واتخبطت العربية بس مين فينا الغلطان ؟

[MuhamedNabil]

هو مهمل و غلطان و انت اتسرعت و مديتش الملف حقه :)
المشكلة ان الناس دى مبتتعلمش غير لما يتعلم عليهم و يكعوا شوية فلوس محترمين بيعرفوا سعتها معنى احترام الطريق و فى منهم نوع مفيش حاجة بتعله للاسف
نا سعات بمسك نفسى بالعافية عن الناس دى.

طيب تعمل ايه لو انت واقف فى الاشارة لوحدك اكتر من دقيقة و نص كدة و معاك زوجتك و المولود الجديد و الشارع وراك فاضى اصلا و لقيت عربية خبطتك من ورة. عادى قضاء و قدر

بس لما تنزل تلاقى السايق و الجنبه ينتين و بيضحكوا و ولا هممهم و لا حتى فكرت تعتذر و لو حتى باشارة باليد. احساسك ايه
انا بسراحة كنت ناوى ارجع بضهرى اجبلها وش العربية يكمن الفت نظرها لولا ان تملكت نفسى فى اخر لحظة

[المنسي]

انا أسف اذا كان الكلام بدا سياسياً ولكن من وجهه نظرى هذه جذور الموقف الذى تعرض له الاستاذ كريم كاجابه عن سؤاله وعلى الاقل علشان نعرف حل لمشاكلنا لا زم الاول نفهم أسبابها الحقيقية والاستاذ كريم بيسال فى الموضوع مين الغلطان يعنى بيحاول يدرس الموقف علشان يحاسب نفسه وده مثال الصدق والاخلاص مع النفس

اعتذر لك مرة أخرى بصدق أخى الكريم إذا كان كلامي ازعجك

الكلام مضايقنيش ولا حاجة بس احنا بقى ده العادى بتاع الشعب المصرى زى اللى راكن عربيته فى ملف وعارف ان ممكن حد يخبطهاله ويوقلك انا مش هتاخر وراجع والله انا بلاقى كتير كده ........... انها سلوكيات شعب

[Dr/ P.K.Sh]

قدر الله و ما شاء فعل
عوضك على الله

[casperinoo]

انت طبعا ياريس ..
وكان الاحسن تسيب رقمك علي العربيه..

[zangry]

حضرتك مش غلطان يا استاذ كريم !! هو اللى راكن غلط ولكن المفروض كنت حضرتك تاخد بالك شوية وانت بتعدي مش اكتر لكن الخطأ الاساسي كان على الباشا اللى راكن !

[drmsadek1979]

طبعا انت الغلطان بنسبة اكبر

[aboamina]

اي حد يخبط عربية راكنة ايا كان مكانها هو اللي غلطان .

[AHMED_DINAMO]

قدر الله ما شاء فعل رأيى متهتمش مين ال غلطان ال حصل حصل المهم انت بخير وابئا طمنى عملت ايه فى العربيه

[Terrible_DaRsH]

افهم من الناس اللى بتغلط اللى ماشي

انى اضيق الطريق واسده واطلع انام واللى يلبس يلبس ؟

ده اسمه احترام ؟؟!

[Mostafa Hessen]

الحمد لله على كل حال
وربنا يجعلها بسيطه
والغلط اكيد نسبى جزء كبير على الأخ اللى راكن بشكل ده وجزء منك بسيط انك بتلف بعشم ومش مدى خوانه
ربنا يكفيك شر الطريق
والحمد لله

[م/مصطفى محمود]

من وجهة نظري ، حضرتك الغلطان كسواقة بس مش مطالب بتعويض وهو يستاهل

حضرتك اللى سايق ، ولو هو كان مهدي لظروف أو لحد بيعدي امامه مكنشي واقف كنت هتخبطة برضوا إذن حضرتك الغلطان علشان لم تنتبة

وهو طبعا يستاهل يحصل فية أكتر من كده لأنه شخص مش مسؤول ومعندوش إحساس بالمسؤولية تجاه الشارع وأناني ولم يراعي حق غيرة فى انه يمشي مرتاح ، وتسبب فى ضرر ليك

أنا والله أوقات بيوسوسلي الشيطان اني اخبط الناس اللى بتركن صف تاني وتالت وتعطل نهر الطريق بس بستعيذ بالله من الشيطان

فأنا شايف ان حضرتك تركز فى عربيتك وربنا يعوض عليك ويهدي الراجل اللى راكن غلط

وربنا يتوب علينا من توتر السواقة اللى هيجيب اجلنا

[Mostafa.Ismail]

انا رأى انة هو اللى غلطان والمفروض يعوضك كمان مرتين 1) علشان تسبب فى تلفيات للغير بسبب اهمالة 2) انا بعتبر دة نوع من انواع الارهاب لانك ماشى مطمئن وخارج من الملف وهو تسبب فى ارهابك لما عربيتك اتخبطت والصح انك تبص شمال طبعا ودة زى اللى جاى عكس فى وشك بالظبط.

انت بقى لو غلطان يبقى غلطان فى حق نفسك فقط علشان اللى يسوق فى شوارع مصر لازم يفكر زى الناس اللى ماشية فى الشارع معاة ويتوقع اقصى درجات الخطا :) .... انا بهزر طبعا وفداك.

[Mostafa.Ismail]

افهم من الناس اللى بتغلط اللى ماشي

انى اضيق الطريق واسده واطلع انام واللى يلبس يلبس ؟

ده اسمه احترام ؟؟!

+1

[youssef_u]

هو اللي غلطان ازاي واحد راكن في ملف و مش محضن جنب الرصيف كمان على الرغم من انه ممنوع في كل الحالات و يبقا مش غلطان؟ لو كان الكلام ده في الخليج كنت كلمت الشرطه تيجي تشيل عربيته بالونش و تخليه يصلحلك عربيتك كمان..

[Mostafa.Ismail]

هو اللي غلطان ازاي واحد راكن في ملف و مش محضن جنب الرصيف كمان على الرغم من انه ممنوع في كل الحالات و يبقا مش غلطان؟ لو كان الكلام ده في الخليج كنت كلمت الشرطه تيجي تشيل عربيته بالونش و تخليه يصلحلك عربيتك كمان..

حط نقطة ولا فاصلة بعد "غلطان" يا يوسف :)