طلباتكم لمراجعة التابلت المصرى اينار Innar Tablet Review

[Ahmed_Adham]

انطباعي المبدئي عنه انه ممتاز جدا كقيمه مقابل السعر ويتبقى فقط اختبار اعتماديته وانه يكون معمر دون عيوب صناعه.

[bmya]

يعني هو مش هيبقى فيه شريحه واجراء مكالمات ولا مجرد نت فقط

[amrrashed]

يارب يكون كويس بس البطارية فى رأيى هى العيب الكبير ... 4 ساعات شغل مقابل 5 ساعات شحن ... وعلى فكرة مش هو اول تابلت مكتوب عليه صنع فى مصر ... سبقه مجموعة الخرافى بتابلت اسمه telefunken بس بامكانيات اقل بس السياسة الاعلامية هنقول ايه ...

[m_elkhishin]

يارب يكون كويس بس البطارية فى رأيى هى العيب الكبير ... 4 ساعات شغل مقابل 5 ساعات شحن ... وعلى فكرة مش هو اول تابلت مكتوب عليه صنع فى مصر ... سبقه مجموعة الخرافى بتابلت اسمه telefunken بس بامكانيات اقل بس السياسة الاعلامية هنقول ايه ...

ويا ترى تليفونكن كانت ال mother board مصنعة في مصر؟ ام كانت جاية جاهزة من الصين؟؟

انا اشتغلت اول ما اتخرجت من 10 سنين مهندس في شركة تصنيع الكترونيات. كانت بتجمع تليفزيونات. بدون مبالغة التليفزيون مصنع 100% في الصين.

العامل كل اللي بيعمله يربط البوردة بمساميرها في الشاسية ويوصلها بالشاشة.
حد يسال طب ايه الهدف من انشاء مصنع بالشكل ده؟؟

1- اعفاء ضريبي
2- بدل ما تدفع 40% جمارك + 15% ضريبة مبيعات بتدفع 5% جمارك فقط لانها بتتحسب مكونات انتاج.
3- التليفزيون المصري حيتباع بسعر اغلى من الصيني

[Ahmed_Adham]

خبر جديد و حصري :
استكمالا لوعود الانتاج الحربي بتوفير منتج افضل دائما يفى بمتطلبات المستخدم
تم تاجيل طرح التابلت اينار للبيع يوم الاربعاء القادم الموافق 15 مايو و سيتم بدأ تسليم اولى الدفعات الخاصة بوزارة التعليم العالي و استكمال طلبات وزارة الاتصالات ، حيث أن العدد المطلوب من كلتا الوزارتين يفوق العشرة الاف تابلت ,و لقد تقرر طرح الاصدار الثاني من اينار للبيع قريبا حيث يحتوي دعم تكنولوجيا الـ 3G كاملا و يقبل شريحة SIM داخلية و يحتوي علي بلو توث و تم ترقية الكامرتين لتصبح الامامية 2 ميجا بيكسل و الخلفية 5 ميجا بيكسل على ان يتم طرحه للبيع قريبا جدا

http://www.facebook.com/INARtheTablet

[amrrashed]

معتقدش وان كنت اتمني ان مصر بتعمل ماذر بورد لكرتونة بيض حتي

[m_elkhishin]

معتقدش وان كنت اتمني ان مصر بتعمل ماذر بورد لكرتونة بيض حتي

ده يا فندم فيديو بيبين خط الانتاج اللي بيصنع التابلت والماذز بورد

[youtube]https://www.youtube.com/watch?v=zipdIC-cqaM[/youtube]

[Ahmed_selmy]

