الشرطة..ولكن

[A7MED_PHARMA]

السلام عليكم

مقطوع انا من النت من زماااااان

بقالي يمكن شهرين...مش فاكر

المهم

قصةحصلت من حوالي شهـــر...اصحابي القريبين اوي عرفوها

وتستاهل احكيهالكم

.

العربية كانت واخدة اخر بطانة..وداخلة الفرن تاني يوم

مروح من الصيدلية..كانت الساعة 12 تقريبا

الطريق فااااضي...وأنا بعد أفلام الأكشن الي حصلت معايا قبل كده

بجرررررررري بالليل وبمشي بمبدأ..محدش بالليل يعديني

بجـــــري

عديت من جمب دورية راكنة...بوكس&تيجـــو

راكنين قدام بعض جمب كافتيريا.....على التراب جمب الاسفلت..يعني تقريبا مايبانوش للي معدي

عديت من جبهم بســرعـــة..عاادي

بعد اتنين تلاتة كيلو..مهدي عند مطب في منطقة ضلمة

ألاقي عربية(جيب)بتاكل المطب الي انا لسه كنت بعديه بالراحة..وتعرض قدامي

وألاقي مدافع كلاشنكوف نازلة

""انزل يابن الوســـ...إنزل ""

زي ماللغة العربية بتوصف الموقف..وأسقط في يدي

العربية الجيب قدامي..ونازل منها مسلحين وماسكين الالي مصوبينه عليا

لقيت الباب بيتفتح ..ولقيت نفسي بتسحب بره العربية

وبترمي على كبوت عربيتي على وشي..وإيد هجميه بتفتش جيوبي

بطاقتك يابن الوســ

شرطــــة

سوء تفاهم وهيروح..لأني كنت شايل اللوحات..علشان العربية هتترش الصبح

ده الي جه في بالي

ثواني..والبوكس وصل

ياجماعه..انا دكتور..عيب الي بتعملوه

أمين شرطة هلف..بيقولي اسكت يالا..جه الظابط يتكلم

بيقولي بتجري من الكمين ليه؟

قولتله كمين ايه يا(كابتن)..مكنش فيه كمين..

يقوم الهلف يقولي انت بتكلم رئيس مباحث ميت غمر يالا

والحق يقال

انا كنت واقف مش ماسك أعصابي من الدخلة الي عملوها عليا

والي يعرفني من الشباب هنا..يعرف اني احيانا بتلعثم..احيانا اه واحيانا لا..دي طريقة كلامي

ساعتها كانت طالبة معاهم..أني شارب حاجة

أفهم الكائنات دي..ان دي طريقة كلامي الطبيعيه..فما بالكم بالتثبيته الي اتعملت عليا دي

ماقولكوش منظري

وأنا مرمي ووشي على كبوت العربية..ميني باص معدي وقف يتفرج

والناس تبص عليا وكأني حرامي

.الموقف انتهى طبعا..بدون ادنىاعتذار منهم

خلاصة الموقف

الشرطة الجميلة ماتغيرتش

ومحدش يقولي عندهم حق في الي عملوه

كأجراء أولي..كان يطلبو مني اثبات شخصية باسلوب محترم

وحسبي الله ونعم الوكيل

[SHNORY]

بص يا احمد حنقول تاني ان الصح صح والغلط غلط
تخيل انت كده عربيه بتجري ومعليهاش نمر
وعدت من كمين
ايه حيكون رد فعل الكمين ؟
وربنا قدر وسلم انهم مضربوش عليك نار

[nona_yaris]

يا دكتور احمد اللي مايعرفك يجهلك
لكن انت ماشي بعربية بدون لوحات الساعة 12 بالليل وبسرعة
اكيد ح يشكو فيك
اعتقد انهم كانو منتظرين انك ح تضرب عليهم نار علشان كدة كانو متحفزين

واسلوب الشرطة غير ودي . دي طبيعة الشرطة في مصر
واتعتقد ان الجميع شاف لما الشرطة بقت ودية الناس اتفرعنت ازاي
الحمد لله ان الامور عدت بسلام

[A7MED_PHARMA]

