If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
إعـــــــلان
Collapse
.
,
See more
See less
احذروا محصل الكهرباء كان بيسرقنى 300 جنية كل شهر وشوفوا طريقة نصب ازاى
بدات قصتىى والماساةا مع فواتير الكهرباء الصيف الماضى وكانت فى صيف متوسط استهلاكى 90 الى 110 جنية مع تشغيل تكييف وبكل اجهزة الكهربائية الل فى البيت وفجاءة ودون سابق انذار فاتورة 360 !!! من 100 الى 360 جنية فى صيف !! راجعت رقم العداد كويس وكل شئ وما فى ا ىشئ غلط الفاتورة سليمة !!
وشهر وراء شهر اصبحت اقل فاتورة عندى 360 جنية كهرباء !!بعد ما كانت 100 جنية واقل
قلت الشتا جة وهترحم من التكييف والاستهلاك هيقل برضة مافيش فايدة !!! نفس القيمة العالية
كلمت المحصل قالى رقم العداد سليم والقراءة سليمة انت اللى استهلاكلك عالى قلتة طيب لية الفاتورة علت كدة مرة واحدة
قالى روح اسال الحكومة والاخوان وقعد بطبع يتكلم على ان الاخوان هما السبب فى زيادة الكهرباء وسبب فى خراب مصر وقعد يقول كلام من بتاع جبهة الانقاذ واحقاقا للحق ان لا لى فى سياسة ولا مع دول ولا دول بس الراجل طريقة كلامة على الحكومة ومرسى شككتنى فية جدا خصوصا انة بيحول الموضوع وبيتهرب الى شغل سياسة الى اخر الكلام المفهوم
المهم
قعدت اجرى ورا العيال فىالبيت اطفى النور وبقيت بقعد فى غرفة واحدة انا وكل الاسرة عشان نوفر وبرضة ما فيش فايدة الفاتورة هية هية فوق 360 جنية
اتجننت طبعا لان مرتبى 1300 جنية رغم انى طبيب بشرى ورب لاسرة من طفلين وكونى ادفع 360 جنبة شهريا معناة تلت مرتب فى النور فقط !!
المهم
وقبل صلاة الفجر دعوت ربنا انة يشوفلى حل فى مشكلة الكهربا واستجاب لى ربنا بطريقة غريبة جدا عشان يكشف لى المستور ولاقيت مراتى بتقولى فى محل دفع فورى لاى فاتورة صبح روح ادفع الكهرباء من خلالة من الصبح اول ما المحل اللى جنب البيت فتح ادايتة رقم الايصال الكهرباء قالى عليك 60 جنية فقط
قلتة حضرتك يمكن بتهزر وللا بتضحك ولا هتدفع فاتورة لواحد تانى
قالى لا عليك 60 روحت دفعت ال 60 وانا ببوس ايدة من كتر الفرحة وقلت يمكن الكهرباء او الفاتورة نزلت لاى سبب كان بسبب الترشيد فى الكهرباء اللى انا عملة فى البيت والجرى ورا العيال عشان نوفر كهربا
روحت تانى شهر ادفع كهرباء من خلال المحل الفورى قالى 62 جنية فقط !!!!!!!
ساعتها قلت لا دة انا كان بيتنصب عليا رسمى لازم اعرف سر الموضوع
المهم جمعت كل فواتير الكهرباء القديمة والجديدة واكتشتفت ان الافندى محصل الكهرباء بيطبع فواتير مزورة على النت بقيمة عالية جدا والاستهلاكات الكهرباء مش متناسقة مرة استهلاك كيلوات عالى جدا ومرة منخفض جدا وبيديهالك على رقم العداد بتاعك صح والفاتورة االاصلية بيحطها فى جيبة وبيروح هو ياخد فرق الايصال الكهربا االعالى القيمة المزرور المطبوع على الكمبيوتر فى جيبة وبعد كدة يروح يحاسب شركة الكهرباء بتاعتة على الايصال الاصلى المنخفض القيمة
المهم بحثت عنة فى كل حنة بيروحها واكتشفت ان مش كل العمارات اللى بيحصب الكهربا بيعمل فيها الحركات دى انما بيعملها فى عمارات معينة بس و لازم يكون البواب العمارة مساعدة وبيقسم معاة وبياكل معاة لية ولية الحكمة من دى مش عارف بصراحة !!
