لخبراء البوكس والرياضيين ... هو شوال البوكس ده بيتباع فين في القاهرة !!

[Y a r i s]

السلام عليكم ورحمة الله وبركاتوا
شباب هو منين الواحد بيشتري حجات رياضية او معدات رياضية
وعلشان اكون اكثر تحديداً ... كيس او شوال بتاع البوكس. ده بيتباع فين
ومين افضل الشوال الي بيتعلق في السقف ولا الارضي



ولا الكيس الصغير الي كان بيلعب بيه احمد زكي في فيلم كابوريا ... او فيلم النمر الاسود لمن سافر المانيا واحتراف هناك وكان طالع صبي خراط وبعدين شافوا احمد مظهر وقالوا تعاله ادربك وحب ساعتها بت خواجاية قام اتجوزها ... الى اخر الفيلم
البتاعه الصغيرة الي عاملة زي الكيس بتاع البلعوم كده الحنجرة. (( بس للمالكمة )) اسمها ايه وبتعمل كام وهل هيا احسن ولا الشوال الكبير احسن

بصو زي البتاعه الزرقة الي متعلقه في السقف دي ورى الملاكم



اسمها ايه بالبلدي والاقيها فين وبكام.

@@@@@@@

وتحياتي

[S O P H O S]

طول عمرك مسالم ليه بس العصبية هههههه

[megamoudy]

متابع

[Y a r i s]

وانا بقلب في جوجل. لقيت البتاعه الي عاملة زي حنجرة البلعوم
اسمها.
speed balls



او حتى البتاعه دي



المهم الاقي الحجات دي بتتباع فين باسعار معقوله وشكراً

[Y a r i s]

طول عمرك مسالم ليه بس العصبية هههههه

حبيبي يا بوحميد ده مش ليا
دي علشان خاطر العيال اهو الواد تركي يجيب اصحابوا ويطلعوا فوق السطح مثلاً ويقعدوا يلعبوا حجات مفيدة قدام عيني احسن ما يصيعوا كده او كده وكل شوية بيروحوا عند محل ظلمة قال ايه بيلعبوا بلاي استيشن. والمحل شكلوا مشبوه كده ومش مريحني ومطفي النور كده والله اعلم بيحصل ايه جوا الواحد في الزمن ده مبقاش مطمن الشباب بيبوظو بعض. فربنا يستر وتحياتي :)

[د.محمدعبدالعال]

فيه مول رياضي في شارع شهاب في المهندسين مش فاكر اسمه بالضبط بس هو أمام الملحقية الثقافية للإمارات .. وانت طالع من شارع شهاب في اتجاه شارع البحر الأعظم هتلاقي المول ده على ايدك الشمال ... أكيد هتلاقيه عنده

[Y a r i s]

فيه مول رياضي في شارع شهاب في المهندسين مش فاكر اسمه بالضبط بس هو أمام الملحقية الثقافية للإمارات .. وانت طالع من شارع شهاب في اتجاه شارع البحر الأعظم هتلاقي المول ده على ايدك الشمال ... أكيد هتلاقيه عنده

ايوه اصحيح تكونش قصدك يا دكتور على المحل الي كان مطعم بتاع محمد علي كلاي وبعدين فشل ففتح محل ادوات رياضية .. ايوه صحيح افتكرت المحل ده حتى بالامارة جمب. توكيل فولكس فاجن فتح هناك بس ما اظونش انوا عندوا معدات ادوات رياضيه لان انا لمحت بيبيعوا احذية رياضية. وملابس رياضية فقط عامة بكرة هعدي عليه ابوص بصه لعلى وعسى وتحياتي واشكرك يا عزيزي :)

[canner]

بص يا باشا فى وسط البلد ما بين عابدين و شارع عبد العزيز مليان محلات العاب رياضية و بأسعار رخيصة جدا

[Y a r i s]

بص يا باشا فى وسط البلد ما بين عابدين و شارع عبد العزيز مليان محلات العاب رياضية و بأسعار رخيصة جدا

ايوووه. الله ينور عليك. ... فين بقه بالزبط ياباشا انا عاوز من الحجات الجميلة الرخيصة دي ... حتى علشان الواحد ميجبش حاجة غالية وتتركن. اقوم ازعل قووي عليها وعلى الفلوس الي اترمت في الارض :) وتحياتي

[A.Saad]

بص يا باشا فى وسط البلد ما بين عابدين و شارع عبد العزيز مليان محلات العاب رياضية و بأسعار رخيصة جدا

+++11111

[monamize4]

هههههههههههههههههههههههههههههههههه

يا باشا دمك زى العسل ,, حضرتك تقصد الساند باج sandbag

[speed_magnum]

متااابع

[Y a r i s]

هههههههههههههههههههههههههههههههههه

يا باشا دمك زى العسل ,, حضرتك تقصد الساند باج sandbag

حبيب قلبي تسلملي انا كتبت سند باج على جوجل لقيتوا مطلعلي
صور ديً



اللهم صلي على النبي ادي العيال الي تفرح



اللهم صلي عليك يا نبي. ادي النسوان الي تفرح
بص على الرشاقه بص على الرياضة بص على الجمال والعضلات



بس انا مش فاهم حاجة دلوقتي دي رقصة ولا رياضة
انهم يشيلوا شنطه ويلعبوا بيها .... وهل ياباشا السند باج دي اسم الشهرة بتاعت البوكس الصغيرة
اذا كده ياريت تدلني على مكان اجبها منها :)

[speed_magnum]

حبيب قلبي تسلملي انا كتبت سند باج على جوجل لقيتوا مطلعلي
صور ديً



اللهم صلي على النبي ادي العيال الي تفرح



اللهم صلي عليك يا نبي. ادي النسوان الي تفرح
بص على الرشاقه بص على الرياضة بص على الجمال والعضلات



بس انا مش فاهم حاجة دلوقتي دي رقصة ولا رياضة
انهم يشيلوا شنطه ويلعبوا بيها .... وهل ياباشا السند باج دي اسم الشهرة بتاعت البوكس الصغيرة
اذا كده ياريت تدلني على مكان اجبها منها :)

هههههههههههههههههه
ضحك السنييييييين

[monamize4]

اكتب يا باشا ف جوجل (Boxing sandbag )