لخبراء البوكس والرياضيين ... هو شوال البوكس ده بيتباع فين في القاهرة !!

[M.Elwan]

فى محل ادوات رياضية اسعاره كويسة فى شارع عماد الدين قبل التقاطع اللى قبل غبور علطول على الشمال هو اسمه معروف بس انا نسيته للاسف

[طارق _عبد السلام]

طبعا السيند باج ده ممتاز جدا فى التمرين لانه بيرجع تانى بعد الضربه بصراحه عمرى ما اتمرنت عليه

مش هتحتاج حد يمسكه لك وانت بتتمرن وخلى ضرباتك بقبضه اليد ولازم تكون لابس حاجه فى ايدك علشان ماتصيب مفاصل الاصابع فى القبضه :)

يعنى قلابظات التدريب او اى بينداج ملفوف صح




دى بقى علشان سرعه الضربات والتركيز الشديد فى الضربه بسرعه عاليه

ودى كل الضربات قصيره وذنبركيه

ودى فقط لتدريب السرعه فى اللكم مع التحكم علشان الكره هتسبقك وهيبقى منظرك مش حلو :)

[ahmedteam]

لقيت ادوات من دى فى سبينيز مول العرب

[canner]

ايوووه. الله ينور عليك. ... فين بقه بالزبط ياباشا انا عاوز من الحجات الجميلة الرخيصة دي ... حتى علشان الواحد ميجبش حاجة غالية وتتركن. اقوم ازعل قووي عليها وعلى الفلوس الي اترمت في الارض :) وتحياتي

احتمال ان شاء الله اروح يوم السبت لو لقيت حاجة كويسة و رخيصة ح اقولك

[canner]

بص يا باشا انا سألتلك امبارح و لقيته عند عابدين عامل حوالى 125 جنيه ده طبعا غير القفازات الملاكمة و اخدتلك كارت من المحل و رفعته اهه و بصراحة بفكر اجيب واحد انا كمان

[Dr'AhmZZong]

ياريس بيييييييييه واحشني يا غالي :)

ده يا ريس بيتباع في sports mole في شارع شهاب عندهم هناك كل الانواع ..

و في كمان gloves محترمة عشان تلعب بيهم اسمهم جرين هيل دول محترمين جدا و بيستحملو أي هري ..

و لو عيزني امرنك أنا تحت الأمر أنا بلعب kick box بقالي 12 سنة .. سنة منهم box في نادي الترسنة :) :) :)

[ابو لؤى]

شارع شريف ياباشا محل متخصص فى الادوات الرياضيه

[AboELsoud]

في برضه محل اسمه sport mall هتلاقي فيه كل اللي عايزه
المحل قدام جينه مول - مدينه نصر بالظبط قدام البوابه الرئيسيه

[smartchoice]

أى محل رياضة و لو هتعرف تخرم فى السقف هات اللى بتتعلق لو مش هينفع هات اللى فى الأرض أحسن لو بتدرب لوحدك لأنها مش محتاجة حد يمسكهالك
و السعر تقريبا من 300 و إنت طالع