المهم طبعا هتثقولوا وهتسالة لية ما روحت بلغت عنة هقلكم
انا راجل غلبان وماشى جنب الحيطة و ومش ناقص شوية عيال صيع يطلعوا بيتى ينشنى غزة مطواة خصوصا ان الراجل اكيد مش بيسرق لوحدة ومعاة ناس معاة ومفيش لا امن ولا هباب ولا حتى شرطة هتوفر لبك الحماية
فاعذرونى على سلبيتى وخوفى لان عندى عيال وعايز اربيهم وبس ومش ناقص مشاكل وكفاية الفقر اللى واحد عايشة ومش ناقص كمان قرف ومشاكل انا قلت بس احذركم وخلاص عشان تاخدوا حذركم ليكون بيتعمل فيكم ايصالات كهربا مطبوعة على الكمبيوتر ومزورة وتاخدو المقلب زى
اولا : المحصل المفروض يمضى على الوصل
ثانيا: فى موقع مكتوب على الفاتورة بيبقى علية الفواتير بتاعتك(زى التليفونات كدة) وممكن تدخل انت القراية
ثالثا: فى حاجة اسمها تشريح للوصل ..دة لما يجيلك كذا وصل بقرايات قليلة وينزلك التراكمات كلها
فى وصل واحد فا بتتحاسب على الشرايح الاعلى...بتروح الحسابات تعمل طلب تشريح (من غير رسوم) يرجعو يقسموا الوصل العالى على اللى قبلة وبتفرق كتير
لازم تروح تبلغ وتعمل محضر رسمي ومتقولش اعذروني عشان سلبيتي وانا سامحته عشان هو عنده عيال, ماكل الحراميه والقتله والنصابين عندهم عيال ده مش سبب اننا نسامحهم, والساكت على الحق شيطان اخرس, كده حضرتك بتفتحله الباب انه يسرق بقية عمره والناس اللي هاتتسرق دي في ايدك ان تمنع سرقتهم
استمتعت واستفدت من قرأة الموضوع
بس احب اضيف العيب مش فينا كمواطنين صالحين العيييييب في نظام شركات الكهربا ... وشرائح ومش شرائح ويخلوك تتلخبط. لدرجة متعرفش تحسب استهلاكك ... ومش عاوز اقولك شقتين. مثلاً شقة في حي شعبي وشقة في حي راقي تلاقي الي في الحي الشعبي مشغل كهربه وتلاجات وفريزرات لانها بالاساس مخزن لحوم وفيها كمية اجهزة عالية وتجيلها فاتورة الكهربا ٦٠ جنية
وشقه في حي راقي. وتجيلك الفاتورة ب ٢٥٠ جنية رغم انك طافي كل الاجهزة بس لو سئلت عن السبب يقولك. مش عندك تكييف تقولوا اه يقولك مش عندك سخان كهربا. تقولوا اااه في سخان وفي تلاجة وفي مايكريويف كمان بس صاحب الشقه قافلها ومسافر بقالوا سنتين. ... يقلك لا يمكن دي اقساط قديمة هههه المهم مش هتعرف تاخود منهم حق ولا باطل. لاننا مع الاسف مش بنتاعمل مع شركة كهربا محترمة احنا بنتعامل مع شوية صيع ( طبعاً مش كلهم في محترمين كتير وبيراعوا ضميرهم )
بس في اكتوبر هنا كل ما اسئل فين المحصل القديم اتغير ليه يقولوا اصلوا متحول للتحقيق ! وتحياتي
[SIGPIC][/SIGPIC]
[SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]
[QUOTE=Y a r i s;3874951459] استمتعت واستفدت من قرأة الموضوع
بس احب اضيف العيب مش فينا كمواطنين صالحين العيييييب في نظام شركات الكهربا ... وشرائح ومش شرائح ويخلوك تتلخبط. لدرجة متعرفش تحسب استهلاكك ... ومش عاوز اقولك شقتين. مثلاً شقة في حي شعبي وشقة في حي راقي تلاقي الي في الحي الشعبي مشغل كهربه وتلاجات وفريزرات لانها بالاساس مخزن لحوم وفيها كمية اجهزة عالية وتجيلها فاتورة الكهربا ٦٠ جنية
وشقه في حي راقي. وتجيلك الفاتورة ب ٢٥٠ جنية رغم انك طافي كل الاجهزة بس لو سئلت عن السبب يقولك. مش عندك تكييف تقولوا اه يقولك مش عندك سخان كهربا. تقولوا اااه في سخان وفي تلاجة وفي مايكريويف كمان بس صاحب الشقه قافلها ومسافر بقالوا سنتين. ... يقلك لا يمكن دي اقساط قديمة هههه المهم مش هتعرف تاخود منهم حق ولا باطل. لاننا مع الاسف مش بنتاعمل مع شركة كهربا محترمة احنا بنتعامل مع شوية صيع ( طبعاً مش كلهم في محترمين كتير وبيراعوا ضميرهم )
