للخبراء : هل كيلو عسل السدر الجبلي يستاهل ١٠٠٠ جنية مصري !!

[Mo3taz Selim]

طيب سؤال للمتخصصين

هل فعلا التركيب الكيميائى او المكونات الخاصه بالعسل الجبلى تختلف عن الأنواع الأخرى من العسل؟ يعنى العسل الجبلى فعلا به مواد تساعد على شفاء أمراض هذه المواد غير موجوده فى الأنواع الأخرى من العسل

أم هو إختلاف مسميات فقط لاغير !!!!؟؟؟؟

[tarekzein]

فى عسل تانى بين البينين

يعنى مش مضروب ومش سدر جبلى

وتأثيره قوى على النشاط العام والمناعه

إسمه عسل صحراوى شبه السدر الجبلى لكن أخف شويه صغيرين

بيتباع فى وزارة الزراعه الكيلو ب150 جنيه

[Y a r i s]

بصراحة
انا زمان كنت اكول العسل واحس كده انوا وقف في بلعومي هيوخنقني ... العسل كنت اكول المعلقه. معرفش استطعم بعديه اي حاجة مسكرة اليوم بحالوا ... بالك انتا. لو كلت معلق عسل مستعد اشرب عشرين كوبايت شاي من غير سكر. عارف ليه لان جزيئات العسل عشعشت على حويصلات لساني

لكن فعلاً العسل بتاع اليومين دول تحس بالفعل زي ما اقل. حبيبي لانوس هيا ميه بسكر .
فين النحلة بتاعت زمان بس يا أخي كانت تعمل عسل بضميرررر ... ده حتى لمن ينقط العسل على هدومي قول يارحمن يا رحيم على القميص يبقى خلاص باااظ ... لو جية شوية عسل على ايدي افضل اغسل ايدي بصابونة زيست بالليمون. ساعه ان العسل يرضى يطلع من ايدي بصراحة بصراحة العسل ابو ٣٩ جنية الكيلوا ده طلع بومبة واونطة يادوبك. بالاسم كده تقول كلت شوية عسل .... وتحياتي

تيجوا نجيب بطرمان عسل سدر ونخمس فيه كل واحد ياخودلوا معلقه انتوا مش وراكم امتحنات برضوا الايام دي ههههه

[dedi]

اهم حاجة تضمنة ازاى داحنا شعب شاطر مافيش حاجة ان ماكناش ضربناها

[islamnabil]

على فكره سعره كده رخيص لو هو سدر يمني اصلي
و طبعا العسل درجات و انواع كتير بس اقدر اقولك انك لو دقت العسل السدر الاصلي حتحس بالفرق فعلا

[Y a r i s]

ههههههههه اذا العسل ب ١٠٠٠ جنية وكده ورخيص
يبقى احنا طلعنا فقره قووووي قووووووي يا خاااااال. هههههه
الواحد بعد كده الي يجيب بطرمان عسل. يتصور معاها. وينزلها على صفحتوا في الفيس ويكتب على الصورة شيريبنا عسل نا نااا ناا هههههه

[prince91720]

عارف ليه لان جزيئات العسل عشعشت على حويصلات لساني

هههههههههههههههههههه حلوه حويصلات لسانى دى
لو عاوز عسل مضمون و مش مغشوش
اشتريه من المكتبات الاسلامية اللى هيا بتبيع مصاحف و كتب دينية
و السعر من 25 جنيه و انت طالع

[karkor30]

على فكرة العسل النضيف من المنحل انا بجيبه ب 25 او 27 بالكتير واحسن 100 مرة من بتاع المحلات لكن العسل الجبلى معرفش بكام بصراحة

[aboomar22]

عسل السدر الجبلى غالى علشان عسل نادر والحصول عليه بيكون صعب لانه بيجى من اعالى الجبال انا كان ليه حظ اتذوقة اثناء عملى فى منطقة فى اليمن وكان هدية لاحد كبار الشركة كان لونة غامق اكثر من العسل العادى ورائحتة اكثر وضوحا وطعمة مميز وقوامة اثقل وبجد تحس انه منتج اصلى لكن المشكلة انك ممكن تدفع الف جنيه وتاخد منتج مغشوش برضه

[horas3000]

هههههه
طب ايه رايك ان في الكويت نزل نوع شاي الكيلو منه ب 10,000 دينار يعني 245,000 جنيه
و انت مستكتر 1000 جنيه في كيلو عسل

جريدة الأنباء الكويتية | قريباً في الكويت كيلو الشاي بـ 100 ألف دينار!