يارجالة..مكنش كمين
هما المفروض دوريةبتلف على الطريق..كانو راكنين على الكافتيريا بدل مايلفو على الطريق
دي حاجة..الحاجة التانية
وقفوني..تمام
يشوفو ورقي..وهما شافو صالون العربية مفكوك وفرش الابواب مفكوك...وشافو البطانة على العربية..والسنفرة
ده مايديهمش الحق يشتموني بأبن الوســـ....طول ماهما كانو واقفين
وخصوصا بعد ماشافو بطاقتي..وكارنيه النقابة
وانا مش واخد مطوة في وشي..ولا شكلي سوابق علشان يتعمل معايا كده


اشتبهو فيا
يوقفوني
ويشوفو ورقي وورق العربية..مالقوش معيا ورق..يعملو الي هما عاوزينه

[mr_vampire]

ههههههههههههه حبيبي يافارما. كويس انهم مضربوش عليك نار.

فكرتني بموقف مشابه بس كان قبل الثورة كنت بعربية الحاج وماشي بسرعة شوية وعربية نقل بمقطورة واقفة بعدي من جنبها لقيت واحد طالعلي بسلاح من ادامها بالظبط ( بصراحة كنت رايح اجيبه تحت العجل بامانة يعني ) بس علي اخر لحظة لمحت بوكس فقمت عدلتها وضربت فرامل زحــــــــــــــــــف ووقفت لقيت ييجي اربعة محاوطين العربية واجزاء بتتشد قومت نازل رافع ايدي لفوق ( ولو كان معايا راية بيضا كنت رفعتها هههههههههههه )

نزلت الاقي اربع حيطان بيقولولي انتا ماشي بسرعة وكمان بتكسر كمين . قومت قولتله وكنت هموتك كمان علي فكرة.

لاقيت ظابط كدة بيكي بيكي بيقولي ايه ياكابتن اللي بتعمله ده. قولتله ايه يافندم اللي انتو بتعملوه ده كمين ده ولا بتلعبو استغماية .. دنيا ضلمة وبوكس مطفي نوره وراجل طالعلي بسلاح من ورا المقطورة... المفروض انا كنت اعمل ايه ؟؟؟؟ قولتله انا كنت بصراحة داخل فابو سلاح ده لولا اني لمحت البوكس علي اخر لحظة.

قام بص للحيطة اللي كان طالع من ورا المقطورة وقاله اتكتبلك عمر جديد يابن المحظوظة واعدنا نضحك شوية. وقولتله امال فين الانوار والحركات اللي بنشوفها فالافلام وبتخلي الحرامية تهرب ولا البطارية بتاعة الاشارات عايزة تتغير. صاحبي انهار ضحك.

قالي كلمة زيادة هتيجي معانا انتا وصاحبك ابو ضحكة جنان ده وتكملو سهرتكو معانا فالقسم ههههههههههه.

قالي ياخسارة شكلكو ميديش علي سوابق. اتفضلو بس لو اتقابلنا تاني لاززززززززززززم نسهر سوا فالقسم.

[M7amD_7amDy]

ولا هيتغيروا

اللى بيزرع زرعة فاسدة بيحصد ثمرة فاسدة

ودول مزروع فيهم الفساد وهما لسه عيال وبيعملوا لامؤاخذة بى بى

الا من رحم ربى عشان مكونش بجمع

[besso]

هايفضلوا طول عمرهم كده طالما شاييفنا اقل منهم وهما اسيادنا
وطالما هما بيتعلموا كده فى الكليه ام 50%
الله يسامحه اللى كان السبب

[besso]

هايفضلوا طول عمرهم كده طالما شاييفنا اقل منهم وهما اسيادنا
وطالما هما بيتعلموا كده فى الكليه ام 50%
الله يسامحه اللى كان السبب

[S O P H O S]

الطبع يغلب التطبع

[bmya]

حمد الله على السلامه يا احمد
بص انا عارف اللي انت بتحكيه ده لاني كل يوم بروح الزقازيق بليل على 12 برده وفعلا بيكونوا كتير راكنين عند الكافتيريا العربيه التيجو المخبوطه وبوكس بس وانا كمان بعمل زيك بطير ومبقفش غير على المطبات فقط هما اكيد افتكروا العربيه مسروقه خصوصا انها من غير نمر وشكلها متبهدل ممكن افتكروك حرامي او صنايعي سارق عربيه وهبت منهم عليك لكن للامانه انا بعدي كل يوم على كمين ام الزين واحيانا بيشوفوا الرخص بكل أدب وبرده في كمين في مدخل الزقازيق قبل موقف المنصوره برده محترمين لسه شايف الرخص من يومين ورخصتي بتاعت السواقه خلصانه اصلا وعلق عليها بكل ادب بصراحه