بس في اكتوبر هنا كل ما اسئل فين المحصل القديم اتغير ليه يقولوا اصلوا متحول للتحقيق ! وتحياتي [/QUOT
العبره بتسجيل القراءة فعلى او وهمى
ويمكن التاكد من مقارنة الايصال بالعداد
اما سعر شريحة الكهرباء فهو نظام موحد على مستوى الجمهوريه
ربي لا تردني الي ارذل العمر- وردني اليك مردا جميلا . و توفني وانت راضي عني و عنا. برحمتك يا ارحم الراحمين
لا واللهي يا ابو كوكو
الموضوع في لعب من تحت لتحت ... هقولك ازاي. ... يعني ممكن. المحصل. يغيب او ميعديش شهر ويجيلك الشهر الي بعدوا ويقلك اصل نزلناها اقساط. .... وحتى قرايت العداد. مرات. يقولك لا لسه اصل القراية الحالية دي هتنزل الشهر الي بعدوا ... انا واللهي وكلمة. احاسب عليها يوم الدين مفتش كهربا صديق قالي بعظمت لسانوا (( ان كان في عجز في شركة الكهربا نتيجة سرقت التيار )) فشركة الكهربا علشان تسدد هذا العجز. بتقوم من غير ما يحس المواطن بترمي على كل فاتورة جنية او اتنين جنية علشان يقدروا يحلوا. هذا العجز .
المصيبة مش في تحملنا احنا عجز شركة الكهربا. او في سرقة المحصليين المشكلة. نظام. محاسبة شركة الكهربا نظام فاشل وشرائح ويتوهوك معاهم علشان يقرطسوا الواحد في الفلوس. ... وفي نفس ذات الوقت انا اهو وانتا اهو تعاله اكتوبر قدام مسجد الحصري شوف كام بترينة مفتوحة وكل واحد واخد وصلة كهربا من عمود النور وشغال الله ينور . وشركة الكهربا نايمة في العسل .
ده حتى. قدام نادي سته اكتوبر في عربيات النص نقل الي بتبيع بطيخ واخد ابن اللزينة وصلة كهربا وعايش حياتوا عادي فين مفتشين الكهربا. فين مباحث الكهربا. تحس انهم مع الثورة فص ملح ودابوا وفي النهاية يحملوا سرقة التيار على المواطنين ويسرقوا من الناس ومن مرتباتهم
ولسه في ناس. في شوققها. عاملين (( كومتره )) وفي منهم الي بينيم عدادات الكهربا. بالليل علشان العداد يبطل يلف. وفي منهم الي بيستخدم المغناطيس وفي منهم الي بيستخدم طريقة الابرة. وملالالالاين بتخسرها الدولة. وبتتسرق من البلد فالدولة تعوض العجز ده مننا ااحنا ... وعارف لو اتصلت بالبلوليس ولا النجدة ابلغ. ان واحد سارق تيار مفيش حد هيتحرك
[SIGPIC][/SIGPIC]
[SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]
المفروض يلغو موضوع المحصل ده. زي كل البلاد المحترمة وتنحصر وظيفته في قراءة العداد فقط والتي في بعض البلاد المتقدمة تتم بشكل إلكتروني أيضاً وتظهر الفاتورة على الإنترنت
والدفع يكون على النت
لا واللهي يا ابو كوكو الموضوع في لعب من تحت لتحت ... هقولك ازاي. ... يعني ممكن. المحصل. يغيب او ميعديش شهر ويجيلك الشهر الي بعدوا ويقلك اصل نزلناها اقساط. .... وحتى قرايت العداد. مرات. يقولك لا لسه اصل القراية الحالية دي هتنزل الشهر الي بعدوا ... انا واللهي وكلمة. احاسب عليها يوم الدين مفتش كهربا صديق قالي بعظمت لسانوا (( ان كان في عجز في شركة الكهربا نتيجة سرقت التيار )) فشركة الكهربا علشان تسدد هذا العجز. بتقوم من غير ما يحس المواطن بترمي على كل فاتورة جنية او اتنين جنية علشان يقدروا يحلوا. هذا العجز .
