الشرطة..ولكن

[A7MED_PHARMA]

شكرا للتفاعل يارجالة
أنا ماعنديش أي إعتراض على إنهم عملو فيلم أكشن..ورفعو عليا السلاح علشان يوقفوني
لحدهنا مفيش مشكلة خالص..دي حاجة تفرحني جدا
إنما اول ماينزلو...يسحبوني بره العربية من غير حتى مايشوفو ورق العربية والرخص والبطاقة
ويرموني على الكبوت زي المجرمين
ويفتحو وصلة من السباب في حضور الظابط (المحترم)إلي أمين الشرطة عرفه علىإنه(رئيس مباحث)...
وحتى لما شافو بطاقتي..ورخص العربية..وكارنيه النقابة..وقلبوني في ادوية كانت في العربية..
وعملو عليا فيلم وسخ

يارجالة تخيلو نفسكم مكان الظابط مثلا
عربيةبتجري من غير نمر..وقفتها
لقيت فيها راجل شكله ابن ناس..واللوحات بتاعت العربية محطوطة على التابلوه..والعربية باين عليها ان فيها شغل دهان وسمكره..وشوفت بطاقة الراجل لقيته صيدلي..وشكله محترم
هتعمل معاه الفيلم الوسخ ده..وتخلي امين شرطة مايسواش جزمة مقطوعة...يعمل معاه كده؟

[Sehsss]

حلال اللي بيتعمل فيهم اليومين دول والله، وفعلا ما فيش أدنى اعتراض على طريقة التوقيف، ولكن الاعتراض بيبقى على قلة أدبهم، صحيح عمرهم ما هاينضفوا

[tarekmomo]

يا جماعة ازاى عندهم حق دة راجل دكتور محترم المفروض يوقفوة ويسالوة عن اثبات شخصيتة وورق العربية وبعد كدة بحددو ازاى يتعملو معاة

[bmya]

هو فعلا طريقه تعاملهم كانت زباله اوي معاك بس هما نيتهم كانت خير :)
لكن استمرارهم في التعدي عليك بعد معرفه شخصيتك دي مكنتش تسكت عليها طبعا

[besso]

حتى لو كان الشخص اللى بيوقفقوه مجرم ده مايديهمش الحق انهم يعاملوه بالاهانه دى
مش علشان مجرم يتهان ويتضرب ويتشتم
فيه قانون ياخدو بيه حقهم

وبعدين كمين و قاعدين على الكافيتريا ازاى يعنى

[bmya]

هما للامانه مش بيعدوا على طول هما بيلفوا شويه ويريحوا شويه