اللي حصل معاك ده كان بسبب ان مفيش نمر والعربيه شكلها كان مشبوه وقتها :)
لكن معلش لو فرضنا ان الموقف ده حصل مع وع واحد تاني وطلع حرامي ولا بلطجي مش كنا هنفرح انه اتمسك لكن هل لو كنت انت معلق نمرك وعربيتك مرشوشه ومظطبه كان هيحصل كده اكيد لاءه لان انا بعدي كل يوم على نفس المكان ونفس الكمين وعادي

[AHMED12345678]

يارجالة..مكنش كمين
هما المفروض دوريةبتلف على الطريق..كانو راكنين على الكافتيريا بدل مايلفو على الطريق
دي حاجة..الحاجة التانية
وقفوني..تمام
يشوفو ورقي..وهما شافو صالون العربية مفكوك وفرش الابواب مفكوك...وشافو البطانة على العربية..والسنفرة
ده مايديهمش الحق يشتموني بأبن الوســـ....طول ماهما كانو واقفين
وخصوصا بعد ماشافو بطاقتي..وكارنيه النقابة
وانا مش واخد مطوة في وشي..ولا شكلي سوابق علشان يتعمل معايا كده


اشتبهو فيا
يوقفوني
ويشوفو ورقي وورق العربية..مالقوش معيا ورق..يعملو الي هما عاوزينه

شوف يا دكتور هما عندهم جق فى الى عملوة علشان سرعتك وحالة العربية
لكن لكن لكن
هما حرجوا عن النص لما واصلوا السب بعد ما شافوا بطاقتك وكارنية النقابة وكان لازم يتكلموا بادب ساعتها
نصيحتى لك ان حضرتك تقدم شكوى ضد رئيس مباحث ميت غمر عند مفتش الداخلية بالمديرية
لغاية على الاقل ميعتذرولك
وتعمل محضر بنيابة ميت غمر ضد رئيس المباحث
ولا تسكت عن حقك ابدا
بس تكون خلصت رش العربية وركبت النمر علشان لو طلب فحص السيارة ميعرفوش يمسكوا عليك حاجة

[د.أبونضال]

حمد الله على السلامه .. هما أكيد قالوا دي قضية مضمونة مية في المية .. إما عربية مسروقة أو مخدرات وسلاح وفي كل الأحوال هيطلعوا في نشرة تسعة... أما طولة اللسان فمالهمش عذر فيها الحقيقة

[A.Saad]

بعد ما انتبهوا وقاموا من الكافيتيريا
عيب اوى المعاملة معاك ومنتهى التخلف والغباء
ياريت يا احمد تقدم شكوى فيهم

[hussein]

اللى الشرطة عملته اعتقد انه صحيح واتعمل بطريقة احترافية بتدينى امل ان الشرطة لسه فيها امل
الشرطه فى العالم كله لازم يكون لها هيبه والمواطنين يحترموها ويحترمو عملها و يحرصو على انهم مايعملوش عمل يوقعهم تحت طائلة القانون
والفيديو دا ناس كتير شافته فيكو على تعامل الشرطه فى امريكا مع مواطن راكب فيرارى فى عز الضهر وعربيته راكنه مش عربيه معلهاش نمر و متمعجنه وطايرة الساعة 12 بليل
https://www.youtube.com/watch?v=3lKwkn6JT74
عموما حمد الله على السلامة وربنا يستر طريقنا كلنا

[abogogo]

شوف يا دكتور هما عندهم حق فى الى عملوة علشان سرعتك وحالة العربية
لكن لكن لكن
هما حرجوا عن النص لما واصلوا السب بعد ما شافوا بطاقتك وكارنية النقابة وكان لازم يتكلموا بادب ساعتها
نصيحتى لك ان حضرتك تقدم شكوى ضد رئيس مباحث ميت غمر عند مفتش الداخلية بالمديرية
لغاية على الاقل ميعتذرولك
وتعمل محضر بنيابة ميت غمر ضد رئيس المباحث
ولا تسكت عن حقك ابدا
بس تكون خلصت رش العربية وركبت النمر علشان لو طلب فحص السيارة ميعرفوش يمسكوا عليك حاجة