Comment


              • #8
                ازاي كان بيزور رقم الاستهلاك في العداد زي الفاتوره

                راجع دي ليكون كان بينصب علي شركته و بيقرا ارقام قليله و ياخد الفرق
                [CENTER]لا تترك صلاتك أبدا فهناك الملايين تحت القبور يتمنون لو تعود بهم الحياة ليسجدوا ولو سجدة[/CENTER]

                Comment


                • #9
                  بس ازاي هتثبت انه مزوز وانت معندكش اصلا الفواتير الأصليه ؟ وممكن بكل بساطه يقولك انا معرفكش وفواتيرك انت اخدتها واندفعت لانه عند الشركه هيبقي مسدد فعلا القيمه الاصليه اللي هي 60 جنيه

                  انت لو تقدر تشوف محامي او حد قريب ليك في النيابه يشوف انسب طريقه تجيبه ايه

                  اصل من كل واحد 300 جنيه ده يبقي مليونير ياباشا

                  يعني اللي يسرق لما يجي في 10 جنيه مثلا مش مهم لكن 300 جنيه كل شهر؟ ده ايجار شقه يعني

                  Comment


                  • #10
                    حضرتك لو راجعت الفواتير المزوره مش هتلاقي عليها - ختم الشركة -
                    الا لو كان متواطئ مع حد فى المكتب او بيستهبلهم وبيطبع فى الخفاء الايصلات المزوره
                    ودى هتبقي برضه خطأ من اللى معاه الختم

                    ثانيا فى الايصلات المزوره اكبد هتكون القراءات مش مضبوطه - فلازم تقارن بين اخر قراءة فعليه فى العداد و بين المسجل بشركة الكهرباء - عن طريق مراجعة الشركة او الدخول على النت برقم الحساب و الاستعلام عن الفاتوره

                    ثالثا السداد عن طريق شركة فورى بيدى لحضرتك ايصال صغير خالص القيمه احتفظ بيه وعلى فكرة رغم انى شغال فى الكهرباء بس فاتورتى مكانها مختلف فبدفع احيانان عن طريق شركة فورى ورسم الخدمة ثابت 2 جنيه بس الميزه تدفع صبح ليل اى وقت ومفيش محصل هيخبط عليك ولو خبط قول له انا بدفع عن طريق شركة فورى

                    رابعا المحصل المزور بيربط مع البواب علشان يحصل له الايصلات ولما يشذ واحد من المجموعه - اللى هو حضرتك - فالبواب هيتسائل ليه ؟ وعلشان كده هو هيربط معاه علشان ما يفتنش عليه

                    خامسا بسكوت بحضرتك عنه بيستمر فى خداع ناس تانيين
                    ربي لا تردني الي ارذل العمر- وردني اليك مردا جميلا . و توفني وانت راضي عني و عنا. برحمتك يا ارحم الراحمين

                    Comment


                    • #11
                      لا حول ولا قوة إلا باللة
                      ممكن تعمل لينا سكان على أي واحدة منهم ؟

                      Comment


                      • #12
                        لو قدرت تعمل فيه شكوى بالفواتير المزورة في مباحث الكهربا وفي إدارة توزيع الكهربا أو في الرقابة الإدارية
                        يبقى جزاك الله خير
                        وبسببك ناس كتير هتترحم من السرقة

                        ومتخافش
                        العمر واحد والرب واحد
                        وربنا هو اللي بيربينا وبيربي العيال
                        وبيرزقنا وبيرزق العيال
                        توكل على الله
                        وضع في قلبك نية إنك بتمنع الحرام
                        وروح إعمل المحضر

                        لكن السلبية وحشة في حقك

                        -
                        -
                        [I][B][SIZE=5]مهندس أحمد.[/SIZE][/B][/I][COLOR=#0000cd][SIZE=4] [SIZE=5][I][B][U]facebook.com/AHMED1981
                        [/U][/B][/I][/SIZE][/SIZE][/COLOR][SIZE=5][COLOR=#0000cd][FONT=arial][B][I][U]facebook.com/Engineering.car.gas[/U][/I][/B][/FONT][/COLOR][/SIZE]

                        Comment


                        • #13
                          حسبنا الله و نعم الوكيل
                          [CENTER]م/احمد وهبة
                          Software Developer
                          [/CENTER]

                          Comment


                          • #14
                            لازم تروح شركة الكهرباء و تبلغ طبعااااااااا السكوت دة هتظلم ناس كتير
                            ekrami سابقا

                            Comment


                            • #15
                              شكرا علي التحذير ؛ وربنا يعوض عليك ان شاء الله ومتسكتش وروح بلغ هو اللي روحه في ايدك وهو اللي مفروض يترعب منك مش العكس وشوف الجيران اكيد بينصب عليهم بردو ولما يعرفوا هيقفوا معاك المهم متسكتش عشان تجنب الناس من اللي عمله معاك


                              الموقع ده بتاع شركة الكهرباء وتقدروا تتاكدوا من فواتيركم

                              الأستعلام عن الفواتير
                              وتقبلوا تحياتي
                              [SIZE="6"][/SIZE][OVERLINE][FONT="Tahoma"][/FONT][/OVERLINE]{قل اللهم مالك الملك تؤتي الملك من تشاء وتنزع الملك ممن تشاء وتعز من شاء وتذل من تشاء بيدك الخير انك علي كل شئ قدير}

                              Comment

                              Working...
                              X