انا عايز اقول كلمه صغيره للناس اللى بتقول دا تجميع مش صناعه , و سعره عالى واكيد وحش وكلااااام كتيييير عن التابلت.
اولا: احنا لازم نحمد ربنا على ان بقى فى حاجه بالشكل دا مكتوب عليها صنع فى مصر.
ثانيا: لازم ندعم منتج بلدنا حتى لو مش تنافسى اوى او مفيهوش الميزة اللى تخلينا نختاره هو دون غيره, لسبب انك لما تشترى منتج بلدك حيكون ليه سوق, والتكلفه حتقل, بالاضافه ان الموضوع ممكن يتطور ومادام الانتاج مطلوب يبقى يتفتح مصنع واتنين , وحيكون فيه زياده فى الكفاءة, و حتكون خطوة لفتح باب رزق لناس كتير اوى.
ثالثا: دا اول منتج من نوعه صناعه مصريه , يعنى اول تجربه اكيد مش حتكون المثاليه , لان الشركات الكبيره نفسها بيختلقوا عليها ما بالك بشركه لسه مطلعه اول انتاج من هذا النوع, فلازم الصبر شويه .
ويا ريت بلاش اسلوب تكسير المجاديف, دا اكيد بيسخن , وحتلاقيه بيهنج , التاتش بتاعه اكيد تعبان.....مين قال الكلام دا كله......هو احنا ماينفعش نتوقع غير الحاجه الوحشه.....استنى اما تشوفه وتحكم عليه بلاش اساليب الاحباط دى, لازم يكون عندنا ايمان باننا احسن واننا ممكن نتطور.
اسف على الاطاله , بس دول كانوا كلمتين تعبينى اوى وكان لازم اقولهم.

[bobbozo4b]

هو طبعا زى ماالاعضاء نبهوك لاهم الحاجات
يبقى كويس جدا لو خدت مثال موقع GSMArena.com - GSM phone reviews, news, opinions, votes, manuals and more...
فى التفاصيل والصور ويبقى فى فيديو كمان لفتح العلبه بكامل محتوايتها

[sherif222]

الحمد لله ان بلدنا وصلت لكده ... يا رب مصر دايما متقدمة

[hossam_elwani]

الى الامام ..................

[h_shahin]

حتى التجميع فقط بدون تصنيع مش عيب
لإن التجميع معناه إن جزء من الثمن إللى هندفعه هيروح فى شكل مرتبات و أرباح للعاملين فى التجميع و دى مبالغ بتتدفع بالجنيه المصرى و بيتعاد ضخها فى الإقتصاد المصرى
لكن المتصنع بالكامل فى الخارخ فكل تكاليف إنتاجه بتتدفع بالدولار و بتخرج خارج الإقتصاد المصرى

و أحيانا حجم السوق بيفرض عليك إقتصاديا إنك ما تصنعش بالكامل و تكتفى بالتجميع فقط و إلا مش هتعرف تسوق إنتاجك لإن سوقك هيتشبع
و غالبا الشركات العالمية الأمريكية بتكتفى بالبحث العلمى و حقوق الملكية الفكرية و برائات الإختراع و التطوير و التصميم و العلامة التجارية و بتترك عملية الإنتاج لمصانع فى دول مختلفة زى الصين و ماليزيا للإستفادة من الميزة النسبية لرخص تكاليف الإنتاج فى البلاد دى

العيب مش فى التجميع فى حد ذاته و لكن العيب فى الجمود و عدم التطوير و التجديد لغاية ما المنتج يتجاوزه الزمن زى الـ128 كده

[Mahmoud Nagieb]

شكرا يا جماعة على كل ردودكم ونصايحكم , وان شاء الله هنفذ اللى انتوا عايزنوا

ان شاء الله هتبقى مراجعة كويسة جدا

للعلم هو بس المعاد اتاجل وبقى الثلاثاء اللى جاى علشان كان عندى امتحان فى الكلية

وان شاء الله اول ما اعمل المراجعة هنزلها هنا

ولو فيه اى استفسار انا موجود ان شاء الله

تحياتى

[Karim_Mohy]

متابع

[A.Saad]

يارب يكون كويس بس البطارية فى رأيى هى العيب الكبير ... 4 ساعات شغل مقابل 5 ساعات شحن ... وعلى فكرة مش هو اول تابلت مكتوب عليه صنع فى مصر ... سبقه مجموعة الخرافى بتابلت اسمه telefunken بس بامكانيات اقل بس السياسة الاعلامية هنقول ايه ...

telefunken
الماركة دى شركة المانية مصنعة للاجهزة الاليكترونية