المصيبة مش في تحملنا احنا عجز شركة الكهربا. او في سرقة المحصليين المشكلة. نظام. محاسبة شركة الكهربا نظام فاشل وشرائح ويتوهوك معاهم علشان يقرطسوا الواحد في الفلوس. ... وفي نفس ذات الوقت انا اهو وانتا اهو تعاله اكتوبر قدام مسجد الحصري شوف كام بترينة مفتوحة وكل واحد واخد وصلة كهربا من عمود النور وشغال الله ينور . وشركة الكهربا نايمة في العسل .
ده حتى. قدام نادي سته اكتوبر في عربيات النص نقل الي بتبيع بطيخ واخد ابن اللزينة وصلة كهربا وعايش حياتوا عادي فين مفتشين الكهربا. فين مباحث الكهربا. تحس انهم مع الثورة فص ملح ودابوا وفي النهاية يحملوا سرقة التيار على المواطنين ويسرقوا من الناس ومن مرتباتهم
ولسه في ناس. في شوققها. عاملين (( كومتره )) وفي منهم الي بينيم عدادات الكهربا. بالليل علشان العداد يبطل يلف. وفي منهم الي بيستخدم المغناطيس وفي منهم الي بيستخدم طريقة الابرة. وملالالالاين بتخسرها الدولة. وبتتسرق من البلد فالدولة تعوض العجز ده مننا ااحنا ... وعارف لو اتصلت بالبلوليس ولا النجدة ابلغ. ان واحد سارق تيار مفيش حد هيتحرك
اولا ما شاء الله عليك وعلى ذكائك اخى
هو فعلا كان بيعمل كدة يغيب شهرين ويقلى ابسط يا عم انا خليتها ليك اقساط عشان ظروفك المادية !!! وكان بيضحك عليا ويخلينى اعتقد انة بيخدمنى ويمشى وهو بيسب ويلعن فى الحكومة وكلمتين من بتوع شعارات جبهة الانقاذ والبردعى عشان يقلى السبب فى زيادة الكهربا
وبعدها يضرب ضربتة ويجيب الوصل الكهربا وساعتها لا هتعرف تقراء استهلاكك الشهرىبطريقة منتظمة وهيلخبطك بحكاية الاقساط الشهرية وما تقدر تمسك علية حاجةوهو دة اللى اخرنى انى افهم الفولة وازاى الافندى كان بيسرقنى !!
واللى انا متاكد منة انة فى الارشيف االشركة ولوصولات الكهرباء فى حد معاة عشان لو روحت اشتكيت علية يكون موضب حالة ومجهز نفسة وورقة سليم !!!
يا دكتور حرام تسيب واحد زي ده طليق يسرق في الناس
بلغ شرطة الكهرباء و يعملوا له كمين و هوه جايبلك الفاتورة المضروبة
مهو عشان انا دكتور كان فكرنى غنى وفاتح عيادة والكشف ب 4 خمسين جنية
ميعرفش اللى فيها وان مرتبى 1300 جنية من الحكومة
ودة اللى خلاة يشتغل عليا اكتر حتى من الجيران فى سرقة رغم انى كنت بتوسل الية يشوفلى حل فى الفاتورة العالبية دى وشاف دموعى مرة وهى بتنزل بسبب العجر عن سداد الفاتورة
عليك وعلى النيابه الاداريه. أوعى تشتكي في الكهربا عشان الفساد دايما عصابات مفيش موظف بيسرق لوحده فهتلاقي زمايله ويمكن مديره في الغالب بيقسم معاه وشكوتك هتترمي في الزباله. هتروح النيابه الاداريه تعمل محضر وتأكد انهم هيهتمو وموضوع زي ده هيتحول للمباحث وممكن يعملو تحريات من معظم المستهلكين اللي بيتعامل معاهم المحصل ده من غير ما يحس ويظبطوله المهموز على الهادي لحد ما ييجي وقت وينفخوه. اعمل اللي عليك وسيب دور غيرك عليه وميصعبش عليك عياله عشان هوه دبحك بدون رحمه ومترددش لحظه انه يسرق رزقك ورزق عيالك بدم بارد.
روح النيابه الاداريه وهما هيقولولك تعمل ايه وممكن تكون اسبب في الكشف عن عصابه تزوير ونصب كبيره في الكهربا وترحم الناس من شرورهم وربنا يجازيك خير عن عملك ان شاء الله.
وده موقع عام لكل شركات الكهربا في مصر كلها تستعلم منهم عن فاتورك كل شهر
Comment